Coj Los Nraujzoo

Subject: Coj Los Nraujzoo Mon Aug 10, 2015 9:49 am

First topic message reminder :

Coj Los Nraujzoo - Page 2 0da983ed5ab0bd0d7a90df29f50d1e59

Leej muam ntxim hlub vim muaj koj thiaj muaj kuv

Yog kuv paub tias koj lam ntxias koj tsis xav hlub

Kuv yuav tsis nug koj xov thiab tsis mloog koj moo

Ntshai koj twb tsis cia kuv nyob ntsiag to li poobzoo

Koj mus lawm nto niaj khiav rov mus thawm xyoo

Koj cia kuv nyob ntshaus ntsho li qavkaws quj qabntoo

Koj mus ploj qabntais tsis fi kuv xov koj tseem dag kuv tos

Kuv lub hlwb tseem mos mos tsis paub yuav ua neej tshiab

Kuv niaj hnub quaj ntsia xubke yaigrwg tswjrawv txojsia

Koj tsuas yuj ibvuag li cua mojlwg ntsawj huabzig nagtshia

Kuv lub siab quaj-ncia tsis txawj mus nriav koj qhovtwg

Kuv ua neej ib leeg lwjsiab nyob seevyees ibleeg lwjntsws

Koj coj kuv mus nrauj tseg tag ces koj khiav txhubkab fauslw

Tshuav koj tus xyw los deev kuv siab ciaj sia nyob khosiab

Khaws ntiajteb txoj kev lwjsiab noj hno txuag kuamuag iab

Subject: Re: Coj Los Nraujzoo Thu Aug 27, 2015 7:03 pm

Yajceebtshiab wrote:: Hais txog Hmoob Heaven tus me Nkauj-Dala ces kuv cuabxeeb pujteem txawj tsis txaus ntse tsis nto yeej paub tsis meej pom tsis tas. Nws me ntsej muag zoo nkauj yamntxwv luagnyav ntoo Hmoob txwm vajlaug phuam nraj-nrhia ntaub paj-hnav poj Hmoob tsho xaws laug paj...Yim saib yim ntxim nyiam-yim ntsia yim xav nrog tham. Tabsis Nkauj_Dala nws coj cai txawv txawv thiab hais lus tsis tshab...Nws coj yamntxwv li tejneeg tsis swm thiab ua tus me fajzujzas tsis kam tso luag tso dag...Nws kuj hais li yog Hmoob nyob ntuj sua mab yug yaj li xeev misnixustas tebchaws toj dausxib hav daupu thaum caij ntuj no lawm ntag...Tiamsis nws yog neeg muaj tswv kav hais tsis tau txhua lolus hauv nws txoj kev xav, nws tsuas ntxeem ntxeem hais tau ibnrab..Kuv muab xav lawm tias tus neeg no tsis yog tus tseeb tabsis nws kuj tsis tshua nyiam nrog neeg tham txog txhua yam...Nws tsuas tuaj lamhlwb nrog tus nws xav nrog tham tso tawm tej phem pa kom txhob muaj mob xwb naj hajhajhaj.

tshuav ntau yuav piav tsis tag...ntau lawm ces cia kuv mam rov tuaj tsham...Yog kuv ho hais chob tus muam twg siab los tos hnub twg kuv txojsia tu lawm no thov nws ib revpaj ua puavpheej mus qhia ntuj tias peb tau sib ntsib saum pheejpuam nra huab-cua lub vasab sib tham ntau zaus hais ntau yam no xwb maj hajhajhaj.

Hahaha....nyob zoo rau koj os phoojywg Yajceebtshiab,

Cas yuav txawj tham ntau yam ntxim ntxim siab
Sau tau lus Hmoob tob tob chob siab mob mob:D
yuav txawj piav NkaujDala tus yam ntxwv ua luaj

NkaujDala xav hais lus qab zib seb puas ua tau hauv tshuaj kho Yajceebtshiab lub siab kaj
Tab sis NkaujDala niam thiab txiv yug tau tus me neeg txawj tham tsis txawj seev
Hais lus sib nrho sib nreev.....
Yajceebtshiab tuaj pom tuaj ntsib nyiam tus neeg los twb tsis nyiam los lus seev:D

