Ntau zaus uas koj npau suav koj ntseeg li cas? Ntawm kuv tus kheej kuv ib txwm tsis ntseeg txog npau suav tias yuav yog qhov tseeb. Kuv ntseeg tias npau suav muaj 2 yam rau peb tib neeg npau suav xwb xws li: (1). Kev npau suav yog tim koj lub hlwb los yog lub raum tsis ua hauj lwm zoo. (2). Kev npau suav qee zaus yog tim koj tus ntsuj plig mus yos pom qee yam tshiab.
Tsis ntev dhau los Yim Laj tau ntaus ib tug npau suav txawv kawg cia kuv sim muab piav rau nej seb nej ho xav li cas. Yim Laj thiab Nkauj Ntxoo nkawd yog ib nkawm hluas nkauj hluas nraug tsis sib tau. Nkauj Ntxoo twb mus yuav txiv muaj ib tug me nyuam lawm tab sis Nkauj Ntxoo lub siab tseem tsis qhuav dej plawv tsis qhuav ntshav rau Yim Laj nws thiaj tau noj tshuaj tuag lawm. Xyoo ntawd yog 1985 nyob rau Vib Nais, twb dhau los 30 xyoo txwm nkaus no.
Tsis ntev los no Yim Laj txawm npau suav tias Paj Huab uas yog nws poj niam thiab nws nkawd tab tom taug kev raws ib tug ntug dej, Paj Huab ua ntej dhau plaws lawm cas Yim Laj txawm pom ib lub moo poob nthav ntawm nws xub ntiag hauv cov xuab zeb. Yim Laj xav zoj tias ntshe yog Yim Laj lub moo ntawm tes hlua tu Nws khaws nkaus tau nws muab saib cas tsis muaj hlua, nws xav zoj tias yog leej twg txawb rau kuv los cas ne. Thaum ntawd Yim Laj tig hlo saib tom qab pom ib tug poj niam tawm plaws tim cov hav nroj ntawm ntug dej los, nws xav zoj tias ntshe yog Nkauj Ntxoo pob. Thaum ntawd Paj Huab kuj tig hlos rov qab los thiab hais rau Yim Laj tias tim koj ne thaum i koj tsis ua zoo hais rau nws ne. Yij Laj saib cas Nkauj Ntxoo cia li nyaj qha los txog ntua tsis hais ib lo lus li tsawv nkaus Yim Laj sab tes xis rub rhe ua Yim Laj tig hlo rov qab. Yim Laj thiaj xav zoj txog tias Nkauj Ntxoo twb tuag lawm, nws nco dheev txog nws zaj khawv koob thaiv dab nws ua kiag thiab tshuab kiag rau pom Nkauj Ntxoo ntog 2-3 nrig nphau sawv tsees rov qab los dua. Nws rov tshuab kiag rau rov ntog qaug pes coog thiab ploj ntais lawm. Tab sis nws tseem pom tus duab khiav rau ub rau no li ua movie es tej ntsuj plig dab. Nws rov ua kiag khawv koob tshuab rau ua ploj nntais lawm nws tsim dheev los, nws kuj tsis xav dab tsi nws tsuas xav tias npau suav ces npau suav xwb.
Twb mus ua hauj lwm tau ob hnub tom qab, muaj ib hnub nws mus ntxuav tes mam nco pom cas nws sab tes xis ntawm lub tsawj teg mus rau sab ntawm tus ntiv tes xoo ntoog dub nciab, tab sis ho tsis mob li. Nws muab xab npus ntxuav npaum cas los tsis los, ua rau Yim Laj kuj ntshai tias tsam yog ua yeeg. Hmo ntawd los txog tsev thiaj muab tshuaj yeeg los pleev tas rau los kuj tsis pom ua cas thiab. Nws thiaj qhia rau Paj Huab tas thiab nws txawm xav txog nws zaj npau suav cas ho yog sab tes uas Nkauj Ntxoo muab chua thiab.Tau muaj 3-4 hnub tom qabv nws mam li maj mam ploj zuj zus lawm.
Thaum kawg Yim Laj thiaj tig rov los xav tias tus neeg uas ncaim lub ntiaj teb mus lawm ntshe nws tus ntsuj plig yeej tseem tsis tau mus thawj thiab tiag.
Koj sim muab coj mus xav seb koj ho yuav ntaus nqi li cas thiab no???
