XEEBTSHEEJ TIAM LI DAB NEEG

Subject: XEEBTSHEEJ TIAM LI DAB NEEG Sun Jan 27, 2013 2:18 pm

NRAUG NTSUAG THIAB NKAUJ ZUAG PAJ

Puag thaum ub, muaj ob txiv tub mus nuv ntse. Nkawd mus txog nram hav dej, leej txiv txawm hais rau nws tus tub tias : "Me tub, koj nyob twj ywm qhov no, kuv mus nuv ntses nrad !" Ces leej txiv txawm mus nuv ntses. Ib ntsis nws rov los txog, nws los nrhiav tsis pom nws tus tub lawm lauj ! leej txiv ýeej xav tias ntshai nws tus tub poob rau hauv lub niag pas dej ntawd lawm. Leej txiv txawm muabib lub ntais ntsaws rau hauv nws duav, nws thiaj 11 tib plaw mus rauhauv lub niag pas dej. Nws mus txog hau. Cas muaj ik lub zos loj hauj sim nyob hauv. Txawm muaj ob tug niam tub ntsuag nos nyob puag nram qab zos, nyob hauv ib lub nyuag tsev khaub khaub hlab.Nws thiaj li mus nug ob niam tub ntsuag nos nrad tias: "Hnub no, nej puas muajleej twg tua tau nqaij dab tsi los noj ?" Ob niam tub teb tias: "Tag kis no, hnov lawv tham tias lawv tua tau ib tug kauv no tiag !" Nws thiaj nug nkawd tias : "Lawv puas nqa tuaj pub neb noj ?" Ob niam tub teb tias : "Ab ! Lawv noj hlob noj yau, lawv yeej tsis pub rau wb noj li." Nws hais rau nkawd tias : "Yog li, neb sau neb tej cuab yeej cuab tam es neb khiav mog ! Kuv yuav hlawv nej lub zos no." Ces ob niam tub thiaj sau cuab yeej cuab tam khiav lawm. Nws thiaj li muab lub ntais los ntaus zes rau zaj la. Nws thiaj tawm khiav rov los dua yaj ceeb no lawm.

Kub tau peb hnub peb hmos, pa taws ncho tuaj nto ntuj lauj ! Txiv Nraug Ntsuag mus ua zog ntuj sua teb tom taug los, nws txawm los ntsib yawg Zaj Laug pas zaj nrab. Yawg Zaj Laug pas zaj nrab hais rau Txiv Nraug Ntsuag tias: "Txiv Nraug Ntsuag, kuv tub Ntxawg tsis paub tab coj hno xaiv, rau xaws rau luag tub tiaj hau. Nws txhuav luag tub ntshav haus tas, muab luag tub nqaij noj tas, thiaj li mob luag siab. Luag thiaj tis taws lawm zaj la, kub lawm zaj zeg, kub tas cuaj txwg tub mab yim txwg tub qhe. Kub txog niam nkauj Zag ib sab ceg. Yog koj mus ntsib kuv yawg Zaj Laug pas zaj ntsuab no koj hais rau nws kom nws tuaj. Lub hlis no tim kaum tsib, kuv yuav tsa vaj tsa tsev. Kom nws tuaj nrog kuv koos cawv ib hnub no !" Txiv Nraug Ntsuag teb tias : "Aw ! Kuv mus, kuv mam hais rau." Txiv Nraug Ntsuag txawm los txog rau yawg Zaj Laug pas zaj ntsuab. Nyob ntawd muaj ib lub zos. Txiv Nraug Ntsuag muaj ib tug muam los yuav txiv nyob ntawd thiab. Txiv Nraug Ntsuag tus muam hais tias : "Ab ! Dab laug, utshai koj mus ua Suav zog ntuj sua teb tom taug los, es ko; nqis nqis nqaij, cia kuv tua ib tug npua rau koj noj tso koj mam ho mus tsev." Txiv Nraug Ntsuag tus muam txawm tua ib tug npua rau nws noj. Nws rau tau, nws txawm mus hu zej zog tuaj nrog noj thiab. Sawv daws noj nqaij haus cawv qaug qaug. Xeev Laus hauv zos thiab Txiv Nraug Ntsuag nkawd txawm sib txhaus cawv. Txiv Nraug Ntsuag txawm hais tias : "Ab ! Wb sib twv mus hu Zaj Laug pas zaj ntsuab saib leej twg hu teb yuam !" Xeev Laus txawm hais tias : "Txiv Nraug Ntsuag, yog koj tseem mus hu tau Zaj Laug pas zaj ntsuab tawm, mas kuv muab peb hub nyiaj peb hub kub rau koj kiag tiag. Yog koj hu tsis tawm, kuv hu tawm mas koj ua kuv qhev mus ib txhis laiv !" Ces tus muam hais rau Txiv Nraug Ntsuag tias:"Dab laug, koj twb mus ua Suav qhev txog tav no, koj tseem pheej yuav nrog luag tej sib twv thiab ! Tsuas zoo yus hu tawm, yog yus hu tsis tawm ces yus ham tsis yuav ua luag qhev mus ib txhis." Ntsuag teb tias : "Yog hu tsis tawm ces ua kuj ua thiab tiag." Nkawd txawm mus txog ntawm lub niag pa zaj. Txiv Nraug Ntsuag hais rau Xeev Laus tias: "Yog koj teb koj chaw, cia koj xub hu tso kuv mam hu." Xeev Laus thiaj hu tias : "Yawg Zaj Laug pas zaj ntsuab, koj tawm tuaj nraum no ! Kuv muaj ib lo lus hais rau koj auj!" Xeev Laus hu peb zaug li ntawd, tsis pom tawm li lauj! Xeev Laus thiaj cia Txiv Nraug Ntsuag hu. Txiv Nraug Ntsuag thiaj hu tias:"Yawg Zaj Laug pas zaj ntsuab, hwj txwv dawb qas paug ! Nyob qab ca los hnov nyob qab zeb los hnov, koj tawm tuaj, kuv muaj ib lo lus hais koj." Npuas dej txawm tawg plhawv ib lub tuaj, sawv daws luag zom zaws tias : "Yaiv, yuav tawm tiag las." Txiv Nraug Ntsuag hu zaum ob kuj tawm ib lub npuas dej thiab xwb. Nws hu kiag zaum peb. Ua ciav, yawg Zaj Laug pas zaj ntsuab tawm plaws tuaj lauj! Yawg Zaj Laug pas zaj ntsuab hais tias:"Me tub! Koj muaj lus dab tsi los tsev tso mam li hais maj! Cas koj yuav nyob nraum kod hu xwb !" Txiv Nraug Ntsuag thiaj li hais tias : "Ab ! Kuv xav los kawg. Tab sis ntshai kuv los tsis tau xwb, kuv thiaj tsis los." Zaj Laug thiaj muab Txiv Nraug Ntsuag qaim kiag rau hauv qhov tsos, coj nws mus rau hauv pas zaj lawm.

Xeev Laus txawm hnyos tias: "Tsuag sawm ! Khav hu Zaj Laug tawm tuaj, zaum no Zaj Laug muab nws nqos kiag lawm lauv !" Txiv Nraug Ntsuag thiaj li nrog Zaj Laug mus txog hauv Zaj Laug tsev. Zaj Laug lub tsev mas yog tsev nyiaj tsev kub xwb. Zaj Laug thiaj tsab yeeb rau Txiv Nraug Ntsuag haus tas. Zaj Laug thiaj nug tias: "Me tub, koj muaj tus lus dab tsi, koj sim hais rau kuv mloog saib ?" Txiv Nraag Ntsuag thiaj teb tias : "Ab ! Yawg Zaj Laug, tus lus dab tsi kuj tsis muaj thiab! Yog kuv mus ua Suav zog ntuj sua teb tom taug los, kuv los ntsib koj yawg Zaj Laug pas zaj nrab. Nws hais rau kuv tias yog kuv los ntsib koj no, kom kuv hais rau koj. Nws hais tias : 'Nws tub ntxawg tsis paub tab coj hno xaiv, rau xaws rau luag tub tiaj hau, muab luag tub ntshav txhuav haus tas, muab luag tub nqaij noj tas, thiaj li mob luag siab. Luag tis taws lawm zaj la kub lawm zaj zeg, thiaj li kub tas ntswg liaj ncab ntswg iav ntev, kub tas cuaj txwg tub mab yim txwg twb qhe, thiaj li kub tas niam nkauj Zag ib sab ceg. Nws vaj nws tsev kub hnyiab tas, liaj ia kub hnyiab tas. Lub hlis no tim kaum tsib nws yuav ua vaj ua tsev, nws yuav koos ib hnub cawv. Nws kom kuv los hais rau koj, kom koj mus nrog nws koos ib hnub cawv.' Kuv lus hais rau koj li no xwb." Yawg Zaj Laug thiaj teb tias : "Aud ! Ua li los !" Zaj Laug thiaj hais tias : "Yog li no txog hnub kaum tsib tso kuv mam ho mus xyuas ." Nyob nyob txog hnub kaum tsib, yawg ZajLaug txawm yuav mus nrog yawg Zaj Laug pas zaj nrab koos cawv.
Nws hais rau Txiv Nraug Ntsuag tias:"Me tub ! Koj nyob, koj pab zov kuv lub tsev. Kuv los, koj yuav nyiaj yuav kub los kuv muab rau koj." Zaj Laug yuav mus, nws tseem hais ntxiv tias : "Me tub, koj nyob koj tsis txhob seev. Tsam niam dab tsoj tsuam deev. Koj nyob koj tsis txhob saub. Tsam niam dab tsoj tsuam paub." Txiv Nraug Ntsuag teb tias : "Aw ! Kuv nyob, kuv nyaj yuav tsis saub tsis seev thiab." Zaj Laug mus lawm lauj! Txiv Nraug Ntsuag nyob, nws niaj hnub nyob hauv tsev zov tsev. Nws txawm nco nco nws tus muam cov lus uas thaum nws yuav tuaj, nws tus muam hais. Ces Txiv Nraug Ntsuag txawm seev tias : "Ab ! Ua cas yus tsis mloog yus tus muam lus, yuav tuajua luag qhev zov luag tsev li no nev ? Tshav ntuj nrig, yuav kho kuv siab ua luaj!" Ces niam nkauj Zaj nyob hauv txaj, nws txawm hnov lauj! Nws txawm hais rau Txiv Nraug Ntsuag tias : "Txiv Nraug Ntsuag, kho kho koj siab, cia kuv deev koj siab mog !" Ces niam NkaujZag niaj hnub tawm los nrog Txiv Nraug Ntsuag nyob lauj ! Txiv Nraug Ntsuag thiab niam Nkauj Zag nkawd niaj huub sib tham. Muaj ib hnub, Txiv Nraug Ntsuag hais rau niam Nkauj Zag tias: "Yuav ua cas kuv thiaj yuav tau koj ?" Niam Nkauj Zag teb tias:"Thaum kuv txiv yuav mus, kuv txiv kom koj zov tsev. Nws los koj yuav nyiaj yuav kub los nws mam muab rau koj. Tab sis, kuv hais rau koj. Nyiaj kub nyuj nees mas koj tsis txhob yuav. Nyiaj kub mas yog rhawv nyiajrhawvkub. Hos nyuj nees los koj txhob yuav thiab.Nyuj nees yog yaj ceeb kws txaij kws nraug xwb. Koj txhob yuav thiab. Kuv txiv yuav nug koj tias koj yuav dab tsi. Koj yuav teb tias : 'Txiv, kuv xav yuav koj tus tshws kub hnyiab xwb.' Koj hais li ntawd, koj thiaj li yuav tau kuv nawb mog ! "Ces Zaj Laug mus koos cawv los txog, nws txawm Nug Txiv Nraug Ntsuag tias : "Me Tub ! Koj nyob, ntshai koj saub pauj ?" Ntsuag teb tias : "Txiv, kuv nyob kuv tsis tau saub thiab as."Zaj Laug hais Ntsuag tias : "Koj nyob, ntshai koj seev pauj ?" Ntsuag teb tias : "Txiv, kuv tsis tau seev as." Zaj Laug txawm nug Txiv Nraug Ntsuag tias: "Me tub, koj zov kuv lub tsev txog tav no, ua li koj xav yuav dab tsi ? Koj puas xav yuav nyiaj yuav kub ?" Ntsuag teb tias: "Txiv, koj muab nyiajkub los zoo kawg lawm. Tab sis kuv tsis yuav." Zaj Laug nug tias : "Ua li koj puas yuav nyuj yuav nees ?" Ntsuag teb tias : "Nyuj Nees los kuv tsis yuav." Zaj Laug thiaj li nug Ntsuag tias : "Me tub, ua li koj xav yuav dab tsi, koj ho hais rau kuv saib ?" Ntsuag teb tias:"Ab txiv, kuv xav yuav koj tus nyuag tshws kub hnyiab xwb. Lwm yam kuv tsis yuav li." Ces Zaj Laug txawm hais tias : "Aub ! Me tub, koj nyob hauv tsev, ntshai koj saub koj seev lawm lauj! Yog koj xav tau kuv tus tshws kub hnyiab, mas tag kis, cia kuv tus tub hlob los nrog koj sim tes taw. Yog koj yeej mas koj thiaj tau. Yog koj tsis yeej ces koj tsis tau nawb !" Ces Txiv Nraug Ntsuag quaj quaj xwb lauj! Niaj Nkauj Zag thiaj hais rau Ntsuag tias : "Txiv Nraug Ntsuag, koj txhob quaj! Cia kuv qhia koj mas koj yeej xwb ! Tag kis koj sawv ntxov ntxov mus lawm pem hauv dej. Koj mus xyuas daim nplooj uas teev kaum ob lub Iwg. Koj muab daim ntawd, koj haus tas, koj rov los mas koj yeej xwb. Koj tsis txhob quaj kiag li! Koj ua li kuv hais xwb." Tag kis, Ntsuag thiajlisawv ntxov ntxov mus txog pem hauv dej, muaj ib daig nplooj teev kaum ob lub lwg dej. Ntsuag txawm muab haus tas, Ntsuag tuaj kiag kaum ob ceg kub. Zaj Laug tub hlob, ho mus haus daim uas teev rau lub, Zaj Laug tubhlob tuaj rau ceg kub xwb lauj! Ntsuag thiab Zaj Laug tub hlob sib nraus ib hnub tsaus ntuj. Zaj Laug tub hlob tsis yeej Ntsuag, nws tsiv plhawv lawm. Zaj Laug hais tias: "Yaiv ! Tus me tub qhev ntawd ua tau diam tiag ! Tos nws yuav yuav kuv tus tshws kub hnyiab. Tag kis, yog kuv tub nrab sim tsis yeej nws thiab mas thiaj muab rau. Yog kuv tub nrab yeej, mas muab ua kua txob kiag xwb ntag." Ntsuag quaj quaj, niam Nkauj Zag hnov, nws hais tias : "Ntsuag, tsis txhob quaj! Nco ntsoov qhov nag hmo kuv hais rau koj xwb ces koj yeej xwb los mas, Ntsuag." Tag kis Ntsuag mus haus tas, Ntsuag tuaj kaum ob ceg kub. Ho Zaj Laug tub nrab tuaj rau ceg kub xwb. Nkawd sib nraus sib nraus ib hnub tsaus ntuj. Zaj Laug tub nrab tsiv plhawv lawm. Zaj Laug tias:"Tag kis, kuv tub ntxawg tsis yeej, mas muab kiag ! Yog kuv tub ntxawg yeej, muab nws ua kua txob kiag." Ntsuag quaj quaj. Niam Nkauj Zaj hnov, nws hais tias: "Ntsuag, txhob quaj, koj nco ntsoov qhov kuv qhia koj xwb." Ces tag kis, Zaj Laug tub ntxawg thiab Ntsuag nkawd sib nraus ib hnub ntsaus ntuj. Zaj Laug tub nrab tsis yeej, nws tsiv pihawv lawm thiab. Zaj Laug hais tias:"Tus me qhev ntawd, nws ua tau diam tiag! Tag kis, nws sim los nrog kuv sib ntsuas zog saih! Yog nws yeej kuv thiab mas nws thiaj li tau. Yog tsis yeejkuv mas kuv muab nws ua kua txob kiag." Ntsuag quaj quaj thiab lauj ! Niam Nkauj Zag hnov, nws hais rau Ntsuag tias : "Ntsuag, koj nco ntsoov qhov kuv qhia koj xwb. Ces koj yeej xwb los mas, Ntsuag." Tag kis, ces Ntsuag thiab ZajLaug nkawd sib nraus ib hnub yuav tsgus ntuj. Zaj Iaug tsis yeej. Zaj Laug txawm hais rau Ntsuag tias : "Koj niam ntshaw kuv tus tshwskub hnyiab diam. Tag kis kuv tso losrankoj twv. Yog koj twv thawj los tau, mas koj thiaj li tau. Yog koj twv tsis tau mas kuv muab koj ua kua txob kiag xwb ntag nawb !" Ces Ntsuag rov qab quaj quaj. Niam Nkauj Zag hnov, nws hais tias : "Tag kis, kuv txiv tso tawm los rau koj twv. Cov ua ntej mas yog kuv cov tis nyab thiab kuv cov niam laus xwb. Hos kuv mas yog tus tom qab ua kwv ib lub kaus khaub khaub hlab thiab hnav ib ce khaub ncaws khaub khaub hlab, thiaj yog kuv nawb !" Tag kis, Zaj Laug thiaj lis tso sawv daws ua ib leeg lub zam los tan Ntsuag twv. Tus nyab hlob, ua ib lub zam los, nws hais rau Nts uag tias : "Txiv Nraug Ntsuag, koj nyab ces yog kuv tiag." Ntsuag teb tias : "Tis dab hlob, koj tsis txhob hais li! Tej tis dab thiab yawm vauv, txhob hais li kod, tsam txaj muag." Tus nyab yau kuj los hais ib yam li ntawd thiab.Ntsuag kuj teb ib yam li ntawd thiab. Tus niam laus ho ib lub zam los, nws kuj hais li ntawd rau Ntsuag. Los Ntsuag hais rau tias: "Niam laus thiab txiv hluas, tsis txhob hais li kod, tsam txaj muag." Niam Nkauj Zag hnav ib lub nyuag zam khaub khaub hlab tawm piaws los. Ntsuag tib plhaw mus khawm nkaus. Ntsuag hais tias : "Kuv nyab yog tus no, kuv yuav tus no xwb." Ces Zaj Laug hais tias : "Yog koj ntshaw hwv no, koj coj mus." Ces niam Nkauj Zag thiaj Txiv Nraug Ntsuag nkawd thiaj li sawv kev los txog tom kev. Tshav ntújkub kub li, niam Nkauj Zag hais rau Txiv Nraug Ntsuag tias : "Txiv Nraug Ntsuag, tshav ntuj kub kub li, wb so me ntsis tso, wb mam mus." Ces niam Nkauj Zag thiaj li mus txiav tau ib lub ntsis tauj los khi rau Ntsuag nkawd nkaum tshav. Niam Nkauj Zaj suav suav Ntsuag taub hau, Ntsuag txawm tsaug zog lawm lauj ! Ib ntsisNtsuag tsimdheev los.Uaciav yog nkawd nyob hauviblub tsev nyiaj tsev kub lawm. Txiv Nraug Ntsuag hais rau niam Nkauj Zag hais tias : "Aub ! Tsis tsum! Cas wb yuav los pw txhaum Suav tsev lawm." Niam Nkauj Zag hais tias: "Tsis yog ho ! Yog kuv niam thiab kuv txiv nkawd tuaj ua rau wb nyob xwb." Ces niam Nkauj Zag hlub hlub Txiv Nraug Ntsuag, nws niaj hnub cia Ntsuag nyob hauv tsev xwb lauj! Niam Nkauj Zag niaj hnub nqa mov nqa zaub mus rau cov tub mab tub qhe noj. Nyob nyob, Ntsuag nkawd txawm yug tau ib tug ntxhais.Nkawd muab tis npe hu ua Zuag. Nyob nyob, tus me nyuam hlob lawm. Txiv Nraug Ntsuag txawm hais rau niam Nkauj Zag tias: "Koj niad ! Koj niaj hnub xa zaub xa mov mus rau tub mab tub qhe noj, ntshaikoj nkees nkees lawm. Hnub no cia kuv ho xa ib zaug." Niam Nkauj Zag tsis kheev. Niam Nkauj Zag hais tias : "Koj txiv, koj tsis txhob mus, cia kuv mus xwb." Txiv Nraug Ntsuag pheej yuav mus xwb xwb li. Niam Nkauj Zag thiaj hais tias : "Koj txiv, yog koj yuav mus no cia tus me nyuam nrog koj mus thiab." Niam Nkauj Zag hais rau tus me nyuam tias : "Me Zuag, koj txiv tsis mloog kuv lus. Yog neb mus no, kom koj txiv kwv lub kaus kom zoo zoo. Tsis txhob ua lub kaus qaij. Nyob tsam tshav ntuj kub koj txiv. Ces Txiv Nraug Ntsuag thiab tus me nyuam txawm xa mov mus rau cov tub mab tub qhe noj. Tshav ntuj mas kub kub li lauj! Txiv Nraug Ntsuag txawm mus pw ua si tom qab ca, nws tsaug zog lawm. Hos tus ntxhais mus ua si lawm thiab. Ces tshav ntuj tuaj ziab Ntsuag, Ntsuag txawm ci ci mus txog puag pem qaum ntuj lauj!Niam Nkauj Kub Kaws txawm pom. Niam Nkauj Kub Kaws hnav cuaj ce kub, yim cev hlaws. Nws tuaj txog, nws hais rau Ntsuag tias : "Txiv Nraug Ntsung, zoo nraug tas npaum li koj, yuav poj niam tsis yuav tej tus zoo li kuv ! Cas koj yuav mus yuav niag niam nkauj zuag paj haus ntshav yaj, niam nkauj zuag ntsis haus ntshav tshis.Niag tsw yaj tsw tshis li ntawd. Koj saib kuv mas hnav cuaj cev kub, yim cev hlaws. Koj yuav kuv los mas Ntsuag !" Ces Txiv Nraug Ntsuag ntsia ntsia. Cas niam Nkauj Kub Kaws yuav zoo nkauj tas npaud tiag ! Ces Txiv Nraug Ntsuag lub siab txawm ntxeev npo rau niam Nkauj Kub Kaws sab lawm lauj! Txiv Nraug Ntsuag thiab nws tus ntxhais nkawd rov los txog tsev, Txiv Nraug Ntsuag txawm hais rau niam Nkauj Zuag Paj tias: "Niam Nkauj Zuag Paj haus ntshav yaj, niam Nkauj Zuag Ntsis haus ntsav tshis, koj kav tsij khiav mus, kuv tus zoo yuav rawm los." Niam Nkauj Zuag Paj hais tias : "Txiv Nraug Ntsuag, yog vim koj tsis mloog kuv lus, koj qaij lub kaus es niam Nkauj Kub Kaws thiaj pom koj lawm.Nyem no niam Nkauj Kub Kaws yuav tuaj hIe koj caus ci."Ntsuag rov cem niam Nkauj Zuag Paj tias: "Phib ! Kav tsij khiav mus tsuag tsuag ! Kuv tus zoo twb yuav rawm los." Niam Nkauj Zag rov hais rau Txiv Nraug Ntsuag tias : "Koj Txiv, ua siab nrog kuv ua neej los mas !" Los txiv Nraug Ntsuag cem cem tsis yuav li lawm lauj ! Thaum uas niam Nkauj Zuag Paj tsaug zog lawm, niam Nkauj Kub Kaws muab ntshav yaj ntshav tshis los pleev niam Nkauj Zuag Paj qhov ncauj, ces nws tsw tsw yaj tsw tsw tshis.

