XEEBTSHEEJ TIAM LI DAB NEEG

Subject: XEEBTSHEEJ TIAM LI DAB NEEG Sun Jan 27, 2013 2:18 pm

First topic message reminder :

NRAUG NTSUAG THIAB NKAUJ ZUAG PAJ

Puag thaum ub, muaj ob txiv tub mus nuv ntse. Nkawd mus txog nram hav dej, leej txiv txawm hais rau nws tus tub tias : "Me tub, koj nyob twj ywm qhov no, kuv mus nuv ntses nrad !" Ces leej txiv txawm mus nuv ntses. Ib ntsis nws rov los txog, nws los nrhiav tsis pom nws tus tub lawm lauj ! leej txiv ýeej xav tias ntshai nws tus tub poob rau hauv lub niag pas dej ntawd lawm. Leej txiv txawm muabib lub ntais ntsaws rau hauv nws duav, nws thiaj 11 tib plaw mus rauhauv lub niag pas dej. Nws mus txog hau. Cas muaj ik lub zos loj hauj sim nyob hauv. Txawm muaj ob tug niam tub ntsuag nos nyob puag nram qab zos, nyob hauv ib lub nyuag tsev khaub khaub hlab.Nws thiaj li mus nug ob niam tub ntsuag nos nrad tias: "Hnub no, nej puas muajleej twg tua tau nqaij dab tsi los noj ?" Ob niam tub teb tias: "Tag kis no, hnov lawv tham tias lawv tua tau ib tug kauv no tiag !" Nws thiaj nug nkawd tias : "Lawv puas nqa tuaj pub neb noj ?" Ob niam tub teb tias : "Ab ! Lawv noj hlob noj yau, lawv yeej tsis pub rau wb noj li." Nws hais rau nkawd tias : "Yog li, neb sau neb tej cuab yeej cuab tam es neb khiav mog ! Kuv yuav hlawv nej lub zos no." Ces ob niam tub thiaj sau cuab yeej cuab tam khiav lawm. Nws thiaj li muab lub ntais los ntaus zes rau zaj la. Nws thiaj tawm khiav rov los dua yaj ceeb no lawm.

Kub tau peb hnub peb hmos, pa taws ncho tuaj nto ntuj lauj ! Txiv Nraug Ntsuag mus ua zog ntuj sua teb tom taug los, nws txawm los ntsib yawg Zaj Laug pas zaj nrab. Yawg Zaj Laug pas zaj nrab hais rau Txiv Nraug Ntsuag tias: "Txiv Nraug Ntsuag, kuv tub Ntxawg tsis paub tab coj hno xaiv, rau xaws rau luag tub tiaj hau. Nws txhuav luag tub ntshav haus tas, muab luag tub nqaij noj tas, thiaj li mob luag siab. Luag thiaj tis taws lawm zaj la, kub lawm zaj zeg, kub tas cuaj txwg tub mab yim txwg tub qhe. Kub txog niam nkauj Zag ib sab ceg. Yog koj mus ntsib kuv yawg Zaj Laug pas zaj ntsuab no koj hais rau nws kom nws tuaj. Lub hlis no tim kaum tsib, kuv yuav tsa vaj tsa tsev. Kom nws tuaj nrog kuv koos cawv ib hnub no !" Txiv Nraug Ntsuag teb tias : "Aw ! Kuv mus, kuv mam hais rau." Txiv Nraug Ntsuag txawm los txog rau yawg Zaj Laug pas zaj ntsuab. Nyob ntawd muaj ib lub zos. Txiv Nraug Ntsuag muaj ib tug muam los yuav txiv nyob ntawd thiab. Txiv Nraug Ntsuag tus muam hais tias : "Ab ! Dab laug, utshai koj mus ua Suav zog ntuj sua teb tom taug los, es ko; nqis nqis nqaij, cia kuv tua ib tug npua rau koj noj tso koj mam ho mus tsev." Txiv Nraug Ntsuag tus muam txawm tua ib tug npua rau nws noj. Nws rau tau, nws txawm mus hu zej zog tuaj nrog noj thiab. Sawv daws noj nqaij haus cawv qaug qaug. Xeev Laus hauv zos thiab Txiv Nraug Ntsuag nkawd txawm sib txhaus cawv. Txiv Nraug Ntsuag txawm hais tias : "Ab ! Wb sib twv mus hu Zaj Laug pas zaj ntsuab saib leej twg hu teb yuam !" Xeev Laus txawm hais tias : "Txiv Nraug Ntsuag, yog koj tseem mus hu tau Zaj Laug pas zaj ntsuab tawm, mas kuv muab peb hub nyiaj peb hub kub rau koj kiag tiag. Yog koj hu tsis tawm, kuv hu tawm mas koj ua kuv qhev mus ib txhis laiv !" Ces tus muam hais rau Txiv Nraug Ntsuag tias:"Dab laug, koj twb mus ua Suav qhev txog tav no, koj tseem pheej yuav nrog luag tej sib twv thiab ! Tsuas zoo yus hu tawm, yog yus hu tsis tawm ces yus ham tsis yuav ua luag qhev mus ib txhis." Ntsuag teb tias : "Yog hu tsis tawm ces ua kuj ua thiab tiag." Nkawd txawm mus txog ntawm lub niag pa zaj. Txiv Nraug Ntsuag hais rau Xeev Laus tias: "Yog koj teb koj chaw, cia koj xub hu tso kuv mam hu." Xeev Laus thiaj hu tias : "Yawg Zaj Laug pas zaj ntsuab, koj tawm tuaj nraum no ! Kuv muaj ib lo lus hais rau koj auj!" Xeev Laus hu peb zaug li ntawd, tsis pom tawm li lauj! Xeev Laus thiaj cia Txiv Nraug Ntsuag hu. Txiv Nraug Ntsuag thiaj hu tias:"Yawg Zaj Laug pas zaj ntsuab, hwj txwv dawb qas paug ! Nyob qab ca los hnov nyob qab zeb los hnov, koj tawm tuaj, kuv muaj ib lo lus hais koj." Npuas dej txawm tawg plhawv ib lub tuaj, sawv daws luag zom zaws tias : "Yaiv, yuav tawm tiag las." Txiv Nraug Ntsuag hu zaum ob kuj tawm ib lub npuas dej thiab xwb. Nws hu kiag zaum peb. Ua ciav, yawg Zaj Laug pas zaj ntsuab tawm plaws tuaj lauj! Yawg Zaj Laug pas zaj ntsuab hais tias:"Me tub! Koj muaj lus dab tsi los tsev tso mam li hais maj! Cas koj yuav nyob nraum kod hu xwb !" Txiv Nraug Ntsuag thiaj li hais tias : "Ab ! Kuv xav los kawg. Tab sis ntshai kuv los tsis tau xwb, kuv thiaj tsis los." Zaj Laug thiaj muab Txiv Nraug Ntsuag qaim kiag rau hauv qhov tsos, coj nws mus rau hauv pas zaj lawm.