Last edited by Ntsuj_Plig on Thu Mar 31, 2016 11:31 am; edited 3 times in total
zoo siab uas tau los ntsib nej nyob rau hmo no os cov phooj ywg nrog rau tus muam nkaujnagtshia, kuv thov ua tshaug rau koj zaj nkauj uas tau posted tuaj os nawb, yeej muaj tseeb tseeb li kuv tau hais los saum toj hos vim poj niam nws lub siab lem heev li twb muaj lawm los yeej tias tseem single no tas li xwb qee zaum thiaj tau mus mag nws cov me sab uas nws tau cuab yaug ncauj yaug los ntag, kheev lam tia mag lawm ces muab noj kom tag los cas yeej tsi kam noj li cia ziab tshav ntuj kom qhuav rau sauv xwb, zoo siab uas tau los ua phooj ywg nrog nej sawv daws os kuv nyob Laos PDR.
Oib...........................Rov npau suav dua lawm thiab lau.....
Cas hmo no kuv tseem rov npau suav pom tus neeg uas nws twb tau ncaim lub ntiaj teb mus tau 30 xyoo dua lawm thiab. Thaum kuv pom nws cas nws tsis zoo li thaum ub lawm nws me me zoo li tus me nyuam yau xwb tab sis nws tseem nco kuv heev tham seev yees txoj kev tsis sib tau. Nws niam tau hais rau ib co neeg nyob ntawd tias tos nws tus ntxhais nco kuv heev los twb vim yog kuv txawj sau ntawv heev li no.
Yim npau suav yim rov muab xav pom tus duab luag uas thaum kuv mus txog ntua nws tseem mus ce dej pem tus ciav dej kab kiag teeb rau nws txawm siv hu luag ntxhi tias koj twb tuaj lawm los Yim Laj.
Last edited by Ntsuj_Plig on Sun Mar 27, 2016 6:24 pm; edited 3 times in total
Tij laug aw, ua cas nej yuav muaj tej zaj me dab neeg uas txaus tu siab thiab kho siab ua luaj os yom, muab hais los ma peb txheej niam no poob qab rau nej deb heev lawm os yom vim sau ntawv mus saib hluas nkauj los siv tes ntaus Keyboard lawm xwb thiab siv tes txhuam xov tooj lawm xwb hos nco2 es mus cuag lawv los sib hu xov tooj teem tuaj sib cuag tom tej kev nruab hnub xwb, hos nej mas siv tus pen sau hauv daim ntawv thiab tseem tau thov ib tug neeg xa mus mam txog rau nws hos nco2 mas maub ntuj teb tag hmo mus pheeb ntawm tej phab ntsa xwb puas yog nab?
Yiyang, yog nyob yav ntuj qub qab ces yeej hnov tej laus tham tias lawv tos tsaus ntuj xwb ces lawv mam li kab ib lub nyuag teeb pom kev pem hauv ntej mus tham luag nkauj mas muaj tej thaum tseem mus ntsib plig qhov muag ci liab vog tuaj mas plig mam li dhia mus rau xub tsuag lawm xwb ces thaum mus txog ntawm hluas nkauj lub phob ntsa los tseem yuav tau muaj ncas los dib huas nkauj kom huas nkauj tsis tau zoo tsaug zog thiab dai dai siab ces hluas nkauj thiaj li tsim los nrog tus txiv neej tham ces yog tus hluas nkauj nyiam tus hluas nraug lawm tiag ces nws thiaj li kam tham hos yog tus hluas nkauj tsis nyiam tus hluas nraug ces tus hluas nkauj yuav sawv tseem mus pw lwm qhov chaw lawm ces tus txiv neej tseem yuav tau maub tsheej tag hmo mam los txog tsev mas txom nyem kev hlub tag npaum li ntawm os.
Txheej nim nov mas ib leeg nyob ib sab ntuj los neeg txawj txawj tuaj mus sib ntsib hauv facebook lawm thiab lawv muaj iphone lawm ces neeg xav sib ntsib thaum twg los tau es cov nraug nrab thiaj li tos tsis nyhoo thaum twg muaj vacation ces lawv twb yuav rawm los mus rau sab Thaib teb, Nplog teb, thiab Nyab laj teb mas saib duab tag ces hu xov tooj nrog hluas nkauj tham xwb los twb zoo zoo siab lawm mas tseem haib tshaj peb cov tuaj sau lus hauv forum li peb cov nov tseg cia ua dab neeg lawm ntau npaug.
Viyang wrote:
yog mas yom tus tij laug 8tos8nco aw, kuv los yeej raug cov hluas nkauj nyob rau hauv cab sab dag los ntau zaus lawm thiab mas nej aw, vim cov sab no lawv xav txiav thaum twg los yeej tau thiab tshua hnov lub suab hauv lub Phone thiab pom hauv Net xwb yeej swb tus nyob tom tsev tos yus lawm hos kuv xav os hahahahahaha?
