Xaus Li No

Subject: Xaus Li No Sat Oct 01, 2022 8:43 pm

Nyob zoo cov me zoo phooj ywg.

Kuv zoo siab uas tau rov tuaj zaum no tab sis zoo li tsis ntsib nej leej twg li lawm thiab zoo li tsis muaj neeg tuaj lawm. Kuv ntseeg tias peb txoj kev phooj ywg uas tau los nyob ua ke tau ntev tshaj 10 xyoo rau chav no ntshe yuav muab xaus li no lawm xwb mog. Yog tias nej leej twg ho tau tuaj pom kuv tsab xov nug moo no los ho sib nco thiab mog.

Ib sij huam koj laus tas tshuav nrig cwj kuv laus dua tshuav nrig pas lawm xwb tiag, thov kom nej txhua tus mus ua lub neej nrog nyias tsev neeg nyob kom lom zem xauv npos mog. Kuv los yuav muab lub sij hawm no mus nrog tus neeg kuv hlub los zaum tham wb zaj me dab neeg ib vuag ua ntej thaum lub hnub yuav poob mus lawm os.

Cia kuv muab kuv zaj me dab neeg piav ib qho me me tso nram qab no rau nej tau nyeem seb nej zaj ho puas zoo li kuv zaj os, li cas los ho muab koj zaj tuaj piav pub rau peb tau kawm thiab mog.

Kuv tau hais rau tus neeg kuv hlub tias " TXOJ KEV UA NEEJ ZOO TAM LI NTHWV CUA IB VUAG DUA" Muaj ib hnub thaum koj hnov cua tuaj txias zias thawm nruab siab koj tig mus saib ces tsuas pom nplooj laim txias ib vuag dhau plaws. Wb txoj kev ua neej cas ib pliag ntshis tsis nco qab hlias tig rov mus saib tom qab wb twb taug los lawm ib ncua kev deb kawg nkaus, ho ntsia mus rau tom hauv nej pom lub hnub twb yuav poob qho txoj kev ploj ntais rau tim npoo ntuj lawm. Yog thaum lub hnub poob qho lawm cia koj pw rau ntawm kuv xub ntiag kuv mam puag koj cia ib pliag ntshi lub hnub tawm tuaj tshav ntuj ci ntsa iab ces nws twb yog dua wb lub neej tshiab lawm tiag, tus me neeg kuv ib txwm hlub.

Kawg no, thov kom nej txhua tus tau txais kev noj qab nyob zoo thiab muab kuv zaj kwv huam ntawm no coj mus xav cia seb peb puas tau sib ntsib lawm mog.

Thov kom txhua tus tau txais koob hmoov zoo - Good Luck.

Subject: Re: Xaus Li No Mon Oct 10, 2022 5:27 pm

Nyob zoo os Ntsuj-Plig

Zoo siab rov ntsib koj thiab os, peb yeej noj qab nyob zoo thiab nawb, kuv tsi muaj teeb meem dab tsi, ho Nkauj Dala ce nyob rau hauv face book nws thiab kuv wb yeej ua friend rau hauv ce kuv yeej pom nws family ho nws yeej pom kuv li thiab. Nws lo kuj nyob zoo thiab os. Hai txog ntawm Nkaujnagtshia ce ntsia moos lawm tsi ntsib nws li lawm e zoo li yav tag ma nws kuj PM rau kuv thiab ma tab si kuv teb nws lo zoo li nws kuj tsi reply rov tuaj li thiab. Tsi paub nws pua nyob zoo, kuv kuj hnov hai tias nws muaj ntshav qab zib thiab muaj kev nyuaj siab kawg lo ntawm family thiab no e kuv lo kuv tsi paub li lawm.

Zoo siab pom koj qhov post nawb.

Mam li rov sib ntsib dua os.
kuv li fb yog tus nov.

https://www.facebook.com/profile.php?id=100077360701469

Subject: Re: Xaus Li No Tue Oct 11, 2022 12:39 pm

Tus siab kawg ua 3 cov phooj ywg tuaj rau hauv forum ce ploj tag, cov ua li ca lo muaj cov lau lau lawm lo muaj cov mus rau hauv qab nyom lawm lo muaj li os. xav pom lawv lo twb tsi pom
Txau tus siab kawg.

Subject: Re: Xaus Li No Fri Oct 21, 2022 6:38 am

Nyob zoo davdub

Zoo siab rov tau ntsib koj ib zaug dua os brother. Zoo li tshuav wb lawm xwb tiag, cas tej me phooj ywg ploj tag li lawm os. Koj yog tus tau lawv tej face book no ho nug moo tuaj qhia kuv thiab nawb, kuv ces tsis hnov leej twg moo li lawm os.

Thov kom koj thiab tsev neeg ntsisb kev noj qab nyob zoo nawb mog. Kuv thiab kuv tsev neeg los tseem nyob ib hnub xam ib hnub thiab os.

Mam sib ntsib dua nawb.

Subject: Re: Xaus Li No Tue Oct 25, 2022 4:01 pm

Zoo siab ma Ntsuj-plig.
peb cov phooj ywg ua tuaj tuaj rau hauv forum nov ce yeej tsi paub xyov lawv pua nyob zoo li thiab os. cov kuv paub ce tsuav peb 3 leeg lawm xwb, Nkauj Dala, lo yog nkauj Hnubqub, ma nws nyob hauv fb, wb ua friend rau hauv ma, tam sim nov kuv rov mus saib no tej zaum nws muab kuv unfriend lawm, vim tsi pom nws nyob hauv kuv qhov page lawm. Tab si kuv yeej paub hai tias nws tseem nyob zoo ma.

Thov kom koj thiab koj tsev neeg nyob zoo nawb, muaj lus tej nos tuaj sau post rau hauv nov e peb thiaj li sib ntsib nawb.

» Txoj Kev Hlub Tsis Muaj Chaw Xaus Nco Wb Tus Duab Hli