Nco Kuv Txiv Ua Luaj

Ab..., lawv yuas lawv aw..., sim neej no...,

Cas yuav nco yus txiv ua luaj,
Tias txhob quaj los kua muag los,
Yam tus pos ntsia tsees lub plawv,
Kua muag txhawv thaum xav txog nws,
Tej siab ntsws mob cuag lwj tag,
Npaum dej nag cov kua muag iab,
Ntsim lub siab thaum xav txog kiag,
Tsis zoo qhia rau leej twg paub,
Thiaj tuaj saub seev ua paj huam,
Hais cuam tshuam nrog huab nrog cua,
Xa lus tshua rau kuv txiv mloog,
Seb puas zoo kuv lub siab npau,
Vim nco dhau thiaj muab los sau,
Muab xa rau huab rau cua tshuab,
Rau ntuj ntsuab saum ceeb tsheej ntuj,
Kom pab nug kuv txiv lub moo,
Lubpajzoo yog nws me ntxhais,
Thov los hais los ua npau suav,
Kom tau tuav tau ntsib ib pliag,
Thov los qhia seb nws nyob licas lawm mog.

I Miss you Mom & Dad



Thaum kuv hnov koj lub suab kwvtxhiaj nrov saum xovtooj cua,
Ua rau kuv mob mob lub siab los los kuv lub kua muag...,

Thaum kuv hnov koj lub suab kwvtxhiaj nrov saum xovtooj cua Hmoob,
Ua rau kuv mob mob lub siab cheem tsis tau lub kua muab poob....,

Muab zaj nkauj no rau kuv txiv mloog mog...,

Special rau kuv txiv...,