Xeev Laus txawm hnyos tias: "Tsuag sawm ! Khav hu Zaj Laug tawm tuaj, zaum no Zaj Laug muab nws nqos kiag lawm lauv !" Txiv Nraug Ntsuag thiaj li nrog Zaj Laug mus txog hauv Zaj Laug tsev. Zaj Laug lub tsev mas yog tsev nyiaj tsev kub xwb. Zaj Laug thiaj tsab yeeb rau Txiv Nraug Ntsuag haus tas. Zaj Laug thiaj nug tias: "Me tub, koj muaj tus lus dab tsi, koj sim hais rau kuv mloog saib ?" Txiv Nraag Ntsuag thiaj teb tias : "Ab ! Yawg Zaj Laug, tus lus dab tsi kuj tsis muaj thiab! Yog kuv mus ua Suav zog ntuj sua teb tom taug los, kuv los ntsib koj yawg Zaj Laug pas zaj nrab. Nws hais rau kuv tias yog kuv los ntsib koj no, kom kuv hais rau koj. Nws hais tias : 'Nws tub ntxawg tsis paub tab coj hno xaiv, rau xaws rau luag tub tiaj hau, muab luag tub ntshav txhuav haus tas, muab luag tub nqaij noj tas, thiaj li mob luag siab. Luag tis taws lawm zaj la kub lawm zaj zeg, thiaj li kub tas ntswg liaj ncab ntswg iav ntev, kub tas cuaj txwg tub mab yim txwg twb qhe, thiaj li kub tas niam nkauj Zag ib sab ceg. Nws vaj nws tsev kub hnyiab tas, liaj ia kub hnyiab tas. Lub hlis no tim kaum tsib nws yuav ua vaj ua tsev, nws yuav koos ib hnub cawv. Nws kom kuv los hais rau koj, kom koj mus nrog nws koos ib hnub cawv.' Kuv lus hais rau koj li no xwb." Yawg Zaj Laug thiaj teb tias : "Aud ! Ua li los !" Zaj Laug thiaj hais tias : "Yog li no txog hnub kaum tsib tso kuv mam ho mus xyuas ." Nyob nyob txog hnub kaum tsib, yawg ZajLaug txawm yuav mus nrog yawg Zaj Laug pas zaj nrab koos cawv.
Nws hais rau Txiv Nraug Ntsuag tias:"Me tub ! Koj nyob, koj pab zov kuv lub tsev. Kuv los, koj yuav nyiaj yuav kub los kuv muab rau koj." Zaj Laug yuav mus, nws tseem hais ntxiv tias : "Me tub, koj nyob koj tsis txhob seev. Tsam niam dab tsoj tsuam deev. Koj nyob koj tsis txhob saub. Tsam niam dab tsoj tsuam paub." Txiv Nraug Ntsuag teb tias : "Aw ! Kuv nyob, kuv nyaj yuav tsis saub tsis seev thiab." Zaj Laug mus lawm lauj! Txiv Nraug Ntsuag nyob, nws niaj hnub nyob hauv tsev zov tsev. Nws txawm nco nco nws tus muam cov lus uas thaum nws yuav tuaj, nws tus muam hais. Ces Txiv Nraug Ntsuag txawm seev tias : "Ab ! Ua cas yus tsis mloog yus tus muam lus, yuav tuajua luag qhev zov luag tsev li no nev ? Tshav ntuj nrig, yuav kho kuv siab ua luaj!" Ces niam nkauj Zaj nyob hauv txaj, nws txawm hnov lauj! Nws txawm hais rau Txiv Nraug Ntsuag tias : "Txiv Nraug Ntsuag, kho kho koj siab, cia kuv deev koj siab mog !" Ces niam NkaujZag niaj hnub tawm los nrog Txiv Nraug Ntsuag nyob lauj ! Txiv Nraug Ntsuag thiab niam Nkauj Zag nkawd niaj huub sib tham. Muaj ib hnub, Txiv Nraug Ntsuag hais rau niam Nkauj Zag tias: "Yuav ua cas kuv thiaj yuav tau koj ?" Niam Nkauj Zag teb tias:"Thaum kuv txiv yuav mus, kuv txiv kom koj zov tsev. Nws los koj yuav nyiaj yuav kub los nws mam muab rau koj. Tab sis, kuv hais rau koj. Nyiaj kub nyuj nees mas koj tsis txhob yuav. Nyiaj kub mas yog rhawv nyiajrhawvkub. Hos nyuj nees los koj txhob yuav thiab.Nyuj nees yog yaj ceeb kws txaij kws nraug xwb. Koj txhob yuav thiab. Kuv txiv yuav nug koj tias koj yuav dab tsi. Koj yuav teb tias : 'Txiv, kuv xav yuav koj tus tshws kub hnyiab xwb.' Koj hais li ntawd, koj thiaj li yuav tau kuv nawb mog ! "Ces Zaj Laug mus koos cawv los txog, nws txawm Nug Txiv Nraug Ntsuag tias : "Me Tub ! Koj nyob, ntshai koj saub pauj ?" Ntsuag teb tias : "Txiv, kuv nyob kuv tsis tau saub thiab as."Zaj Laug hais Ntsuag tias : "Koj nyob, ntshai koj seev pauj ?" Ntsuag teb tias : "Txiv, kuv tsis tau seev as." Zaj Laug txawm nug Txiv Nraug Ntsuag tias: "Me tub, koj zov kuv lub tsev txog tav no, ua li koj xav yuav dab tsi ? Koj puas xav yuav nyiaj yuav kub ?" Ntsuag teb tias: "Txiv, koj muab nyiajkub los zoo kawg lawm. Tab sis kuv tsis yuav." Zaj Laug nug tias : "Ua li koj puas yuav nyuj yuav nees ?" Ntsuag teb tias : "Nyuj Nees los kuv tsis yuav." Zaj Laug thiaj li nug Ntsuag tias : "Me tub, ua li koj xav yuav dab tsi, koj ho hais rau kuv saib ?" Ntsuag teb tias:"Ab txiv, kuv xav yuav koj tus nyuag tshws kub hnyiab xwb. Lwm yam kuv tsis yuav li." Ces Zaj Laug txawm hais tias : "Aub ! Me tub, koj nyob hauv tsev, ntshai koj saub koj seev lawm lauj! Yog koj xav tau kuv tus tshws kub hnyiab, mas tag kis, cia kuv tus tub hlob los nrog koj sim tes taw. Yog koj yeej mas koj thiaj tau. Yog koj tsis yeej ces koj tsis tau nawb !" Ces Txiv Nraug Ntsuag quaj quaj xwb lauj! Niaj Nkauj Zag thiaj hais rau Ntsuag tias : "Txiv Nraug Ntsuag, koj txhob quaj! Cia kuv qhia koj mas koj yeej xwb ! Tag kis koj sawv ntxov ntxov mus lawm pem hauv dej. Koj mus xyuas daim nplooj uas teev kaum ob lub Iwg. Koj muab daim ntawd, koj haus tas, koj rov los mas koj yeej xwb. Koj tsis txhob quaj kiag li! Koj ua li kuv hais xwb." Tag kis, Ntsuag thiajlisawv ntxov ntxov mus txog pem hauv dej, muaj ib daig nplooj teev kaum ob lub lwg dej. Ntsuag txawm muab haus tas, Ntsuag tuaj kiag kaum ob ceg kub. Zaj Laug tub hlob, ho mus haus daim uas teev rau lub, Zaj Laug tubhlob tuaj rau ceg kub xwb lauj! Ntsuag thiab Zaj Laug tub hlob sib nraus ib hnub tsaus ntuj. Zaj Laug tub hlob tsis yeej Ntsuag, nws tsiv plhawv lawm. Zaj Laug hais tias: "Yaiv ! Tus me tub qhev ntawd ua tau diam tiag ! Tos nws yuav yuav kuv tus tshws kub hnyiab. Tag kis, yog kuv tub nrab sim tsis yeej nws thiab mas thiaj muab rau. Yog kuv tub nrab yeej, mas muab ua kua txob kiag xwb ntag." Ntsuag quaj quaj, niam Nkauj Zag hnov, nws hais tias : "Ntsuag, tsis txhob quaj! Nco ntsoov qhov nag hmo kuv hais rau koj xwb ces koj yeej xwb los mas, Ntsuag." Tag kis Ntsuag mus haus tas, Ntsuag tuaj kaum ob ceg kub. Ho Zaj Laug tub nrab tuaj rau ceg kub xwb. Nkawd sib nraus sib nraus ib hnub tsaus ntuj. Zaj Laug tub nrab tsiv plhawv lawm. Zaj Laug tias:"Tag kis, kuv tub ntxawg tsis yeej, mas muab kiag ! Yog kuv tub ntxawg yeej, muab nws ua kua txob kiag." Ntsuag quaj quaj. Niam Nkauj Zaj hnov, nws hais tias: "Ntsuag, txhob quaj, koj nco ntsoov qhov kuv qhia koj xwb." Ces tag kis, Zaj Laug tub ntxawg thiab Ntsuag nkawd sib nraus ib hnub ntsaus ntuj. Zaj Laug tub nrab tsis yeej, nws tsiv pihawv lawm thiab. Zaj Laug hais tias:"Tus me qhev ntawd, nws ua tau diam tiag! Tag kis, nws sim los nrog kuv sib ntsuas zog saih! Yog nws yeej kuv thiab mas nws thiaj li tau. Yog tsis yeejkuv mas kuv muab nws ua kua txob kiag." Ntsuag quaj quaj thiab lauj ! Niam Nkauj Zag hnov, nws hais rau Ntsuag tias : "Ntsuag, koj nco ntsoov qhov kuv qhia koj xwb. Ces koj yeej xwb los mas, Ntsuag." Tag kis, ces Ntsuag thiab ZajLaug nkawd sib nraus ib hnub yuav tsgus ntuj. Zaj Iaug tsis yeej. Zaj Laug txawm hais rau Ntsuag tias : "Koj niam ntshaw kuv tus tshwskub hnyiab diam. Tag kis kuv tso losrankoj twv. Yog koj twv thawj los tau, mas koj thiaj li tau. Yog koj twv tsis tau mas kuv muab koj ua kua txob kiag xwb ntag nawb !" Ces Ntsuag rov qab quaj quaj. Niam Nkauj Zag hnov, nws hais tias : "Tag kis, kuv txiv tso tawm los rau koj twv. Cov ua ntej mas yog kuv cov tis nyab thiab kuv cov niam laus xwb. Hos kuv mas yog tus tom qab ua kwv ib lub kaus khaub khaub hlab thiab hnav ib ce khaub ncaws khaub khaub hlab, thiaj yog kuv nawb !" Tag kis, Zaj Laug thiaj lis tso sawv daws ua ib leeg lub zam los tan Ntsuag twv. Tus nyab hlob, ua ib lub zam los, nws hais rau Nts uag tias : "Txiv Nraug Ntsuag, koj nyab ces yog kuv tiag." Ntsuag teb tias : "Tis dab hlob, koj tsis txhob hais li! Tej tis dab thiab yawm vauv, txhob hais li kod, tsam txaj muag." Tus nyab yau kuj los hais ib yam li ntawd thiab.Ntsuag kuj teb ib yam li ntawd thiab. Tus niam laus ho ib lub zam los, nws kuj hais li ntawd rau Ntsuag. Los Ntsuag hais rau tias: "Niam laus thiab txiv hluas, tsis txhob hais li kod, tsam txaj muag." Niam Nkauj Zag hnav ib lub nyuag zam khaub khaub hlab tawm piaws los. Ntsuag tib plhaw mus khawm nkaus. Ntsuag hais tias : "Kuv nyab yog tus no, kuv yuav tus no xwb." Ces Zaj Laug hais tias : "Yog koj ntshaw hwv no, koj coj mus." Ces niam Nkauj Zag thiaj Txiv Nraug Ntsuag nkawd thiaj li sawv kev los txog tom kev. Tshav ntújkub kub li, niam Nkauj Zag hais rau Txiv Nraug Ntsuag tias : "Txiv Nraug Ntsuag, tshav ntuj kub kub li, wb so me ntsis tso, wb mam mus." Ces niam Nkauj Zag thiaj li mus txiav tau ib lub ntsis tauj los khi rau Ntsuag nkawd nkaum tshav. Niam Nkauj Zaj suav suav Ntsuag taub hau, Ntsuag txawm tsaug zog lawm lauj ! Ib ntsisNtsuag tsimdheev los.Uaciav yog nkawd nyob hauviblub tsev nyiaj tsev kub lawm. Txiv Nraug Ntsuag hais rau niam Nkauj Zag hais tias : "Aub ! Tsis tsum! Cas wb yuav los pw txhaum Suav tsev lawm." Niam Nkauj Zag hais tias: "Tsis yog ho ! Yog kuv niam thiab kuv txiv nkawd tuaj ua rau wb nyob xwb." Ces niam Nkauj Zag hlub hlub Txiv Nraug Ntsuag, nws niaj hnub cia Ntsuag nyob hauv tsev xwb lauj! Niam Nkauj Zag niaj hnub nqa mov nqa zaub mus rau cov tub mab tub qhe noj. Nyob nyob, Ntsuag nkawd txawm yug tau ib tug ntxhais.Nkawd muab tis npe hu ua Zuag. Nyob nyob, tus me nyuam hlob lawm. Txiv Nraug Ntsuag txawm hais rau niam Nkauj Zag tias: "Koj niad ! Koj niaj hnub xa zaub xa mov mus rau tub mab tub qhe noj, ntshaikoj nkees nkees lawm. Hnub no cia kuv ho xa ib zaug." Niam Nkauj Zag tsis kheev. Niam Nkauj Zag hais tias : "Koj txiv, koj tsis txhob mus, cia kuv mus xwb." Txiv Nraug Ntsuag pheej yuav mus xwb xwb li. Niam Nkauj Zag thiaj hais tias : "Koj txiv, yog koj yuav mus no cia tus me nyuam nrog koj mus thiab." Niam Nkauj Zag hais rau tus me nyuam tias : "Me Zuag, koj txiv tsis mloog kuv lus. Yog neb mus no, kom koj txiv kwv lub kaus kom zoo zoo. Tsis txhob ua lub kaus qaij. Nyob tsam tshav ntuj kub koj txiv. Ces Txiv Nraug Ntsuag thiab tus me nyuam txawm xa mov mus rau cov tub mab tub qhe noj. Tshav ntuj mas kub kub li lauj! Txiv Nraug Ntsuag txawm mus pw ua si tom qab ca, nws tsaug zog lawm. Hos tus ntxhais mus ua si lawm thiab. Ces tshav ntuj tuaj ziab Ntsuag, Ntsuag txawm ci ci mus txog puag pem qaum ntuj lauj!Niam Nkauj Kub Kaws txawm pom. Niam Nkauj Kub Kaws hnav cuaj ce kub, yim cev hlaws. Nws tuaj txog, nws hais rau Ntsuag tias : "Txiv Nraug Ntsung, zoo nraug tas npaum li koj, yuav poj niam tsis yuav tej tus zoo li kuv ! Cas koj yuav mus yuav niag niam nkauj zuag paj haus ntshav yaj, niam nkauj zuag ntsis haus ntshav tshis.Niag tsw yaj tsw tshis li ntawd. Koj saib kuv mas hnav cuaj cev kub, yim cev hlaws. Koj yuav kuv los mas Ntsuag !" Ces Txiv Nraug Ntsuag ntsia ntsia. Cas niam Nkauj Kub Kaws yuav zoo nkauj tas npaud tiag ! Ces Txiv Nraug Ntsuag lub siab txawm ntxeev npo rau niam Nkauj Kub Kaws sab lawm lauj! Txiv Nraug Ntsuag thiab nws tus ntxhais nkawd rov los txog tsev, Txiv Nraug Ntsuag txawm hais rau niam Nkauj Zuag Paj tias: "Niam Nkauj Zuag Paj haus ntshav yaj, niam Nkauj Zuag Ntsis haus ntsav tshis, koj kav tsij khiav mus, kuv tus zoo yuav rawm los." Niam Nkauj Zuag Paj hais tias : "Txiv Nraug Ntsuag, yog vim koj tsis mloog kuv lus, koj qaij lub kaus es niam Nkauj Kub Kaws thiaj pom koj lawm.Nyem no niam Nkauj Kub Kaws yuav tuaj hIe koj caus ci."Ntsuag rov cem niam Nkauj Zuag Paj tias: "Phib ! Kav tsij khiav mus tsuag tsuag ! Kuv tus zoo twb yuav rawm los." Niam Nkauj Zag rov hais rau Txiv Nraug Ntsuag tias : "Koj Txiv, ua siab nrog kuv ua neej los mas !" Los txiv Nraug Ntsuag cem cem tsis yuav li lawm lauj ! Thaum uas niam Nkauj Zuag Paj tsaug zog lawm, niam Nkauj Kub Kaws muab ntshav yaj ntshav tshis los pleev niam Nkauj Zuag Paj qhov ncauj, ces nws tsw tsw yaj tsw tsw tshis.

