Ntau zaus uas koj npau suav koj ntseeg li cas? Ntawm kuv tus kheej kuv ib txwm tsis ntseeg txog npau suav tias yuav yog qhov tseeb. Kuv ntseeg tias npau suav muaj 2 yam rau peb tib neeg npau suav xwb xws li: (1). Kev npau suav yog tim koj lub hlwb los yog lub raum tsis ua hauj lwm zoo. (2). Kev npau suav qee zaus yog tim koj tus ntsuj plig mus yos pom qee yam tshiab.
Tsis ntev dhau los Yim Laj tau ntaus ib tug npau suav txawv kawg cia kuv sim muab piav rau nej seb nej ho xav li cas. Yim Laj thiab Nkauj Ntxoo nkawd yog ib nkawm hluas nkauj hluas nraug tsis sib tau. Nkauj Ntxoo twb mus yuav txiv muaj ib tug me nyuam lawm tab sis Nkauj Ntxoo lub siab tseem tsis qhuav dej plawv tsis qhuav ntshav rau Yim Laj nws thiaj tau noj tshuaj tuag lawm. Xyoo ntawd yog 1985 nyob rau Vib Nais, twb dhau los 30 xyoo txwm nkaus no.
Tsis ntev los no Yim Laj txawm npau suav tias Paj Huab uas yog nws poj niam thiab nws nkawd tab tom taug kev raws ib tug ntug dej, Paj Huab ua ntej dhau plaws lawm cas Yim Laj txawm pom ib lub moo poob nthav ntawm nws xub ntiag hauv cov xuab zeb. Yim Laj xav zoj tias ntshe yog Yim Laj lub moo ntawm tes hlua tu Nws khaws nkaus tau nws muab saib cas tsis muaj hlua, nws xav zoj tias yog leej twg txawb rau kuv los cas ne. Thaum ntawd Yim Laj tig hlo saib tom qab pom ib tug poj niam tawm plaws tim cov hav nroj ntawm ntug dej los, nws xav zoj tias ntshe yog Nkauj Ntxoo pob. Thaum ntawd Paj Huab kuj tig hlos rov qab los thiab hais rau Yim Laj tias tim koj ne thaum i koj tsis ua zoo hais rau nws ne. Yij Laj saib cas Nkauj Ntxoo cia li nyaj qha los txog ntua tsis hais ib lo lus li tsawv nkaus Yim Laj sab tes xis rub rhe ua Yim Laj tig hlo rov qab. Yim Laj thiaj xav zoj txog tias Nkauj Ntxoo twb tuag lawm, nws nco dheev txog nws zaj khawv koob thaiv dab nws ua kiag thiab tshuab kiag rau pom Nkauj Ntxoo ntog 2-3 nrig nphau sawv tsees rov qab los dua. Nws rov tshuab kiag rau rov ntog qaug pes coog thiab ploj ntais lawm. Tab sis nws tseem pom tus duab khiav rau ub rau no li ua movie es tej ntsuj plig dab. Nws rov ua kiag khawv koob tshuab rau ua ploj nntais lawm nws tsim dheev los, nws kuj tsis xav dab tsi nws tsuas xav tias npau suav ces npau suav xwb.
Twb mus ua hauj lwm tau ob hnub tom qab, muaj ib hnub nws mus ntxuav tes mam nco pom cas nws sab tes xis ntawm lub tsawj teg mus rau sab ntawm tus ntiv tes xoo ntoog dub nciab, tab sis ho tsis mob li. Nws muab xab npus ntxuav npaum cas los tsis los, ua rau Yim Laj kuj ntshai tias tsam yog ua yeeg. Hmo ntawd los txog tsev thiaj muab tshuaj yeeg los pleev tas rau los kuj tsis pom ua cas thiab. Nws thiaj qhia rau Paj Huab tas thiab nws txawm xav txog nws zaj npau suav cas ho yog sab tes uas Nkauj Ntxoo muab chua thiab.Tau muaj 3-4 hnub tom qabv nws mam li maj mam ploj zuj zus lawm.
Thaum kawg Yim Laj thiaj tig rov los xav tias tus neeg uas ncaim lub ntiaj teb mus lawm ntshe nws tus ntsuj plig yeej tseem tsis tau mus thawj thiab tiag.
Koj sim muab coj mus xav seb koj ho yuav ntaus nqi li cas thiab no???
Last edited by Ntsuj_Plig on Thu Mar 31, 2016 11:31 am; edited 3 times in total
Cas koj mus nrhiav tau kuv tus me Nkauj Ntxoo no qhov twg los thiab ne? Cas tsis hais lub sij hawm twg los nws yuav nyob ntshaus ntsho ntxim hlub heev li os. Lub sij hawm nws quaj me kua muag teev yees li no twb yog lub sij hawm uas Yim Laj yuav Paj Huab lawm thiaj ua rau Nkauj Ntxoo tu siab nrho tias ntshe yuav plam tag nkawd ib sim neej rau tiam no, nws lub kua muag thiaj ntw nto cuag dej nag yuav los nyab lub ntiaj teb los mas.
Muab xav txog thaum twg txawm tias Yim Laj twb ua neej laus tag lawm los tseem hlub thiab nco Nkauj Ntxoo lub kua muag uas muaj nqis rau tiam no tsis ploj hauv nruab siab li os.
Ntsuj_Plig, lub caij nov puas yog thaum Nkauj Ntxoo nej noj ib cim peb caug cas nws yuav zoo tau luag nyav es nws ho tsis zoo li thaum nws quaj quaj lawm os?
Ntsuj_Plig, puas yog Nkauj Ntxoo twb rov yug los dua tiam tshiab lawm los ua li cas es nws ho tseem hluas ua luaj li ntawm los yog koj tso nws cov qub duab yav ntuj thaum ub xwb os?