Ntau zaus uas koj npau suav koj ntseeg li cas? Ntawm kuv tus kheej kuv ib txwm tsis ntseeg txog npau suav tias yuav yog qhov tseeb. Kuv ntseeg tias npau suav muaj 2 yam rau peb tib neeg npau suav xwb xws li: (1). Kev npau suav yog tim koj lub hlwb los yog lub raum tsis ua hauj lwm zoo. (2). Kev npau suav qee zaus yog tim koj tus ntsuj plig mus yos pom qee yam tshiab.
Tsis ntev dhau los Yim Laj tau ntaus ib tug npau suav txawv kawg cia kuv sim muab piav rau nej seb nej ho xav li cas. Yim Laj thiab Nkauj Ntxoo nkawd yog ib nkawm hluas nkauj hluas nraug tsis sib tau. Nkauj Ntxoo twb mus yuav txiv muaj ib tug me nyuam lawm tab sis Nkauj Ntxoo lub siab tseem tsis qhuav dej plawv tsis qhuav ntshav rau Yim Laj nws thiaj tau noj tshuaj tuag lawm. Xyoo ntawd yog 1985 nyob rau Vib Nais, twb dhau los 30 xyoo txwm nkaus no.
Tsis ntev los no Yim Laj txawm npau suav tias Paj Huab uas yog nws poj niam thiab nws nkawd tab tom taug kev raws ib tug ntug dej, Paj Huab ua ntej dhau plaws lawm cas Yim Laj txawm pom ib lub moo poob nthav ntawm nws xub ntiag hauv cov xuab zeb. Yim Laj xav zoj tias ntshe yog Yim Laj lub moo ntawm tes hlua tu Nws khaws nkaus tau nws muab saib cas tsis muaj hlua, nws xav zoj tias yog leej twg txawb rau kuv los cas ne. Thaum ntawd Yim Laj tig hlo saib tom qab pom ib tug poj niam tawm plaws tim cov hav nroj ntawm ntug dej los, nws xav zoj tias ntshe yog Nkauj Ntxoo pob. Thaum ntawd Paj Huab kuj tig hlos rov qab los thiab hais rau Yim Laj tias tim koj ne thaum i koj tsis ua zoo hais rau nws ne. Yij Laj saib cas Nkauj Ntxoo cia li nyaj qha los txog ntua tsis hais ib lo lus li tsawv nkaus Yim Laj sab tes xis rub rhe ua Yim Laj tig hlo rov qab. Yim Laj thiaj xav zoj txog tias Nkauj Ntxoo twb tuag lawm, nws nco dheev txog nws zaj khawv koob thaiv dab nws ua kiag thiab tshuab kiag rau pom Nkauj Ntxoo ntog 2-3 nrig nphau sawv tsees rov qab los dua. Nws rov tshuab kiag rau rov ntog qaug pes coog thiab ploj ntais lawm. Tab sis nws tseem pom tus duab khiav rau ub rau no li ua movie es tej ntsuj plig dab. Nws rov ua kiag khawv koob tshuab rau ua ploj nntais lawm nws tsim dheev los, nws kuj tsis xav dab tsi nws tsuas xav tias npau suav ces npau suav xwb.
Twb mus ua hauj lwm tau ob hnub tom qab, muaj ib hnub nws mus ntxuav tes mam nco pom cas nws sab tes xis ntawm lub tsawj teg mus rau sab ntawm tus ntiv tes xoo ntoog dub nciab, tab sis ho tsis mob li. Nws muab xab npus ntxuav npaum cas los tsis los, ua rau Yim Laj kuj ntshai tias tsam yog ua yeeg. Hmo ntawd los txog tsev thiaj muab tshuaj yeeg los pleev tas rau los kuj tsis pom ua cas thiab. Nws thiaj qhia rau Paj Huab tas thiab nws txawm xav txog nws zaj npau suav cas ho yog sab tes uas Nkauj Ntxoo muab chua thiab.Tau muaj 3-4 hnub tom qabv nws mam li maj mam ploj zuj zus lawm.
Thaum kawg Yim Laj thiaj tig rov los xav tias tus neeg uas ncaim lub ntiaj teb mus lawm ntshe nws tus ntsuj plig yeej tseem tsis tau mus thawj thiab tiag.