Niam Nkauj Zuag Paj hais npaum li cas los Txiv Nraug Ntsuag tsis yuav lis lawm. Ces niam Nkauj Zuag Paj thiaj tu siab nrho, niam Nkauj Zuag Paj thiaj nthos nkaus rab khaub rhuab cheb kiag qhov rooj txuas mus txog ntua qhov rooj tag. Nws tig loo rov hais rau Txiv Nraug Ntsuag tias : "Koj Txiv ! koj ua ib siab nrog kuv ua neej los mas !" Los txiv Nraug Ntsuag cem xwb, Txiv Nraug Ntsuag yeej tsis yuav li lawm. Kom nws kav tsij khiav mus. Niam Nkauj Zuag Paj cheb kiag ntawm qhov rooj tag mus txog nraum zoov. Nws tig rov los hais rau Txiv Nraug Ntsuag tias : "Txiv Nraug Ntsuag, koj ua siab yuav kuv los mas ! Yog koj tsis yuav kuv sais luag yuav tuaj ntxias hle koj caus ci laiv !" Txiv Nraug Ntsuag rov cem nto tej niag saub thiab lauj ! Niam Nkauj Zuag Paj cheb zoj mus txog ntua nram qab tsib taug. Nws tig loo los hais rau Txiv Nraug Ntsuag tias: "Txiv Nraug Ntsuag, koj ua ib siab nrog kuv ua neej los mas !" Los txiv Nraug Ntsuag cem cem thiab. Niam Nkauj Zuag Paj cheb klag mus txog ntua'hauv lub pa dej. Nws hais tias : "Txiv Nraug Ntsuag, koj tsis ua ib siab nrog kuv ua neej, koj ntiab kuv diam. Zaum no kuv mus lawm tiag tiag. Sim neej no, koj xav pom kuv mas koj yuav txiav cwj nrig, cwj nqws ti ntawm koj tes, koj yuav thuv lub pa dej no kom kev qawj txij koj taub hau, mas ntshai koj thiaj li rov pom kuv." Nws hais li ntawd tas, nws ploj ntais rau hauv dej lawm lauj ! Txiv Nraug Ntsuag tig loo los saib. Ua cas du lug tsis pom vaj tse li lawm ! Tsuas tsh uav peb lub ntsis tauj uas thaum ub niam Nkauj Zuag Paj txiav rau Txiv Nraug Ntsuag nkawd nkaum tshav ntuj lawm xwb lauj! Niam Nkauj Kub Kaws thiaj li luag nqhuas los. Txiv Nraug Ntsuag mus tuav nkaus niam Nkauj Kub Kaws. Niam Nkauj Kub Kaws yim cuaj tsuag kua mis rau Txiv Nraug Ntsuag quaj ceg xyab ceg caws. Txiv Nraug Ntsuag ntho nkaus qhov twg los yim cuaj tsuag kua mis rau Txiv Nraug Ntsuag xwb lauj! Ces Txiv Nraug Ntsuag thiaj li quaj hu quaj hu tias : "Kuv niam Nkauj Zuag Paj haus ntshav yaj, kuv niam NkaujZuag Ntsis haus ntshav tshis dua qhov twg lawd ! Cas kuv yuav nco koj ua luaj no, kuv yuav mus nrhiav kuv niam Nkauj Zuag Paj xwb." Niam Nkauj Kub Kaws mas niam luag luag ceg xyab ceg caws. Txiv Nraug Ntsuag thiaj li mus txiav tau ib tug cwj los nrig. Ces Txiv Nraug Ntsuag niaj hnub nrhiav niam Nkauj Zag ncig lub pas zaj. Nws niaj hnub quaj lauj! Txiv Nraug Ntsuag ncig ncig txoj kev qawj qees txij Txiv Nraug Ntsuag taub hau, tseem ploj nws taub hau lawm thiab lauj! Nws tus cwj nqws ti nkaus ntawm nws tes. Muaj ib hnub, Txiv Nraug Ntsuag thiaj pom muaj ob tug poj niam tuaj ntxhua khaub ncaws ntawm ntug pas zaj.