Niam Nkauj Zuag Paj hais npaum li cas los Txiv Nraug Ntsuag tsis yuav lis lawm. Ces niam Nkauj Zuag Paj thiaj tu siab nrho, niam Nkauj Zuag Paj thiaj nthos nkaus rab khaub rhuab cheb kiag qhov rooj txuas mus txog ntua qhov rooj tag. Nws tig loo rov hais rau Txiv Nraug Ntsuag tias : "Koj Txiv ! koj ua ib siab nrog kuv ua neej los mas !" Los txiv Nraug Ntsuag cem xwb, Txiv Nraug Ntsuag yeej tsis yuav li lawm. Kom nws kav tsij khiav mus. Niam Nkauj Zuag Paj cheb kiag ntawm qhov rooj tag mus txog nraum zoov. Nws tig rov los hais rau Txiv Nraug Ntsuag tias : "Txiv Nraug Ntsuag, koj ua siab yuav kuv los mas ! Yog koj tsis yuav kuv sais luag yuav tuaj ntxias hle koj caus ci laiv !" Txiv Nraug Ntsuag rov cem nto tej niag saub thiab lauj ! Niam Nkauj Zuag Paj cheb zoj mus txog ntua nram qab tsib taug. Nws tig loo los hais rau Txiv Nraug Ntsuag tias: "Txiv Nraug Ntsuag, koj ua ib siab nrog kuv ua neej los mas !" Los txiv Nraug Ntsuag cem cem thiab. Niam Nkauj Zuag Paj cheb klag mus txog ntua'hauv lub pa dej. Nws hais tias : "Txiv Nraug Ntsuag, koj tsis ua ib siab nrog kuv ua neej, koj ntiab kuv diam. Zaum no kuv mus lawm tiag tiag. Sim neej no, koj xav pom kuv mas koj yuav txiav cwj nrig, cwj nqws ti ntawm koj tes, koj yuav thuv lub pa dej no kom kev qawj txij koj taub hau, mas ntshai koj thiaj li rov pom kuv." Nws hais li ntawd tas, nws ploj ntais rau hauv dej lawm lauj ! Txiv Nraug Ntsuag tig loo los saib. Ua cas du lug tsis pom vaj tse li lawm ! Tsuas tsh uav peb lub ntsis tauj uas thaum ub niam Nkauj Zuag Paj txiav rau Txiv Nraug Ntsuag nkawd nkaum tshav ntuj lawm xwb lauj! Niam Nkauj Kub Kaws thiaj li luag nqhuas los. Txiv Nraug Ntsuag mus tuav nkaus niam Nkauj Kub Kaws. Niam Nkauj Kub Kaws yim cuaj tsuag kua mis rau Txiv Nraug Ntsuag quaj ceg xyab ceg caws. Txiv Nraug Ntsuag ntho nkaus qhov twg los yim cuaj tsuag kua mis rau Txiv Nraug Ntsuag xwb lauj! Ces Txiv Nraug Ntsuag thiaj li quaj hu quaj hu tias : "Kuv niam Nkauj Zuag Paj haus ntshav yaj, kuv niam NkaujZuag Ntsis haus ntshav tshis dua qhov twg lawd ! Cas kuv yuav nco koj ua luaj no, kuv yuav mus nrhiav kuv niam Nkauj Zuag Paj xwb." Niam Nkauj Kub Kaws mas niam luag luag ceg xyab ceg caws. Txiv Nraug Ntsuag thiaj li mus txiav tau ib tug cwj los nrig. Ces Txiv Nraug Ntsuag niaj hnub nrhiav niam Nkauj Zag ncig lub pas zaj. Nws niaj hnub quaj lauj! Txiv Nraug Ntsuag ncig ncig txoj kev qawj qees txij Txiv Nraug Ntsuag taub hau, tseem ploj nws taub hau lawm thiab lauj! Nws tus cwj nqws ti nkaus ntawm nws tes. Muaj ib hnub, Txiv Nraug Ntsuag thiaj pom muaj ob tug poj niam tuaj ntxhua khaub ncaws ntawm ntug pas zaj.

Txiv Nraug Ntsuag thiaj nug ob tug poj niam ntawd tias : "Ab ! Ob tug niam ntxawd ! Neb puas pom kuv niam Nkauj Zag los tsis pom ?" Ob tug pojniam ntawd teb tias:"Tsawg sawm, zoo siab tsis zoo! Zaum no luag hle koj caus ci kiag ! Koj niam Nkauj Zag mas wb pom kawg los mas !" Txiv Nraug Ntsuag thiaj li hais tias : "Kuv thov neb ua rau kuv pom ib pliag puas tau ?" Ob tug poj niam teb tias : "Yog koj tsis luag wb, wb thiaj yuav ua rau koj pom ib pliag." Ntsuag tias : "Thov neb ua rau kuv pom, kuv tsis luag kiag li." Ces ob tug poj niam ntawd txawm txia ntshis ua ob tug gav nqus lub pas dej ntawd lauj! Ntsuag ntsia ntsia ob tug qav ntawd ob lub plab yuav tawg. Ntsuag txawm luag ib nyuag suab, ob tug qav plab tawg rhe, dej rov qab puv nkaus li qub tuaj lauj! Ces nkawd cem Ntsuag tias : "Txiv Nraug Ntsuag, yog vim koj siab phem li kod, koj thiaj li tsis mloog koj niam Nkauj Zaj lus, koj thiaj txom nyem li kod ! Wb twb ua kom koj pom no, koj tseem luag thiab. Zaum no wb tsis ua ntxiv lawm." Ntsuag quaj thov quaj thov lauj ! Ob tug poj niam hais tias : "Yog koj tsis luag wb tiag tiag, wb thiaj ua koj pom ib pliag." Txiv Nraug Ntsuag teb tias : "Kuv yuav tsis luag li lawm, thov neb ua kom kuv pom niam Nkauj Zag ib pliag xwb." Ces ob thiaj li txia ntshis ua ob tug qav nqus lub pas dej. Nkawd nqus nqus ob lub plab yuav tawg yuav tawg, lub pas dej thiaj li qhuav kiag lauj! Txiv Nraug Ntsuag ntsias, ua cas niam Nkauj Zag ua ntos nthawv nthav ntawd.

Txiv Nraug Ntsuag thiaj tib plhaw mus nthos nkaus niam Nkauj Zag.Niam Nkauj Zag hais tias: "Tsawg! Zoo siab tsis zoo! Koj ua siab phem tas npaum li kod rau kuv, koj tseem yuav tuaj nrhiav kuv ua tus dab tsi ?" Txiv Nraug Ntsuag quaj qua jtias:"Kuv niam Nkauj Zag!Vim yog kuv nco koj dhau, kuv thiaj tuaj." Niam Nkauj Zag hais tias : "Ntsuag, niam no mam sawv koj ntxov tuaj, ces luag neeg qaum ntuj twb tuaj yuav kuv lawm. Lawv twb ua noj haus tas, teem lub hlis no kaum tsib, kuv twb yuav los lawm pem qaum ntuj. Yog koj xav pom kuv mas, koj rov mus txua peb lub thoob peb rhawv dej. Ces txog lub hlis no tim kaum tsib, thaum hnub pib tawm, koj mus xyuas hauv cov thoob dej, koj thiaj pom kuv ib pliag mog !" Txiv Nraug Ntsuag rov los txog tsev, nws los txua tau peb thoob peb rhawv dej coj mus txawb rau tom tshav puam. Txog hnub tim kaum tsib, thaum sawv ntxov. Txiv Nraug Ntsuag hnov niam NkaujZag nrog qaum ntuj neeg los mus. Txiv Nraug Ntsuag thiaj li xauj zoj thawj lub thoob, pom niam Nkauj Zag yim pliag los lawm. Xauj zoj lub, pom niam Nkauj Zag yim pliag los lawm. Ho xauj zoj lub, pom niam Nkauj Zag yim pliag los lawm thiab lauj! Txiv Nraug Ntsuag thiaj li tig hlo ntsia saum ntuj no. Ua ciav niam Nkauj Zag nrog qaum ntuj neeg los lawm. Nws thiaj tib plhaw mus nthos nkaus niam Nkauj Zag. Ces niam Nkauj Zag thiab Txiv Nraug Ntsuag nkawd thiaj li ua ke ya rau puag tim qab ntug lawm. Qaum ntuj neeg qw zom zaws tias : "Kav tsij zoj zeeg ! Ntiaj teb neeg tuaj txeeb peb poj niam lawm. Tsuag tsuag hu ntuj tua, hu xob tuaj tua." Ces niam Nkauj Zag ntshai, niam Nkauj Zag thiaj li laug kiag rab nqos ntsaj tuaj thaiv kiag tom qab.Qaum ntuj hu ntuj tua, hu xob tua los tua tsis raug li. Ces Niam Nkauj Zuag Paj thiab Txiv Nraug Ntsuag nkawd thiaj li mus ua neej nyob puag tim qab ntuj kawg lawm.

