Coj Los Nraujzoo

Subject: Coj Los Nraujzoo Mon Aug 10, 2015 9:49 am

First topic message reminder :

Coj Los Nraujzoo - Page 4 0da983ed5ab0bd0d7a90df29f50d1e59

Leej muam ntxim hlub vim muaj koj thiaj muaj kuv

Yog kuv paub tias koj lam ntxias koj tsis xav hlub

Kuv yuav tsis nug koj xov thiab tsis mloog koj moo

Ntshai koj twb tsis cia kuv nyob ntsiag to li poobzoo

Koj mus lawm nto niaj khiav rov mus thawm xyoo

Koj cia kuv nyob ntshaus ntsho li qavkaws quj qabntoo

Koj mus ploj qabntais tsis fi kuv xov koj tseem dag kuv tos

Kuv lub hlwb tseem mos mos tsis paub yuav ua neej tshiab

Kuv niaj hnub quaj ntsia xubke yaigrwg tswjrawv txojsia

Koj tsuas yuj ibvuag li cua mojlwg ntsawj huabzig nagtshia

Kuv lub siab quaj-ncia tsis txawj mus nriav koj qhovtwg

Kuv ua neej ib leeg lwjsiab nyob seevyees ibleeg lwjntsws

Koj coj kuv mus nrauj tseg tag ces koj khiav txhubkab fauslw

Tshuav koj tus xyw los deev kuv siab ciaj sia nyob khosiab

Khaws ntiajteb txoj kev lwjsiab noj hno txuag kuamuag iab

Subject: Re: Coj Los Nraujzoo Mon Sep 21, 2015 4:33 pm

Nkaujnagtshia wrote:

Nkaujnagtshia wrote:: Nyob zoo os YajCeebTshiab tus neeg qab zib"
Kev hlub yog koj xub pib"
Hnub no koj yog tus mus ntsiag to"
Kuv mam quaj seev nco ces koj twb dhau
Txhob ua siab yau rov tuaj nyob li qub"
Yeej tseem tshuav kev hlub kev tshua"
Tsis txhob ploj tu ncua cia kuv nyob 1 leeg"
Ntawm lub siab yeej 1 txwm ntseeg
Thov ua lub siab loj siab ntev"
Yog hlub tseeb li hais coj mus ua koj sev"
Koj lub ncauj lam daj lub siab twb tsis deev"
Ziag no kuv lub siab yaj lub plawv ntxeev"
Vim koj hais tsis muaj lub chaw tseeb"
Ua rau kuv lub siab mob lub plawv tsis thaj yeeb"
Me leej nus siab zoo tus siab dawb"
NkaujNag tseem nco nws txhua lo me lus tawb"
Tseem xav tias ntshe yog tiag tiag"
Cas hnub no twb ploj mus ntsiag"
NkaujNagTshia ces lub siab ua loj ua lug"
Lub siab ntxhov ntxhov lub plawv tsis tus"
Lam ua nkauj loj leeb loj le"
ua neeg lub siab tsis nyob nrog cev"
Lam ya puv toj dhia puv pes kom siav ntev"
Yeej tsis muaj tug hais lus zoo npaum li nws"
NagTshia tseem hlub nws rau nruab plawv nruab ntsws
Txoj kev nco tsis zoo muab qhia koj
Yeej xav kom wb ploj mus nyob 1 lub ntuj sthiab"
Mus nyob ywj ntsws ywj wb siab"
Xav kom muaj dua 1 lub ntuj rau koj kuv wb nyob ua ke"
Xav los nrog YajceebTshiab nyo 1 tse"
Cas nim tu siab yuj tsis zoo hais"
Vim nws twb muaj tus ua hmo peb nws ua tshais"
Vim paub yajceebtshiab rau yav lig"
Nws nim nyob muaj cuab txoos muaj yig"
Cas lub ntuj yuav tsis hlub nkaujnag"
Yuav cia txhua tsav txhua yam plag"
Nco ntsoov lwm tiam yog tseem muaj"
Yuav rov los hlub yajceebtshiab tsis pub nws quaj"
Noj los yuav pub pw los yuav puag"
Tsis pub nws quaj poob lub kua muag "
Leej nus ntxim hlub ntxim tshua"
Txhob tu siab tu nrho koj lub kua muag "
Los tuav nkaujnagtshia tes mus ua koj luag ma"
Sib ntsib dua mog YajCeebtshiab..."

NkaujNagTshia....................."