Txiv Nraug Ntsuag thiaj nug ob tug poj niam ntawd tias : "Ab ! Ob tug niam ntxawd ! Neb puas pom kuv niam Nkauj Zag los tsis pom ?" Ob tug pojniam ntawd teb tias:"Tsawg sawm, zoo siab tsis zoo! Zaum no luag hle koj caus ci kiag ! Koj niam Nkauj Zag mas wb pom kawg los mas !" Txiv Nraug Ntsuag thiaj li hais tias : "Kuv thov neb ua rau kuv pom ib pliag puas tau ?" Ob tug poj niam teb tias : "Yog koj tsis luag wb, wb thiaj yuav ua rau koj pom ib pliag." Ntsuag tias : "Thov neb ua rau kuv pom, kuv tsis luag kiag li." Ces ob tug poj niam ntawd txawm txia ntshis ua ob tug gav nqus lub pas dej ntawd lauj! Ntsuag ntsia ntsia ob tug qav ntawd ob lub plab yuav tawg. Ntsuag txawm luag ib nyuag suab, ob tug qav plab tawg rhe, dej rov qab puv nkaus li qub tuaj lauj! Ces nkawd cem Ntsuag tias : "Txiv Nraug Ntsuag, yog vim koj siab phem li kod, koj thiaj li tsis mloog koj niam Nkauj Zaj lus, koj thiaj txom nyem li kod ! Wb twb ua kom koj pom no, koj tseem luag thiab. Zaum no wb tsis ua ntxiv lawm." Ntsuag quaj thov quaj thov lauj ! Ob tug poj niam hais tias : "Yog koj tsis luag wb tiag tiag, wb thiaj ua koj pom ib pliag." Txiv Nraug Ntsuag teb tias : "Kuv yuav tsis luag li lawm, thov neb ua kom kuv pom niam Nkauj Zag ib pliag xwb." Ces ob thiaj li txia ntshis ua ob tug qav nqus lub pas dej. Nkawd nqus nqus ob lub plab yuav tawg yuav tawg, lub pas dej thiaj li qhuav kiag lauj! Txiv Nraug Ntsuag ntsias, ua cas niam Nkauj Zag ua ntos nthawv nthav ntawd.

Txiv Nraug Ntsuag thiaj tib plhaw mus nthos nkaus niam Nkauj Zag.Niam Nkauj Zag hais tias: "Tsawg! Zoo siab tsis zoo! Koj ua siab phem tas npaum li kod rau kuv, koj tseem yuav tuaj nrhiav kuv ua tus dab tsi ?" Txiv Nraug Ntsuag quaj qua jtias:"Kuv niam Nkauj Zag!Vim yog kuv nco koj dhau, kuv thiaj tuaj." Niam Nkauj Zag hais tias : "Ntsuag, niam no mam sawv koj ntxov tuaj, ces luag neeg qaum ntuj twb tuaj yuav kuv lawm. Lawv twb ua noj haus tas, teem lub hlis no kaum tsib, kuv twb yuav los lawm pem qaum ntuj. Yog koj xav pom kuv mas, koj rov mus txua peb lub thoob peb rhawv dej. Ces txog lub hlis no tim kaum tsib, thaum hnub pib tawm, koj mus xyuas hauv cov thoob dej, koj thiaj pom kuv ib pliag mog !" Txiv Nraug Ntsuag rov los txog tsev, nws los txua tau peb thoob peb rhawv dej coj mus txawb rau tom tshav puam. Txog hnub tim kaum tsib, thaum sawv ntxov. Txiv Nraug Ntsuag hnov niam NkaujZag nrog qaum ntuj neeg los mus. Txiv Nraug Ntsuag thiaj li xauj zoj thawj lub thoob, pom niam Nkauj Zag yim pliag los lawm. Xauj zoj lub, pom niam Nkauj Zag yim pliag los lawm. Ho xauj zoj lub, pom niam Nkauj Zag yim pliag los lawm thiab lauj! Txiv Nraug Ntsuag thiaj li tig hlo ntsia saum ntuj no. Ua ciav niam Nkauj Zag nrog qaum ntuj neeg los lawm. Nws thiaj tib plhaw mus nthos nkaus niam Nkauj Zag. Ces niam Nkauj Zag thiab Txiv Nraug Ntsuag nkawd thiaj li ua ke ya rau puag tim qab ntug lawm. Qaum ntuj neeg qw zom zaws tias : "Kav tsij zoj zeeg ! Ntiaj teb neeg tuaj txeeb peb poj niam lawm. Tsuag tsuag hu ntuj tua, hu xob tuaj tua." Ces niam Nkauj Zag ntshai, niam Nkauj Zag thiaj li laug kiag rab nqos ntsaj tuaj thaiv kiag tom qab.Qaum ntuj hu ntuj tua, hu xob tua los tua tsis raug li. Ces Niam Nkauj Zuag Paj thiab Txiv Nraug Ntsuag nkawd thiaj li mus ua neej nyob puag tim qab ntuj kawg lawm.

Ces nyem no tej hnub ua tshav tshav ntuj, thaum tsaus ntuj, pheej muaj ib twv huab dub nyob puag tim qab ntug, peb pheej pom laim txuj txias mas yog niam Nkauj Zuag Paj ua ntos. Tej thaum xob nroo laws, tej niag laim pom kev dawb vog, mas yog niam Nkauj Zuag Paj laug nqos tuaj thaiv tom qab. Peb pom ci, peb hais tias yog xob laim. Tab sis yog niam Nkauj Zuag Paj laug nqos xwb. Tsuas yog zoo hnub zoo hmo, niam Nkauj Zuag Paj thiaj li sawv ua ntos.