Ces nyem no tej hnub ua tshav tshav ntuj, thaum tsaus ntuj, pheej muaj ib twv huab dub nyob puag tim qab ntug, peb pheej pom laim txuj txias mas yog niam Nkauj Zuag Paj ua ntos. Tej thaum xob nroo laws, tej niag laim pom kev dawb vog, mas yog niam Nkauj Zuag Paj laug nqos tuaj thaiv tom qab. Peb pom ci, peb hais tias yog xob laim. Tab sis yog niam Nkauj Zuag Paj laug nqos xwb. Tsuas yog zoo hnub zoo hmo, niam Nkauj Zuag Paj thiaj li sawv ua ntos.

Subject: Re: XEEBTSHEEJ TIAM LI DAB NEEG Mon Jan 30, 2017 11:23 pm

Xeebtsheej, cas yuav txawj nrhiav tau tej dab neeg zoo ua luaj tuaj post rau peb tau nyeem os. Nkaujnagtshia tsis tshua khoom tuaj pes tsawg thiab tuaj reply sawv daws txawm ho tuaj tu ncab tu ncua los zam txim nawb los thaum xyeej siab xyeej tes yeej yuav rov tuaj os kav tsij sau dab neeg sau tej yam lom lom zem post rau peb saib es tsis yg peb saib xwb nawb muaj neeg coob tuaj nrog peb saib peb nyeem ua ke thiab hov tab si lawv tsis paub tuaj nkag register xwb na .Mam sib ntsib nej duaos lov.