Subject: Re: Coj Los Nraujzoo Fri Aug 28, 2015 4:47 pm

Nyabxeeb os kuv me neeg ntxim hlub

Koj puas tseem yog tus tus Naghsia thaum ub

Yeeb vim yog kuv ntseeg nkauj Hmoob qabzib

Kuv thiaj txiav siab nrog nws sib dib li txoj kev ntshaw

Hauv kuv lub me plawv thiaj mob deegdaws li yuav tawg

Ntsib koj tsis muaj chaw kuv thiaj niaj hnub khosiab zim

Xav tias cia khiav ploj mus ibsim los koj lolus zoo suab qabzib

Yob kuv siab ntsws lwj dhi zoo li tus neeg tuag tsim tuag tsim

Kuv xav tias yuav coj koj mus ua sev los ntxias tsis tau koj lub siab kam nrog kuv zov tsev

Kuv xav coj koj mus ua kuv niam nyab los xwsli kuv zoo tsis txaus deev tsis tau koj lub siab fab

Kuv thiaj tuaj zov koj li no ntag los koj tseem tso kuv cia nyob khosiab khujkhuav

Kuv zoo li tus koj tsis hlub thiab zoo li tus menyuam ntsuag nrog koj nyob koj tsis xav yuav

Kuv tos koj hnub poob rov mus txog hnub tawm tuaj tsis pom koj tus duab
Kuv tsis hnov koj lub suabsab qhov twg tuaj, kuv thiaj zaum tsaws quaj hu ntuj qaws

Thaum no nws thiaj deeg txog koj lub plawv ntxhov txog koj lub siab
Koj nco dheev tias koj tseg tau ib tug neeg siab zoo cia ntshe nws yuav zov lub chaws no quaj ncia

Koj mam muab dej num nrauj kiag tig los saib los ntxias so kuamuag cheem lub suab quaj kom ntsiag

Leej muam yog tsis hlub tiag cia nws tuag mus kom tusiav es koj mam mus tos nws rau lwmtiam

Muab ua zoo xav txaus tusiab tiag vim yog neeg siab zoo thiaj ntseeg nkauj Hmoob lub suab nroo

Koj yuav kom kuv mus tos pes tsawg pua xyoo thiab tos koj nyob rau tiam twg li tau koj txoj kev hlub

Niam hnub no kuv nim tos koj txhua hmo txhua hnub los tos tsis tau koj ib lolus qhia siab plhuav

Koj ncaujncab lusnpliag lus muaj kuab lam seev los kuv nco koj daisiab dhuam tam hnub yuav hlauv qhov

Koj tsuas lam ncig los ibpliag mus lawm tsis nug xov, koj cia rooj teb no rau neeg siab zoo ib leeg zov

Nim kho kho kuv siab ua luaj lino noj hno los tsis hnov qab mus pw qimuag mob tag los tsaug tsis taus zog

Subject: Re: Coj Los Nraujzoo Fri Aug 28, 2015 5:35 pm

Nkauj_Dala wrote:

Yajceebtshiab wrote:: Hais txog Hmoob Heaven tus me Nkauj-Dala ces kuv cuabxeeb pujteem txawj tsis txaus ntse tsis nto yeej paub tsis meej pom tsis tas. Nws me ntsej muag zoo nkauj yamntxwv luagnyav ntoo Hmoob txwm vajlaug phuam nraj-nrhia ntaub paj-hnav poj Hmoob tsho xaws laug paj...Yim saib yim ntxim nyiam-yim ntsia yim xav nrog tham. Tabsis Nkauj_Dala nws coj cai txawv txawv thiab hais lus tsis tshab...Nws coj yamntxwv li tejneeg tsis swm thiab ua tus me fajzujzas tsis kam tso luag tso dag...Nws kuj hais li yog Hmoob nyob ntuj sua mab yug yaj li xeev misnixustas tebchaws toj dausxib hav daupu thaum caij ntuj no lawm ntag...Tiamsis nws yog neeg muaj tswv kav hais tsis tau txhua lolus hauv nws txoj kev xav, nws tsuas ntxeem ntxeem hais tau ibnrab..Kuv muab xav lawm tias tus neeg no tsis yog tus tseeb tabsis nws kuj tsis tshua nyiam nrog neeg tham txog txhua yam...Nws tsuas tuaj lamhlwb nrog tus nws xav nrog tham tso tawm tej phem pa kom txhob muaj mob xwb naj hajhajhaj.

tshuav ntau yuav piav tsis tag...ntau lawm ces cia kuv mam rov tuaj tsham...Yog kuv ho hais chob tus muam twg siab los tos hnub twg kuv txojsia tu lawm no thov nws ib revpaj ua puavpheej mus qhia ntuj tias peb tau sib ntsib saum pheejpuam nra huab-cua lub vasab sib tham ntau zaus hais ntau yam no xwb maj hajhajhaj.