Subject: Re: XEEBTSHEEJ TIAM LI DAB NEEG Tue Mar 07, 2017 7:05 am

YEEB SAM PHIAJ THIAB LAJ SAB PEM

Puag thaum ub, muaj ob tug nus muag. Tus muam txawm mus yug tau ib tug ntxhais, muab tis npe hu ua Yeeb Sam Phiaj. Tus nus yug tau ib tug tub, muab tis npe hu ua Laj Sab Pem. Nyob nyob tom qab no, ob tug me nyuam ntawd loj txawj kawm ntawv lauj! Yeeb Sam Phiaj txawm hnav ris tsho txiv neej zoo li ib tug txiv neej. Yeeb Sam Phiaj yog tus muam tus ntxhais, Laj Sab Pem yog tus dab laug tus tub. Nkawd txawm niaj hnub mus kawm ntawv ua ke. Laj Sab Pem tsis paub hais tias Yeeb Sam Phiaj yog me nyuam ntxhais li. Yeeb Sam Phiaj hu Laj Sab Pem ua npawg, Laj Sab Pem los kuj hu Yeeb Sam Phiaj ua npawg thiab.
Nkawd niaj hnub mus kawm ntawv ua ke, ua si ua ke, nyob ua ke, tab sis tsaus ntuj nkawd ho nyias mus pw nyias ib lub txaj lawm Laj Sab Pem thiab Yeeb Sam Phiaj nkawd ua ke kawm ntawv tiav nkauj tiav nraug lauj! Tus Xib Hwb thiaj xav tias ntshai Laj Sab Pem thiab Yeeb Sam Phiaj nkawd sib deev lawm. Nws txawm tos tsaus ntuj, nkawd pw tsaug zog lawm. Tus Xib Hwb txawm mus yawm tshauv los nphoo rau ntawm nkawd ki txaj nruab nrab, saib tag kis puas yuav pom nkawd cov hneev taw sawv los sib cuag. Tus Xib Hwb ua li ntawd tau peb hmo, Ua cas tsis pom Laj Sab Pem thiab Yeeb Sam Phiaj nkawd sawv los sib cuag li. Tus Xib Hwb thiaj li xav tau tias ntshai Laj Sab Pem tsis paub tias Yeeb Sam Phiaj yog poj niam. Yeeb Sam Phiaj mas zoo zoo nkauj kawg, hos Laj Sab Pem mas zoo nraug kawg li thiab. Laj Sab Pem thiab Yeeb Sam Phiaj nkawd kawm ntawv txawj ib yam nkaus, nkawd kuj kawm ntawv mus siab ib yam thiab.
Muaj ib zaug Yeeb Sam Phiaj txawm hais rau Laj Sab Pem tias: "Laj Sab Pem, hnub no so lawm wb tsis kawm ntawv, ces wb mus ua si ib hnub yuad !" Laj Sab Pem teb tias: "Yuav mus los mus tiag, npawg." Ces Yeeb Sam Phiaj thiab Laj Sab Pem nkawd mus ua si lauj! Nkawd mus mus txog puag pem roob, Yeeb Sam Phiaj nug Laj Sab Pern tias: "Ab ! Laj Sab Pern, ua cas ob niag ntoo no ib tug tuaj ib qho li, ua li ob niag ntoo no puas txawj los ua ke ne ?" Laj Sab Pem txawm teb tias: "Npawg Yeeb Sam Phiaj, ob niag ntoo no nws twb nyob nws li no, nws twb tuaj nws cag, nws yuav txav tau los ua ke nab ! Yeej txav tsis tau los ua ke li." Laj Sab Pern txhais tsis tau li lauj ! Yeeb Sam Phiaj txawm teb tias: "Ua li yeej txav tsis tau los ua ke li los." Yeeb Sam Phiaj thiab Laj Sab Pern nkawd thiaj li mus ntxiv. Nkawd txawm mus so ntawm ib qho chaw zoo nyob ua si kawg. Yeeb Sam Phiaj nug Laj Sab Pern tias: "Laj Sab Pem, ua li nplooj yuav xub chob pos, los pos yuav xub chob nplooj ?" Laj Sab Pern teb tias: "Npawg Yeeb Sam Phiaj, ntshai yog nplooj yuav poob los chob pos xwb, rau qhov pos nws ruaj, nws yuav poob tsis taus los chob nplooj, nws yuav chob tsis tau nplooj ib zaug li." Yeeb Sam Phiaj ua txuj teb tias: "Tej zaum yog li koj hais." Yeeb Sam Phiaj hais li ntawd los Laj Sab Pern tsis paub li! Nkawd thiaj li mus mus txog saum ib tub roob, txawm muaj ob lub pas dej puv ib yam. Yeeb Sam Phiaj rov hais tias: "Ab ! Laj Sab Pern, ua li ob lub pas dej no, puas yuav muaj ib hnub palm los ua ke nev ?" Laj Sab Pern tseem teb tias: "Yeeb Sam Phiaj, av thaiv tuab tag npaum no, ntshai yuav tsis muaj hnub paim tau los ua ke." Yeeb Sam Phiaj thiaj li hais tias: "Palm tsis tau thiab lov!" Laj Sab Pern tias: "Paim tsis tau li lauj! Av twb thaiv tuab tag npaum no. Yeej yuav paim tsis tau ib zaug." Yeeb Sam Phiaj hais npaum li cas los Laj Sab Pern tsis paub li. Nkawd mus ua si yuav tsaus ntuj, nkawd thiaj 11 rov los tsev. Nyob nyob, ces Suav hnov hais tias Yeej Sam Phiaj zoo nkauj heev, nws los kuj kawm ntawv mus slab heev. Suav thiaj li tuaj qhafb Yeeb Sam Phiaj rau Suav tus tub. Suav tuaj qhaib pern tsev, ces Yeeb Sam Phiaj niam thiab txiv cia li muab Yeeb Sam Phiaj qhaib rau Suav lawm. Yeeb Sam Phiaj niam thiab txiv thiaj sau ntawv tuaj hais rau Yeeb Sam Phiaj tias: "Yeeb Sam Phiaj, koj rov los tsev, Suav tuaj qhaib koj, wb ua niam ua txiv wb twb muab koj qhaib rau Suav lawm. Koj cia li rov los mog, koj txhob kawm ntawv ntxiv lawm." Txij thaum Yeeb Sam Phiaj txais tau tsab ntawv ntawd lawm, nws lub siab poob nthav. Muaj ib hnub Yeeb Sam Phiaj thiaj hais rau Laj Sab Pern tias: "Npawg Laj Sab Pern, hnub no dias dias kuv taub hau, hnub no kuv tsis mus kawm ntawv, kuv yuav nyob hauv tsev. Koj mus hais rau Xib Hwb tias dias dias kuv taub hau kuv tsis tuaj no." Laj Sab Pern teb tias: "Aws ! Kuv mus kuv mam hais rau Xib Hwb. Yog koj nyob hauv tsev no koj ua su tos kuv nawb !" Laj Sab Pern txawm mus kawm ntawv lawm lauj! Laj Sab Pern mus kawm ntawv tav su, nws rov los tsev. Yeeb Sam Phiaj nyob hauv tsev, Yeeb Sam Phiaj muab nws cev ris tsho txiv neej hie cia, nws txawm mus muab cov ris tsho poj niam los hnav, nyob hauv tsev tos. Laj Sab Pern mus kawm ntawv los txog, ua cas tsis pom Yeeb Sam Phiaj lawm, txawm pom Ib tug poj niam zoo zoo nkauj nyob hauv tsev tos xwb. Laj Sab Pern nug tias: "Leej muad, koj nyob hauv tsev koj puas pom kuv tus npawg Yeeb Sam Phiaj dua qhov twg lawm ?" Yeeb Sam Phiaj teb tias: "Yeeb Sam Phiaj twb yog kuv nev." Laj Sab Pem tias: "Txhob hais li koj, kuv tus npawg Yeeb Sam Phiaj yog txiv neej, koj yog nlag poj niam, koj yeej tsis yog kuv tus npawg Yeeb Sam Phiaj ib zaug." Nkawd sib cas ntev loo, Laj Sab Pern cav tsis yeej Yeeb Sam Phiaj, Laj Sab Pern thiaj hais tias: "Koj yog Yeeb Sam Phiaj no koj sim mus hnav ris tsho txiv neej los rau kuv saib." Yeeb Sam Phiaj hais tias: "Ua li ntawd los tau tiag. Yog koj tsis ntseeg los kuv mam mus hnav ris tsho txiv neej los rau koj saib twb tau!" Yeeb Sam Phiaj thiaj li mus hie tsuag tsuag cev ris tsho poj niam cia, nws mus muab kiag cev ris tsho txiv neej los hnav kiag, muab kaus mom ntoo kiag, tawm plaws los. Ua ciav yog Yeeb Sam Phiaj tiag lauj! Laj Sab Pem tseem tsis tau ntseeg tias Yeeb Sam Phiaj yog poj niam tiag tiag thiab. Nkawd nyob nyob tau ob peb hnub, Yeeb Sam Phiaj txawm sau tau ib tsab ntawv tso tseg. Yeeb Sam Phiaj sau tias: "Npawg Laj Sab Pern, tarn sim no, kuv niam thiab kuv txiv lawv yuav kom kuv rov qab mus tsev, kuv txhob kawm ntawv ntxiv lawm. Txij no mus wb yuav tsis sib ntsib lawm, yuav tsis tau ua ke lawm. Thov koj xa kuv mus ib chim tso koj mam rov los kawm ntawv mog." Laj Sab Pem muab nyeem tas nws hais tias: "Ntshai kuv yuav tsis khoom xa koj mus, vim kuv tseem yuav kawm ntawv." Yeeb Sam Phiaj hais tias: "Thov koj xa kuv los ib zaug, wb ua kwv tij kwv npawg zoo tas npaum no, yog koj tseem tsis xa kuv mus ib chim thiab Iwm hnub kuv yuav ua li cas nco koj. Zaum no kuv mus kuv yuav tsis tuaj lawm, wb yuav tsis tau ua ke ib zaug ntxiv. Koj xa kuv mus ib chim koj mam rov qab los kawm ntawv dua mog." Laj Sab Pem thiaj teb tias: "Yuav xa los xa tiag, xa koj mus ib chim tso kuv mam rov los kawm ntawv." Thaum Yeeb sam Phiaj yuav mus nws sau tau ib tsab ntawv tseg rau nws cov phooj ywg uas kawm ntawv ua ke, nws hais rau lawv tias: "Ib me ntsis yog Laj Sab Pem xa kuv mus lawm, nws rov los no nej muab kuv tsab ntawv no rau nws nawb !" Ces Laj Sab Pem thiaj xa Yeeb Sam Phiaj los lauj ! Nyuam qhuav los dhau plaws ntug zos xwb. Laj Sab Pem txawm siv hais tias: "Npawg Yeeb Sam Phiaj, kuv xa koj los txog ntawm no xwb. Koj mus koj kuv yuav maj rov mus kawm ntawv. Tsam kuv mus tsis ncav tsev kawm ntawv, Xib Hwb cem