Subject: Re: XEEBTSHEEJ TIAM LI DAB NEEG Tue Mar 07, 2017 6:30 am

NRAUG NTSUAG THIAB NKAUJ HNUB QUB

Puag thaum ub, muaj ob tug niam tub ntsuag nos. Nkawd tsis muaj kwv muaj tig li. Leej niam laus laus, nws yuav tuag, nws hais rau nws tus tub tias : "Ab ! Me tub, ntshai kuv yuav tuag. Yog kuv tuag hnub twg no, ces kuv tub mus txais lawv ib puas ob nyiaj los pam kuv mog !" Tus tub teb tias: "Niad! Niag tsis muaj kwv muaj tig es leej twg yuav txais nyiaj rau yus ? Ib puas ob nyiaj no leej twg yuav txais rau yus nab, niad ?" Tus niam teb tias: "Me tub, cia kuv qhia rau koj mog ! Koj mus txais nyiaj ces koj nkag hauv luag lub zos, koj yuav hu tias:' Lawv es lawv ! Kuv niam tuag lawm, kuv yuav tuaj txais nej nyiaj no! Koj yuav hu peb zaug li no. Yog luag tsis teb koj, ces yog luag tsis txais nyiaj rau koj. Koj ho mus ntxiv lawm tom ntej, koj yuav mus ib lub zos dhau ib lub zos, koj hu li kuv qhia rau koj ntawd xwb mog ! Yog luag kam txais nyiaj rau koj ces luag yeej yuav teb koj xwb os, me tub !" Hais li ntawd tas, niag niam nyob tsis ntev hnub tsis ntau hmo, niag niam txawm tuag lawm tiag lauj ! Tus tub txawm ua li leej niam hais. Nws tso leej niam tseg rau hauv tsev.
Nws thiaj mus mus txog thawj lub zos, nws hu tias: "Lawv es lawv ! Kuv niam tuag lawm, kuv yuav tuaj txais nej ib puas ob nyiaj coj mus pam kuv niam no !" Ua cas ntsiag to, tsis hnov leej twg teb li. Nws hu lintawd peb zaug, los tsis muaj neeg teb li lauj! Nws thiajlirov qab mus ntxiv.Nws mus txog ntawm luag tej ntug zos, nws pheej hu li ntawd li lauj! Nws hu hu tsis muaj neeg teb li thiab. Nws thiaj li hais tias : "Ab ! Cas tsis muaj neeg teb li, ntshai luag tsis txais nyiaj rau yus.
Lam mus me ntsis ntxiv thiab saib puas yuav muaj neeg teb yus." Nraug Ntsuag txawm mus mus txog rau Huab Tais lub zos lauj! Nws thiaj li hu tias : "Lawv es lawv t Kuv niam tuag lawm, kuv yuav tuaj txais nej nyiaj ib puas ob mus pam kuv niam no." Huab Tais hnov dheev, Huab Tais hais tias: "Los Tuam, Los Xab thiab Los Lwm, tawm mus xyuas saib yog leej twg es pheej tuaj nraum zoov hu vuj vws tias yuav txais nyiaj no ? Yuav Txais μyiaj kuj los tsev los pauj! Cas pheej yuav tuaj nraum zoov hu xwb ! Sim tawm mus xyuas saib !" Cov tub thiaj li tawm tuaj xyuas. Lawv thiajcoj tau Nraug Ntsuag los hauv tsev. Nws los hais rau Huab Tais hais tias : "Aub ! Txiv Huab Tais, thaum kuv niam yuav tuag, mas nws hais rau kuv tias yog nws tuag hnub twg no ces kom kuv tuaj txais nyiaj. Kuv tsis muaj kwv muaj tig. Kuv nyob raum zoov hu saib yog leej twg yuav txais nyiaj rau kuv, ces nws yeej yuav teb kuv xwb.Nws hais lintawd tas, nyob tsis ntev nws txawm tuag lawm. Kuv thiai li ua raws li nws hais , kuv thiaj hu hu li ntawd tuaj saib puas muaj neeg yuav txais nyiaj rau kuv coj mus pam kuv niam." Huab Tais thiaj nug tias : "Ua li koj yeej tsis muaj kwv muaj tig, tsis muaj poj niam me nyuam li lov ?" Ntsuag teb tias:"Ab ! Txiv Huab Tais, kuv txiv ces yeej tuag thaum ntxov lawm, tshuav kuv niam wb xwb. Wb txom txom nyem li, wb yeej tsis muaj kwv muaj tig nyob qhov twg. Hos kuv yeej tsis tau muaj poj niam me nyuam li thiab. Kuv txom txom nyem li, thov koj txais ib puas ob nyiaj rau kuv coj mus pam kuv niam lauj, Txiv Huab Tais !" Huab Tais hais tias : "Me tub, yog kuv txais nyiaj rau koj coj mus pam koj niam tas sais koj sau cuab yeej cuab tam los mog peb nyob ua peb qhe txiav zaub nyuj zaub nees laiv ! Yog tias koj tsis los nrog peb nyob, mas ntshai kuv yuav tsis txais nyiaj rau koj thiab !" Ntsuag teb tias: "Ab ! Txiv Huab Tais, yog koj txais rau kuv ces kuv yeej yuav los nrog nej nyob ua nej qhev kom them tas cov nuj nqes ntawd xwb. Txawm yuav nyob tsawg xyoo los nyob." Huab Tais thiaj li txais tau kaum ob daig nyiaj rau Ntsuag. Nws rov los txog tsev, nws muab rau daim mus yuav dej yuav cawv thiab yuav mov noj. Muab rau daim mus yuav nyuj yuav twm los tua rau nws niam. Nws pam nws niam tas, nws thiaj sau tej me cuab yeej cuab tam yuav mus ua Txiv Huab Tais lawv qhev.
Ntsuag txawm sawv kev los txog tom kev. Nws txawm los ntsib ib tug hluas nkauj, cas yuav zoo nkauj tas npaud li lauj! Nws txawm tav Ntsuag kev, hais rau Ntsuag tias :" Txiv Nraug Ntsuag, koj yuav mus dab tsi ?" Ntsuag txawm teb tias : "Leej Muad. Twb yog kuv niam tuag, kuv mus txais tau Huab Tais ib puas ob los pam kuv niam lawm. Koj zam kev es kuv yuav los mus ua Huab Tais laus lawv qhev lawm tom lawv zos." Tus hluas nkauj ntawd txawm hais tias: "Ab ! Txiv Nraug Ntsuag,kuv twb yuav los yuav koj no ! Cas koj tseem yuav mus nrog lawv nyob thiab ?" Ntsuag teb tias: "Ab ! Leej Muad, koj tsis txhob hais li kod, kuv txaj txaj muag li. Koj yog nkauj nom nkauj tsw, koj xav yuav txiv los koj ho mus nrhiav nom nrhiav tswv yuav mog! Kuv ces yog niag tub ntsog tub ntsuag qe mub qe tuv ncw hna xwb. Kuv pluag pluag kuv tsis muaj ib yam dab tsi li. Kuv twb mus txais tau Huab Tais ib puas ob nyiaj lawm ces kuv yuav mus ua lawv qhev nrog lawv nyob." Tus hluas nkauj hais tias : "Ais! Koj txawm tsis yuav kuv ntag. Kuv twb yog los yuav koj ntag ! Tsis vim li ntawd kuv yeej tsis los li ho. Vim koj niam kom kuv los yuav koj tiag ! Nws kom kuv los nrog koj ua neej, los nrog koj them lawv cov nuj nqes kom tas no tiag. Koj tseem tsis yuav kuv thiab lov ?" Ntsuag teb tias : "Ua li, yog kuv niam kom koj los yuav kuv ntag los, leej muad !" Tus hluas nkauj hais tias : "Koj niam kom kuv los yuav koj no, kuv thiaj li los tiag." Ntsuag hais tias:"Ab ! Niam txawm hais kom kojlos yuav kuv los kuv kam tshuav Huab Tais lawv ib puas ob nyiaj diam, ces ntshaikuv yuav mus ua lawv qhev them lawv thiaj tag. Saib koj puas kam nrog kuv mus los tsis kam xwb lauj!" Tus h1uas nkauj hais tias: "Kuv pom xeeb los yuav koj lawm ces koj mus qhov twg los kuv ham tsis mus thiab xwb. Koj ua dab tsi los kuv yeej yuav nrog koj ua, pab koj ua hauj Iwm them cov nuj nqes ntawd tiag." Ntsuag hais tias: "Ab ! Yog niam kom koj los yuav kuv no, ces yuav los yuav thiab. Tsuav koj pom zoo nrog kuv mus ua zog." Ces Ntsuag txawm coj tus hluas nkauj ntawd nrog Ntsuag mus lauj ! Nkawd mus mus txog Huab Tais laus tsev. Ntsuag txawm hu hais tias : "Txiv Huab Tais aw ! Nej nyob hauv tsev los tsis nyob lawm os! Kuv los lawm laiv !" Huab Tais lawv thiaj li qhib plho qhov rooj xyuas. Ua ciav Txiv Nmug Ntsuag coj tau ib tug poj niam zoo nkauj tas nrho los thiab lauj! Huab Tais thiaj li hais tias : "Me tub, koj twb tias koj tsis muaj poj niam no nev ! Ua cas koj ho coj tau ib tug poj niam los thiab ?" Ntsuag txawm teb tias : "Ab ! Txiv, kuv los txog tom kev, kuv nyuam qhuav los yuav tom kev xwb." Huab Tais hais tias: "Koj yuav tau poj niam lawm los zoo kawg thiab los mas, me tub ! Tsuav neb ob leeg los nrog kuv nyob ua kuv qhev yug nyuj yug twm xwb los mas." Tus ntxhais ntawd mas yog niam Nkauj Hnub Qub xwb lauj ! Txiv Nraug Ntsuag thiab niam Nkauj Hnub Qub nkawd niaj hnub nrog Huab Tais laus nyob ua nws qhev tu tsiaj tu txhuv lauj ! Hmo ntuj nkawd los pw ntawm Huab Tais laus lub txaj qhuas. Nruab hnub nkawd rov mus ua hauj lwm lawm.
Nkawd nyob nyob tau ntev niaj mus ntau xyoo lauj! Huab Tais laus txawm xav tau ib zag tswv yim phem, nws txawm hais rau Los Xab, Los Xwm thiab Los Lwm lawv tias : "Los Tuam, Los Xab thiab Los Lwm, cas nej yuav ruam tas npaud! Niag Hmoob qhev ntawd tus poj niam zoo nkauj ua luaj ntawd diam, nws tseem tshuav yus ib puas ob nyiaj diam. Nej muab nws tua pov tseg yuav nws niag poj niam tiag." Los Tuam tias:"Txiv, cia ib tsam kuv sim mus sim saib puas seem kuv sob. Seem kuv sob no cia kuv yuav." Ib tsam noj hmo tas, sawv daws mus pw tsaug zog tas, tsev tsaus ntuj uti lawm. Los Tuam txawm sawv los rauv taws saib. Ua ciav pom pw tib tug me zoo nkauj rhib tiag lauj! Los Tuam txawm muab hluav taws faus tsuag tsuag tas. Cev loo tes mus xuas. Ua cia tib lub txaj qhuav qhawv tsis pom dab tsi li. Nws txawm rov los tshum hluav taws tsuag tsuag cig ntsa iab. Cas ho pw tib tug zoo nkauj rhib, ua pa saws soom ntawd thiab. Nws rov muab taws faus tsuag tsuag rau, ya ntxiag rov mus xuas xuas tsis pom li lawm thiab. Los Tuam kov kov ib hmos kaj ntug tsis ntsib li lauj! Tag kis, Huab Tais nug tias : "Los Tuam, koj mus sim nws puas seem koj sob naj ?" Los Tuam teb tias : "Aub ! Txiv, nag hmo sawv daws tsaug zog tas, kuv maj mam sawv mus rauv taws xyuas, tsuas tias pw tib tug me zoo nkauj rhib ntawd. Muab hluav taws faus tsuag tsuag tas, cev loo tes mus xuas.Ua cas pawv ! Tib lub txaj qhuav qhawv xwb. Kuv kov tib hmos tsis ntsib li." Huab Tais hais tias : "Aub ! Los Tuam koj hmoov tsis sawm. Lwm hmo cia Los Lwm ho mus sim saib. Yog seem Los Lwm sob no, cia rau Los Lwm yuav." Ib tsam noj hmo tas, sawv daws pw tsaug zog tas lawm lauj! Los Lwm txawm sawv los rauv taws xyuas. Ua cas pw ntawm Ntsuag ib sab mas yuav tib tug me zoo nkauj tas npaud li lauj ! Nws muab hluav taws faus tsuag tsuag tas, cev loo tes mus xuas. Ua cas tib lub txaj qhuav qhawv xwb thiab lauj ! Los Lwm kam kam ib hmos kaj ntug plaws tsis ntsib li thiab.
Tag kis kaj ntug, Huab Tais nug tias: "Los Lwm, nag hmo koj sim Hmoob qhev niag poj niam puas seem koj sob naj ?" Los Lwm teb tias: "Txiv es! Yog nkaus lis Los Tuam hais thiab tiag. Rauv tau taws xyuas mas pom tib tug me zoo nkauj rhib, faus hluav taws tsuag tsuag, cev loo tes mus xuas, tib lub txaj qhuav xwb. Kuv kam kam ib hmos tsis ntsib li thiab tiag." Huab Tais hais tias: "Aub ! Yog li ntawd mas koj hmoov tsis sawm thiab. Lwm hmo cia Los Xab sim ho mus sim saib, yog seem Los Xab sob no cia rau Los Xab yuav lauj !" Ib tsam noj hmo tas, sawv daws pw tas, Los Xab sawv tsees los rauv tau taws xyuas, ua ciav pw tib tug me zoo nkauj rhib ntawd thiab lauj ! Nws muab hluav taws faus tsuag tsuag tas. Cev loo tes mus xuas, cas tib lub txaj qhuav thiab xwb. Los Xab kam kam tib hmo kaj ntug tsis ntsib li thiab. Tag kis, Huab Tais nug tias:"Los Xab, nag hmo koj mus sim Hmoob qhev poj niam, puas seem koj sob los tsis seem naj ?" Los Xab teb tias:"Txiv, seem sob qhov twg! Ham tsis tib yam li Los Tuam nkawd thiab xwb las as.Kuv kam kam ib hmos, yeej tsis ntsib Ii thiab tiag." Huab Tais txawm hais tias : "Aub ! Los Tuam, Los Lwm thiab Los Xab, ntshai nej cov hluas hmoov tsis sawm. Cia ib tsam kuv mus sim. Yog seem kuv sob no cia muab niag qhev ntawd tua tso, kuv yuav." Hais li ntawd tas, ib tsam noj hmo tas, sawv daws mus pw tas lawm. Huab Tais txawm sawv los rauv tau taws xyuas. Aub ! Cas yuav pw tib tug me zoo nkauj tas nrho ntawd tiag lauj! Huab Tais thiaj muab hluav taws faus tsuag tsuag tas nrho, cev loo tes mus xuas zoj. Ua cas pawv thiab lauj! Huab Tais txawm yws yws tias : "Aub ! Yog yus hmoov tsis sawm ces puam chawj lauj! Tsis txhob xuas lawm. Cia nws yuav nws. Yeej tsis yog yus hmoov." Tag kis, cov tub nug zom zaws tias: "Txiv, nag koj mus sim puas seem koj sob naj ?" Huab Tais tias : "Aub ! Peb hmoov yeej tsis sawm li. Kuv cev tes mus kov ib zaug tsis ntsib, ces kuv cia li tsis kov lawm." Niam Nkauj Hnub Qub thiab Txiv Nraug Ntsuag nkawd nrog Huab Tais laus nyob ntev ntev lawm lauj ! Muaj ib hnub txawm muaj ib tug neeg tuaj hu Huab Tais tias:"Txiv Huab Tais, lub hlis no tim kaum tsib, peb yuav tsuj Xeev Laus xeeb, peb yuav haus cawv. Txog hnub ntawd koj tuaj nrog peb nyob ib hnub nawb !" Huab Tais txawm tias: "Aws! Yog nej yuav tsuj Xeev Laus Xeeb no, cia txog hnub ntawd kuv mam tuaj." Huab Tais laus ntawd txawm hais rau nws niag nyab qhev tias : "Nyab qhev, lawv yuav tsujXeev Laus cawv xeeb no. Kuv tsis tau khau rau lawm, koj xaws ib nkawg khau rau kuv. Txog hnub lawv haus cawv xeeb kuv thiaj li tau khau rau mus." Niag nyab qhev teb tias : "Txiv, yog koj xav yuav los cia kuv ho xaws ib nkawg rau koj rau mus los mas, txiv." Nyob nyob tau tsib hnub, Huab Tais hais tias : "Nyab, koj kav tsij xaws. Twb