Hlub Koj Nyob Deb

Subject: Hlub Koj Nyob Deb Tue Feb 02, 2016 5:19 pm

First topic message reminder :

Tus nraug hmoob dai siab tus ntxim nco"
Lub neej no kuv puas yuav muaj hmoo"
Yuav tsawg xyoo wb mam rov sib ntsib

Mam rov pib hnov koj lub suab dua
Cas yuav tshua koj tsis muaj hnub ploj
Thov hmoov coj wb los sib tau

Nco koj dhau lwm nas tus hlub
txhua txhia hnub seev koj lub npe
Seev tsis tseg nco koj lo lus.

Siab tsis tus vim nco koj dhau
Lub siab npau tsis xav hais lus
Siab lwj tsus xav nyob ze ze

Ntawm koj ntshe twb muaj dua tshiab
Txhob hloov siab tso kuvno cia
Kuv txoj sia ces faus rau koj
Thov hmoov coj kom wb rov tau sib cuag os mog

Subject: Re: Hlub Koj Nyob Deb Tue Mar 22, 2016 9:37 am

Nyob zoo os PajTshiab thiab 8tos8nco.Zoo siab uas tuaj pom neb 2 leeg nyob ntawm no os lov.PajThsiab cas es koj pheej mus ntev ntev li os twb nco nco nws lawm hehe.Koj muaj chaw khwv ces yuav tsum rau 2 siab khwv es lwm hnub wb thiaj tau mus ncig ntuj os mog.yuav tau mus lam hlwb thiab es tej me hlwb thiaj tau Fresher air!..Sister PajTshiab zaj nkauj no yog kuv muab rau koj tam li nws mog hehe

Subject: Re: Hlub Koj Nyob Deb Tue Mar 22, 2016 6:03 pm

Nkaujnagtshia, zoo siab koj tseem tuaj hais lus rau Pajtshiab thiab kuv kom sov tsev os thiab koj tham txog kev khwv ces yeej yog ib txoj kev cia siab rau yav thaum laus ces yog kev tau zoo.

Subject: Re: Hlub Koj Nyob Deb Fri Mar 25, 2016 7:16 pm

Sij Hawm Dhau Mus

Lub sij hawm uas dhau mus lawm
xav tsis tawm tias muaj nuj nqis
ib pliag ntshis tam suab cuam kau
nrov mus dhau hav zoov nuj txeeg
ua rau neeg hnov thoob txhua qhov
thiaj muaj xov xa txog tus hlub
tias thaum ub wb tau sib ntsib
puag thaum pib ntuj tsim teb raug
ua nkauj nraug los tsis sib tau
thiaj li dhau mus ua npau suav
kev hlub cuav tsis tshwm sim los
niaj hnub tos ua hnub ua hmo
txoj kev nco uas tsis muaj tseeb
thiaj tau feeb los ua paj huam
hais cuam tshuam txog rau txoj hmoo
tej hmo zoo npau suav pom koj
lub plawv ntoj tsis muaj chaw xaus
zoo yam nkaus tso dab pob tawb
nws mob khawb ti nkaus nruab siab
lwm tiam tshiab puas yuav ntsib koj
zoo tam zoj wb txoj hmoov txog
kuv mam yog koj tus txiv hlub
kuv mam pub mov rau koj noj
cia rau koj yog tus niam zoo
puag kuv loo mus tag ib sim
thiaj tsis dim li tiam tag los
siab ntev tos rau lwm tiam mog...!!!

Subject: Re: Hlub Koj Nyob Deb Mon Mar 28, 2016 6:48 am

NtsujPLig cas txawj sau paj huam ua luaj li os kuv twb tsis txawj sau ces zoo siab tau nyeem nws tej lus paj huam es ua tsaug nws lub me sij hawm nawb lov.Ua tsaug 8tos8nco thiab nkaujnagtshia uas tseem tuaj pab pajtshiab zov tsev nawb los.Yog tsis muaj nej sawv daws ces pajtshiab lub vaj tse yuav ntxhov thiab tuaj nroj tuaj tsua li niab li os .Ua tsaug thiab ua siab ntev tos pajtshiab khoom mam rov tuaj os txhua tus me phooj ywg siab zoo.

Subject: Re: Hlub Koj Nyob Deb Mon Mar 28, 2016 1:48 pm

Pajtshiab, zoo siab tseem muaj koj tuaj kom peb nrog koj tus koj hoob tsev thiab vim peb cov qub phooj ywg ces nim lawm ploj pliag tsis ntsib lawv li lawm ces ntshe yuav nco nco lawv ua zog koog los tsuas tshuav peb lawm xwb.

» Hmoob txoj kev sib hlub nyob qhov twg...???
» Tus Neeg Hlub Kuv Nyob QhovTwg KuvTus Tav Ne?
» Hmoob Kev Nrhiav Txij Nrhiav Nkawm Nyob Yav Ntuj Qub Qab Thiab Nyob Rooj Teb No Zoo Li Cas
» Tsis muaj neeg tuaj nrog kuv nyob ces kuv tsis xav nyob li os lawv
» chaw sau paj huam hlub "Txoj kev hlub yog wb"