Npau Suav

Yog leej twg npau suav txawj ya ntshe yuav ntxim ntshai kawg li os.

8tos8nco.....,

Kuv mas twb ua npau suav ya ntau zaus lawm lom zem thiab zoo siab tshaj li os. Muaj ib zaug kuv npau suav ua cas lawv tab tom pam ib tug tuag tos kuv saib cas nruas ntsiag lawm cas neeg twb pauv tas. Niag tuag txawm cia li los muab kuv caum, thaum ntawd kuv khiav sas lam xwb kuv cia li ya plaws lawm. Kuv ya nto kiag ib lub laj roob zoo, kuv xav zoj tias yuav tsum raws lub hav no mus lawm puag nrad nws thiaj yuav caum tsis tau. Kuv ya nqi ntee raws lub kwv ha hav zoov nuj txeeg dej ntws sis mus tawm plaws rau nram ib daim teb npleg kuv mam tsaws nkaus saib zoj muaj ob tsob txiv duaj kuv dam kiag tau ib tug ceg txiv duaj npaj tos ntaus tus dab tuag ntawd tab sis ho tsis pom tus dab tuag los lawm. 

Thaum tsim los kuj tseem ntshai tus dab tuag ntawd kawg tab sis txaus siab rau qhov txawj ya, yus xav mus kom siab los tau xav ya kom nqis los tau. Zoo siab kawg li hos.....hahaha

ViYang....

Hais txog npau suav pom hluas nkauj mas yeej yog ib qho txhua tus xav npau suav tas li xwb tiag. Tab sis ntawm kuv ces kuv twb tau kiag tus uas kuv npau suav thiab nco nws tshaj plaws lawm os.

Xyoo 1980 lub caij kuv tab tom mus luaj teb rau Thavieng pw hauv ib lub me nyuam tsev pheeb suab vov nplooj tsawb. Kuv txawm npau suav pom Paj Huab wb tseem zaum ntawm ib lub hauv paus ntoo nws pw hauv kuv xub ntiag thiab kuv puag nws wb tham lub suab luag tsis ntsiag. Thaum kuv hnov dheev los pw hauv plawv zoo qav quaj ntsuag qee, me noog taub saub ua hav zoov txias zias. Thaum ntawd kuv nco nws tiag tiag li os.

Txawm tias kuv twb tau nws los tau 35 xyoos lawm los tus npau suav ntawd tseem tsis ploj hauv kuv lub siab li hosss..... hahaha