yuav txog caij, tsam kuv tsis tau khau rau." Nyab teb tias : "Txiv, koj xav yuav los cia kuv ho xaws." Huab Tais tos tau tsib hnub ntxiv thiab. Huab Tais rov hais tias : "Nyab, kav tsij xaws tiag laiv ! Tshuav tsib hnub lawm xwb! Saib yog koj tsis tau xaws no, kav tsij xaws ! Tsam txog hnub ntawd koj xaws tsis tau naj !" Nyab teb tias : "Aws txiv ! Yog koj yuav los kuv ho xaws." Tshuav ib huub nkaus lawm xwb lauj ! Huab Tais rov nug tias : "Nyab qhev, koj xaws khau rau kuv no, koj xaws tau lawm los tsis tau ? Tag kis yog hnub lawv haus cawv xeeb laiv !" Tus nyab teb tias:"Txiv,kuv tseem tsis tau xaws. Yogkoj xav yuav no kuv mam xaws rau koj." Ces Huab Tais laus txawm cem hiav muag nti hais tias:"Tus me nyab qhev ntawd kod ! Cas koj yuav dag ua luaj li! Puag thaum tseem tshuav kaum hnub, kuv twb kom koj nyob hauv tsev xaws lawm. Koj twb hais tias koj mam xaws. Txog hnub no, koj tseem hais tias koj tseem yuav xaws thiab xwb no.Koj tus neeg ntawm kod mas dag dua luag tej neeg huv tib si li lauj! Tag kis kuv mus haus cawv kuv yuav muab khau qhov twg los rau maj!" Nyab teb tias : "Txiv, koj tsis txhob cem cem. Yog koj yuav yuav los sis cia ib tsam kuv mam taws teeb xaws." Huab Tais mas cem cem hiav muag nti li lauj! Ib tsam sawv daws noj hmo tas, niam Nkauj Hnub Qub tawm plaws nraum zoov, nws muab kiag ib daig tawv xib los npua zoj, xib zoj peb suab rov pem qaum ntuj. Tuaj zoj rau tus niam hluas tuaj txog ntua, nws taws kiag teeb. Lawv xaws zoj ib tag hmo xwb, tau kiag ib nkawg khau, mas zoo nkauj tsis zoo li lauj! Tsuas tias paj ntsais tsias qhov txhia chaw. Tawg paj rhib laim pes txias xwb lauj ! Tag kis kaj ntug, Huab Tais laus sawv tsees los txog ntua, nws nug tias : "Nyab qhev, nag hmo koj niam khav tias koj yuav xaws khau rau kuv rau no. Koj xaws tau lawm los tsis tau ?" Nyab qhev teb tias : "Txiv, nag hmo kuv taws teeb xaws tau ib nkawg nyuag dog pes dig lawm thiab os, txiv." Huab Tais hais tias : "Aub ! Yog koj xaws tau lawm no zoo lauj ! Kav tsij hais dej rau kuv ntxuav muag, rau mov los rau kuv noj tso, kuv yuav rawm maj mus." Nws hais dej rau Huab Tais ntxuav muag tas, rau mov rau Huab Tais noj tas. Huab Tais hais tias : "Nyab qhev, muab khau los rau kuv rau saib !" Ces niam Nkauj Hnub Qub nkaus hlo nkawm khau los cev kiag rau Huab Tais lauj! Huab Tais ntsia mas cas yuav zoo nkauj tas npaud li lauj! Tawg paj pes rhib, hos laim pes txias ! Huab Tais ntsia tsis tseeb li ntag lauj ! Niam Nkauj Hnub Qub txawm hais tias:"Txiv, nag hmo koj hais tias yog kuv xaws tsis tau khau rau koj rau no, koj yeej yuav tsis yib li no. Yog tias kuv tseem xaws tau thiab mas koj yuav hais li cas rau kuv no ? Zaum no kuv xaws tau khau rau koj rau lawm saib koj yuav hais li cas rau kuv ?" Huab Tais hais tias : "Aub ! Nyab qhev lauj ! Nkawm khau no zoo nkauj hwv lawm. Ces cia muab ntaus ua rau daim kiag rau neb ntag lauj! Tso tshuav rau daim ntawd, thaum twg neb khwv tau, neb mam ho muab rau kuv kuj tau." Niam Nkauj Hnub Qub tias : "Txiv, yog nuj yog nqe lawm ces koj ntaus rau daim los kuj zoo kawg thiab. Tab sis tsis yog nuj yog nqe mas koj txawm muab rau daim los kuv tseem tsis kam muag rau koj thiab hos !" Huab Tais hais tias : "Aub ! Txhob xav li ntawd, cia ntaus ua rau daim es kuv yuav xwb." Hnub ntawd Huab Tais txawm tau khau rau mus nrog Xeev Laus lawv haus cawv lawm. Huab Tais mus txog tom Xcev Laus tsev, Xcev Laus pom Xeev Laus ntshaw ntshaw ib nkawg thiab lauj ! Niam Nkauj Hnub Qub thiab Txiv Nraug Ntsuag nkawd nrog Huab Tais nyob tau ntev xyoo lawm. Niam Nkauj Hnub Qub txawm nug Huab Tais tias : "Txiv, wb tshuav koj ib niag tswv nqe es koj yuav xav tias cia wb ua koj qhev, los koj yuav cia wb mus nyob wb tso, wb khwv tuaj them koj ?" Huab Tais teb tias : "Aub ! Kuv twb xav yuav nyem no lawm ntag. Vim ntsia ntsoov neb yeej tsis muaj dab tsi lies thiaj li tsis hais tsis taij xwb. Yog muaj ces yeej xav yuav tiag." Niag nyab txawm hais tias : "Txiv, yog koj xav yuav no los wb ho mus nrhiav qiv nrhiav txais los rau koj. Tsam koj yuav siv." Huab Tais hais tias : "Yog neb nrhiav tau mas yuav xwb tiag." Ib tsam noj hmo tas nrho, Niam Nkauj Hnub Qub rov qab tawm plaws rau nraum zoov, muab kiag daim tawv xib los npua zoj, xib zoj peb zag rau pem qaum ntuj, tuaj kiag rau tus niam hluas tuaj nrog nws xaws txog ib tag hmo xwb tau kiag ib nkawm khau. Tsuas tias zoo nkauj rhib thiab lauj ! Zoo tshaj Huab Tais nkawm thiab. Ntsuag txawm coj mus muag kiag rau Xeev Laus ua kaum ob daig nyiaj. Coj nyiaj los txog tsev, muab kiag rau daim them kiag Huab Tais. Tshuav rau daim rau nkawd chiv peev ua neej." Niam Nkauj Hnub Qub hais rau Huab Tais tias : "Txiv, wb them koj cov nuj nqe tas lawm. Koj yuav cia wb nrog koj nyob xyoo puav ntxiv, los koj tias wb them koj nuj nqes tas lawm ces cia wb mus nyob wb ? Yog koj tias tab txawm them tas lawm los, koj yuav ciav wb nrog koj nyob xyoo puav pab koj no los wb ho nyob ntxiv thiab." Huab Tais teb tias: "Nyab qhev lauj! Neb twb them kuv cov nuj nqes tas lawm, ces nyob ntawm neb. Neb yuav mus lawm qhov twg los tau. Neb hais tias neb yuav nrog kuv nyob los kuj tau.Nyob ntawm neb siab xwb." Txiv Nraug Ntsuag nkawd thiaj mus nyob nkawd lawm. Nyob tsis tau ntev. Niam Nkauj Hnub Qub thiaj hais rau Txiv Nraug Ntsuag tias : "Txiv Nraug Ntsuag, ua li cas los kuv tsis yog ntiaj teb no neeg. Kuv yuav nrog koj nyob tsis tau ntiaj teb no mog ! Ntshai kuv yuav rov qab lawm qaum ntuj. Kuv los tsa koj ua neej xwb. Kuv twb los pab them koj tej nuj nqes tas lawm. Tshuav rau daim nyiaj no tseg rau koj chiv peev ua neej. Ttshai kuv yuav rov lawm qaum ntuj." Nws hais li ntawd, ces Ntsuag quaj pos muag nti lauj! Niam Nkauj Hnub Qub thiaj ntuas ntuas Txiv Nraug Ntsuag tias : "Txiv Nraug Ntsuag, koj tsis txhob quaj mog ! Koj sim neejkoj yeej yuav tau zoo xwb. Kuv twb tsa koj tsheej neeg lawm. Kuv yeej paub tseeb tias koj yeej yuav tau zoo tas koj sim neej. Kuv yuav qhia ib qho chaw rau koj. Huab Tais tus ntxhais Nkauj Ntxawm niaj hnub nrog kuv ua ke, kuv qhia qhia nws xaws khau, nws txawj txawj xaws khau li kuv lawm thiab. Muaj ib hnub koj yeej yuav tau Huab Tais tus ntxhais Nkauj Ntxawm ua koj poj niam xwb. Tus ntawd thiaj yog neeg nyob ntiaj teb no, nws thiaj yuav nrog koj ua taus neej. Hos kuv ces kuv nyob tsis taus ntiaj teb, kuv yuav rov lawm qaum ntuj mog ! Lub hlis no tim kaum tsib, Los Tuam, Los Lwm thiab Ios Xab lawv yuav tuaj mus tua tauv txwv lawm pem Ceeb Tsheej teb. Koj mus nyob timþauv kev tos mog ! Yog koj pom lawv tuaj mus no ces koj nrog lawv mus tua tauv txwv. Thaum lawv tuaj, koj yuav nrog lawv mus. Lawv yuav hais rau koj tias : 'Ua cas koj lam tuaj nyob ntawm kod.' Ces koj teb lawv tias : Thaud wb nrog nej nyob nyob, wb ho mus nyob wb. Ces kuv poj niam muab kuv nrauj pov tseg lawm. Zaum no, kuv yuav rov qab los nrog nej nyob ua nej qhev zov nej tej tsiaj dua !' Koj hais li no, ces koj ris lawv cov nra, koj ua lawv qhev koj nrog lawv mus. Nej mus txog pem Ceeb Tsheej mas nej yuav mus pw tom ncauj ke no. Lawv yuav mus tua tauv txwv. Los Tuam yuav xwb mus tua. Tag kis sawv ntxov tsees koj pub Los Tuam tus nees kom tsau tsau li. Koj hais kiag dej rau Los Tuam ntxuav muag. Kaj ntug txoog xwb Los Tuam caij kiag nees, nws sam kiag nws rab hneev ya ntxiag mus tua tib hnee rau tauv txwv. Paub ntsoov yeej yuav tsis raug. Tua tas Los Tuam lem hlo nees rov qab los.
Luag tos ib hnub, paub tias Los Tuam tua tsis raug, luag yeej tsis muab ntawv rau Los Tuam.
Tag kis ob, yog Los Lwm yuav mus, koj yuav nco ntsoov ua li ntawd rau Los Lwm thiab. Tag kis peb, yog Los Xab koj yuav ua li ntawd thiab nawb mog ! Los Xab mus tua los. Lawv yuav tos ib hnub, tsis pom muaj ntawv tuaj. Lawv yuav sab laj tias: 'Ib hnub lawm, tsis pom ntawv tuaj, ces ntshai yog peb tua tsis raug, tsis tau nom ua.' Hnub uas nej yuav los tsev,ces koj sawv ntxov ntxov los ua tshais rau hauv qhov cub, koj yuav hais rau lawv tias: 'Thov nej saib cov mov no ib pliag. Kuv cab nej cov nees mus noj zaub tso. Tsam nees tshaib tshaib plab. Necs mus tsis taus.' Thaum ntawd Los Tuam tsis nco nqa nws rab hneev. Koj cab kiag mus kom lawv tsis pom lawm ces koj caij kiag Los Tuam tus txiv nees th iab koj sam kiag nws rab hneev, koj ya ntxiag mus tua. Paub ntsoov tias yeej yuav raug xwb xwb li. Thaum ntawd koj tau nom ua xwb." Tham tham ib pliag utxiv, txiv Nraug Ntsuag tsaug zog lawm lauj ! Nws tsaug tsaug zog tsim dheev los. Ua ciav Niam Nkauj Hnub Qub twb dua rab teb twg lawm ! Nws thiaj sawv los zaum tib pob. Nws xav zaj twg los tsis tau lawm.
Nws thiaj li los ua raws li nws poj niam hais. Thaum txog lub bli tim kaum tsib, Txiv Nraug Ntsuag txawm mus nyob tim kev tos. Ua ciav tswb nees nrov nqag ntxhias tuaj tiag lauj ! tuaj tuaj txog, Los Tuam txawm hais Ntsuag tias: "Ua cas koj lam nyob ntawm kod nab ?" Ntsuag txawm teb tias: "Aub! Thaud wb nrog nej nyob nyob, wb ho mus nyob wb, ces kuv poj niam muab kuv nrauj lawm las. Nyem no kuv yuav rov qab los ua nej qhev dua. Ua li nej puas yuav los tsis yuav ?" Los Tuam txawm teb tias: "Ab ! Sawv daws nyob kam ua ke, sib haum sib hlub. Koj poj niam txawm tso koj tseg lawm los koj rov los nrog pcb nyob.
Ua no koj puas nrog peb mus? Yog koj nrog peb mus no koj mus txiav zaub nees rau peb cov nees noj. Vim peb yuav tuaj mus tua tauv txwv lawm pem Ceeb Tsheej." Ntsuag txawm teb tias:"Tiag,cia kuv nrog nej mus tso,kuv mus txiav zaub nees rau nej cov nees noj, saib nej cov nees thiab ua mov rau nej noj." Lawv thiaj li mus txog Ceeb Tsheej teb lauj! Lawv txawm mus pw hauv lub tsev tom ncauj ke no. Ces tag kis kaj ntug txoog, Ntsuag sawv hais dej rau Los Tuam ntxuav muag tas nrho,LosTuam sam kiag hneev,paj paws rau saum nees,rag nees ntws mus txog ntua txiag tib hnee rau, lem loo rov los lawm. Lawv tos zoj ib hnub, tsis pom ntawv tuaj li, ntshai tsis raug. Tag kis Ntsuag kuj sawv los muab dej rau Los Lwm ntxuav muag thiab. Los Lwm mus tua tas, los tos ib hnub kuj tsis pom ntawv tuaj li thiab. Hnub peb Los Xab ho mus tua. Tua tas los nyob ib hnub kuj tsis pom ntawv tuaj li thiaj lauj ! Lawv pw ib hmo ntawd. Tag kis Ntsuag sayev ntxov ntxov los ua tau ib lauj kaub mov rau hauv qhov cub, nws hais rau lawv tias : "Nej pab sab mov thiab, vim peb tuaj tau ob peb hnub lawm, ntshai tshaib tshaib nees plab, nees ho mus tsis taus tsev. Kuv cab nees mus noj zaub, kuv los peb mam mus tsev." Ntsuag thiaj li cab loo pab nees mus, Ntsuag muab kiag Los Tuam rab hnecv los sam kiag, caij loo Los Tuam tus txiv nees, rag ntws mus txog ntua. Ntsuag tib hnee rau nruab nrab tauv txwv tshab plaws. Nws rag nees ntws rov los txog ntua. Ny uam qhuav los zaum qhov quav tsis tau tus, Huab Tais Ceeb Tsheej xa loo ib tsab ntawv ceev ceev tuaj hais tias : "Tsuag tsuag, kav tsij tuaj lees nom ua. Vim nej tua raug tauv txwv lawm. Lawv mus txog ntua, Huab Tais hais tias yog Ntsuag tua raug no. Ntsuag thiaj li mus lees ntawv ua nom ua tswv lauj! Los Tuam , Los Lwm thiab Los Xab lawv hais zom zaws tias: "Ab ! Ua cas zaum no, niag qhev ntawd nyiag peb tus nees caij mus es nws yuav tua raug lawm lauj! Niag qhev ntawd yuav tau nom tau Huab Tais ua lawm tiag. Peb ces poob nom txij hnub no mus li lauj ! Yuav kom peb tsim txiaj me ntsis ces kawg peb muab peb niag muam Ntxawm rau nws, kom nws ho hlub peb me ntsis, mas peb thiaj li yuav tsim txiaj me ntsis xwb lauj!" Lawv los txog tsev, lawv thiaj xa lawv tus muam Ntxawm tuajrau Ntsuag yuav. Vim nws ua Huab Tais, nws zaum Huab Tais qhov chaw lawm.
Zaum no peb Hmoob tuag, thiajli muab rab nyuag hneev rau. Thaum muab tus tuag ntawd faus tas, thiaj muab rab hneev tua ib nyuag hnee rau puag tim qab ntuj. Thiaj hais tias : 'Tua tauv txwv saib puas raug.' Yog raug ces thiaj tau nom ua, tsis raug ces tsis tau nom ua. Vim Ntsuag tau ua Huab Tais lawm.

