Subject: Re: YwjSuab thiab NagTshia Mon Mar 10, 2014 6:20 am
Thaum ntej uas YwjSuab tsis tau ntsib NkaujNagTshia mas YwjSuab yog ib tug neeg luag ntxhawv ntxhi thiab tham lus heev, tab sis ua li cas txij ntua li thaum YwjSuab tau paub NkaujNagTshia tag los ces zoo nkaus li YwjSuab nyuaj siab tas mus li lawm xwb thiab tsis tshua tham lus li yav tag los lawm. Muaj ib hnub YwjSuab thiab YwjSuab ib tug phooj ywg muaj lub npe hu ua 8tos8nco uas yog NkaujNagTshia ib tug nus nkawv kawm ntawv ua ke nyob rau nraum (nab xum) uas yog nyob ntxee lub roob 10 npaj sab nrauv nkawv tau lawb ntawv ces nkawv txawm taug kev ua ke los mus tsev. 8tos8nco thiaj li tau nug YwjSuab hais tias: phooj ywg kuv saib koj mas txij li thaum koj tau tuaj xyuas kuv rau tim peb zos 04 qaum pas ntawv tag ces koj cia li txawv lawm hov ntau. Yog muaj tus teeb meem tus dab tsi lawm tiag na phooj ywg? Tsis yog koj tuaj pom cov hluas nkauj nyob rau tim peb tag ces koj txawm nyiag nyiam lawv lawm es koj thiaj li zoo li ko. Kuv twb yeej xub hais qhia rau koj paub lawm hais tias nyob rau tim peb lub 04 ntawv mas muaj cov hluas nkuaj zoo nkauj heev coob tus li no ne. 8tos8nco txawm ntau ib teg YwjSuab rau ntawm xub pwg thiab luag ib suab nrov nrov. Aub! Yog koj raug neej ntxaug hluas nkauj yuj tau lawm xwb puas yog nab YwjSuab? Thaum koj tuaj ntawv kuv es kuv twb tau pom ib cov hluas nkauj mas kuv saib lawv zoo li lawv los kuj nyiam koj heev. Yog hais tias tej teeb meem hluas nkauj no xwb ces tsis txhob txhawj kiag li nawb, koj yuav nyuaj siab ua tus neej tsi na phooj ywg? Yog thaum twg koj xav yuav tus twg lawm tiag ces kuv mam li pab koj xwb los mas, kev ua phooj ywg nyob ces vam tej nyuag ntub ntu zoo li no xwb tiag es kuv yeej yuav pab kom tau xwb los mas. Ntshe tsam ho tsis yog kev hluas nkauj ua rau koj muaj kev nyuaj siab xwb lau? Yog hais tias koj tuaj tuaj tim peb zos es tab ua rau koj pheej ua tus neeg nyuaj siab li ko xwb ces kuj ua rau kuv nrog txhawj koj heev li thiab tiag. Phooj ywg 8tos8nco….kuv ua koj tsaug ntau uas nej lub zos 04 loj muaj tej muam zoo zoo nkauj ntxim ntxim hlub nawb. Kuv zoo siab kawg nkaus li thiab ua tsaug rau koj cov lus txhawb kuv dag zog mog. Koj tsis txhob txhawj txog kuv os, hais txog qhov uas tau nyiag nyiam hluas nkauj ntawv ces yeej muaj tseeb tiag los mas phooj ywg 8tos8nco. Tab sis ntshe koj yuav tsis zoo pab kuv yeeb vim tus kuv nyiam ntawv ces twb yog NkaujNagTshia ntag. 8tos8nco tau ua lub ntsej muag ntshau ntshi teb rau YwjSuab hais tias: hais txog ntawm tus muam NkaujNagTshia, nws yog ib tus ntxhai uas peb sawv daws hlub nws heev. NkaujNagTshia yog ib tus ntxhai siab dawb siab zoo heev, nquag ua noj ua haus thiab yog ib tug ntxhais toj siab es kuv tsis xav kom leej twg ua rau nws mob siab. YwjSuab….yog koj ho nyiam NkaujNagTshia thiab hlub NkaujNagTshia tiag no koj mam li mus ntsib nrog nws txuas lus mus ntxiv, yog hais tias koj ho paub tsis tseeb rau koj tus keej no ces tsis txhob mus ntsib NkaujNagTshia lawm nawb. Phooj ywg 8tos8nco….yog hais tias kuv paub tsis tseeb no ntshe kuv twb yuav tsis hais qhia rau koj paub es kuv thov koj tso siab tau rau kuv nawb. Kuv yuav tsis ua kom NkaujNagTshia tau txais txoj kev nyuaj siab.
YwjSuab.Ua tsaug os Koj sau tau zoo kawg li mog.NagTshia Yeej nco nco YwjSuab wb yav ntuj qub qab li os .Txhua kauj ruam txhua txoj lw taug thiaj txhua tham chaw uas nagtshia nyob nrog ywj suab tseem nyob nagtshia lub siab tsis ploj mog.Tseem nco tau thaum thaib tuaj ua nam tim tshav npas es wb nqa tog nqa lev mus zaum saib nagtshia zaum ti ti ywjsuab 1 sab mloog ywjsuab lub heart dhua pig poog pig poog hehe JK Nco koj na ywjsuab ...Kav tsij sau kom tag ua 1 zaj dab neeg cia tsam ces ?
Hehe mus lawm os sib ntsib dua YwjSuab...................
Lub sib hawm kuj tau dhau mus lawm 2 lub xyoo, NkaujNagTshia thiab YwjSuab txoj kev hlub tau loj thiab zoo heev tuaj nrog rau txoj kev kawm ntawv los kuj yuav tiav lawm zuj zus thiab. Tshuav tsis ntev lawm xwb ces YwjSuab twb kawm ntawv tiav lawm, tsuas tshuav li 6 lub hli ntxiv lawm xwb ces YwjSuab twb kawm ntawv tiav. Tom qab ntawd ces YwjSuab thiab NkaujNagTshia nkawd yuav tau los sib sau ua txij ua nkawm nyob noj ua ke mus tag ib txhis. YwjSuab thiab NkaujNagTshia txoj kev cia siab thiab lub hom phiaj ntawm nkawv lub neej loj thiab zoo heev, zoo yam li thaj teb uas twb tau mus luaj tiav tag, cog qoob cog loo rau es qoob loo twb tuaj zom zaws lawm, pom qoob loo loj lawm zuj zus tuaj, qoob loo hlob tau me nplooj ntsuab xub xiab, thaum cua tuaj ib nthw dhau ces ua rau cov me nplooj laim txias mus puv roob hav, nkawv tau zoo siab twj ywb ywm tuaj rau nruab siab hais tias nyob rau xyoo no mas yuav tau qoob loo ntsu heev li los yog yuav tau ntau heev, kev noj haus yuav tsis txhawj, yuav txaus noj mus thawm nyiaj thawm xyoo. Yog li ntawd YwjSuab thiab NkaujNagTshia ntseeg tau ntawm nkawv txoj kev hlub thiab nkawv txoj kev ntseeg ua rau nkawv muaj txoj kev cia siab, txawm hais tias YwjSuab thiab NkaujNagTshia yuav maj npaum twg los sib sau ua txij ua nkawm los nkawv thiaj li uv rub lub siab ntev kom txog rau thaum YwjSuab kawv ntawv tiav kiag tso.
Home 
Calendar
