Continue.....Part7 yog tsis yog mam pauv # ov ywjsuab.
Hnub ntawv ywjsuab thiab nagtshia kuj ncig 1 hnub yuav luag tsaus ntuj.Ua rau nagtshia mob taw lawm .Vim nagtshia rau khau luj siab .yog li thaum nkawv yuav rov los tsev .YwjSuab kuj tau puag nagtshia mus kev thiab nqa qee yam khoom uas hnub ntawv khawv yuav .Txawm nkawv twb ncig 1 hnub mob ceg tag los .Nagtshia twb tsis tau xav ncaim ywjsuab los tsev li.ywjsuab thiab nagtshia nkawv ke taug kev ke tham hais tias .ywjsuab hnub no ntshe yuav sab koj heev.Vim tias khoom los koj nqa kaus los koj nqa .koj tseem hai nagtshia ntxiv thiab.nagtshia muab koj zias mob ceg tag lawm.Hmo no ntshe koj sab heev lawm.koj mus es hmo no koj txhob tuaj saib kuv lawm mog.es wb teem tag kis 8moo AM kuv mam tuaj ntsib koj tim choj pas dej npawv.Vim tias kuv nyob kiag ntawm ntug pas dej xwb .Ywj suab ua ntsej muag ntshaus kiag rau nagtshia.ywj suab tias nagtshia.koj xav kom kuv txhob tuaj es?? ywj suab tsis hais lo tov ntxiv lawm .Nagtshia kuj teb tias ywjsuab...Tsis yog nag.koj tab tom xav dab tsi no?ywjSuab tias ..Me nagtshia.koj hloov siab lawm los cas tsis pub ywjsuab tuaj no?nag tshia tias ywjsuab tus neeg kuv hlub,wb sib caum ntau hnub no es koj tseem tsis tau ntseeg nagtshia ntag?.ywjSuab teb nagtshia tias nagtshia''.tsis yog li koj.kuv ntshai tsam? .. Continue....#.8
[i][i]Yog mas NagTshia cas es zoo li hnub ntawv yuav luv ua luaj li ncig ib hnub nrog NagTshia los twb tsis tau txaus siab lub hlub hnub twb yuav paub qho ni zoo li ib pliag rau YwjSuab xwb. YwjSuab lub ncauj tsis hais los nplooj siab ni tshum tshum lub ntswg, YwjSuab yuav tsa lub ncauj hais los zoo li twb tau nrog lawm NagTshia ncig lawm ib hnub tav li no tus duab tshav twb ntab rau tim lub roob vib nais lawm txawm hais no ntshe xyov NagTshia ho yuav xav li cas rau YwjSuab thiab. NagTshia koj puas paub thaum YwjSuab hnov dheev NagTshia cheem YwjSuab kom txhob tuaj cuag NagTshia rau hmo ntawv ua rau YwjSuab nplooj ntsws seev yees nrog rau tej me nplooj mhab nplooj ntau. Nplooj siab mob ib zag ib zag zoo yam li tus pos chob tob tob hauv nruab siab tawm tuaj lawm xwb ua pa pas hlo rau pa hau. Hmo no YwjSuab tsis tau hnov NagTshia lub suab luag lawm xyov YwjSuab yuav pw li cas es thiaj li yuav tsaug tau zog. Tsawg tus me kab quaj los YwjSuab hnov txhij, tsawg tua me noog kau los YwjSuab tau hnov mus txhua, tsawg tus me nas khiav los YwjSuab tau hnov tas nrho. Hmo ntawv cas lub hli yuav tawm tau ci zoo nkauj ua luaj li, pom cov me hnub qub ntshais pes tsias ua rau YwjSuab nplooj siab laim pes txias tuaj cuag NagTshia. YwjSiab pw los dab ntub tsis tuaj YwjSuab thiaj li nthos nkaus lub teeb nyem pem hauv ncoo sawv tses rau khau kiag taug kev ntsees tuaj txog rau ntawg NagTshia lawv tsev uas yog qhov chaw uas YwjSuab ib txwg sawv nrog NagTshia tham. Hmo no cas cua yuav tuaj txias zias, NagTshia lub tsev tsaus ntuj nti lawm xwb hnov dev tsem tsem nrog tau cov kab cuas lev quaj zom pes zaw nram qab tsib taug tuaj. YwjSuab twb xav hais tais tsa kiag lub ncauj hu kiag seb NagTshia puas tau tsaug zog los tseem tsis tau. YwjSuab ho xav zoj hais tias NagTshias twb tau hais lawm tias NagTshia ncig ib hnub no sab sab lawm yuav sov. YwjSuab sawv sawv mloog mloog ib pliag ces YwjSuab thiaj li ua ib siab rov los tsev lawm txawm mus zaum no tsis tau ntsib NagTshia los twb tau ncig rov tuaj txog rau NagTshia tej me chaw ncig xwb twb zoo zoo lawm YwjSuab siab rov los pw lawm. YwjSuab laj pw txog kom kaj ntug pw ua khauj khuav ib hmo nkaus. Tag kis ntawv qaib qua thawj tsig ces YwjSuab sawv mus kwv dej tsuag tsuag puv hub tag thiaj li tau kev tuaj ntsib NagTshia, thaum pom kev huv si ces YwjSuab nplooj siab kub luag tuaj nyob tos NagTshia rau ntawm tus choj pas npawv uas NagTshia tau teem tseg ntsia ntsoov rau lub pas npawv mus rau tim lub roob kaum npaj.