Subject: Re: XEEBTSHEEJ TIAM LI DAB NEEG Tue Mar 07, 2017 6:34 am

NTSUAG TUB TSEEM THIAB MAIV TSHUAJ

Puag thaum ub ov! Muaj ob niam tub ntsuag ntsuag nos, nkawd txawm mus ua teb nyob ze ntawm ib lub qhov ntuj tsw tsw qab hauv tuaj. Tus niam txawm hals rau leej tub tias: "Ab ! Me tub, lub qhov ntuj no tsw qab ua luaj no, muaj tus sim zeej dab tsi nyob hauv niv ? Cas yuav tswm qab ua luaj no ?" Ces ncha rau teb rau chaw lauj ! Txiv Huab Tais txawm hnov, Huab Tais txawm tuaj xyuas lauj! Huab Tais txawm hais tias: "Aub ! Me tub, koj sim nqes mus xyuas hauv saib yog dab tsi nyob hauv es yuav tsw qab tag npaum no !" Leej niam txawm hais rau Huab Tais hais tias: "Ab ! Kuv muaj tib tug tub xwb, ntshai kuv yuav tsis kam nws nqes mus hauv lub qhov ntuj no." Tus tub txawm hais tias: "Niam, koj laus lawm koj nyob, cia kuv nqes mus. Nyaj yuav tsis ntshai thiab. Txiv Huab Tais mam li dauv hlua rau kuv." Ces Huab Tais dauv hlua rau nws nqes mus txog hauv lub qhov ntuj. Nyob hauv txawm muaj ib tug hluas nkauj zoo zoo nkauj, nws muaj tshuaj tsw qab puas tsav puas yam txhua nrho lauj! Nws txawm nqes mus nrog tus hluas nkauj ntawm nyob nyob. Tus hluas nkauj ntawd txawm mus hais rau nws niam thiab nws txiv tias: "Ab ! Niam thiab txiv, Hmoob tuaj coob tas npaum no, kuv twb tsis nyiam li. Cas tus Hmoob qaum ntuj no tuaj kuv yuav nyiam nws ua luaj li no. Kuv hais rau neb paub kuv yuav yuav tus Hmoob no xwb lauj ! Saib neb yuav hais li cas rau kuv. Kuv yeej yuav nrog tus Hmoob no mus xwb." Niam thiab txiv txawm hais tias: "Ab ! Me ntxhais, wb yug tau koj tib leeg xwb, tarn lis wb stab xav mas ntshai yuav tsis pub koj yuav. Tab sis, tas ntiaj teb no Hmoob koj ho tsis nyiam li, koj ho nyiam tus no xwb. Yog hais tias nws yeej nyiam koj thiab koj los nyiam nws no, ces koj yuav koj thiab tiag." Tus tub ntawd lub npe hu ua Tub Tseem. Hos tus ntxhais ntawd lub npe hu ua Maiv Tshuaj no. Ces mam thiab txiv thiaj 1i muab rau tus Tub Tseem ntawd coj los lauj ! Nkawd los los txog ntawm txog hlua. Ces nws poj niam txawm hais tias: "Ab ! Tseem, kuv tsis nco qab kuv rab riam lawm. Koj nyob qhov no tos kuv, kuv khiav khiav rov qab mus nqa kuv rab riam tso. Kuv los, wb mam mus." Tub Tseem txawm teb hais tias: "Ab ! Koj nyob, kuv mus nqa." Ces Tub Tseem tseem mus nqa riam tuaj tsis tau txog lauj ! Maiv Tshuaj tsis tias nyob twj ywm, hos nws txawm mus muab txoj niag hlua co. Ces Huab Tais hnov Huab Tais rub tau nws los lawm lauj ! Ces Tub Tseem dhia dhia tuaj txog. Ua cas Huab Tais twb muab Maiv Tshuaj rub txog ib nta ntuj lawm. Ces Tub Tseem thiaj quaj quaj. Nws rov mus hais rau nws niam thiab nws txiv nkawd tias: "Niam thiab txiv lauj ! Maiv Tshuaj wb mus txog ped, nws hais tias nws tsis nco nqa nws rab riam lawm, kuv tseem los nqa riam. Nws nyob, nws tsis paub, nws muab txoj hlua co. Ces Huab Tais muab nws nqa lawm. Zaum no tshuav kuv ib leeg xwb. Kuv yuav ua li cas ?" Ces niam thiab txiv txawm hais tias: "Koj tsis tsim txiaj! Koj muab wb tus ntxhais ua li ntawd lawm, ces koj los ua rau wb noj peb xyoos tso, koj mam li mus nawb. Koj ua li ntawd, luag muab wb tus ntxhais lawm, wb yuav ua li cas ua neeg ?" Ces Tub Tseem thiaj li los ua rau niam thiab txiv noj tau peb xyoos txwm nkaus lauj ! Nws thiaj mam los mus. Niam tais thiab yawm txiv thiaj hais tias: "Me tub, yog koj mus qab ntuj no mus mas muaj muaj Nyav li. Ntshai koj mus tsis tau." Tub Tseem teb hais tias: "Niam thiab txiv, tab txawm ua li cas los kuv yuav mus xwb. Nyaj yuav tsis ntshai. Maiv Tshuaj twb mus ntev lawm ces kuv yuav mus. Neb nyob ua siab loj mog." Ces nws txawm los lawm lauj! Tub Tseem txawm los los txog ib lub zos Nyav. Nyav pom Tub Tseem ces Nyav txawm hais tias: "Aub ! Ib tug qav los txog ntawd. Me ntxhais, mus ntes los, peb ua tshais saib !" Tus ntxhais Nyav ntawd txawm hais tias: "Niam thiab txiv, cia kuv mus txhom los rau kuv ua txiv xwb." Ces tus ntxhais Nyav ntawd thiaj li mus txhom tau Tub Tseem los rau nws ua txiv. Tub Tseem los yug cov niam txiv Nyav ntawd tau peb xyoos ntxiv thiab lauj! Tub Tseem nkawd thiaj muaj ib tug me nyuam. Tub Tseem thiaj li hais rau nws niam thiab nws txiv tias: "Ab ! Niam thiab txiv, kuv twb los nrog neb nyob txog tav no lawm, ces kuv yuav coj kuv poj niam me nyuam mus xyuas kuv niam lauj ! Kuv tuaj lawm, tshuav niam tib leeg xwb, niam los laus laus lawm. Kuv twb tuaj tau rau xyoo, ntshai kuv niam twb laus heev lawm, ces kuv yuav rov mus xyuas kuv niam."Ob niam txiv Nyav thiaj hais tias: "Ab! Koj yuav mus xyuas koj niam los tau kawg los mas. Tab sis, koj coj tus ntxhais thiab tus me nyuam ntshai nyuaj nyuaj, mus tsis txawj txog xwb." Nws thiaj li coj nws tus poj niam Nyav ntawd thiab ris tus me nyuam los lawm ib hnub ke tsaus ntuj ntais. Ua cas pos khawb qhov twg los ntshav, tus poj niam ntawd txawm muab yaim huv tib si. Nws pom ua ua li ntawd nws pib ntshai lauj ! Nws txawm muab rab riam uas Maiv Tshuaj tsis nco qab es nws mus nqa ntawd los tua tus poj niam Nyav ntawd pov tseg. Nws txawm ris tus me nyuam los. Los los pos khawb qhov twg los ntshav, tus me nyuam kuj yaim qhov ntawd thiab. Nws thiaj li xav tias: "Ab ! Ntshai ib tsam tus me nyuam no tshaib plab, nws yuav muab yus noj thiab. Muab nws tua thiab tso yus mus yus ib leeg lauj!" Nws thiaj li muab niag me nyuam ntawd tua huv tib si. Nws thiaj li maj mam los mus lauj ! Nws los hav zoov hav tsuag xwb. Nws txawm maub maub los. Nyob ntawd muaj ib lub hauv paus peeb lab, muaj ib tug twj kum pw ntawd. Tus twj kum ntawd haj tseem mus yos noj lawm. Twj kum txawm muab nws niag kub tso rau ntawm hauv paus peeb lab. Tub Tseem txawm los khaws twj kum niag kub, nws txawm nee rau saum ntsis peeb lab lawm. Ib me ntsis twj kum los txog, twj kum los nrhiav nrhiav tsis tau. Twj kum quaj quaj, tshawb tshawb ib daig nplooj qhua zuj zus los tsis tau li. Twj kum quaj quaj ntsia puag saum ntsis peeb lab. Ua ciav pom Tub Tseem nyob saud. Twj kum txawm hais tias: "Aub ! Ntshai koj nqa kuv tus kub lawm paub ! Kuv muab tso ntawm no, cas kuv los nrhiav tsis tau li lawm. Yog koj khaws lawm no ces thov koj muab rau kuv. Yog tias koj tsis muab rau kuv ces kuv kawg tuag xwb." Ces Tub Tseem txawm teb tias: "Kuv tsis kam lawm. Kuv tau lawm mas kuv yeej tsis muab rau koj li lawm." Twj kum hais tias: "Aub ! Yog tias koj tsis muab kuv tus kub los rau kuv, sais kuv tuag hauv no koj los muab kuv faus tas koj mam li mus laiv !" Nws ntsia no, ua ciav niag twj kum nti thawv tho tuag lawm tiag. Nws thiaj li nqes tsuag tsuag los muab twj kum faus zoo zoo tag. Nws nqa twj kum tus kub los. Nws los nws tsis noj dab tsi los yeej tsis tshaib plab li lawm lauj ! Nws los los txog ib lub niag zos Nplog. Muaj ib niag Nplog txawm hais tias: "Me tub, yog koj mus saum ntuj, ntshai koj yuav mus tsis txog li, rau qhov muaj npua teb loj heev. Cov neeg uas mus txoj kev no mas tuag lawm coob heev." Tub Tseem teb tias: "Ab ! Koj hais li, mus yuav tsis ntshai." Tub Tseem txawm los lawm thiab. Nws los los txog ib lub zos. Lub zos no yog lub kawg. Lawv kuj hais li ntawd thiab. Lawv hais tias: "Aub ! Me tub, yog koj yuav mus mas nyob tim lub roob loj loj tid, sais muaj ib tug npua teb loj loj luaj nkaus lub hauv roob. Nws tuaj mas yam nkaus li ib nthwv cua tuaj xwb twb muab koj nqos tas. Koj yuav mus dab tsi, me tub ?" Tub Tseem thiab teb tias: "Ab i Nej hais li ntawd los ntshai kuv yuav mus. Vim tias kuv nco kuv niam thiab kuv tus poj niam los nws twb los lawm ntev ntev lawm thiab ces kuv yuav mus. Tej zaum nyaj yuav tsis ntshai thiab." Nws nqa nws tus kub twj kum nws tsis paub tias tus kub twj kum ntawd yuav zoo dab tsf. Nws txawm rau rau siab los txog tim lub roob dub dub. Nws txawm hnov cua tuaj tib nthw, nws txawm muab niag kub twj kum tib nyuag fiav ua ntej no. Ua ciav niag npua teb loj loj ntawd txawm phua rhe ua ob sab. Ces nws thiab li paub tias nws tus kub twj kum ntawd mas zoo heev. Nws txawm los los txog ib lub zos. Muaj ib tug yawg Nplog pom nws tus kub twj kum, ces tus yawg nplog ntawd txawm ntxias hais tias. "Ab ! Me tub, koj muab koj tus kub rau kuv, kuv muab peb lub txiv no rau koj yaim koj thiaj mus txog." Nws txawm cia li ntseeg niag Nplog dag ntawd. Nws thiaj muab tus kub rau niag Nplog, nws thiaj li yaim peb lub txiv ntawd los mus. Nws yaim yaim peb lub txiv ntawd mus pheej tsis txawj txog li. Nws txawm khlav rov qab los nqa nws tus kub. Nws los talj Nplog tsis muab li lawm. Nws hais li cas los Nplog tsis muab. Nws thiaj li rau yias tsuag tsuag yuav muab Nplog kib noj, Nplog thiaj li muab tus kub rau nws. Ces nws thiaj li rov mus dua. Nws mus mus Nws thiaj li mus txog nws niam lauj ! Nws niam twb laus laus lawm, nws niam pom nws, nkawd sib puag lias quaj quaj tag, nws niam thiaj hais rau nws tias: "Ab! Me tub, koj mus Huab Tais rub tau nyab los ces Huab Tais twb yuav lawm. Tshuav kuv ib leeg nyob txog tav no ntuj li Tab sis hnub no Huab Tais lawv tseem tab torn yuav noj nqaij haus cawv." Hais li ntawd tag, Tub Tseem thiaj li lawv qab mus txog, Huab Tais tseem tab torn noj nqaij haus cawv qaug qaug kawg. Nws tus poj niam tuaj pom nws, tus poj niam hais rau nws tias: "Aub ! Koj los lawm sa ! "Tub Tseem teb tias: "Malv Tshuaj, kuv los lawm los mas." Maiv Tshuaj thiaj li khiav mus hais rau Huab Tais tias: "Dab laug tuaj. Ua cas koj tsis mus hu dab laug los nrog nej noj nqaij haus cawv no ? Kav tsij mus hu dab laug los nrog nej noj nqaij haus cawv maj!" Huab Tais hais tias: "Dab laug tuaj qhov twg ?" Maiv Tshuaj teb tias: "Dab laug twb tuaj nrog lawv noj nqaij hauv cawv nrad nev ! Kav tsij mus hu nws los." Huab Tais thiaj li kom tub mab tub qhe mus kwv Tub Tseem los. Thiaj li los nrog Huab Tais noj nqaij haus cawv peb hnub peb hmos ntxiv thlab. Huab Tais thiaj li hais tias: "Hnub no, kuv qaug cawv heev lawm nawb ! Dab laug yuav mus tsev ces koj tua qaib ntim dab laug su." Maiv Tshuaj thiaj li tua qaib ntim Tub Tseem su lauj ! Nws thiaj li xav Tub Tseem los mus tsev. Nws xa xa los lawm ib tav su. Tub Tseem thiaj li hais tias: "Ab ! Yuav ua li cas wb thiaj sib tau lauj ? Yuav ua cas thiaj tua tau Huab Tais ?" Ces Maiv Tshuaj hais tias: "Tub Tseem, koj rov qab mus tua. Yog Huab Tais tsaug zog mas nws rua muag pllav. Yog nws tsis tsaug zog mas nws qi muag. Yog nws rua muag pliav, ces koj muab riam kern kiag nws hlab pas xwb." Tub Tseem xav xav, nws hais tias: "Ab ! Yog koj tus txiv, ces koj mus tua thiaj tau. Yog cia kuv mus tua mas lawv yuav paub, tej tub rog yuav pom." Tub Tseem thiaj muab rab riam rau Maiv Tshuaj coj los tua lauj! Tus poj niam nqa rab riam khiav khiav rov los txog. Huab Tais tseem tab torn tsaug zog rua muag pliav. Nws muab rab riam los kern kiag Huab Tais caj pas. Huab Tais hnoos ib nyuag suab nrov hej xwb. Ces Huab Tais tuag lawm lauj! Maiv Tshuaj thiaj li khiav khiav rov tuaj caum tau Tub Tseem. Ob tug khiav khiav los txog ib lub zos Nplog. Muaj ib tug ntoo faj khaum loj loj nyob pern hauv zos. Nkawd txawm nee mus pw puag saum ntsis faj khaum. Huab Tais cov tub rog pom Huab Tais tuag lawm. Cov tub rog thiaj li tuaj caum nkawd lauj ! Lawv caum caum tuaj txog ntawm lub zos Nplog. Lawv tuaj nug cov Nplog los cov Nplog tias lawv tsis pom thiab no lauj! Cov tub rog rov qab lawm. Tsob niag faj khaum uas nkawd nkaum ntawd los tseem tab torn txi txiv thiab. Tsuas tias liab cuam, nyuag nas nyuag noog tej los los noj coob coob li thiab lauj ! Thaum sawv ntxov txawm muaj ib tug yawg tua nqaij tuaj nyob hauv hauv paus ntoo tos. Kaj ntug dawb vog xwb. Nkawd txawm nqes saum ntoo los. Niag yawg tua nqaij ntawd txawm cia li xua tib hnee xub tshuaj raug kiag tus txiv poob nthav los tuag kiag lawm lauj ! Maiv Tshuaj thiaj li nqes tsuag tsuag los txog. Ua cas tus txiv twb tuag lawm lauj ! Tus tua saib zoj. Ua ciav yog neeg ces nws txawm khiav lawm thiab. Maiv Tshuaj quaj quaj, nws hais tias: "Ab ! Huab Tais los muab tua tuag lawm. Hos Tub Tseem los luag tseem muab tua tuag lawm thiab. Xyov kuv yuav ua li cas ! Rov los rov tsis tau, mus torn ntej los mus tsis taus lawm. Kuv yuav ua li cas nev ?" Nws hais li ntawd tas, nws txawm quaj quaj lawm xwb lauj! Nws nyob nyob, ua cas txawm muaj ib tug nab thiab ib tug luj sib tog sib tog los. Sib tog sib tog los txog ntawd, ua ciav tus luj txawm tuag kiag lawm. Tus nab saib zoj tus luj tuag lawm nws txawm mus kaws kiag lub niag hauv paus ntoo los peb tsuag rau, ces tus luj txawm sawv rov los. Ob tug rov sib tog sib tog, tus nab tuag kiag lawm lauj. Tus luj ho mus kaws lub niag hauv paus ntoo los tsuag peb tsuag rau. Niag nab txawm claj rov los. Ob tug rov sib tog sib tog dua. Nkawd sib tog sib tog ib pliag ces nyias txawm ncaim nyias lawm. Maiv Tshuaj ntsia tus luj thiab tus nab sib tog nws tsis nco qab quaj lawm. Nws thiaj li xav tias: "Ab ! Ua cas tus luj thiab tus nab twb tuag lawm tiag tiag. Ua cas mus kaws lub hauv paus ntoo ntawd los tsuag rau es ho ciaj lawm niv ? Kuv sim mus kaws los tsuag rau Tub Tseem, saib nws puas yuav ciaj ?" Nws thiaj li nqa nws rab riam coj mus tws tws tau ib nyuag qhov coj los tsuag rau. Ua ciav txawm ua ua pa lawm. Ob tsuag rau, ua ciav sawv tsees los zaum. Peb tsuag rau, ces tus txiv thiaj li ho sawv tsees los. Ob tug thiaj li sib qawg quaj sib qawg quaj thiab tham tham tas. Ces ob niam txiv thiaj li muab lub hauv paus nto ntawd khawb tau ib hnab ev los mus. Ob niam txiv mus txog torn ib tug dej loj loj. Yuav tsum ntiav Suav nkoj hla xwb lauj! Tus txiv xav tias cia tus niam ua ntej los tus niam zoo nkauj dhau, nyob tsam luag nquam lawm luag ho tsis los nquam nws. Nav tias cia nws ua ntej los ntshai tsam luag ho nquam nws tus poj niam mus rau iwm qhov lawm. Nws xav xav nws thiaj li cia luag nquam nws ua ntej tso mam rov qab los nquam nws tus poj niam. Suav daj nquam nws dhau los lawm, ces Suav rov mus nquam nws tus poj niam los txog ib nrab dej xwb, txawm tig hlo nkoj rov nqes hav lawm lauj! Tus poj niam xav zoj tias ntshai luag muab yus tus txiv tua lawm. Nws thiaj li txav zog los ze me ntsls, nws xua tib nkaug riag rau Suav daj tuag kiag, nws muab nyom klag rautauv dej. Lub nkoj thiab li ntab ntab rau tlm ntug sab uas tus txiv nyob. Nws thiaj li taug ntug dej los mus. Tsuas hais tias nws mas maj mam tshawb ib daig nplooj zuj zus, los tseem ntshai nyob tsam luag ho muab nws tus txiv tua rau hauv dej lawm thiab. Nws nrhiav quaj nrhiav quaj los mus. Nws txawm los pom ib tug poj Suav tuag tsa ceg cos hauv hav dej. Nws txawm xav tias ntshai yog nws tus txiv. Nws muab lauj tau los no, ua cia yog ib tug niag poj Suav xwb. Nws thiaj li muab nws cov tshuaj los tsuag rau niag poj Suav ciaj rov los. Niag poj Suav ntawd thiaj li ua nws luag mus nrhiav nws tus txiv, nkawd los los txog ntawm qhov chawm uas luag nquam nkawd hla dej los tsis pom li thiab lauj!
Tus txiv los nyob ntawd tos tos tsis pom los ces nws xav tias ntshai Suav daj coj mus ua poj niam lawm no. Ces tus txiv txawm ua ib siab mus lawm thiab. Maiv Tshuaj nrhiav npaum li cas los tsis pom, ces nws thiaj li los ua ib lub tsev rau ntawm qhov chaw uas Suav daj nquam nkoj tuaj tos nkawd. Nws ua tau lub tsev ntawd tiav, nws kom tus poj Suav ntawd nyob hauv. Nws thiaj li sau ib daig ntawv loj loj los tseg rau ntawm lub tsev ntawd. Nws txawm mus ua ib lub kiab ntaub xov rau tom ntej lawm.
Ces txij hnub ntawd los, muaj tsawg tus neeg tuaj los niag poj Suav ntawd kom nyeem tsab ntawv ntawd tas mas thiaj li pub dhau. Tus twg tsis saib mas tsis pub dhau txoj kev ntawd. Ces tus poj Suav ntawd nyob nyob tau peb xyoos txwm nkaus lawm lauj! Muaj ib hnub txawm muaj ib tug Hmoob laus tsawv tuaj txog. Tus poj Suav ntawd txawm hais tias: "Aub ! Txiv, thov koj saib daim ntawv no tso, thiaj li pub koj dhau. Yog koj tsis saib mas yuav tsis pub koj mus laiv !" Yawg Hmoob ntawd txawm teb tias: "Hwb ! Daim nyuag ntawv nyob li ntawd xwb es pheej yuav kom luag saib." Niag poj Suav ntawd pheej yuav kom saib xwb xwb 11 lauj ! Yawg Hmoob ntawd xav xav, nws thiaj li lam saib. Nws nyuam qhuav pib saib kiag daim ntawv xwb, txawm siv ua kua muag poob dawb vog lawm. Nws txawm saib quaj saib quaj, cia li quaj dai lias daim ntawv lawm lauj ! Ces tus Poj Suav ntawd txawm khiav khiav mus hais rau Maiv Tshuaj hais tias: "Niam, ua cas luag tej tuaj kav kiab kav khw tau peb xyoos no yeej tsis muaj ib tug neeg yuav quaj li. Ua cas txawm tuaj ib tug yawg laus tsawv tuaj txog ntawd, kuv kom nws saib nws tsis kam saib li. Kuv hais hais nws nws thiaj li saib. Ua cas nws saib, na has nws ke quaj ke saib, ke quaj ke saib, nyeem tsis taus li. Tarn sim no nws tseem nyob ntawm daim ntawv tiag. Koj sim mus xyuas saib mev! Maiv Tshuaj hnov dheev, nws thiaj khiav ceev ceev tuaj txog. Nws saib zoj, ciav yog Tub Tseem tiag ! Nws thiaj ya ntxiag mus khawm nkaus dai lias, ob tug sib qawg quaj sib qawg quaj, hais tsis taus lus li. Quaj quaj tas, nkawd thiaj li los. Ces tus txiv thiaj li rov mus cab nyuj cab nees tuaj thauj tus niam lub neej mus tag. Nkawd cia li mus ua neej tsis muaj tag.

