Hlub Koj Nyob Deb

Subject: Hlub Koj Nyob Deb Tue Feb 02, 2016 5:19 pm

First topic message reminder :

Tus nraug hmoob dai siab tus ntxim nco"
Lub neej no kuv puas yuav muaj hmoo"
Yuav tsawg xyoo wb mam rov sib ntsib

Mam rov pib hnov koj lub suab dua
Cas yuav tshua koj tsis muaj hnub ploj
Thov hmoov coj wb los sib tau

Nco koj dhau lwm nas tus hlub
txhua txhia hnub seev koj lub npe
Seev tsis tseg nco koj lo lus.

Siab tsis tus vim nco koj dhau
Lub siab npau tsis xav hais lus
Siab lwj tsus xav nyob ze ze

Ntawm koj ntshe twb muaj dua tshiab
Txhob hloov siab tso kuvno cia
Kuv txoj sia ces faus rau koj
Thov hmoov coj kom wb rov tau sib cuag os mog

Subject: Re: Hlub Koj Nyob Deb Wed Nov 09, 2016 10:31 am

Nkaujnagtshia, ntshe Pajtshiab tseem tshiab tshiab li ces nws tsis tshua xav tuaj nrog peb lom zem los twb zoo siab tias ntsib koj thiab os.

Koj kho siab es kho li cas puas yog nco nco leej twg ov?

Kuv ces paj huam los tsis txawj sau es Yog kuv txawj kho siab ntshe kuv yuav mus sawv ntawm ib sab taw panio rooj nyob sab hauv ib lub tsev qhib plho daim ntaub phab kab lam lug ntsia mus rau sab nraum zoov thaum lub caij ntuj los nag ywg tej me paj rose thiab tog vaj tog tsev hnov lub suab los nag xuj xuav nco leej twg seb puas zoo lub siab li cas.

Hahahahaha.....kuv ces yog neeg lus tsawg tsawg li es lam sau lus kom puv page xwb es thov nej cov tuaj nrog nyeem ho ua siab ntev mog.

Subject: Re: Hlub Koj Nyob Deb Wed Nov 23, 2016 2:45 pm

Nyob zoo os 8tos8nco.zoo siab hnub no rov tuaj saib nej rau ntawm no .nkaujnagtshia thiab ntsujplig nej nyob li cas lawm?pajtshiab thov zam txim uas pajtshiab mus ntev loo tsis khoom rov tuaj.vim yog txoj kev khwv noj khw haus tsis muaj lub caij so kaj ntug mus tsaus ntuj los txog tsev los qav num ntau ntau.los tu vaj tse noj hmo tag ces twb nkees 2 lawm thiaj sawv tsis tau kev tuaj lom zem nrog nej sawv daws xwb.Tab si pajtshiab tseem nco ntsoov lub tsev hauv hmong heaven pajtshiab yuav rov tuaj tu .es ua tsaug tseem muaj nej 3 leeg tuaj pab paj tshiab tu tsev du lug tos zoo siab thiab ua tsaug nawb cov me phooj ywg"mam sib ntsib dua os "

Subject: Re: Hlub Koj Nyob Deb Sun Dec 04, 2016 10:34 am

Nyob zoo cov me phooj ywg sawv daws, kuv yog pajtshiab zoo siab rov tuaj pom tej me phooj ywg qub phooj ywg tshiab tuaj nyob sov tsev swb so los Pajtshiab ces bz heev li yeej niaj hnub tuaj saib nej tsis tu ncua, tab sis tsis khoom li vim tsis muaj sij hawm sau lus xwb es zoo yam Pajtshiab twb tsis tuaj los yog los suav sawv daws tseem tuaj nyob sov tsev li no ces Pajtshiab twb sov sov siab nyob tom tsev thiab ma.

Subject: Re: Hlub Koj Nyob Deb Fri Dec 09, 2016 3:28 pm

Pajtshiab, muaj khwv thiaj li nrog luag muaj noj muaj tseev thiaj li tsis nco qhis vim yog lub neej lawm tiag tiag ces yeej busy tag li xwb es thaum twg mam li sib ntsib los tsis lig li os.

Subject: Re: Hlub Koj Nyob Deb Sat Dec 10, 2016 4:56 pm

PajTshiab thiab 8tos8nco nyob zoo rau neb 2 leeg tib si os.

PajTshiab, cas mus ntev ua luaj nas los txhob tu tu siab os nawb es xav tias peb ua neej nyob ces txhua tus nyia muaj nyia 1 txoj kev khwv kev tu siab thiab ntxhov siab. Tab sis, tsuas yog qhia tsis tau rau leej twg xwb os yom vim peb txoj kev kho siab kev nco thiab kev lwj siab nyuab ntsaws lam yog 1 phau duab ces ntshe twb muab los rau sawv daws saib seb peb lub neej txoj kev ua neej nyob puas mus zoo 1 yam los kuj Muaj txawv thiab NkaujNagTshia ces yog nthuav tau yam cov duab ces ntshe twb nyeem tsis tau saib tsis tshab li lawm vim ntau dhau lawm ces ntshe twb sib tshooj daws li cov xuab zeb nram ntug hiav txwv lawm xwb na.

Kav tsij tuaj peb ho sib pauv tswv yim tham txog peb tej kev ua neej nyob es sib share yam lub tshuaj txhuam faib leeg noj kaug es ho tsawg zog yus thiaj tsis tuag xwb na lov.

8tos8nco, nws ne ho puas muaj kev nyuaj siab ntxhov plawv thiab os? Ntshe tias nej cov txiv neej yuav nyob tau kaj siab lug tsis zoo li peb cov poj niam os lov haha sib ntsib dua nawb...

» Hmoob txoj kev sib hlub nyob qhov twg...???
» Tus Neeg Hlub Kuv Nyob QhovTwg KuvTus Tav Ne?
» Hmoob Kev Nrhiav Txij Nrhiav Nkawm Nyob Yav Ntuj Qub Qab Thiab Nyob Rooj Teb No Zoo Li Cas
» Tsis muaj neeg tuaj nrog kuv nyob ces kuv tsis xav nyob li os lawv
» chaw sau paj huam hlub "Txoj kev hlub yog wb"