Subject: Re: YwjSuab thiab NagTshia Tue Jun 25, 2013 7:10 am
Tag kis ntawv cua tuaj txias zias, YwjSuab saib mus rau tim tej toj roob ua iab oo tsawv, lub hnub pib tawv tim hauv roob vib nais tuaj. YwjSuab ntsia ntsoov mus tau txoj xub kev seb thaum twg NagTshia mam li tuaj. Nyob rau hauv YwjSuab nruab siab xav zoj hais tias ab….hnub no NagTshia yuav hnav khaub ncaws hmoob los yog khaub ncaws lwm yam ne yom. Lub sib hawm ntawv YwjSuab lub nplawv ntoj dhia ceev ceev ua li cas lub sib hawv yuav dhia qeeb ua luaj li ib na thi twb zoo yam li ib xaub moo rau YwjSuab lawm ua cas yuav laj tos tau pom NagTshia seb nws tuaj tau lub ntsej muag luag nyav los yog lub ntsej muag dub txig. YwjSuab ni muab ib lub pob zeb ntsia dhau lawm ib lub, saib ib tsob ntoo dhau lawm rau ib tsob, saib lub pav dej npawv nyob teeg teeg tus tus zoo li tsis muaj cua tuaj li tiam sis ntawm YwjSuab mas cua nplawm txias zias xwb ua rau YwjSuab ib ce tshee na. YwjSuab xav zoj tias kheev lam muaj NagTshia nyob ntawm no ntshe NagTshia twb yuav nrog ntis lawm ib nthwv cua ces twb yuav sov lawm YwjSuab cev ib vuag. Tib pliag ntshis xwb ciav YwjSuab txawm pom dheev ib tug neeg kwv ib lub kaus xim liab taug kev nraim tuaj tim xum plaub qab taw roob pas npawv tuaj, tuaj tau tus me neeg ntxim nyiam siab ntshuas ua rau YwjSuab lub plawv dhia pig poog pig poog thov kom yog NagTshia xwb nawb. Thaum tuaj txog ze zuj zus es pom tseeb lawm ces ua ciav yog NagTshia lawm tiag ua rau YwjSuab zoo siab heev, thaum tuaj ti nkaus ces YwjSuab txawm hu hais tias yog koj lov NagTshia koj puas paub hais tias kuv mas laj tos tau pom koj kawg li tiag tiag os cuag li kuv txoj pa yuav tus lawm tiag tiag ho NagTshia. NagTshia na nag hmo koj pw puas tsaug zog li os hos ntawm kuv mas pw tsis tuaj ib tug dab ntub li xav ntsoov txog koj, xav hnov koj lub suab luag, xav pom koj thiab xav nyob ze tas li xwb tiag. NagTshia koj mas siab phem heev li os yom nkauj hmoob siab dub tsis pub kuv tuaj cuag koj nag hmo mas cuag li koj muab kuv coj mus kaws rau haus ib lub tsev tsau ntuj tsis pom lub hnub lub hli li os. Kav liam los NagTshia nag hmo twb tau dhau mus lawm ces 8 tham ntshe kuv 8 yuav chi heev xwb vim txoj kev nco koj heev lawm xwb os. Hnub no koj puas sab thiab puas mob koj taw lawm os NagTshia? Koj puas tau noj tshias? Hnub no koj xav mus ncig qhov twg los yog mus rau lub tshav pob twg?