Subject: Re: XEEBTSHEEJ TIAM LI DAB NEEG Tue Mar 07, 2017 6:57 am

NUJ SIS LOOB THIAB MUAM NKAUJ NTSUM

Puag thaum ub ov, muaj ob niam txiv yug tau ib tug me nyuam tub, nkawd muab tis npe hu ua Nuj Sis Loob no. Ciav Sis Loob hlob los ov, Sis Loob kawm dab tsi ]os txawj. Zaj tshoob txiv xaiv los txawj. Txawj txawj qeeg li. Nyob ntuj Sua teb torn peg, txawm muaj ib tug ntxhais hu ua muam Nkauj See. Hos Sis Loob mas nyob ntuj sua teb torn taug. Ntxawm Nkauj See nyob ntuj Sua teb torn peg. Luag txawm muaj neeg tuaj mus nqes tsev yuav nws lauj. Ces ntxawm Nkauj See niam txiv neej nus zoo siab muab tshoob tas lawm lauj! Ntxawm Nkauj See thiaj hais tias: " Aub! Ua li cas los nej yeej yuav muab kuv rau lawv no, ces cia nej mus hu kom tau Nuj Sis Loob nyob ntuj Sua teb torn taug tuaj tshuab qeej xa tshoob no, ces kuv mus kuv li ua neej. Yog nej mus hu tsis tau Nuj Sis Loob tuaj tshuab qeej xa kuv tshoob ces kuv mus los kuv yeej tsis ua neej li nawd!" Ces tog niam txiv neej nus txawm tso neeg nug Sis Loob moo tshuav tuaj ntag lauj! Tuaj tuaj txog ntuj Sua teb torn taug, tuaj nrhiav tau Sis Loob lauj! Thaum ntawd mas Sis Loob yeej muaj poj niam lawm. Nkawd muaj ib tug me tub zaum taus lawm. Ces luag tuaj nrhiav tau Sis Loob. Sis Loob txawm lees mus lawm lauj. Sis Loob tias: " Aub! Neb mus. Txog nyuj hli kaum tsib tso kuv mam li tuaj." Luag txawm rov qab lawm lauj! Luag rov mus npaj dej npaj cawv txhij lauj! txog nyuj hli tim kaum tsib, ces Sis Loob noj tshais tas nws yuav mus tiag. Tab sis tsis muaj kev, hav zoov nuj txeeg. Ces Sis Loob poj niam txawm hais rau Sis Loob tias: " Sis Loob, cas koj yuav tsis mloog kuv lus? Cuaj kaum los koj yuav mus xwb. Niag ntuj deb kev ncua ntev. Niag hav zoov nuj xiab zoo li no. Koj mus koj tsis lam taus lam haus dej nawd! Thaum twg koj yuav haus dej mas koj ce peb taus tes pov qab deg, peb taus tes pov hauv dej, koj mam li haus nawd!"Sis Loob txawm tig los plhws nws tus me tub taub hau tas, Sis Loob txawm tuag lawm lauj! Sis Loob tuaj lawm tau ib
hnub ob tog tsaus, ces hnub ob Sis Loob nqhis nqhis dej lauj! Lub hav twg los qhuav qhawv xwb. Sis Loob txawm seev tias: " Ab! Cas yuav nqhis kuv dej ua luaj! Lam muaj ib tug dej nyob qhov twg es kuv sim mus haus ib pas saib?" Ces ib niag Poj Ntxoog, mas nws yeej nyiam nyiam Sis Loob
thaum ub lawm, niag Poj Ntxoog txawm hnov. Nws txawm khiav khiav mus ua ntej, mus tso zoj zis rau torn ib lub hav qhuav uas nyob ntawm ncauj ke es Sis Loob yuav mus thiab ntag. Tso zoj zis, tsuas tias me kwj nrov tiv tauv ntag. Sis Loob txawm hnov, cas dej nrov tiv tauv? Sis Loob xav tias:
"Ab! Nqhis hwv ces mus haus lauj!" Sis Loob mus txog ntawm ntug dej, Sis Loob txawm tsis nco
nws poj niam lo lus lawm lauj! Sis Loob txawm ce zoj tau ob taus tes los haus tas nrho, ce tau ib taus tes los npuav yaug nws rab qeej tsuag tsuag tas nrho, muab nchuav nthwv pov tseg. Sis Loob nyuam qhuav mus zoj ob peb dag xwb, niag Poj Ntxoog txawm siv luag tawg nto pern qaum kev tias: "Aub yaud! Sis Loob niam heev diam! Cas haus kuv qub thiab." Sis Loob txawm cem tias:
"Nyuag nkhaus taw kod! Koj tsis yeem hais ntau nawd!" Niag Poj Ntxoog cia li ploj ntais lawm lauj.
Sis Loob txawm mus ntxiv thiab. Mus mus txog ntua ib lub hav zoov nuj xiab. Pob zeb pob tuas lawm xwb lauj! Txoj kev mas kawg nkaus hauv niag dawm ntawd lawm. Sib Loob txawm chaws dhau plaws lawm thiab, tsis ua cas. Sis Loob mus txog ntua ntuj Sua teb torn peg ov. Luag mas
niam ua noj ua haus pa taws ncho log lauj! Luag niam noj haus nchuav ntwv, tos Sis Loob xwb lauj!
Sis Loob mas niam mus tshuab tshuab qeej xa ntxhais Ntxawm Nkauj See, tshuab tshuab ib hmo. Tag kis yuav kaj ntug, ho yuav tshuab xa ntxhais Nkauj See mus lawm torn tus vauv tsev. Ces hnub ntawd Sis Loob nyob tsis qab li lauj! ua li cas los ntxhov Sis Loob siab li lauj. Nws tshuab tsis tsheej qeej li. Ces Sis Loob txawm hais rau nws tus phooj ywg uas nrog nws tshuab qeej xa tshoob ntawd tias: "Ab! Kwv yaig kwv luag lauj! Tav no ces koj nyob koj khee wb qeej tshuab, koj khee wb nqaij noj lauj! Kuv tuaj lawm, kuv tseg tau kuv tus me tub nyuam qhuav txawj luag nrog kuv poj mam nyob torn tsev xwb tsis muaj neeg nrog zov li. Ntxhov kuv siab dhau hwv lawm. Tsis pom qab yuav ua li cas. Koj nyob tso. Koj ua ib siab khee wb qeej tshuab mog." Tiam sis twb yog niag Poj Ntxoog los yuj Sis Loob siab xwb. Ces luag cuaj cheem kaum cheem los cheem tsis tau Sis Loob li lauj! Cuaj kaum los Sis Loob yuav rov qab xwb. Luag cheem cheem tsis tau, ces Sis Loob txawm los lawm lauj! Sis Loob rov los txog ntua lub zoov nuj txeeg uas yog lub dawm ti ti, es neej dab kev los kawg ntawd. Cas Sis Loob txawm los ntsib ib tug niag Poj Ntxoog pw caws taw vos ntawm kev. Sib Loob los txog nws txawm hais tias: "Ab! Leej muam, cas koj yuav los pw ntawm kod?" Niag Poj Ntxoog txawm teb tias: "Leej yawm dab, twb yog kuv nkees nkees es kuv lam pw xwb los mas." Sis Loob hais tias: "Ab! Leej muam, koj sawv! Kuv los mus tso yuad. Nyob tsam kuv hla koj laiv mog, leej muam." Niag Poj Ntxoog txawm hais tias: "Ab! Leej yawm dab, koj los mus koj los mas! Kuv nkees nkees, kuv tsis sawv os." Sis Loob tias: "Ab! Txhob ua li. Kuv maj kev tiag laiv, leej muam." Poj Ntxoog tias: "Ab! Koj maj ces koj hla los mus tiag, leem yawm dab." Ces niag Poj Ntxoog cuaj kaum los tsis sawv li lauj! Sis Loob nrog sib cav txaus nkaus los tsis sawv li thiab. Hais li cas los tsis sawv li. Sis Loob txawm hais tias: " Ab! Leej muam yog tias cuaj kaum los koj yeej tsis sawv lis no, kuv hla koj. Koj tsis txhob tu siab laiv, leej muad." Poj Ntxoog tias: "Tsis tu los mas, leej yawm dab. Koj maj ke, ces koj los koj xwb los maj!" Sis Loob txawm hla nruam los, Poj Ntxoog txawm lawg taw rau Sis Loob. Sis Loob ntog ua yas daws rau ntawd lawm lauj! Yuav mus lawm torn ntej los mus tsis taus. Yuav rov los rov tsis taus lauj! Sawv los tsis tau li lawm thiab! Thaum ntawd Sis Loob thiaj seev hais tias: "Ab! Leej twg npab ncab tsa tau kuv ces kuv ua nws nyab. Leej twg npab ntev tsa tau kuv ces kuv ua leej twg sev lauj!" Poj Ntxoog txawm sawv tsees ntag. Nws hais tias: "Tiag los, Sis Loob? yog kuv tsa tau koj sais kuv yuav koj laiv! Yog koj tsis yuav kuv mas kuv tsis zoo siab nawb!" Sis Loob teb tias: "Aub! Tiag os, leej muam. Yog koj tsa tau ces kuv yuav tiag." Niag Poj Ntxoog txawm cev loo tes los tuav nkaus Sis Loob tes rub loo Sis Loob sawv tsees. Cas rov muaj zog li qub ntag, yuav mus twg los mus taus lawm thiab lauj! Niag Poj Ntxoog txawm coj Sis Loob mus lawm lauj! Niag Poj Ntxoog ua ntej ces Sis Loob txawm lawv niag Poj Ntxoog qab lawm thiab. Thaum ntawd, ob tug txawm tsis taug kev lawm lauj, mus hav zoov lawm xwb! Nkawd mus mus ib hnub, txawm mus txog rau pern ib lub roob. Tshaib tshaib Sis Loob plab. Kkawd mus me ntsis ntxiv, cas ntsia nram tiaj, na has cav muaj ib lub nyuag zos Hmoob. Muaj ib lub roob nyob ze ntawd Sis Loob nkawd mus nyob nyob saud tau peb hnub. Sis Loob txawm seev tias: "Ab! Cas yuav nqhis kuv taum paj ua luaj! Paub li kuv nyob kuv hauv tsev, ces ntshai kuv sev niam nkauj Ntxawm twb zom taum paj rau kuv noj lawm te!" Poj Ntxoog txawm nug tias: " Tiag los, Sis Loob?" Sis Loob tias: " Tiag! Nqhis taum paj kawg tiag hos!" Poj Ntxoog txawm hais tias: " Aub! Yog li no ces koj nyob twj ywm, es kuv mus nrhiav los rau koj noj kom koj txhob nqhis nqhis nawd!" Niag Poj Ntxoog txawm dam tau ib re nplooj rau Sib Loob tuav. Niag Poj Ntxoog txawm lawm zoj me ntsis, txawm mus nyiag tau Hmoob ib phiab taum paj taum tsuab ncho lug ttiiab ib fam tawb mov txua los rau Sis Loob noj.
Sis Loob nyob nyob tau ib hnub torn qab ntxiv. Nws txawm rov seev hais tias: "Ab! Cas yuav tsis tsim txiaj, es yuav tsis nrog yus poj niam me nyuam nyob, es yuav tuaj nyob tus niag zoo li no? Nyob li yog kuv nyob kuv hauv tsev, tej niag cooj laus qaib ntshe kuv sev niam nkauj Ntxawm twb tua rau kuv noj lawm te! Cas yuav tuaj nyob ua khab ua khuav li no?" Niag Poj Ntxoog txawm hais tias: "Tiag los, Sis Loob?" Sis Loob teb tias: "Tiag hos!" Niag Poj Ntxoog txawm hais tias:
" Yog li no ces, Sis Loob, koj nyob twj ywm ntawm no, es kuv mus nrhiav los rau koj noj yuad!" Sis Loob thiaj teb tias: "Aws! Koj sim mus nrhiav saib puas tau maj!" Niag Poj Ntxoog txawm dam zoj tau ib re nplooj rau Sis Loob tuav. Ces niag Poj Ntxoog nyuam qhuav mus txog nram ntug zos xwb, txawm muaj ob tug yoov los tsaws Sis Loob qhov muag. Sis Loob tsis paub, Sis Loob txawm muab rev nplooj los nplawm yoov. Ces dev torn tsij qees lauj! Hmoob txawm tawm plaws hauv tsev tuaj. Ces neeg qw zom zaws tias: "Aub yaud! Dev torn Poj Ntxoog lawm lauj! Sis Loob tsis paub li. Nws rau rau siab muab rev nplooj nplaws yoov lauj! Hmoob txhaub dev torn ceev ceev Poj Ntxoog tuag lawm lauj! Sis Loob txawm xav xav, ab! Ntshai yog kuv tsis paub, kuv muab rev nplooj los nplawm yoov, es thiaj thaiv tsis tau niag Poj Ntxoog ntag lauj! Ab! Cas kuv yuav tsis paub? Nyem no Poj Ntxoog tuag lawm ces ntshai yuav tsis muaj neeg nrhiav rau kuv noj lawm lauj! Ab! Ntshai kuv yuav rov muab qub yeej cum tso rov mus tsev lauj! Ces Sis Loob txawm rov qab los txog ntua ntawm qhov niag Poj Ntxoog pw tav nws kev ntag. Ces Sis Loob txawm los pw tav nws kev ntag. Txog ntawm kern tsua ti ti ntawd ntag. Sis Loob txawm los pw tav kev ntawd thiab ntag. Cas ib me ntsis zoj xwb, Ntxawm Nkauj See txawm siv ib lub zam lub kaus piav yeev tuaj txog ntua ntawm qhov Sis Loob pw thiab ntag lauj! Ntxawm Nkauj See txawm nug tias: "Yawm dab, ua li cas koj yuav los pw qhov no nab yuad?" Sis Loob tias: "Ab! Yog kuv nkees nkees es kuv thiaj li los pw qhov no naj." Nkauj See tias: "Koj sawv, es kuv yuav tuaj mus lawm torn kuv niam thiab kuv
txiv lawv. Nyob ntsis kuv hla koj laiv!" Sis Loob tias: "Aub! Leej muam, koj maj kev ces koj hla koj li las." Ces ob tug sib hais sib hais ntev loo lawm lauj! Sis Loob tsis sawv li ntag. Ntxawm Nkauj See thiaj hais tias: "Ab! Leej yawm dab, yog li saiv kuv hla koj. Koj tsis txhob tu siab laiv!" Sis Loob teb tias: "Aub! Kuv yeej pw kuv ntawm no ces tsis tu li ntag lauj!" Ntxawm Nkauj See hla nruam tuaj mus. Sis Loob cev taw tuaj mus ib nyuag nqe xwb, Ntxawm Nkauj See ntog ua yas daws rau ntawd lawm thiab lauj! Ntxawm Nkauj See mas yog tus uas Sis Loob tuaj mus tshuab qeej xa tshoob. Tiam sis mas Sis Loob tshuab qeej tsis kawg, ces Ntxawm Nkauj See thiaj li tsis zoo siab mus ua neej. Ob tug txawm sib tham sib tham. Sis Loob nug tias: "Aub! Ua li, koj yog leej twg nas, leej muam?" Ntxawm Nkauj See thiaj hais tias: "Aub! Kuv ces yog tus ntxhais uas lawv muab quas mus ua nyab. Kuv hais tias kom lawv mus hu Sis Loob nyob ntuj Sua teb torn taug tuaj tshuab qeej xa kuv no. Lawv mus hu nws tuaj. Tuaj txog nws tshuab qeej xa kuv tsis kawg. Ces nyem no kuv mus, kuv thiaj tsis zoo siab mus ua neej. Kuv thiaj khiav tuaj mus lawm tim kuv niam thiab kuv txiv lawv." Nuj Sis Loob thiaj hais tias: "Sis Loob, ces yog kuv ntag los mas! Nyem no, kuv tuaj mus tshuab qeej ces kuv tshuab txog tog xwb, kho kuv siab hwv lawm. Kuv nyob tsis taus li. Ces kuv thiaj li khiav los lawm. kuv los, ces kuv los tau dab tau tsov, kuv thiaj los khuam txog tav no, mus tsis txog tsev li tiag." Ntxawm Nkauj See thiaj hais tias: "Aub! Sis Loob lauj! Yog li mas tim koj, es kuv thiaj tsis zoo siab mus ua neej. Kuv yeej hais rau kuv cov dab laug hais tias yog tsis tau Sis Loob tuaj mus tshuab qeej mas kuv yeej tsis zoo siab mus ua neej. Tiam sis koj tshuab qeej tsis kawg rau kuv, ces niam no kuv thiaj tuaj lawm tim kuv niam lawv tso thim luag tsiaj puv luag nkuaj, thim luag txiaj puv luag nas tso, kuv yuav rov los ua kuv niam kuv txiv tus ntxhais no tiag. Sis Loob lauj! Yog vim wb ntawv tiam pern ntuj los sib raug tiag lauj! Cia wb mus lawm torn kuv niam lawv tso, mus thim luag tsiaj rau luag thiab thim luag nyiaj puv luag nas tas tso. Koj yuav kuv kuv yuav koj. Wb mam li mus ua neej lauj!" Sis Loob thiaj li nrog Ntxawm Nkauj See mus torn nws niam tais thiab yawm txiv tsev. Nkawd mus txog, niam tais yawm txiv thiaj li thim luag tsiaj puv luag nkuaj, thim luag txiaj puv luag nas tas. Ces Sis Loob txawm mus yuav Ntxawm Nkauj See lawm lauj! Nkawd mus nrog niam tais thiab yawm txiv, nyob nyob tau peb xyoo. Ntxawm Nkauj See thiab Nuj Sis Loob nkawd niaj hnub mus nthua taum pauv. Sis Loob nco nco nws poj niam nyob ntuj Sua teb torn taug thiab nws tus me nyuam. Sis Loob niaj hnub nee mus lawm pern roob toj siab, nws niaj hnub mus seev txog nws tus poj niam thiab nws tus me nyuam. Mus seev mus quaj mus qw ov, mus tshuab nplooj, tshuab raj lauj! Ntxawm Nkauj See nkawd mus ua tau peb hnub teb, Sis Loob mus seev tau peb hnub. Ces Sis. Loob txawm hais rau nws poj niam Ntxawm Nkauj see tias:
