Subject: KHAWS TSEG UA DAB NEEG Thu May 08, 2014 10:26 am
First topic message reminder :
CIA KUV MAM KHAWS KOJ TEJ LUS ZOO CIA UA IB ZAJ DAB NEEG
NtsujPLig....Nagtshia Nco tau txhua yam kuv ua npau suav 1 zaug wb mus taug 1 tug dej kuv mus de nplooj ntse los cug dej rau koj haus kuv npleem pob zeb kuv ntog tsoo kuv roob qheb mob heev li, koj tau hlais koj txoj hlab si los qhwv. Koj hais tias Kuv twb kom cia kuv mus de nplooj es koj pheej txeeb mus koj thiaj ntog sab ua luaj. Koj muab kuv nqa mus tso ntawm 1 thaj chaw av xuab zeb kuv pw pheeb lub pob zeb koj puag kuv cia kuv khooj ntawm koj xub ntiag dhau li kuv cia li tsim los lawm.
Puas yog koj puas nco tau lub sij hawm ntawv koj puas muaj zaj dab neeg no nrog koj tiam tag los. Oh....tsis nco lawm koj hais tias koj xav hnov kuv tshuab ncas rau koj mloog. Txhua zaus thaum kuv tshuab ncas koj cia li qe muag tsaug zog ntawm kuv 1 sab. Kuv nco koj heev li os tab sis nws yog tiam tag los hauv npau suav xwb nws yog npau suav na ntsujplig...
Ua tsaug koj zaj ncas zoo kawg li mam kaw cia mloog ntsoov seb puas muaj me kab npauj kab xi quaj. Mam mloog seb koj puas nrog me cua moj lwg ya tuaj
NkaujNagTshia.........
Last edited by Ntsuj_Plig on Thu Mar 31, 2016 2:26 am; edited 29 times in total
Subject: Re: KHAWS TSEG UA DAB NEEG Thu Feb 17, 2022 6:13 am
Nyob zoo davdub
Zoo siab ntsib koj nawb, kuv los tseem nyob zoo thiab. Hais txog paj qaum ntuj ces kuv ib txwm txiav txim siab thaum pib los tsis ua. Vim kuv lub hom phiaj tuaj teb chaws no yog xav coj kuv cov me nyuam tuaj hloov lub neej, kuv tsis ntshaw pob nyiaj uas tsis dawb huv os. Kuv txom nyem los cia kuv cov me nyuam tau zoo xwb ntshe yuav zoo dua lawm. Koj tej me nyuam cov lus los yeej tsis yuam kev nawb, txhawm rau lawv lub neej zoo dua qhov kom koj muaj ib pob tam sim no mog.
Subject: Re: KHAWS TSEG UA DAB NEEG Thu Feb 17, 2022 6:15 am
Nyob zoo Nagtshia,
Cas koj cia li ploj mus lawm hnov tias koj mus khwv nyiaj tau ntau heev lawm no xa me ntsis tuaj rau davdub wb yuav pib tuaj saib koj nawb. Tiam no nej txawm yuav ua neeg nplua nuj tiag los? Nco ntsoov rov tuaj nyeem koj zaj dab neeg saum no ma cas koj tsis nco qab lawm ne??
Puas yog tias ntu no tsuas npau suav pom nyiaj lawm xwb, tsis nco qab npau suav mus nrhiav tus neeg hlub koj tiam tas lawm na? nco ntsoov rov mus sau ntawv rau tej pob zeb pob tsuas ma, tsis ntev xwb lub zim txwv twb los yuav txog neb twb yuav tau sib ntsib os. Tab sis yog koj mus ua neeg nplua nuj lawm ntshe nws yuav txaj muag heev rau koj, txawm ntsib los ntshe yuav yuav nkaum lawm xwb lau.
Subject: Re: KHAWS TSEG UA DAB NEEG Thu Feb 24, 2022 10:42 am
Nyob zoo Davdub
Puas yog Nkaujnagtshia neb nyob ua ke ib lub zos na? Zoo li koj paub nws zoo heev puas yog? Tau ntsib no qhia rau nws tias kom nws ho tuaj nrog wb tham ua si thiab no os. Nws mob li cas na? Paub no qhia kuv thiab nawb txhawj txog nws thiab hos.