cem li." Yeeb Sam Phiaj hais tias: "Ab ! Koj xa kuv mus ib chim tso maj. Wb ua kwv tij kwv npawg zoo tas npaum no, yuav sib ncaim tiag tiag, koj tseem tsis xa kuv mus ib chim thiab los, Laj Sab Pern. Koj txawm tsis xav xa kuv los thov koj xa kom dhau plaws tus dej loj loj ntawd, koj mam rov qab los mus kawm ntawv." Laj Sab Pern thiaj xa Yeeb Sam Phiaj mus txog ntawm ntug dej. Yeeb Sam Phiaj txawm hais rau Laj Sab Pem Tias: "Npawg Laj Sab Pern, koj tis kam xa kuv lawm no, koj nyob ntawm no ntsia kuv hla tus dej no lawm sab tid. Thaum twg kuv hla dhau plaws lawm, koj mam rov los mus kawm ntawv." Laj Sab Pern hais tias: "Aws ! Kuv mam nyob ntawm no ntsia." Yeeb Sam Phiaj thiaj hloov kiag tiab, nws nqes loo rau hauv dej lawm. Nws mus tob zuj zus, nws qaws tiab siab zuj zus, tob zus, nws qaws siab zus, nws mus mus dej txij puab tais, Yeeb Sam Phiaj thiaj qaws kiag tiab rau saum duav. Laj Sab Pern txawm pom kiag Yeeb Sam Phiaj tlb lub paum tiag lauj! Thaum ntawd, Laj Sab Pern mam paub tias Yeeb Sam Phiaj yog hluas nkauj tiag lauj ! Laj Sab Pern thiaj seev tias: "Ab ! Ua cas Yeeb Sam Phiaj yog hluas nkauj tiag tiag. Nws zoo nkauj tas npaum ntawd, ua cas niam thiab txiv lawv yuav tsis qhia kuv. Zaum no ntshai yuav tsis pom lawm lauj ! Ua cas yuav khuv xim ua luaj. Ntshai hnub uas wb mus ua si, nws hais tej yam ntawd ntshai yog nws hais kuv ntag." Nws mam xav tas ib puas tsav yam uas thaum ub Yeeb Sam Phiaj tseem nrog nws nyob, Yeem Sam Phiaj tau hais rau nws. Laj Sab Pern chim siab heev. Nws rov los txog ntawm tsev kawm ntawv. Yeeb Sam Phiaj thiab Laj Sab Pem nkawd cov phooj ywg thiaj 11 muab Yeeb Sam Phiaj tsab ntawv rau Laj Sab Pem. Tus muab tsab ntawv ntawd hais rau Laj Sab Pem tias: "Yeeb Sam Phiaj hais rau kuv tias yog koj rov los no, kom kuv muab nws tsab ntawv no rau koj no." Laj Sab Pern thiaj muab nthuav nyeem, Yeeb Sam Phiaj hais nyob hauv tsab ntawv tias: "Ab ! Laj Sab Pem, kuv twb hais rau koj tias kuv yog poj niam, koj tsis ntseeg kuv. Nyem no Suav twb tuaj qhaib kuv, kuv niam thiab kuv txiv lawv twb muab kuv qhaib rau Suav lawm. Kuv niam thiab kuv txiv lawv thiaj li sau ntawv tuaj rau kuv kom kuv txhob kawm ntawv ntxiv, kuv cia li rov qab mus tsev. Yog tias kuv mus txog tsev ces kuv yuav mus yuav Suav lawm, ntshai kuv yuav tsis rov tuaj nrog koj kawm ntawv ntxiv lawm mog. Koj nyob, koj kav tsiaj rau siab kawm ntawv. Ua ib sim nus muag, nkauj muam nraug nus, ces ntshai yuav sib ntsib txij li no xwb. Nyob zoo koj mog!" Nws thiaj li sau nra rov los tsev, saib puas yuav pom Yeeb Sam Phiaj ib pliag.
Thaum Laj Sab Pem rov los txog tsev, Laj Sab Pem tsis hais ib lo lus rau leej twg li. Nws yeej tsts hais lus tau peb hnub peb hmo. Niam txiv hu los Laj Sab Pem tsis teb li. Niam txiv mus kom cov kwv tij tuaj nug saib Laj Sab Pern yuav yuav dab tsi, niam txiv mam yuav rau, los Laj Sab Pem tsis teb li. Lawv nug nug ntev loo, ces Laj Sab Pern thiaj teb tias: "Kuv tsis chim dab tsi, tab sis yog niam thiab txiv nkawd siab tsis zoo. Yeeb Sam Phiaj wb mus kawm ntawv ua ke txog tav no, nkawd twb tsis qhia kuv tias Yeeb Sam Phiaj yog poj niam. Wb ua ke txog tav no kuv twb tsis paub. Kuv xav tias Yeeb Sam Phiaj yog phauj thiab yawg laus nkawd tus tub xwb no. Zaum no nws twb mus yuav Suav lawm, nws mam qhia kuv tias nws yog poj niam, kuv thiaj mam li paub xwb. Kuv hais rau nej paub tias yog thaum twg kuv tuag, nej kom kuv niam thiab kuv txiv nkawd tsis txhob pam kuv. Kom niam thiab txiv nkawd cia li coj kuv mus faus kiag rau pern txoj ncauj ke uas Yeeb Sam Phiaj yuav los mus." Laj Sab Pem hais li ntawd rau nws niam thiab nws txiv tas. Laj Sab Pern thiaj khiav khiav mus ntsib Yeeb Sam Phiaj, Yeeb Sam phiaj hais rau Laj Sab Pern tias: "Ab ! Laj Sab Pern. Yog koj xav kom wb tau ua ke ces koj mus nyob lawm puag pern dawm. Thaum kuv los txog ped wb thiaj tau ua ke." Nkawd tham tham ib pi tag, Laj Sab Pem thiaj rov los tsev, nws txawm tuag lawm lauj! Laj Sab Pern niam thiab txiv thiaj li coj Laj Sab Pern mus faus rau pern dawm uas yog Yeeb Sam Phiaj txoj ncauj ke yuav los mus.
Yeeb Sam Phiaj lawv noj tshoob tas, Suav coj Yeeb Sam Phiaj los mus lauj! Lawv los txog rau ntawm lub dawm. Yeeb Sam Phiaj txawm hais tias: "Nej so qhov no tos kuv mus plob los tso, peb mam li mus nawb !" Suav txawm txo nra zom zaws cia. Yeeb Sam Phiaj thiaj khiav ceev ceev mus txog ntua ntawm Laj Sab Pern lub ntxa. Yeeb Sam Phiaj hu tias: "Laj Sab Pem, kav tsij qhib kuv qhov rooj." Ces Laj Sab Pern qhib plho, Yeeb Sam Phiaj tib plhaw mus nrog Laj Sab Pern pw kiag lawm lauj ! Laj Sab Pem txawm muab kaw nkaus li qhov qub lawm.
Cov niag Suav tos tos tsis pom Yeeb Sam Phiaj los, Suav thiaj lawv qab mus xyuas. Ua cas hnov Yeeb Sam Phiaj thiab Laj Sab Pem nkawd sib tham sib tham hauv lub niag ntxa tuaj tias: "Zaum no mas wb tau ua ke lawm, lawv yeej nrhiav tsis tau wb li lawm. Txij no mus wb yuav yog niam txiv." Ces Laj Sab Pern hais tias: "Ab ! Yeeb Sam Phiaj, ua cas wb kawm ntawv ua ke txog tav no, kuv twb tsis paub tias koj yog poj niam. Koj twb hais rau koj tias koj yog poj ntam, kuv tsis ntseeg koj. Zaum no thiaj zoo 11 no. Tab sis, wb twb tau ua ke lawm, wb twb tau ua niam txiv lawm ces zoo kawg lawm." Suav txawm hnov li ntawd hauv lub ntxa tuaj. Suav chim siab, Suav thiaj muab lub niag ntxa khawb. Suav khawb khawb, ces Yeeb Sam Phiaj thiab Laj Sab Pern nkawd txia ntshis ua ob lub pob zeb dub dub nyob hauv qab ntxa. Suav khawb tos. Suav muab vab tshaus los tshau. Tshau tas pawg niag av ntawd tsis pom dab tsi li, tsuas tshau tau ob lub nyuag pob zeb xwb. Suav txawm nqa ob lub pob zeb ntawd los lawm. Suav nqa nqa los txog torn kev, Suav txawm hais tias: "Ab ! Cas thaum yus yuav, yog yuav neeg, ua cas tsam no yus yuav nqa ob lub niag pob zeb no. Sim muab cuam pov tseg saib !" Suav txawm muab ob lub niag pob zeb ntawd ib lub pov rau qab ke ib lub pov rau qaum kev. Suav txawm mus lawm. Nyob nyob torn qab no, nram qab ke tuaj ib tsob faj khaum, pern qaum kev kuj tuaj ib tsob faj khaum thiab. Ob tsob ntoo ntawd yog Yeeb Sam Phiaj thiab Laj Sab Pern nkawd. Ob tso faj khaum ntawd mas thaum tsaus ntuj cov ceg rawv los sib khi, nruab hnub ob tug ceg nyias mus nyob nyias lawm. Nyob nyob Suav txawm tuaj pom, Suav hais tias: "Ab! Chim hwv lawm. Ob tsob ntoo no yeej yog Yeeb Sam Phiaj nkawd xwb. Muab ntov pov tseg saib!" Suav txawm muab ntov pov teg lawm lauj! Laj Sab Pem thiab Yeeb Sam Phiaj nkawd nyob nyob, Laj Sab Pern txawm hais rau Yeeb Sam Phiaj tias: "Yeeb Sam Phiaj, wb sib hlub tas npaum no, cia wb mus thawj thiab ua neeg sib hlub thtaj tsim nyog." Yeeb Sam Phiaj tias: "Ab ! Yuav mus los mus. Tab sis koj mus ua ntej, kuv mam li lawv qab los laiv !" Laj Sab Pern hais tias: "Tsam koj dag xwb, kuv mus lawm koj tsis los. Kuv yuav ua li cas nco koj thiab ?" Yeeb Sam Phiaj tias: "Koj mus ua ntej kaum tsib xyoo ces kuv mam li los. Kuv yeej tsis dag li." Laj Sab Pern tias: "Kaum tsib xyoos mas ntev dhau, ntshai kuv yuav ceeb laj tos koj. Cia kuv mus peb xyoos xwb, koj lawv qab los, kuv thiaj tsis laj tos koj." Yeeb Sam Phiaj tias: "Ab ! Laj Sab Pern, koj mus peb xyoos xwb, kuv lawv koj qab los, koj yeej yuav pab tsis tau kuv. Cia koj mus kaum tsib xyoos, kuv mam los mog." Laj Sab Pern tsis tseev li. Yeeb Sam Phiaj thiaj 11 hals tlas: "Ab ! Yog li ntawd mas koj mus kaum xyoo, kuv mam