Last edited by 8tos8nco on Wed Jan 06, 2016 11:23 am; edited 1 time in total
Tij laug aw, ua cas nej yuav muaj tej zaj me dab neeg uas txaus tu siab thiab kho siab ua luaj os yom, muab hais los ma peb txheej niam no poob qab rau nej deb heev lawm os yom vim sau ntawv mus saib hluas nkauj los siv tes ntaus Keyboard lawm xwb thiab siv tes txhuam xov tooj lawm xwb hos nco2 es mus cuag lawv los sib hu xov tooj teem tuaj sib cuag tom tej kev nruab hnub xwb, hos nej mas siv tus pen sau hauv daim ntawv thiab tseem tau thov ib tug neeg xa mus mam txog rau nws hos nco2 mas maub ntuj teb tag hmo mus pheeb ntawm tej phab ntsa xwb puas yog nab?
Kwv Vi........
Txawm yog tias nej tiam no yuav vam meej dua peb tiam lawm los. Nyob rau peb tiam nws yeej muaj tej zaj dab neeg txaus tu siab, kho siab, thiab ntxim hlub kawg li thiab hos.
Kuv tseem nco muaj ib hmos ib pab hluas nkauj tuaj mus dua tom teb lawm tsaus ntuj tsis pom los, kuv txawm yaum ob - peb tug phooj ywg peb lawv qab mus nrog lawv tham. Thaum mus txog cov coob thiab cov me nrog rau ob tug pog laus pw ib lub tsev pheeb suiab tab sis lawv xov zoo zoo nyob ntawm ncauj ke. cas tsis pom tus loj uas yog tus kuv nyiam, kuv thiaj nug tias Maiv ho dua twg lawm? Lawv txawm teb tias Maiv pw sab tiv, kuv saib pom lub qhov cub liab pliv kem ib tug me nyuam dej ntws nto zoo ce haus. Kuv coj ib tug phooj ywg nrog kuv wb mus txog ntuas. Muaj ib tug hluas nraug tuaj nrog nws tham nkawd ib leeg zaum ib sab qhov cub.
Thaum nws pom dheev wb mus nws txawm hu tias Yim Laj neb tuaj los, kuv teb tias aw. Nws txawm cia li dam kiag tau ib lub ntsis nplooj tsawb los pua kiag ntawm nws ib sab thiab hais tias zaum os, kuv txawm teb tias yuav zaum qhov twg na. Nws hais ntxiv tias zaum nov mas kuv yeej tsis lo koj li os...hahaha. Kuv txawm mus zaum nrog nws, peb tham ib pliag nws pib taij kuv hais kwv txhiaj. Wb txawm cia li hais kwv txhiaj ua rau nws tus hluas nraug tsis tau tham lawm. Ib pliag ntxiv nws pib muab nws tus hluas nraug ntiab mus tsev, kuv saib mas tus tub hluas ntawd lub siab mob npaum ib lub npoos tawg. Nws thov tias nkawd tseem nyob kuv kuj nyob ib pliag tso, los Maiv tsis kam Maiv tias koj nyob ze thiab koj muaj phom ces koj mus hos nkawd tuaj deb tuaj nkawd tsis tau luag rov qab lawm ces cia nkawd pw ua peb luag. Haj yam ua rau tus tub hluas ntawd tsis xav kam mus, tab sis thaum kawg nws kuj ua siab mus lawm.
Thaum nws mus lawm Maiv txawm hais rau kuv tias hmo no neb ua wb luag pw nawb vim lawv cov coob pw sab tid tas lawm tshuav kuv tus niam hluas me me wb xwb wb tsis tau luag. Kuv teb tias yuav pw qhov twg na? Nws txawm mus kho chaw tsuag tsuag muab nws tus niam hluas txav kiag rau tim ntug thiab hais rau kuv tias koj pw ntawm kuv nruab qaum koj tus phooj ywg pw tom ntug, txhob ntshai kuv yeej tsis lo koj li os....hahaha...
Cas tej me lus uas qab zib li dua qhov twg tas lawm ne? Thiab hmo ntawd kheev lam rub tau rov los ua hmo no mas. Hmo ntawd txawm tias lub ntuj yuav los nag xuj xuav ib hmos los nyob hauv Maiv thiab Yim Laj nkawd ob lub siab zoo tam li ib lub teeb fais fab cig dawb paug pom kev mus txhua txhia qhov li hos.....hahaha