Kuv tsis muaj cuab los koj muaj yig lawm os YajCeebTshiab
Mloog nkauj tu siab kho siab ua ke mog

Nkauj NagTshia...Kuv muab ib lub sijhawm coj los nyeem koj cov lus ua rau kuv nkagsiab yam koj xav hais qhia
Cas lub ntuj yuav tsim muaj neeg thiab neeg yuav rov yug tau neeg los sib hlub sib ntseeg ib tiam dhau tiam
Koj niam koj txiv yug tau koj los hais lus kuv nyiam koj hais kiag tej lus kuv ntshaw, kuv nrhiav thiab xav hnov
Cas koj yug los rau ntiajteb lawm ntxov ho tsis los qhia kuv paub, koj nyob nkaumnkoos qhov twg kuv thiaj tsis pom

Wb ho tau sib ntsib ntawm no tsuas yog ib zaj npausuav vim licas koj thiaj hais deev kuv lub plawv mob khosiab khuav
Kuv yeej ibtxwm tsis nrog ntiajteb txawj poob lub kuamuag vim tibneeg txoj kev hlub cuav,hnub no teev kuamuag nchuav
Kuv nploojsiab quaj vwm ntsuav-koj tsis paub, kuv yeej tsis ntseeg tias neeg ntiajteb yuav hais tau lus ntaus kuv siab muag
Tiamsis hnub no Nkauj NagTshia hais ntau los lus ntaus kuv lub siab tuag, kuv tsis seev los khosiab, tsis quaj-poob kuamuag

Tiam-twg os leej muam daisiab, kuv li muaj txojhmoo los pw koj lub xubntiag tsaugzog rau koj puag mloog koj lub suab luag
Tiam-twg od tus neeg kuv tshua, koj li mam yog tus nyob ntawm kuv ib sab ua kuv luag kom ntiajteb kuv tsis nco ntshaw kev hlub
Tiam-twg tiag maj tus neeg kuv nco, koj thiaj yog tus kuv nrog koom pluas hmo noj ua ibke nyob ua ibtsev yog kuv tus zoo niamtsev
Tiam-twg ne yuam, wb li muaj txojhmoo rov sibntsib, koj thiaj tseem nco ntsoov tias kuv yog koj ploojsiab xav nyob nrog mus ibsim

Koj tej me lus hais rau hau ntujnrag huab-cua ntshe tsuas daj hais deev kom Yajceebtshiab muab koj zwmtseg ua ib toj kev tshua
Kuv tsis tau pom koj los thiaj hlub, kuv tsis tau paub koj los nco, kuv tawm roojplaws ua sabntsej hnov txhua lub suab yog koj lub suab luag
Nyob hauv tsev saib lub qhov rai twg los pom koj zimzuag, kuv lub plawv xav dhia tawm hauv lub cev tuaj mus sib cuag kom luv plawv zoo
Nyob saum txaj hnov koj tej me lus daisiab ua lujloos ntawm kuv ibsab-plhwsnuag yog pam-lub kuamuag thiaj ntxaum tej npooncoo

Subject: Re: Coj Los Nraujzoo Thu Oct 01, 2015 5:16 pm

Nyob zoo os Yajceebtshiab,

Koj ma cas yuav paub zoo ua luaj li os lov? Yeej muaj tau zaus kuv zoo li lawm thiab os. Muaj tej tug neeg yus nyiam nyiam yus yeej tsis muaj cuab kav qhia rau. Tsuas yog xyuas lub qhov muag ntsia seb tus neeg nyiag nyiam ntawv puas twv raug xwb. Yog nws twv tsis raug ces tag ib sim ntawm txoj kev nyiag nyiam nws lawm xwb tiag....hahahahaha

Subject: Re: Coj Los Nraujzoo Mon Oct 05, 2015 10:13 am

YajCeebtshiab leej nus hmoob tus tshua

Cas nim tseg ncua 1 ntu tsis nco tuaj cuag
Me paj hmab paj ntoo twb hlav txhua

Nim nrauj tag wb me kev nkaujnraug los tu ncua

Es nws nyob kaj los nyob ntsoos

Nkaujnagtshia nplooj siab tsis muaj chaw nyob

Nplooj plawv ua luj lua tsis muaj chaw txoos

Yeej paub tias lub ntuj yuav tsis pom zoo

Los lub siab ua loj ua lug nyob tsis ntxhoo

Nim zoo tam lub ntuj tsaus nti nrog xob nroo "

NkaujnagTshia twb tsis tau xav tias yuav coj

nws los nrauj zoo os leej nus hmoob siab dawb

Twb yog wb tham tsis muaj chaw rau
seev tsis muaj chaw txawb es nagtshia lub siab

