Kuv zoo siab uas tau rov tuaj zaum no tab sis zoo li tsis ntsib nej leej twg li lawm thiab zoo li tsis muaj neeg tuaj lawm. Kuv ntseeg tias peb txoj kev phooj ywg uas tau los nyob ua ke tau ntev tshaj 10 xyoo rau chav no ntshe yuav muab xaus li no lawm xwb mog. Yog tias nej leej twg ho tau tuaj pom kuv tsab xov nug moo no los ho sib nco thiab mog.
Ib sij huam koj laus tas tshuav nrig cwj kuv laus dua tshuav nrig pas lawm xwb tiag, thov kom nej txhua tus mus ua lub neej nrog nyias tsev neeg nyob kom lom zem xauv npos mog. Kuv los yuav muab lub sij hawm no mus nrog tus neeg kuv hlub los zaum tham wb zaj me dab neeg ib vuag ua ntej thaum lub hnub yuav poob mus lawm os.
Cia kuv muab kuv zaj me dab neeg piav ib qho me me tso nram qab no rau nej tau nyeem seb nej zaj ho puas zoo li kuv zaj os, li cas los ho muab koj zaj tuaj piav pub rau peb tau kawm thiab mog.
Kuv tau hais rau tus neeg kuv hlub tias " TXOJ KEV UA NEEJ ZOO TAM LI NTHWV CUA IB VUAG DUA" Muaj ib hnub thaum koj hnov cua tuaj txias zias thawm nruab siab koj tig mus saib ces tsuas pom nplooj laim txias ib vuag dhau plaws. Wb txoj kev ua neej cas ib pliag ntshis tsis nco qab hlias tig rov mus saib tom qab wb twb taug los lawm ib ncua kev deb kawg nkaus, ho ntsia mus rau tom hauv nej pom lub hnub twb yuav poob qho txoj kev ploj ntais rau tim npoo ntuj lawm. Yog thaum lub hnub poob qho lawm cia koj pw rau ntawm kuv xub ntiag kuv mam puag koj cia ib pliag ntshi lub hnub tawm tuaj tshav ntuj ci ntsa iab ces nws twb yog dua wb lub neej tshiab lawm tiag, tus me neeg kuv ib txwm hlub.
Kawg no, thov kom nej txhua tus tau txais kev noj qab nyob zoo thiab muab kuv zaj kwv huam ntawm no coj mus xav cia seb peb puas tau sib ntsib lawm mog.
Thov kom txhua tus tau txais koob hmoov zoo - Good Luck.
Last edited by Ntsuj_Plig on Sat Oct 01, 2022 8:52 pm; edited 1 time in total
Zoo siab rov tau ntsib koj dua os, koj nyob li cas lawm? Kuv los tseem nyob zoo thiab nawb. Nov yog zaum kawg uas kuv tau txais Nagtshia zaj dab neeg thuam lub 6/12/22. thiab nws sau ob peb lo lus rau kuv raws li tom qab ntawm nws zaj dab neeg. Tag li no ces ntuj teb ntsiag moo lawm thiab xwb os.
tos ntsoov koj xwb mog ntsuj plig koj nyob li cas lawm puas nco nagtshia me me thiab nagtshia tseem niaj hnub niaj hmo nrhiav koj hauv nruab dab ntub npau suav li qub nawb honey hmo no los nagtshia tseem mus nrhiav koj ib hmo kaj ntug plaws os mog
Nyob zoo xyoo tshiab 2023 rau cov phooj ywg sawv daws nawb. Ntev loos lawm ua tsi tau tuaj rau hauv nov lawm, kuv lo kuj noj qab nyob zoo li qub thiab os. xyoo tshiab nov tuaj kom dawv daws noj qab nyob zoo yam twg xav tau lo rau siab ntso ce yeej yuav tau nawb.