TUAJ PEB SAU PAJ HUAM

Subject: TUAJ PEB SAU PAJ HUAM Sun Jul 11, 2010 6:23 pm

First topic message reminder :

NTAWM NO MUS YOG LUS PAJ HUAM
HAIS CUAM TSHUAM TXOg RAU NTSUJ PLIG
XAV TUAJ NCIG NROG NEJ UA SI
TSIS TAS LI XAV NTAUS PHOOJ YWG
TXAWM LEEJ TWG LOS THOV TXHOB NTXUB
PEB SIB HLUB UA PHOOJ UA YWG
NYOB QHOV TWG TUAJ PEB SIB THAM
NYOB IB TSAM NQHIS MOV TSHAIB PLAB
MUS NRAM LAB PEB HMOOB BUFFET
NOJ TAS CES UA PLAB TSAU NPO
HO ROV LOS SIB THAM UA SI
LOS SIB NTSHI HAIS LUS TAUM HUAM
TSHAIS IB RUAM LUB NEEJ TOM NTEJ
PEB HMOOB NEJ PUAS TSEEM NCO QAB
LOS NROG PAB KUV SAU DAB NEEG
NEJ PUAS NTSEEG TSAM NTIAJ TEB KAWG
PEB HMOOB TAWG CES YUAV PLOJ MUS...LAWM XWB TIAG!!!

Subject: Re: TUAJ PEB SAU PAJ HUAM Sun Nov 07, 2010 5:08 am

Paj huam sau khaw cia ua dab neeg
kuv yeej ntseeg tias yuav khaw tau
yog muaj ntau mas yeej zoo
yuav tuaj nroo nrog koj ua kev phooj ywg
txawm koj nyob rab teb twg los kuv tsis xav paub txog
tsuav tau nrog koj sau paj huam ua si
khaw cov lus ntxhi los yug yus tej siab ntsws
muaj ib hnub yog ntxhov siab mam tuaj yws daws dom mam rov
nco txog tej lus zoo hauv nov ces tej zaum yuav kaj tau dua thiab
nco txog lub sij hawm kaj siab thaum yus sau lus tseg li no
ntshe yuav rov nco nco yus tej phooj ywg viv ncaus tsis muaj tag li os hmoob aw.........

Ntsuj_Plig wrote:: Vimhlubthiajmob

Koj sau pajhuam tau zoo kawg li os, ua tsaug nawb thiab cia siab tias koj yuav rov tuaj koom kuv sau paj huam tseg ua dab neeg os mog.

Zoo siab tos txais vimhlubthiajmob
kuv tseem nyob tos koj ib leeg
koj puas ntseeg tias kuv hlub koj
yuav tuam choj rau wb sib ntsib
los wb pib hais lus paj huam
txhob sib thaum tab sis sib qhia
yog txawj txia kuv yuav nyiag koj
coj los nyob nrog kuv ib sim
yuav tsis thim thiab yuav tsis thab
yeej yuav pab koj mus ib sim xwb tiag

Subject: Re: TUAJ PEB SAU PAJ HUAM Sun Nov 07, 2010 10:43 am

Vimhlubthiajmob

Kuv yuav nyob ntawm no tos koj
yuav tsis ploj yaj mus qhov twg
kev phooj ywg cia cog kom tob
wb mam nyob 2 leeg ua ke
txhua hnub ntshe kuv puag koj xwb
cia koj wb ua nkauj muam nraug nus
nyob ib ntus seb ntuj puas tshav
kua muag ntshav kom ho yaj mus
kuv leej nus lub siab thiaj kaj
kev hlub yaj ces kua muag ntws
cev tes plhws tus neeg siab zoo
thiab xa moo mus qhia nws tias
nyias muaj nyias cuab yig lawm tiag
tuaj ib pliag los paub mus tsev
nco mus ev nws tej me ab
txawm yuav sab los yog lub neej
tsis txhob pheej yws daws dom os...mog!!

Subject: Re: TUAJ PEB SAU PAJ HUAM Sun Nov 07, 2010 1:08 pm

Lub neej kho siab os leej nus
nrog koj ua ke mus taug kev
koj yuav tau ev yog kuv sab
koj yuav tau pab thaum kuv nkees
koj nim txawj seev yuj yees kho siab diam
koj tej lus zoo tiam tus neeg koj hlub
cas yuav txawj tso lus qhub zoo tag npaum li
tus koj ntxhi ntshe tsis muaj kev nyuab siab
ntshe neb lub neej kiab tsis muaj xaus
neb nyob laus los tseem zoo li tseem hluas pob...

yog koj nyob tos kuv tsam nws tsis zoo siab
koj puas txhawj tsam nws ho mob thiab
koj puas hlub nws heev
yog koj nrog kuv seev

tsam nws ho chim
ces nws ho nrhiav kev khiav kom dim
ntshe koj yuav muaj kev ntxhov
yog zoo tsis txhob hais lus sov sov

thiaj tsis muaj kev nyuab
koj me ntsuj plig thiaj li puab
koj lub me cev mos zoo
kuv thiab koj ces lam nroo

los ua kev lom zem
los txhob cem
kuv thiaj totaub
txoj kev saub os mog

Subject: Re: TUAJ PEB SAU PAJ HUAM Mon Nov 08, 2010 12:50 pm

Ntsujplig

Yim nyob deb
Kev phoojywg yim nyob ze
Yim nyob deb txoj kev nco ma haj yam nco
Vim xav pom xav hnov koj lub siab see nrov
Wb txoj kev phoojywg yuav nyob tos
Txawm yuav ntev npaum li cas
Kuv lub siab yeej tos tau
Txawm yuav deb npaum twg
Wb txoj kev phoojywg yuav nyob ruaj
Yog wb ob leeg tswj...hehehee.

Nyob zoo hnub no rau koj os me phoojywg
Koj puas nyob zoo thiab os?

Ntsuj_Plig wrote:: Nkauj Nyiag

Nyob deb npaum twg los txoj kev phooj ywg pheej tsis ploj
kuv thiaj nco koj ua hnub ua hmo mov tsis xav noj
Nyob deb npaum twg los txoj kev phooj ywg pheej tsis dhau
kuv thiaj nco koj ua luaj dej los twb tsis xav haus los mas.....

Subject: Re: TUAJ PEB SAU PAJ HUAM Tue Nov 16, 2010 3:48 pm

Ntsuj Plig,

Cas yuav ncaim kuv mus ntev ua luaj
Lub siab quaj vim nco koj heev
Thiaj tuaj seev nrhiav koj ntxiv dua
Vim kev tshua kev nco kev hlub
Ntuj thaum ub wb tau hais cia
Thiaj tuaj qhia tuaj tos koj ntxiv
Vim xav ntsib tus neeg kuv hlub
Lub siab kub vim nco koj dhau
Thiaj tuaj sau ua lus paj huam
Hais cuam tshuam sau rau ntawm no
Vim nco nco Ntsuj Plig tus me lus mos xwb tiag.

» Lus Paj Huam
» KUV COV PAJ HUAM
» sau paj huam ua si
» Lus Sij Huam
» Xyaum Sau Paj Huam