Yog Lwm Tiam Muaj Tiag

Subject: Yog Lwm Tiam Muaj Tiag Tue Aug 03, 2010 12:54 pm

First topic message reminder :

Yog lwm tiam muaj tiag, kuv mam nyob tos koj,
Hos tiam no ces koj tsis txhob tu siab lawm mog,

Subject: Re: Yog Lwm Tiam Muaj Tiag Mon Aug 23, 2010 5:11 pm

hahaaaa......Lubpajzoo, koj mas hais tau ua kuv siab qaug lais lawm tiag lau!!!

Lubpajzoo me neeg qabzib
kua kab tsib twb qab tsis npaum
ntshe yuav caum pajzoo mus tiag
mam sau kiag tuaj rau nruab ntaub
hais qhia paub tias ntsuj plig lawm
kev txij nkawm los mam tso cia
tso tes dhia mus caum pajzoo
yog muaj hmoo ho tau ntsib nws
kev phooj ywg yuav tsis paub ploj
yog hmoov loj es ho raug dag
neej piam tag ces tim pajzoo
mus nto xyoo mam saib tom qab
poj ua nyab tseg yawg nyob nquas
qi muag xuas tsis ntsib lub paj
siav tshuav yaj tsis muaj neeg pab
yuav ua dab los ua tsis tau
rho nrig ntaus los tsis hnov mob
cuag kua txob ntsim hauv lub siab
me nplooj siab koj dua twg lawm
kev txij nkawm ntshe yuav ploj mus
ua neeg qus nyob tsis muaj tsev
lam mus chev li tej txiv aub
paj zoo paub mas ntshe luag tsis taus...xwb tiag!!!

Subject: Re: Yog Lwm Tiam Muaj Tiag Mon Aug 23, 2010 9:05 pm

Niamhluas Butterflylover,

Heheehee....niamhluas aw!
Peb ua neeg nyob rau hauv qab ntuj no ces tsis muaj ib tug neeg
Nyob ua neej tau kaj siab lug li os mog. Muaj ib yam zoo los tshuav ib yam yeej tsis thiab os. Kuv me niamhluas ma txawj tham ua luaj tham ua rau kuv luag tsis taus nws li....hehehe

Qhov tias yog lwm tiam muaj tiag no
Wb rov yug los ua nxhais dua
Xav kom wb tau los nyob koom zem koom zos ua ke
wb thiaj tsis quaj ntsuag nthaw luag viv luag ncaus
Vim tiam no wb yog vivncaus los wb tsis tau nyob ua ke
Wb nyob ntshaw luag viv luag ncaus yam ib tug neeg tsis muaj vivncaus
Tiam twb tsis tsim nyog wb los ua vivncaus ib zaug

Qhov 2:::

Yog lwm tiam muaj tiag thov txhob cia wb los ua viv ncaus dua
Yog lwm tiam muaj tiag thov cia wb los ua ob kwv tij
Wb thiaj yuav tau nyob ua ib ke tsis nrug
Ib lub xeem tsis nrauj
Wb los ua tub thiaj tsis muaj tus cais
Wb thiaj yuav nyob tau ib tiam mus tsis muaj hnub ncaim

Yog lwm tias muaj tseeb thov wb txhob los ua ntxhais
Wb nco ntsoov thov los ua wb niam thiab txiv ob tug tub
wb thiaj yuav tau los nrog wb niam wb txiv nyob ua ke
Wb thiaj yuav koom tau ib lub xeem
Wb thiaj tau nyob ua ke tsis mus ua luag xeem
Wb thiaj tau nyob kwv tij thiaj tau noj ib tsum mov mus ib tiam
Thiaj yuav zoo wb siab mus ib txhiab niaj....ma nawb kuv me niamhluas

Butterflylover wrote:

Niamlaus Nlkaujnyiag,
Yog lwm tiam muaj tiag..
No kuv tsi thov dabtsi li lawm.
Only thov kom kuv no tau lub neej nyob kaj siab li koj xwb.
Yog lwm tiam muaj tiag..
Thov kom kuv thiab koj wb tau uake ua viv ua ncaus nyob zoo li luag...
Yog lwm tiam muaj tiag..
Wish I have more time so I can write to you..

Thanks for all the nice and wonderful words...

NkaujNyiag wrote:

Nyob zoo os niamhluas Butterflylover,

Cas nws yuav sau tau zoo thiab ntxaws ua luajna

Yog muaj lwm tiam thov kom nws tau tus hlub nws
Yog muaj lwm tiam tiag thov kom neb sib tau
Seb nws lub siab puas yuav zoo nrog luag dhia

Yog lwm tiam muaj tseeb
Xav koj nws tau nws tus nyob hauv npau suav tseeb
Yog txog lwm tiam no
Thov kom neb sib nrhiav kom tau
Neb ob lub siab thiaj tsis ua mob thiab nyob kaj
Kom neb txhob sib ncaim mus li

Butterflylover wrote:: Yog lwm tiam muaj tiag...
Ces cia kuv tuag tiam no tso yuav rawm mus rau lwm tiam..
Thiab li tau hlub nrog kuv os me neeg zoo..

Yog lwm tiam muaj tiag..
Kuv tsi xav ua neeg rau tiam no lawm...
Yuav maj mus ntsib koj rau lwm tiam...

Yog lwm tiam muaj tiag..
Thov kom koj yog kuv ib leej tug...
Tsi xav pub koj rau leej twg li..

Yog lwm tiam muaj tiag..
Thov kom wb tau los uake mus kom tag ib sim..

Yog lwm tiam muaj tiag ..
Xav kom kuv yog koj thawj tug..
Koj thiab li yuav hlub kuv kawg siab..

Yog lwm tiam muaj tiag..
Xav kom muaj koj thiab kuv xwb..
Koj thiab li yuav hlub kuv tsi ncaim kuv mus...