Subject: Re: YwjSuab thiab NagTshia Fri Mar 07, 2014 6:01 am
NkaujNagTshia......cas es koj siab yuav phem ua luaj li na lod. Koj puas paub hais tias lub zos VibNais twb tsis muaj neeg nyob lawm es koj cia kuv ib leeg tuaj nthua xwb ntshe YwjSuab yuav ntshai ntshai o miv pob.....hahaha. NkaujNagTshia a.....cas es koj yuav ua tau lub kua muag ntws sis li ko ntxim hlub ua luaj li na. Koj ua lub kua muag poob li ko ua rau kuv rov nco txog lub caij thaum wb nyob VibNais es wb yuav ncaim tuaj rau USA es koj tau ua lub kua muag tau poob ntxaum li ntxiav rau saum lub roob 10 npaj tiag....
Subject: Re: YwjSuab thiab NagTshia Fri Mar 07, 2014 6:21 am
NkaujNagTshia….koj tab tom xav txog dab tsi es koj lub thoob dej twb tau phwj tag lawm los koj twb tseem tsis nco pom thiab koj twb tau ntov dej ua rau kuv ntub tag lawm los koj tseem tsis nco pom kuv. Kuv saib koj mas koj zoo nkaus li koj muaj kev nyuaj siab heev li yog koj muaj tus xwm txheej dab tsi nyob rau hauv koj nruab siab es koj ho hais qhia rau kuv thiab puas yuav tau nab NkaujNagTshia? Hos hais txog nyob li rau ntawm kuv ces twb yog hmo no kuv pw tsis tsaug zog li, kuv tau hnov koj sawv ntxov heev los ua tshais lawm kuv thiaj li txhob txwm lawv koj qab tuaj nrog koj nqa dej xwb. Tus nus YwjSuab….kuv thov txim ntau ntau nawb uas kuv tau ua koj ntub dej tag lawm na. Kuv tseem tab tom xav hais tias tej zaum yog kuv tau vwm lawm los tsis paub. Xyov li tiag tus nus YwjSuab, yog vim li cas txij li thaum kuv tau paub koj los txog rau tam sim no ces kuv cia li tsis paub kuv tus kheej li lawm xwb os. Zoo nkaus li kuv muaj kev zoo siab heev li lawm, tab sis kuv kuj ho muaj txoj kev ntshai heev li thiab tiag es tsis paub yuav piav tau li cas li lawm os. Ua li koj ne ho pw tsaug tsis taus zog lod es ho yog vim li cas thiab koj hais qhia rau kuv puas yuav tau? NkaujNagTshia….ntawm kuv los kuj zoo ib yam li ntawd koj kom rau kuv thiab tiag, kuv niam thiab kuv txiv nkawv yug tau kuv los muaj 17 lub xyoo no yog thawj thawj zaug uas kuv lub siab nyob tsis tus zoo li no thiab. NkaujNagTshia….koj tsis txhob muab kuv hu ua tus nus no lawm os, koj cia li hu kuv lub npe kiag lawm xwb. Zoo nkaus li kuv cia li nyiag nyiam koj lawm sub tiag NkaujNagTshia, tab sis xyov koj puas tau muaj tus hlub thiab xyov koj puav yuav nyiam kuv? NkaujNagTshia….zoo nkaus li kuv lub siab cia li tsis xav ncaim ntawm koj mus li lawm, xav hnov koj lub suab, xav pom koj, xav nrog koj tham thiab xav nyob ze ze ntawm koj lawm xwb. Kuv twb tau paub koj tau li 12 hnub no lawm es zoo li kuv nyob rau ntuj ceeb tseej lawm xwb, tab sis kuv xav paub hais tias seb koj puas kam nrog kuv txuas lus.
Subject: Re: YwjSuab thiab NagTshia Fri Mar 07, 2014 10:28 am
NkaujHnubQub a.....puas yuav muaj tseeb li koj hais mas lod. Tus tub hauv ces twb yog kiag YwjSuab ntag los mas ces cia li pab hlub kiag YwjSuabxwb os nawb....hahaha....j/k. Zoo siab uas koj tuaj tsham thaib tuaj nrog mloog zaj neej neeg no nawb.
Subject: Re: YwjSuab thiab NagTshia Fri Mar 07, 2014 10:38 am
YwjSuab….yog hais txog ntawm tus hlub ces kuv tseem tsis tau muaj os nawb, tiam sis yog phooj ywg xwb no ces kuv muaj tus puav lawm thiab mas. Ntawm kuv tus kheej ces yeej tsis xav kheev koj nrog kuv txuas lus li os yeeb vim kuv tseem tsis tau paub tab txaus, tab tsis zoo nkaus li kuv los kuj swm koj cov lus heev lawm thiab xav nrog koj txuas lus ua si lawm thiab tiag. Ib qho ntxiv thiab mas twb yog kuv ntshai lawm ruj rwg hais tias nyob tsam muaj ib hnub twg uas kuv ho swm koj heev lawm es tseg tsis tau koj lawm ces koj ho tsis rov qab tuaj nrog kuv txuas lus ua si ntxiv lawm ces ho ua rau kuv nco nco thiab tos tos koj xwb. NkaujNagTshia….yog koj nyob es ho tsis pom kuv rov qab tuaj cuag koj lawm no ces twb yog hauv lub ntiaj teb no tsis muaj YwjSuab nyob lawm xwb mog. Yog hais tias YwjSuab tseem muaj txoj sia nyob no ces NkaujNagTshia yeej yuav tau pom YwjSuab tuaj cuag NkaujNagTshia xwb os. NkaujNagTshia nco dheev txog cov zaub mov nyob rau hauv tsev ces NkaujNagTshia thiaj li hais tias YwjSuab….yog muaj tseeb tiag li koj tau hais ces haj yam zoo xwb tiag es cia wb rov qab mus xyuas zaub mov tso nyob tsam ho kub nyhiab tag lawm ces kuv niam cem yom. YwjSuab thiaj li tau nqa NkaujNagTshia thoob dej ces nkawd taug kev ua ke rov qab los tsev lawm. Thaum nkawd ob leeg los txog rau ntawm NkaujNagTshia lawv tsev lawm ces YwjSuab kuj tau ncaim NkaujNagTshia rov qab mus tsev lawm tus me dai siab dhuam, hos ntawm NkaujNagTshia los kuj nyob tau tus me neeg kho siab khuav. Txij li hnub ntawd los lawm ces YwjSuab thiab NkaujNagTshia nkawd txoj kev hlub tau loj zuj zus tuaj lawm, txawm yog hais tias YwjSuab thiab NkaujNagTshia nkawd ib leeg yuav nyob rau ib qho los YwjSuab yeej tuaj cuag NkaujNagTshia nraim yam uas tsis tu ncua li rau tim 04 qaum pas npawv.