Subject: Xav ua sponsor tos ib tug ntxhais Mon Feb 23, 2015 6:40 am
First topic message reminder :
- Xav tau ib tug ntxhais hnub nyoog txij li ntawm 10 mus rau 15 xyoos tuaj ua ntxhais vim tsis muaj ntxhais yau lawm thiab txawm yog tias yuav nyob Nplog teb, Thaib teb, Nyab Laj teb, Suav teb, los yog Koslim teb los kam tos tab tib si vim xav tau ib tug me ntxhais hluas uas yog me nyuam ntsuag tsis muaj neeg hlub tiag vim xav txhawb thiab pab ib tug me nyuam ntsuag lub neej kom hloov pauv mus ib theem.
- Yog koj muaj cov ntxhais ntsuag uas tseem poob rau txoj kev txom nyem no tham qhia paub es wb nkawm niam txiv txaus siab yuav ua niam qhuav txiv qhuav (Sponsor) tos tuaj ua wb tus me ntxhais.
Subject: Re: Xav ua sponsor tos ib tug ntxhais Wed Feb 24, 2016 1:58 pm
Ntsuj_Plig, cav kuv es kuv yuav cuav xwm ua luaj tseem tsis nco qab khaws nws tus xov tooj lawm ces ntshe kuv rov mus nrhiav tsis tau nws lawm ne.
Tus me ntxhais no yeej ntxim hlub kawg nkaus li os vim nws zaum ntawm lub tog khau tsis muaj rau, pom ib rab riam xeb xeb nyob ntawm nws ib sab ntshe yog rab riam nws nej hnub siv ua ntxhais ua hmo, pom ib tug aub dub dub pw ntawm nws ib sab zov nws, pom nws lub hwj kais qub qub dhaub dej haus, thiab pom nws lub kawm ncau qub tag lawm khuam tim ib sab tsev mas cas yuav hlub nws ua luaj.
Kuv xav tau lawm hais tias nyob li peb no yuav tsum tau npaj ib qho nyiaj mus yuav ib co teej tug rau nws tau siv thiab ho pab mus yuav xyoob ntoo los ua ib lub tsev rau nws nyob, ua ib lub hoob nab rau nws tau siv, thiab yog muaj nyiaj txwm peem mas yuav tau mus ua ib lub qhov tshij dej haus txhawv tawm los rau lub zos ntawm tau haus kom lawv tej me nyuam loj dhia rhees nyob zoo nkauj zoo nraug ua lub neej nyob tos Hmoob-Meskas yuav rov mus saib lub teb chaws Nplog.
Last edited by 8tos8nco on Thu Feb 25, 2016 11:32 am; edited 1 time in total
Subject: Re: Xav ua sponsor tos ib tug ntxhais Thu Feb 25, 2016 10:37 am
8tos8nco....
Yog li txhais tias koj twb tau ntsib tus ntxhais no lawm los? Yog koj twb tau nws tus xov tooj cas thiaj tsis khaws thiab tsis hlub nws ma? Kuv xav tias tej tus me ntxhais txom nyem ntxim hlub li no yog kuv tau pom lawm txawm yuav ua tsis tau dab tsi rau los yuav muab 2-3 $$ pub rau nws mus yuav ib txhais khau rau thiab noj ib pluag mov kom ho tsim nyog nws los yug ib zaug rau lub ntiaj teb no.
Kuv xav tias koj kuj ua ib yam li ntau xyoo dhau los lawm uas peb cov tswv cuab hauv Hmongza tau pab nyiaj mus pub rau cov neeg txom nyem nyob thaib teb. Lub sij hawm ntawd kuv los kuj yog ib tug tau pab me ntsis thiab tab sis kuv saib mas lawv cov neeg ntawd twb tsis txom nyem npaum tus me ntxhais no. Cia koj nrhiav kom tau nws dua es tshaj tawm rau peb cov phooj ywg hauv no, peb mam ib leeg pab ob - peb dollars mus ua dej siab rau nws ma.
Subject: Re: Xav ua sponsor tos ib tug ntxhais Thu Feb 25, 2016 10:51 am
Ntsuj_Plig, thaum kuv tuaj nyeem koj kab post tag ces kuv mus nrhiav tau nws nyob hauv Google xwb ces thaum kuv coj los qhia koj tag kuv tsis nco qab khaws nws kab URL thiab mus nrhiav seb nws nyob rau lub vaj sab twg lawm ces thaum nyeem koj cov lus tag kuv mam ho rov tuaj nrhiav tus me ntxhais ntawm ces xyov nws lub npe hu li cas thiab kuv cia li plam nws lawm.
Yog lam rov tshawb tau nws no ntshe yuav tau pab me ntsis nyiaj mus rau nws seb nws puas tseem nyob li qub los yog nws muaj neej ua lawm ces thiaj li tso siab os.
Subject: Re: Xav ua sponsor tos ib tug ntxhais Sat Feb 27, 2016 7:31 pm
8tos8nco....,
Yog li ces kav liam os, ntshe yuav tsis yog tus neeg txom nyem tiag ntshe yog ua yeeb yam xwb vim kuv ua zoo saib mas nws twb tsis muaj khau rau tab sis ho muaj lub tsho tshiab ua luaj hnav....hahaha
Cia kuv mam pab cov me nyuam ntsuag quaj zig qees tim thaib teb ntshe yuav zoo dua os...haha