Koj sim muab coj mus xav seb koj ho yuav ntaus nqi li cas thiab no???
Last edited by Ntsuj_Plig on Thu Mar 31, 2016 11:31 am; edited 3 times in total
Kuv xav mas cas Nkauj Ntxoo nim yuav txuv nws tus me txiv ua luaj es yog tim dab tsi ua rau nws yuav nco Yim Laj tag npaum li ntawm vim Yij Laj los kuj yog ib tug tub ntsuag xwb ces dab tsi los Yim Laj twb tsis nrog luag lub teb lub chaw muaj txwm peem thiab Yim Laj tseem txom nyem kev hlub tshaj Nkauj Ntxoo yog tus muaj niam muaj txiv es ntshe yog Nkauj Ntxoo tsis nco qab nqa nws daim ntawv pem ntuj tiam los ua txij ua nkawm nrog ib tug me zoo txiv muab nws rub nrhe rau xub ntiag puas sov sov los Nkauj Ntxoo twb tsis ris luag txiaj li ces nws thiaj li ua ib siab tso lub ntiaj teb tseg lawm.
Hos ntawm kuv los kuj tsis paub xav tias yog vim dab tsi? Vim Nkauj Ntxoo ib txwm muaj ib tug hluas nraug zoo uas hmoob hu tias nkauj swm nraug siav tso tseg rau tom nws lub qub zog uas nws tau khiav los. Tom qab li 5 - 6 lub hlis nws tus hluas nraug ntawd nco nws heev thiaj tau lawv qab tuaj nrhiav tau nws ua rau tus hluas nraug ntawd tu siab heev li nws thiaj tau hais rau Paj Huab tias tsis paub yog vim dab tsi Nkauj Ntxoo ncaim nws los twb tsis tau muaj ib xyoos cas nws tuaj txog Nkauj Ntxoo tsis kam nrog nws tham li lawm.
Muaj ib hmos Yim Laj mus txog ntawm Paj Huab. Paj Huab thiaj tau hais rau Yim Laj tias koj ua cas rau Nkauj Ntxoo cas nws tsis kam nrog nws tus hluas nraug tham lawm no Yim Laj teb tias kuv los kuj tsis tau ua cas thiab tsuas yog sib tham tam li txoj kev phooj ywg xwb
Txoj kev nkauj nraug uas hloov tau sai li no, tsis paub tias yog tim tej huab cuab los xyov yog tim tej toj roob hauv pes li os.....
Ntsuj_Plig, raws li tej laus tham mas nyob sab ntuj tim ub tos peb cov ntxhais kho siab heev rau yav ntuj thaum ub mas vim yog lawv tej vaj tsev los tsis muaj key xauv thiab mus pw tom tej teb los tsis muaj key xauv lawv tej rooj paim li ces lawv tej hluas nraug yeej paub lub caij thaum hluas Nkauj tsaug tsaug zog es hluas nraug nkag mus nrog luag nkauj pw ntsiag to ces hluas nkauj yuav qw los tsam niam thiab txiv hnov, tsis qw los cas twb muaj ib tug los pw ntawm hluas nkauj ib sab lawm, ces kawg tsis nti tso kav liam xwb ces thaum hluas nkauj tau hlub nrog leej twg lawm ces hluas nkauj thiaj li nco npaum NKauj Ntxoo nco Yim Laj. Tsis tag li ntawm xwb yav thaum sawv ntxov los hluas nkauj yuav tau sawv ntxov los rauv taws ua ntshais rau lawv niam thiab txiv noj ces yog leej twg lub tsev xub xub tuav nco nrov doog diaj ces tus ntxhais ntawm nquag heev li thiab tej thaum mas tus ntxhais ntawm yuav tau sawv ntxov ntxov mus ev dej thiab yog xav mus plob los mus lub caij sawv ntxov xwb thiaj li kaj siab vim nyob yav ntuj qub qab mas peb Hmoob tej tsev nyob puag pem toj siab yeej tsis muaj viv rau neeg mus tawm rooj li ces muaj tej tus hluas nkauj yuav tawm mus tso zis sawv ntxov los tseem mus ntsib hluas nraug twb tuaj sawv nraum phob ntsa xauj lawm thiab mas ua rau hluas nkauj kev tws tag ces thaum zoo li ntawm peb Hmoob tej tub ntxhais lub neej ua hluas nkauj thiab hluas nraug nyob rau yav ntuj qub qab thiaj li muaj poj ntxoog rau yav hmo ntuj.