Nim mob ntxais pes ntsoov tam raug las nkhawb

Tsis paub tias cas yuav paub yajceebtshiab lig

Nws twb txawm muaj cuab txoos muaj yig

Tu tu nkauj nagtshia siab mob zoj nrees tsis pom qab tig

Lam yog wb nim sib paub tuaj thaum yau

NkaujNagTshia yuav ua zaj ua ntxeev hlub kom tau

Cas wb nim ntsib twb yuav dhau wb tiam

Nim nco thiab hlub luaj twg los thiaj nias siab qhe
Tias cia ua siab es kav liam os me leej nus hmoob

Cia kuv li zeem koj yog kuv me nus hlub

Wb mam noj noog moo ntsoov li qhov qub

Cia koj zeem kuv nagtshia yog koj me muaj npaws

Wb li ua lub neej sib hlub sib raws
Ntshe thiaj yuav zoo wb lub siab tam me faj suab

Iab oo .. zeeg lis tshaw na me nraug hmoob
Cia wb mam cev tes yuj ywm so zog
wb lub mekua muag poob cia wb muaj tub muaj ntxhais

Mam li sib pub tshoob cia kuv yog poj cuag

Es koj yog kuv me yawg cua ntawm kuv tus
nraug hmoob Wb mam ua daim teb los sib pua npoo

Mam sib ua luag mus ua lub me luaj qoob los noog moo
Yav tag mam cia ua 1 zaj dab neeg xwb mog

Subject: Re: Coj Los Nraujzoo Mon Oct 05, 2015 5:17 pm

Nagtshia koj tseg taus tsis hmov tsis tshua thiaj tsis tuaj cuag los tsuav koj ua neej kajsiab nrog lub suab luag
Yajceebtshiab mam tusiab nrho ua ibsiab khiav kom deb tsis rov tuaj tos thiab tsis tuaj nrhiav koj dua

Yajceebtshiab yog tib neeg twmsiab tsis txawj hloov siab tsis paub nrog ntiajteb pauv lus
Yajceebtshiab tsis paub yuav muab nws nploojsiab hlub hloov mus ua nkaujmuam nraugnus

Yog Nagshia tsis hlub lawm los cia
Yajceebtshiab mam li ua ib siab so lub kuamuag rau ntawm no
qhia lub ntuj txog ntiajteb tibneeg txoj kev dag hlub
Yajceebtshiab mam ua ib siab ncaim ntiajteb mus

Yajceebtshiab lub siab tsis yog pobzeb tsis yog pobtsuas, tsis yog tooj-hlau thiab tsis yog nyiaj-txhuas
nws yuav muab tsis nyog tus neeg nws hlub nruabsiab coj los hloov ua nws tus me cuas

Nagtshia koj puas paub tias Yajceebtshiab tseem tshua tshua thiab nws yuav
tsis hloov lus tsis pauv siab txog thaum tus ntsujplig ya rov tseg lub cev ib pas
tsis muaj nyob ua ntiajteb me yuajsim nrojtsuag luag

Nkauj Nagtshia tus kuv hlub zaumno kuv yuav ncaim koj mus tag ib tiam yuav tsis ntsib liqub
Koj tsis khosiab los tseg Hnubtwg kho koj siab koj yuav mus saib kuv tej lus qhia kuv txoj kev hlub

Zaum no Yajceebtshiab yuav ncaim ploj qab nrho Nagtshia nyob tsis khosiab haj zoomog
Nagtshia nyob hos cas txawj khosiab no ho mus ncig saib tej lus hais qhia tseg hauv txoj kev nco

Subject: Re: Coj Los Nraujzoo Mon Oct 05, 2015 5:41 pm

Nkauj_Dala wrote:: Nyob zoo os Yajceebtshiab,

Koj ma cas yuav paub zoo ua luaj li os lov? Yeej muaj tau zaus kuv zoo li lawm thiab os. Muaj tej tug neeg yus nyiam nyiam yus yeej tsis muaj cuab kav qhia rau. Tsuas yog xyuas lub qhov muag ntsia seb tus neeg nyiag nyiam ntawv puas twv raug xwb. Yog nws twv tsis raug ces tag ib sim ntawm txoj kev nyiag nyiam nws lawm xwb tiag....hahahahaha

AW...Kuv paub zoo os Nkauj_Dala...
Kev nyiag nyiam tibneeg yog ib txoj kev txomnyem siab tshaj qhov yuav hais tau qhia neeg ntiajteb...
Ntau zaug, txoj kev nyiag nyiam kuj ua rau neeg puas hlwb lawm coob hod

Yog lintawv..yuav tau xyaum qhia yam ua rau yus txomnyem siab rau tus nws tsim nyog paub nawb mog