Hahaha....nyob zoo rau koj os phoojywg Yajceebtshiab,

Cas yuav txawj tham ntau yam ntxim ntxim siab
Sau tau lus Hmoob tob tob chob siab mob mob:D
yuav txawj piav NkaujDala tus yam ntxwv ua luaj

NkaujDala xav hais lus qab zib seb puas ua tau hauv tshuaj kho Yajceebtshiab lub siab kaj
Tab sis NkaujDala niam thiab txiv yug tau tus me neeg txawj tham tsis txawj seev
Hais lus sib nrho sib nreev.....
Yajceebtshiab tuaj pom tuaj ntsib nyiam tus neeg los twb tsis nyiam los lus seev:D

Nyobzoo od Nkauj_Dala...Zoosiab koj tuaj tsham nov od lod..!Txhob xav ntau nawb lod....

Vim paub koj zoo dog-dig thiaj ntseeg tias tej zoo phoojywg yuav tsis nros tsis chi
Thiab yog tsis muaj lus tham ces lam muab nej tej muam kev tshampem coj los dig
Thaum nej tau tuaj ncig nyeem tej lus tauvpem no thiaj ua rau nej tus muaj kev nyhavsiab los ho nqig
Xav tias txawm hais txhaum me ntsis nyaj koj tsuas yog ke luag ke chim

Hajhajhaj...Neeg nyiam neeg lawm ces tsis hais ib lolus cia li zaum tsaws sib saib xwb los siab yeej kaj nrig tag li...
Vim hauv nruabsiab twb yeej qhia txhua yam ces lub plawv dhia pigpoog lub siab nyob tswm lawm ib ntsis

Subject: Re: Coj Los Nraujzoo Sun Aug 30, 2015 7:13 pm

Nkaujnagtshia wrote:: Nyob zoo os YajCeebTshiab tus neeg qab zib"
Kev hlub yog koj xub pib"
Hnub no koj yog tus mus ntsiag to"
Kuv mam quaj seev nco ces koj twb dhau
Txhob ua siab yau rov tuaj nyob li qub"
Yeej tseem tshuav kev hlub kev tshua"
Tsis txhob ploj tu ncua cia kuv nyob 1 leeg"
Ntawm lub siab yeej 1 txwm ntseeg
Thov ua lub siab loj siab ntev"
Yog hlub tseeb li hais coj mus ua koj sev"
Koj lub ncauj lam daj lub siab twb tsis deev"
Ziag no kuv lub siab yaj lub plawv ntxeev"
Vim koj hais tsis muaj lub chaw tseeb"
Ua rau kuv lub siab mob lub plawv tsis thaj yeeb"
Me leej nus siab zoo tus siab dawb"
NkaujNag tseem nco nws txhua lo me lus tawb"
Tseem xav tias ntshe yog tiag tiag"
Cas hnub no twb ploj mus ntsiag"
NkaujNagTshia ces lub siab ua loj ua lug"
Lub siab ntxhov ntxhov lub plawv tsis tus"
Lam ua nkauj loj leeb loj le"
ua neeg lub siab tsis nyob nrog cev"
Lam ya puv toj dhia puv pes kom siav ntev"
Yeej tsis muaj tug hais lus zoo npaum li nws"
NagTshia tseem hlub nws rau nruab plawv nruab ntsws
Txoj kev nco tsis zoo muab qhia koj
Yeej xav kom wb ploj mus nyob 1 lub ntuj sthiab"
Mus nyob ywj ntsws ywj wb siab"
Xav kom muaj dua 1 lub ntuj rau koj kuv wb nyob ua ke"
Xav los nrog YajceebTshiab nyo 1 tse"
Cas nim tu siab yuj tsis zoo hais"
Vim nws twb muaj tus ua hmo peb nws ua tshais"
Vim paub yajceebtshiab rau yav lig"
Nws nim nyob muaj cuab txoos muaj yig"
Cas lub ntuj yuav tsis hlub nkaujnag"
Yuav cia txhua tsav txhua yam plag"
Nco ntsoov lwm tiam yog tseem muaj"
Yuav rov los hlub yajceebtshiab tsis pub nws quaj"
Noj los yuav pub pw los yuav puag"
Tsis pub nws quaj poob lub kua muag "
Leej nus ntxim hlub ntxim tshua"
Txhob tu siab tu nrho koj lub kua muag "
Los tuav nkaujnagtshia tes mus ua koj luag ma"
Sib ntsib dua mog YajCeebtshiab..."

NkaujNagTshia....................."

Kuv tsis muaj cuab los koj muaj yig lawm os YajCeebTshiab
Mloog nkauj tu siab kho siab ua ke mog

Subject: Re: Coj Los Nraujzoo Mon Aug 31, 2015 12:04 pm