Tsis tag li ntawm xwb, ib sim neej tej laus yeej ib txwm hais tseg tias ib tug me hluas nkauj yug los loj hlob nyob rau daim av Nplog yeej tsis muaj cai txwv thiab txiav ib tug hluas nraug twg thaum lawv tuaj nrhiav tus hluas nkauj tham li cas tau vim tias txawm tus hluas nkauj yuav nyiam thiab tsis nyiam tus hluas nraug twg los xij nws yeej tsis zoo ntiab luag mus tsev li vim li ntawm ib tug hluas nkauj nyob yav ntuj qub qab thiaj li tsis muaj xaiv ib tug tub hluas nraug tau raws siab nyiam mas yuav tsum yog tus hluas nraug xaiv tus hluas nkauj xwb. Tab sis, los rau lub neej tam sim nov tub ntxhais muaj vaj huam sib luag zog lawm ces yog tus tub hluas twg thiab tus hluas nkauj twg tsis nyiam los lawv yeej hais tau tias kuv tsis nyiam koj.......hahahahahahaha.
Li cov lus sau los lawm saum nov, tsuas yog peb ib co lus soj ntsuam txog peb Hmoob txoj kev plees nkauj nraum seb zoo luaj twg xwb qhov cuav thiab tseeb ntawm yuav tsum yog peb Haiv Hmoob cov tseem ua lub neej saub seev yees nyob Los Tsuas teb thiab li yuav qhia tau rau sawv daws.......hahahahahaha.
Last edited by 8tos8nco on Thu Jan 21, 2016 9:54 am; edited 2 times in total
8tos8nco aw, raws li koj cov lus hais los sauv tej zaum yeej muaj tseeb qee yam thiab os vim yav thaum ub yeej zoo li ntawv tiag tab si los rau ziag no lawv kuj pib siv muaj hoob viv lawm thiab tej txaj los kuj pib muaj Key lawm thiab tab si yeej tseem coj li yav thaum ub kawg vim cov hluas nkauj los yeej nco2 yus tej hlub li twb laj tos txog tsau ntuj ces lawv yuav npaj tuaj cuag yus hais txog kev sib teem tuaj mus sib cuag xwb mas qhov twg los yeej tau li yog ob leeg ready lawm xws li tom hoob viv los haj yam zoo tsi muaj leeg twg yuav tuaj pom li hos nyob li hauv txaj los nws twb muaj Window ces yooj yim heev rau lawv kev sib cuag txawm yuav puag yus tus me hlub pw ib hmo los tej laus haj yam tsi hnov thiab tsi paub li vim pw yuav kaj ntug ces tus ntxhais sawv ua tshais ces mam tsa nws tus hlub dhia qhov rais mus tsev lawm xwb tos kuv ho paub piav li los kuv yeej tau???????????? los dua lawm 5555555
Viyang, aub..... yom tos tem thaub laus ua tsawg zaj los lub siab nim liab khiav yuav rov mus saib lub me teb chaws Los Tsuas nkaus xwb los lawv yeej muaj kev zoo siab npaum li koj hais ntag.
Kuv xav hais tias peb Hmoob yeej tseem khaws nraim peb teb me kev plees nkauj nraum tseg rau nruab siab nyob tsis qhia neej tuag tsis qhia dab ces txawm peb Haiv Hmoob yuav ua lub me neej khuam siab nyob puag saum tej me toj roob hauv pes ua twj cuab xwb los lawv yeej muaj muaj siab li koj hais ces hluas nkauj hluas nraug twb laj laj tos txog hmo ntuj tsaus es yuav rawm mus kab teeb tsom hluas nkauj thiab qhia hluas nkauj hais tias nquag nquag nawb es tsis txhob toob nkeeg rau niam thiab txiv lub me luag hauj lwm sawv ntxov tsees los ua tshais noj thiaj li tau txiv sai vim tus hlub tuaj lawm.
Last edited by 8tos8nco on Thu Jan 21, 2016 9:09 am; edited 1 time in total