Subject: Re: YwjSuab thiab NagTshia Thu Mar 06, 2014 9:46 am
Hnub no rov ua rau YwjSuab lub hlwb tig mus rau yav tas los uas muaj ib hmos qaim hli nrig, muaj hnub qub nyob mus puv ntuj, lub ntuj nyob tau hu si tsis muaj ib thooj huab li thiab cua tuaj txias zias. NkaujNagTshia tau mus ev dej tab sis nyob rau hauv NkaujNagTshia nruab siab muaj ntau yam txhov nyho es tsis pom qab yuav piav tau ces ib ke ce dej ib ke xav hais tias: NkaujNagTshia yog vim li cas? Koj niam koj txiv yug koj los tau 15 lub xyoo no, yog thawj zaug uas pom YwjSuab xwb es txawm siv ua rau NkaujNagTshia lub siab dhia pig poog cuag li lub siab twb yuav tawm los, noj los tsis hnov qab, pw los kuj tsis tsaug zog es zoo nkaus li sam sim NkaujNagTshia twb ciaj ua tau ib thwv huab dawb nyob siab heev rau puag tim npoo ntuj saib rov los rau hauv ntiaj teb ua rau NkaujNagTshia zoo siab kawg es pom tau lub ntiaj teb zoo nkauj heev thiab kuj ho muaj ib qho uas ua tau rau NkaujNagTshia tau ntshai tshaj plaws li thiab. Yog hias tias tau pob ntshe kawg tuag xwb, yuav tsis muaj txoj kev los cawm tau txoj sia rov ciaj li, NkaujNagTshia lub siab nyob tsis tus li xav ntsoov txog YwjSuab lawm xwb. NkaujNagTshia rov qab xav hais tias NkaujNagTshia yog koj tab tom vwm lawm tiag lod, ua cas NkaujNagTshia lub thoob dej twb tau puv lawm mam li saib no NkaujNagTshia lub thoob dej twb tau phwj tag ces NkaujNagTshia thiaj li tau muab lub tshob coj los daus dej ntov pov tseg kom tsis txhob puv puv tso mam li tsawv ev los tsev. Lub sib hawm ntawd NkaujNagTshia tsis nco qab saib qhov twg li vim NkaujNagTshia lub hlwb pheej tseem nyob nrog YwjSuab ces cia li muab dej daus ntov pov tseg tsuag tsuag xwb ua li cas ho tsis hnov cov dej poob mus ti av li ces cas ho hnov ib lub suab hais tias: NkaujNagTshia kuv ntub dej tag lawm. NkaujNagTshia tau ceeb ib plhaw mam li tsa qhov muag tib zoo mus saib no ua ciav yog YwjSuab. Aub! Thov txim os tus nus....YwjSuab, kuv tsis ua twb zoo saib es tsis pom koj kuv thiaj li tau ntov dej ua rau koj ntub tag lawm.
YwjSuab me neeg txhoj puab ,Rov tuaj lawm los,Mus ntev ua luaj,NagTshia tos tos lub siab vwm tag lawm os,Zoo siab nws rov tuaj khee wb zaj dab neeg sau cia mog,Cia nws sau xwb nws yeej meem sau kom tag wb txoj kev hlub tshua uas wb nyob vinai tso cia ua 1 zaj lus cim tseg,Hnub twg yog wb tsis sib ntsib lawm los wb tshuav zaj dab neeg no ua pov thawj,Lwm tiam wb thiaj rov los sib nrhiav tau nawb YwjSuab,Koj rov piav wb zaj dab neeg ua rau kuv rov tig mus pom yav ntuj thaum ub wb nyob lom zem rau wb lub qub zog,Thiab rov pom YwjSuab ua zim zoog xws li yuav muaj tiag,Ua rau NagTshia kua muag rov poob dua lawm os,Zoo koj tseem nco tau zoo dua li nagtshia ces cia koj sau 1 leeg rau nagtshia nawb mog,Es ua tsaug ntau ntau nws lub me sij hawm uas tuaj sau dab neeg nawb sib ntsib dua me nraug YwjSuab tus dai siab .....e"