~MEEJ MOM~

Subject: ~MEEJ MOM~ Tue Feb 23, 2010 2:54 pm

First topic message reminder :

MEEJ MOM

Nyobzoo, cov phoojywg,

Kuv thov caw nej los peb tham txog kev siv yus lub MEEJMOM,
Seb nej txojkev xav thiab qhov nej paub thiab pom ho mus zoo licas.

Peb tham no tsis yog yuav thuam ib leej tus twg,
tabsis yog peb sibpauv tswvyim kom muaj kev kawm,
kev sibqhia txog kev siv yus lub meejmom xwb.

Kuv tsis noj leejtwg nkaub, tsis tuav leejtwg npe,
yog kuv ho hais siab nej leejtwg lawm los thov zamchim rau kuv thiab.

Subject: Re: ~MEEJ MOM~ Fri Aug 06, 2010 11:28 am

Npauj Npaim, Nujqiam, thiab Nkauj Nyiag......

Muaj ib lo lus hais tias "PEB UA NEEJ NYOB IB LEEG TWG MUAJ 2 LUB CEV" yog koj tsis ua zoo xav koj yuav xav tias kuv tsuas muaj ib lub cev xwb, tab sis qhov tseeb tiag peb txhua tus yeej muaj 2 lub cev tias. Cia kuv tshab txhais lo lus no kom meej rau peb tau kawm thiab coj mus xav seb nej sawv daws xav li cas.

Peb lub cev uas niam txiv muab pub rau peb ntawd txawm yuav rog, yuag, siab, thiab qis los peb yuav kho tsis tau lawm tab sis peb tshuav ib lub cev uas peb nyias yuav tau txua nyias tus kheej ntawd. Lub cev no peb xav kom zoo li cas peb yeej yuav txua tau nws zoo nkaus li ntawd ntag, yog hais tias koj nyiam kom zoo koj ua tib zoo txua nws yuav tau lub me ntsej muag zoo nkauj zoo nrag heev uas leej twg tau pom lawm los yuav nyob hauv nws nruab siab tsis ploj mus ib sim li. Hos yog koj ho tub nkeeg txua lam txua lwj txua liam los yeej yuav tau lub me ntsej muag uas caws tas thiab khis ncauj khis ntswg ua lwj ua liam li thiab.

Yog li ntawd qhov no thiaj txhais tau tias lub "MEEJ MOM" uas koj xav tau koj yuav tsum tau coj ib tug yam ntxwv kom zoo txaus neeg nyiam nyob los kom luag hlub tuag los kom luag nco. Li no xwb tiag lub "MEEJ MOM" na.