" Ab! Ntxawm Nkauj See lauj! Kuv tso kuv sev muam nkauj Ntsum rau ntuj Sua teb torn taug lawm thiab kuv ib tug tub txawj luag ntxhawv ntxhi lawm mas. Kuv nco hwv! Koj mus hais rau niam thiab txiv tias yog niam thiab txiv kam no, ces kom nrhiav nus tij nus kwv, niam ntxawm txiv ntxawm thiab tso coj koj thiab. Peb mus phim. Hos yog tias niam hlob zoo nkauj dua no, ces thim peb lub kauj toog nyiaj peb lub kauj toog kub rau koj tso, xa koj rov qab, es kuv nrog kuv sev muam Nkauj Ntsum nyob. Hos yog coj koj mus phim, yog koj zoo nkauj dua no, ces kuv ua ib siab nrog koj ua neej tso, xa niam hlob rov mus nrog niam hlob neej nus nyob lauj yuad!" Ces Muam Nkauj See thiaj los hais rau nws niam nws txiv. Yawm txiv txawm hais tias: "Aub! Yog li ces ntshai tus vauv muaj niam hlob nyob torn tsev lawm tiag, es tus vauv thiaj li tsis zoo siab ua neej. Ces yuav xa los sis cia nej xa kuv Ntxawm Nkauj See mus phim saib lauj. Hais niam ntxawm txiv ntxawm tso. Tag kis, nej ua tshais noj ntxov ntxov es nej mus lauj!" Ces thiaj mus hu niam ntxawm txiv ntxawm niam hlob txiv hlob tuaj. Hais rau niam ntxawm txiv ntxawm tas, ces tag kis ua tshais noj ntxov ntxov. Niam ntxawm txiv ntxawm lawv txawm xa Muam Nkauj See tuaj ntag lauj! Tuaj tuaj ib hnub ob tog tsaus txawm tuaj txog ntag lauj! Tuaj txog mas Nuj Sis Loob sev Muam Nkauj Ntsum niam quaj quaj, ncig me qab vag tsib taug mas du lug xwb lauj! Niaj hnub nqa rab niag nrua zov zov Nuj Sis Loob pab npua. Sis Loob mus yuav txog ces nws txawm khiav khiav ua ntej lawm. Mus mus txog ntua, Muam Nkauj Ntsum mam hais tias: "Nim yai, Sis Loob! Kuv xav tias ntshai koj ua tsov qub tsov quav tas lawm no, es tav no koj mam los txog ntawm kod os Sis Loob?" Ces ob tug mas niam sib qawg quaj sib qawg quaj. Quaj quaj tas. Sis Loob mam piav tsuag tsuag rau nws poj niam tias: "Muam Nkauj Ntsum, kav tsij mus tu vaj tsev, cheb vaj cheb tsev ov. Luag yuav coj luag Ntxawm Nkauj See tuaj phim koj laiv mog!" Muam Nkauj Ntsum mas niam zoo zoo siab mus cheb vaj cheb tsev tsuag tsuag, ua hmo tos. Cas ib ntsis yuav luag tsaus ntuj xwb, cov niam ntxawm txiv ntxawm luag coj Muam Nkauj See tuaj txog ntua lawm tiag lauj! Tuaj txog, Muam Nkauj Ntsum txawm hais tias: "Aub! Nej cov ua niam ua txiv, nej tuaj txog lawm los zoo kawg nkaus li thiab. Tiam sis mas Sis Loob nws ua txiv nws yuav tau wb ob leeg lawm los ob leeg nyob li ntag. Txawm tias phim kuv zoo dua los ob leeg nyob. Ntxawm Nkauj See ho zoo dua los ob leeg nyob li ntag! Ob leeg yuav Sis Loob, peb nyob ua ke li ntag!" Ces cov niam ntxawm txiv ntxawm lawv txawm hais tias: "Aub! Yog koj ua niam hlob, koj ho zoo siab npaum li koj hais, ces tsis phim los tau lawm. Tsuav nej ua neej sib hlub xwb." Tus nus tij txawm hais tias: "Tsis tau nawv! Kuv txiv yeej hais tias kom peb tuaj phim. Yog tias leej twg zoo dua los peb mus thiaj yuav pom qab piav rau kuv txiv. Yog peb ua li no, ces peb mus txog, yuav ua cas piav qhia kuv txiv nad?" Muam Nkauj Ntsum teb tias: "Aws! Yog li ces yuav phim los phim." Ces hmo ntawd ov, hnav zam ib hmo, tag kis tav tshais ces phim lauj! Sev Muam Nkauj Ntsum ib ce paj nyiag paj kub tawg paj rhib ov! Sev Muam Nkauj See ib ce niag paj toog qauj les xwb lauj! Twb tsis phim Sev Muam Nkauj Ntsum ib qho li lauj! Ces cov niam ntxawm txiv ntxawm uas xa ntawd, lawv txawm hais zom zaws tias: "Aub! Niam hlob zoo dua, ces cia peb coj Ntxawm Nkauj See rov xwb lauj." Muam Nkauj Ntsum txawm hais tias:" "Tsis laiv! Kuv yeej hais tias, txawm niam hlob zoo dua los ob leeg nyob, niam yau zoo dua los ob leeg nyob. Sis Loob nws ua txiv, nws txawm ua tau li ntawd los ob leeg nyob no laiv!" Ces niam ntxawm txiv ntxawm uas tuaj ntawd lawv hais tias: "Aub! Yog koj ua niam hlob, koj hais li ntawd los tsuav phim
tas, es peb ho pom qab mus piav rau Ntxawm Nkauj See txiv xwb. Nej nyob nawd! Peb rov qab mus lawm." Txij li ntawd ios niam hlob thiab niam yau lawv txawm ua neej lawm lauj! Ua neej, nyob nyob muaj ib hnub niam hlob thiab niam yau nkawd ob leeg nyuam qhuav leeg lub thoob tawm plaws nram qhov rooj tag yuav mus ris dej, cas nkawd txawm pom ob tug npauj npaim tis ob txoj xov ntsuab ntsuab nqis puag nruab ntug los rau nram qab vag lawm, txawm pom tawm plaws ob tug hluas nqas ib hwj cawv, niam hlob thiab niam yau nkawd txawm hais tias: "Vuad! Ntshai yog Hmoob yuav tuaj thov Sis Loob mus tshuab qeej ntag pob! Wb khiav khiav mus ris dej los tso, wb tsis txhob pub Sis Loob mus yuad!" Ob tug niam hlob niam yau txawm khiav khiav mus ris dej los
txog ntua tsev xwb, ciav tsis pom ob tug hluas Hmoob lawm. Nkawd txawm nug tias: "Sis Loob, ua cas tsis pom ob tug Hmoob lawm os?" Sis Loob teb tias: "Aub! Yog Ntxwg Nyoog tus ntxhais nyob qaum ntuj nws yuav txiv, es nws kom nkawd tuaj hu kuv mus tshuab qeej xwb os, ces nkawd twb mus lawm." Ob tug poj niam tias: "Ua li, koj twb lees luag cawv haus lawm ntag los?" Sis Loob teb tias: "Kuv twb lees luag lus thiab lees luag cawv haus tas lawm." Ob niag poj niam txawm cem tias: "Sis Loob lauj! Koj tsis tsim txiaj lauj! Cas koj yuav mus lees ua tus dab tsi?" Sis Loob txawm cem tias: "Aub yauj! Poj niam dab tsi niam yuav hais ua luaj ne? Luag mus luag niam tsis los lawm los ua cas nas? Luag mus luag sis yuav rov los thiab los mas niam yuav cem ua luaj!" Sis Loob tau hais rau luag tias, nyuj hli tim kaum tsib Sis Loob mam li mus no. Txog nyuj hli tim kaum tsib ces Sis Loob txawm muab tau ib daim lev los pua ntawm tag. Sis Loob muab qeej los dai, muab
ncas los dai rau ntawm nws ib sab. Sis Loob txawm pw ntawd tuag lawm lauj! Tuag Iwj Iwj ua ib niag pag dub nciab lawm xwb. Ob tug niam hlob niam yau nkawd zov zov ciav puv nkaus ib tsug kaum peb hnub, cas rab ncas cia li nrov ntseeg nkaws, rab qeej cia li nrov ziag lauj! Sis Loob txawm sib xab xeeb xab xaws, ciaj kiag nti nti lawm, Sis Loob txawm sawv rov los.
Sis Loob xeev los txog, nws txawm los hais rau nws ob tug poj niam hais tias: "Niam hlob thiab niam yau lauj! Luag qaum ntuj mas cas hluas nkauj yuav coob ua luaj li tiag lauj! Luag mas ua npoj ntws ua npaim ua npog xwb. Kuv twb tsis xav los tas nrho. Tiam sis yog kuv hlub neb hwv, kuv thiaj li lam los lawm xwb." Sis Loob txawm rov los nyob nyob tau ib xyoo. Niam hlob thiab niam yau leeg twb muaj tug tub lawm. Ob niag poj niam txawm rov leeg lub thoob mus ris dej no. Cas tawm txog nram qab tsib taug , txawm pom ob tug npauj npaim tis ob txog xov ntsuab ntsuab los puag saum qaum ntuj los. Cas los poob kiag rau ntawm qab vaj, txawm tawm plaws ob tug hluas Hmoob zoo nraug ntxiag los. Ob tug poj niam txawm hais tias: "Ab! Wb khiav khiav mus ris dej los tso, ntshe yog luag yuav tuaj thov Sis Loob mus tshuab qeej qhov twg ntag lauj! Wb mus kwv dej tsuag tsuag los tso, wb tsis txhob pub Sis Loob mus lauj!" Ob tug niam hlob niam yau txawm khiav khiav mus ris dej los txog ntua hauv tsev, ob tug hluas Hmoob twb rov lawm thiab. Sis Loob twb txais luag cawv haus tas. Nws twb lees tias cia txog hnub ntawd nws mam tuaj.
Ob tug poj niam cem cem Sis Loob. Ces txog hnub hli xiab kaum tsib, Sis Loob txawm pua tsuag tsuag tau ib lub chaw rau ntawm tag, muab nws rab qeej los khuam rau ntawm ib sab, muab nws rab ncas los khuam rau ntawm ib sab thiab hais kiag ib lauj kaub dej los txawb rau nram ko taw. Ces Sis Loob txawm pw ntawd. Cas Sis Loob tuag, ntsej muag daj tseem lawm thiab lauj!
Ob niam hlob niam yau zov rawv os. Sis Loob tuag lawm ho tsis Iwj. Nws tuag tau ib tsug kaum peb hnub, cas Sis Loob lauj kaub dej nram ko taw cia li nchuav nthwv lauj! Rab qeej ntiv hlauv kiag. Rab ncas dam daws lawm thiab lauj! Ob tug poj niam mas niam quaj quaj ncig qab vag tsib taug los Sis Loob tsis los lawm tiag lauj! Ob tug poj niam thiaj li mus nrhiav txiv qeej txiv nruas tuaj muab Sis Loob pam. Pam tag coj Sis Loob mus los tag. Ua cas nyob nyob tuaj ib tug niag poj qhev saum ntuj tuaj. Niag poj qhev ntawd tuaj yawm tshauv. Nws txawm los thov ob niag niam hlob niam yau nkawd tias: "Ob tug nyab, kuv yawm neb cov tshauv, es neb pua kam os?" Ob tug niam hlob niam yau ntawd txawm hais tias: "Aub! Ntshai wb tsis kam lauj! Wb tsis muaj txiv los txiav taws rau wb rauv. Ntshai wb yuav tsis kam os, niam pog." Niag poj qhev ntawd txawm nug tias: "Neb tsis muaj txiv. Ua li neb tus txiv dua qhov twg lawm?" Ob niam hlob niam yau tias: "Wb txiv ces yog Sis Loob. Nws mus tshuab qeej dua qaum ntuj es nws tsis los lawm ne." Poj qhev thiaj hais tias: "Aub! Yog Sis Loob ntag los! Sis Loob ces nyob ntawm kuv tog tsev ntag los mas." Ob tug poj niam tias:
"Tiag los niam pog! Pog li no, wb nrog koj mus puas tau?" Poj qhev hais tias: "Aub! Yog neb xav mus mas tau xwb. Saib neb puas mus?" Ob tug poj niam hais tias: "Mus xwb lauj! Niam pog lauj. Koj yuav yuav tshauv npaum li cas los koj yawm tsuag tsuag tso, koj coj wb mus." Ces poj qhev yawm tsuag tsuag tas. Sis Loob ob tug poj niam txawm tso nkawd ob tug me nyuam uas nyuam qhuav zaum taus tsaws tseg. Nkawd txawm nrog poj qhev mus lawm ntag lauj! Poj qhev txawm hais tias: "Ob tug nyab ov! Kuv tsuj twg mas neb tsuj twg xwb. Txhob tsuj torn tej. Nyob ntsis neb mus tsis taus nawd!" Ces poj qhev tsuj twg ob niag poj niam tsuj twg. Lawv txawm mus mus nto plaws rau puag saum qaum ntuj lawm lauj! Poj qhev hais tias: "Ob tug nyab, Sis Loob thiab Ntxwg Nyoog lawv lub tsev ces yog lub tod ntag. Neb nrog kuv pw qhov no. Tag kis neb yeej yuav pom Sis Loob xwb ntag los mas." Ces ob tug txawm nrog poj qhev pw ib hmo ntawd. Tag kis kaj ntug ov, tsuas tias niag Ntxwg Nyoog mas ib tug nees ua ntej, Sis Loob niam rab qeej tsuas tias tawg lawv qab. Mas niam muaj ib co npauj npaim, mas niam ya ib ntshuas rau tod ib ntshua rau tod. Ces Sis Loob ob niag poj niam, ib tug nyob qab ke ib tug nyob qaum kev, mas niam leeg rab nplawm. Nplawm nplawm cov niag npauj npaim mas tuag los muaj, tu tis tu tw los muaj lauj. Sis Loob thiaj li tsa loo qhov muag los ntsia, nws hais tias: "Aub! Cas niam hlob thiab niam yau neb yuav tuaj ua dab tsi?" Ob tug poj niam tias: "Sis Loob lauj! Koj ciaj los wb nrog koj ciaj, koj tuag los wb nrog koj tuag. Tim koj wb thiaj li los nyob khuam ntab khuam ntuv li no. Wb yeej tsis ntshai li ntag nawv!" Sis Loob thiaj hais tias: "Neb yeej tsis ntshai li ntag los?" Ces Sis Loob xob zog luaj hauv toj, Sis Loob nug tias: "Neb puas ntshai?" Nkawd hais tias: "Hwb! Nyuag nyob li ntawd xwb wb yeej tsis ntshai." Sis Loob rov luag nyav. Sis Loob xob luaj hauv pes, nug tias: "Neb puas ntshai?" Ob tug poj niam teb hais tias: "Hwb! Nyuag nyob li ntawd xwb, wb niam yuav ntshai hwv." Sis Loob rov luag nyav. Ob tug poj niam nyob nyob. Sis Loob niaj hnub txhob kom ob tug poj niam rov qab lauj! Sis Loob txhob npaum li cas los ob tug poj niam tsis rov li lawmlauj. Sis Loob thiaj hais tias:
"Aub! Yog tias li cas los neb yeej tsis rov mus tsev li lawm no, ces cia peb rov mus tu neb hlab chaub nyob ntiaj teb tso, peb mam li los ua ib siab nyob qaum ntuj lauj!" Ces Sis Loob coj nws ob tug poj niam mus torn tw tsua mus dawj ib lub pob zeb xauj xyuas ntiaj teb. Cas zoo ua luaj! Sis Loob lub tsev mas qaib npua quaj zig qees. Niam hlob thiab niam yau nkawd ob tug tub mas zaum lo tshauv li ntawm ntug cub xwb. Ob tug poj niam nkawd tshua tshua nkawd ob tug tub ua luaj! Nkawd kuj tshua Sis Loob thiab. Ces ob tug poj niam ib leeg quaj ib pluag tas, Sis Loob thiaj xais niam hlob thiab niam yau nkawd hlab chaub. Ces ob tug poj niam nkawd thiaj li tau los nrog Sis Loob ua neej nyob qaum ntuj lawm lauj.

» hlub lwm tiam
» Mam hlub koj rau lwm tiam
» TIAM TWG LOS YUAV TOS KOJ
» Nco txhua tiam hlub mus li
» Nco nco txhua tiam dhau los