los, koj thiaj pab tau kuv." Ces Laj Sab Pem teb lias: "Ua li ntawd los tau kawg. Tab sis kuv mus thawj thiab ua Xeev Laus hauv zos tus tub. Hos koj los thawj ua Xeev Laus qab zos tus ntxhais, wb thiaj tau ua ke." Laj Sab Pern thiaj li los thawj thiab ua Xeev Laus hauv zos tus tub lawm lauj ! Tau kaum xyoo nkaus, Xeev Laus qab zos yug tau klag ib tug ntxhais ntag. Nyob nyob tau kaum xyoo ces Yeeb Sam Phtaj tiav me nyuam hluas nkauj lawm. Ces Suav tuaj pom Yeeb Sam Phiaj zoo nkauj heev, Suav txawm tuaj qhaib lawm thiab. Thaum ntawd Laj Sab Pern twb loj lawm thiab, tab sis nws tsis paub dab tsi li lauj! Laj Sab Pem yeej tsis nco tias muaj Yeeb Sam Phiaj li. Laj Sab Pern tseem mus yug yug twm. Yuav tsaus ntuj Laj Sab Pern tav twm los txog nram qab zog. Yeeb Sam Phiaj txawm mus zaum saum Ib lub nyuam tsev lawj. Yeeb Sam Phiaj hu Laj Sab Pem tias: "Leej nus, koj los torn no kuv hais koj." Laj Sab Pern teb tias: "Koj yuav hais dab tsi ? Los torn no mam hais. Rau qhov kuv cov twm coob coob li, kuv yuav rawm tav twm mus kaw. Tsam kuv cov twm khiav tas lawm. Koj yuav hais dab tsi txawm hais kiag kuv yuav rawm mus." Yeeb Sam Phiaj thiaj li hais tias: "Koj tsis nco qab qhov thaum ub wb tau hais tseg lawm lov ?" Laj Sab Pern teb tias: "Wb twb tsis tau hais dab tsi ne? " Yeeb Sam Phiaj tias: "Koj los torn no kuv mam qhia koj." Laj Sab Pern tias: "Ab ! Cia kuv tav twm mus kaw tso, kuv rov tuaj koj yuav hais dab tsi mam hais." Laj Sab Pern thiaj tav twm mus kaw tsuag tsuag, nws mam rov loo tuaj txog. Yeeb Sam Phiaj hais tias: "Leej nus, kuv twb hais rau koj tias kom koj los kaum tsib xyoos kuv mam li lawv koj qab los, koj tsis kam li. Koj hais tias cla koj los kaum xyoo xwb, kuv cia 11 lawv qab los koj yeej pab tau kuv lawm. Zaum no salb Suav twb tuaj qhaib kuv lawm thiab, saib koj yuav hais li cas ?" Thaum ntawd Laj Sab Pem mam nco dheev txog lauj ! Laj Sab Pern hais tias: "Ab ! Yog li no, yuav ua cas wb thiaj tau ua ke."Yeeb Sam Phiaj thiaj hais tias: "Laj Sab Pern lauj ! Vim koj tsis ntseeg kuv thiaj zoo li no. Yog koj yuav kom wb tau ua ke, ces cia koj tuag, koj mus ua ib tug niag dav loj loj nyob puag pern niag ntoo qhuav. Kuv yuav tuaj lawm torn hav dej, kuv yuav txia ua ib tug nab ntsuab, koj ya ntxiag los kwv kuv lawm tim qab tsuas, mas wb thiaj yuav tau ua ke." Ces Laj Sab Pem tias: "Cia wb ua li ntawd lauj!" Laj Sab Pern rov loo los txog tsev, Laj Sab Pern txawm tuag kiag lawm lauj !
Laj Sab Pem txia ntshis ua ib tug niag dav loj loj, mus nyob pern niag tsab ntoos qhuav. Yeeb Sam Phiaj txawm tuaj mus rls dej, Yeeb Sam Phiaj txawm txia ntshis ua ib tug niag nab ntsuab loj loj pw chev cees saum lub niag pob zeb. Laj Sab Pem txawm ya ntxiag pem niag tsab ntoos qhuav los tsawv nkaus. Yeeb Sam Phiaj ya tiaj lias rau tim qab tsuas lawm lauj! Suav nrhiav nrhiav tsis tau li lawm. Laj Sab Pern thiab Yeeb Sam Phiaj nkawd mus ua neej nyob tim qab tsuas. Nyob nyob muaj ib hnub, Yeeb Sam Phiaj hais tias: "Ab ! Laj Sab Pern, wb sib hlub tag npaum no, wb sim rov mus thawj thiab ua neeg thiaj yuav tsim nyog qhov wb sib hlub." Laj Sab Pern thiaj hais tias: "Ab ! Yuav rov los rov tiag." Yeeb Sam Phiaj thiaj hais tias: "Laj Sab Pem, vim koj tsis mloog kuv lus, wb thiaj ua neej nyuaj tag npaum no. Zaum no koj ua ntej mus nees nkaum xyoo kuv mam los, koj thiaj li yuav pab tau kuv mog." Laj Sab Pern teb tias: "Nees nkaum xyoo mas ntev hwv lawm, ntshai kuv yuav laj tos koj." Nkawd sib cav sib cav. Laj Sab Pem cav tsis yeej Yeeb Sam Phiaj, Laj Sab Pern thiaj hais tias: "Yeeb Sam Phiaj ua li los tau. Cia kuv mus kaum tsib xyoos xwb koj lawv qab los. Kuv yeej pab tau koj lawm." Yeeb Sam Phiaj hais tias: "Ua li ntawd los tau kawg. Tab sis koj pab kom tau kuv laiv !" Laj Sab Pem hais rau Yeeb Sam Phiaj tias: "Yeeb Sam Phiaj nawb ! Cia kuv mus thawj ua Xeev Laus nrab zog tus tub. Hos koj mas koj mus thawj yim niag Hmoob pluag pluag nyob torn ntug zos tus ntxhais nawb !" Ces Laj Sab Pem thiaj ya ntxiag los thawj ua kiag Xeev Laus nrab zog tus tub. Nws los nyob tau kaum tsib xyoos nkaus xwb. Ces ob niam txiv Hmoob pluag pluag quav quav yeeb nyob torn ntug zos yug kiag tau ib tug ntxhais. Yeeb Sam Phiaj los nyob tau kaum xyoo xwb, Yeeb Sam Phiaj twb tiav me nyuam ntxhais. Yeeb Sam Phiaj mas zoo zoo nkauj thiab lauj ! Yeeb Sam Phiaj niam thiab txiv muab Yeeb Sam Phiaj kaw rau hauv txaj xwb, tsis pub nws tawm nraum zoov li. Nyob nyob ob niam txiv quav yeeb ntawd ho ntau phooj ywg nrog Suav thiab lauj! Tab sis nkawd tsis pub Suav mus hauv txaj li. Ua phooj ywg ntev ntev, Suav txawm tuaj heev heev. Muaj ib hnub Suav txawm qhib kiag qhov rooj txag saib. Ua cas pom Yeeb Sam Phiaj nyob hauv txaj, Yeeb Sam Phiaj mas zoo zoo nkauj. Suav pom lawm ces Suav yuav yuav kom tau Yeeb Sam Phiaj xwb xwb li lauj! Lawv sib hais, hais tsis yeej Suav, ces muab Yeeb Sam Phiaj rau Suav lawm thiab lauj! Laj Sab Pem twb loj tsawv lawm. Nws tseem mus tav twm los txog torn ntug zos. Yeeb Sam Phiaj thiaj hu tias: "Leej Yawm dab, koj los torn no kuv hais koj os !" Laj Sab Pem teb tias: "Kuv nyuj twm coob coob, kuv yuav rawm mus. Yog koj muaj lus dab tsi no koj hais." Yeeb Sam Phiaj thiaj hais tias: "Laj Sab Pem, koj puas nco qab txog kuv lawm ? Koj puas paub kuv lawm ?" Laj Sab Pem teb tias: "Ab! Kuv tsis paub koj! Xyov koj yog leej twg? Kuv twb tsis tau ntsib koj ib zaug qhov twg li, kuv tsis tau nrog koj tham ib zag li, kuv tsis paub koj as." Yeeb Sam Phiaj tias: "Koj tsis nco tias puag thaum ub wb tau hais li cas lawm los ? Koj hais rau kuv tias koj los ua Xeev Laus nrab zog tus tub, koj kom kuv los ua ob niam txiv quav quav yeeb puag torn ntug zos tus ntxhais no ne. Koj twb hais tias koj los kaum tsib xyoos koj pab tau kuv lawm no, ua cas zaum no koj ho pab tsis tau kuv. Kuv hais rau koj tias Suav twb tuaj qhaib kuv lawm thiab. Saib koj yuav hais li cas ? Kuv paub tias koj yuav pab tsis tau kwm lawm." Ces Laj Sab Pem mam li nco dheev txog tias yog Yeeb Sam Phiaj no nws tau nrog Yeeb Sam Phiaj cog lus lawm tias. Suav twb tuaj them nyiaj tas, Suav twb yuav coj mus no lauj! Laj Sab Pem xav xav ib ntsis nws thiaj hais Has: "Ab ! Yeeb Sam Phiaj, ntshai wb yuav tsis sib tau lauj! Kuv paub tias yog wb thawj ua neeg muaj ib zaug twg wb yuav tsis sib tau. Vim kuv pheej pab tsis tau koj. Cia wb rov tuag tso wb mus ua neej lawm saum ntuj thiaj tsis muaj neeg txeeb tau koj, wb thiaj yuav tau nyob ua ke." Ces Yeeb Sam Phiaj teb tias: "Yog koj hais li ntawd los tau kawg. Kuv yeej xav tias yog wb tsis mus ua neej lawm saum ntuj ces wb yeej tsis tau nyob ua ke li."Laj Sab Pem tias: "Koj tuag tso koj mus nyob lawm qab ntug, kuv tuag kuv mus nyob hauv ntuj. Zoo hnub zoo hmo wb mam tuaj mus sib cuag kom txhob muaj neeg paub tias yog koj thiab kuv, wb thiaj tau nyob ua ke mus ib sim neej." Yeeb Sam Phiaj teb tias: "Ua li koj hais los tau kawg." Yeeb Sam Phiaj tuag nws thiaj mus nyob puag tim qab ntug, Laj Sab Pem tuag nws mus nyob puag pern hauv ntuj. Ces nyem no, hmo twg yog ntuj huv huv, ntuj ntsuab xiab, mas yeej muaj ib txog Kab Lig Ntuj dawb paug nyob ncaj nruab nrab ntug cob nkaus rau qab ntug hauv ntuj. Txoj kab ntawd yog Yeeb Sam Phiaj thiab Laj Sab Pem nkawd txoj kev tuaj mus sib cuag. Nkawd nyob li ntawd thiaj tsis muaj leej twg txiav tau nkawd txoj kev sib hlub. Nkawd thiaj tau nyob ua ke lawm.

Subject: Re: XEEBTSHEEJ TIAM LI DAB NEEG Tue Mar 07, 2017 7:14 am

HUAB TAIS SIAB PHEM RAU CIB PHEEJ

Puag thaum ub, ob niam txiv nkawd yug tau ib tug tub. Nkawd muab tis npe hu ua Cib Pheej. Tus tub ntawd loj txawj kawm txuj ces nkawd yeej tso mus kawm ntaub kawm ntawv txawj txawj lawm thiab lauj!
Nyob nyob tom qab no, nws niam thiab nws txiv laus laus twb yuav tuag, nkawd tsis muaj dab tsi tseg rau nkawd tus tub li. Ces nkawd txawm hais tias: "Me tub Cib Pheej, koj nyob koj niam wb laus laus lawm wb yuav tuag, wb twb tsis
muaj dab tsi tseg rau koj. Koj nyob, yog wb tsis tuag los tseg. Yog wb tuag lawm no, koj mus ua luag zog ua luag qhev, ib hnub noj ib hnub, ib hmos noj ib hmos nawb mog." Lawv nyob nyob, nws niam thiab nws txiv tuag tas lawm tiag lauj!
Nws niam thiab nws txiv tsis muaj ib yam dab tsi yuav tseg rau nws li, nws tsuas tau cev ris tsho nws hnav xwb. Cib Pheej thiaj niaj hnub mus ua luag zog de zaub nyuj zaub nees. Mus ua luag tej teb. Mus tuav luag txhuv. Nws ua ib hnub
dhau ib hnub lauj I Nws nrog tus twg ua ib hnub, luag pub nws noj ib pluag mov xwb. Lwm tag kis ho mus nrog Iwm tus ua. Nws pheej ua zog li ntawd, nws ua ua mus txog Suav teb lauj! Huab Tais Suav txawm yuav nws los ua Huab Tais Suav
qhev. Nws txawm nrog Huab Tais Suav nyob, ua Huab Tais Suav qhev de zaub nyuj zaub nees. Huab Tais Suav kuj muaj Ib tug ntxhais nkauj ntxawm thiab.
Nyob nyob tus ntxhais ntawd loj tiav niam, Huab Tais Suav txawm yuav nrhiav vauv rau nws tus ntxhais. Huab Tais Suav thiaj ua ntawv mus hu cov tub nom huv tib si tuaj. Huab Tais Suav yuav muab rau tus, tsam tus tu siab. Nws tsis pom qab muab rau leej twg li lauj I Huab Tais Suav thiaj kom ib leeg hiab ib lub kawm, nyias ev nyias lub kawm mus nyob nram tiaj. Lawv xaws ib lub pob rau Ntxawm. Cia Ntxawm sawv pem no, nws pov lub pob lawm saum ntuj. Yog lub pob poob los nkag leej twg lub kawm, ces cia leej twg yuav. Cov tub nom ntawd ib leeg ev ib lub kawm mus nyob nram tiaj lauj!
Ntxawm tseem tab tom yuav pov lub pob xwb. Ua ciav Cib Pheej txawm ev ib lub kawm qaug doj qaug de tuaj txog ntawd thiab. Huab Tais siab tsis kheev. Huab Tais hais rau Cib Pheej tias: "Cib Pheej, koj yuav mus dab tsi ?"
Cib Pheej teb tias: "Twb yog nyuag yaus yuav mus hlais zaub nyuj zaub nees lawm tom teb." Huab Tais hais tias: "Yog li no, kav tsij khiav khiav kom dhau." Cib Pheej thiaj khiav khiav mus txog puag tom hav zaub.
Nws nyuam qhuav pib hlais zaub nyuj zaub nees xwb. Ua cas cia li nrov pauj rau hauv nws lub kawm. Cib Pheej txawm khiav ntsuj los xyuas. Ua ciav pom ib lub nyuag pob khaub hlab nyob hauv nws lub kawm. Tab sis mas Cib Pheej
yeej tsis paub tias yog dab tsi li. Cib Pheej txawm hlais tsuag tsuag zaub nyuj zaub nees tas, nws muab ntim tsuag tsuag, nws txawm tig hlo los tsev. Nws khiav khiav los txog, nws thau zaub nyuj zaub nees tag nrho, nws txawm hais
tias: "Aub ! Txiv Huab Tais, xyoo no ntshai yuav ua npog xwb lauj!" Txiv Huab Tais teb tias: "Yog ua li cas thiaj yuav ua npog !" Cib Pheej teb tias: "Xyov ua cas ! Txhia niaj txhia hnub kuv mus hlais zaub nyuj zaub nees, tsis zoo li hnub no.
Ua cas hnub no kuv mus hlais zaub nyuj zaub nees, kuv nyuam qhuav mus txog puag tom hav zaub xwb, kuv txo kiag kuv lub kawm rau pem toj, kuv hlais zaub nyuj nram hav. Kuv txawm hnov nrov pauj hauv kuv lub kawm tuaj. Kuv khiav ntsuj mus xyuas, ua cas txawm pom ib lub moj pob khaub hlab nyob hauv kuv lub kawm ! Xyoo no ntshai yuav ua npog xwb lauj, txiv Huab Tais !" Huab Tais txawm tsis teb li cas. Txiv Huab Tais txawm yws yws. Niam Huab Tais hais
tias: "Koj txiv, tej zaum ntshai ntawv yeej los ua niam txiv thiaj zoo li ntawd laiv !" Huab Tais txawm teb tias: "Tej nyuag neeg dog dig li ntawd es yuav muaj dab tsi ?" Txiv Huab Tais chim siab heev lauj ! Nws txawm caij nees ntws lawm lauj ! Niam Huab Tais nyob hauv tsev, nws cia li muab Ntxawm txis rau Cib Pheej lawm. Cib Pheej thiaj coj Ntxawm mus nyob nram nws lub nyuag tsev nplooj tsawb.
Nkawd mus nyob nrad, Ntxawm txawm hais rau Cib Pheej tias: "Cib Pheej, koj mus qiv niam thiab txiv nkawd peb lag nyiaj peb lag kub los rau wb chiv peev ua neej yuad !" Cib Pheej txawm mus qiv tau nws niam Huab Tais peb lag nyiaj peb lag kub los rau nkawd chiv peev ua neej lawm.
Nkawd los nyob tau ob peb hnub, nkawd txawm mus xyuas niam tais thiab yawm txiv lawv no, tab sis yawm txiv tseem tsis tau los. Cib Pheej nkawd nrog niam tais nyob nyob, nkawd yuav rov los tsev, Cib Pheej txawm mus txiav zaub nees rau
niam tais lawv cov nees noj. Nws mus txog ntawm tus taw choj loj loj. Cib Pheej ntsia na has pom txiv Huab Tais caij nees ntws los lauj ! Tsuas tias ua plua tshauv ncho lug ncho lug los. Cib Pheej xav khiav los khiav tsis yeej lawm. Cib
Pheej txawm mus nkaum hauv qab taw choj. Txiv Huab Tais caij nees ntws los txog ntawm tus taw choj, nees nres kiag ntawd lauj! Txiv Huab Tais ntaus nees li cas los nees tsis kam mus li lawm ntag. Txiv Huab Tais thiaj nqes plhuav, nws
muab nees khi kiag mus xauj saib muaj tus tsi, cas nws tus nees yuav tsis kam mus lawm. Huab Tais tib xauj hauv qab taw choj, ua ciav pom Cib Pheej zaum tib tug qhov muag ntsais ntsais hauv. Txiv Huab Tais cem tias: "Nyuag Cib Pheej
dev, koj tuaj nyob dab tsi li kod no ? Vim koj tuaj nyob hauv qab taw choj no kuv tus nees thiaj tsis kam mus. Kav tsij tawm los tam sim no." Cib Pheej thiaj tawm tib tug ntsoos ntsoos hauv los. Nws tawm los txog ntua xwb nws tsa hlo
tes hawm. Nws hais tias: "Aub ! Txiv Huab Tais lauj! Koj tuaj lawm ces niam Huab Tais twb muab Ntxawm txis rau kuv lawm. Ntxawm thiaj tuaj qiv neb peb lag nyiaj peb lag kub los rau Ntxawm wb chim peev ua neej no. Kuv tseem yuav mus txiav zaub nees los, mam qiv no !" Txiv Huab Tais tsis txaus siab. Txiv Huab Tais rho hlo ntaj tib ntag Cib Pheej caj dab, muab Cib Pheej pov kiag rau hauv dej lawm. Tus dej mas ceev ceev kawg li tsuas tias ntws nrov sis xwb. Txiv Huab
Tais caij nees ntws los lawm lauj! Huab Tais los txog ntua, Ntxawm sawv ntawm qhov rooj, Ntxawm nug tias: "Txiv, koj los, koj puas pom Cib Pheej naj ?" Huab Tais teb tias: "Kuv pom kawg los mas. Niag Cib Pheej dev ntawd, kuv los txog
nram niag choj nrad, nws cav khiav nkaum hauv qab taw choj. Kuv los txog ntawd kuv tus nees tsis kam los li. Kuv thiaj nqes mus xauj, ua ciav yog niag Cib Pheej dev nws nyob tib tug qhov muag ntsais cauj cauj hauv. Kuv thiaj li hu tawm los, kuv muab ntaj txiav pov hauv qab choj lawm." Ntxawm Quaj dhev tam sim ntawd. Ntxawm thiaj khiav khiav tuaj mus xyuas. Ua cas tseem pom Cib Pheej lub cev kiv kiv hauv dej, pom Cib Pheej lub taub hau kiv kiv saum nplaim
dej. Cib Pheej lub taub hau yeej tsis ntub dej li. Ntxawm thiaj mus npo tau los rau saum choj. Ntxawm mas quaj tas zog li lauj ! Ntxawm txawm seev tias: "Ab ! Lam muaj leej twg tsa tau kuv txiv Cib Pheej sawv ! Ntshai kuv yuav nco ntsoov
nws mus tas ib sim neej tsis muaj hnub nrauj nws tseg li lauj!" Ib me ntsis txawm muaj ib tauv huab poob nthav tim taw roob txaws dawb vog. Ntxawm pheej quaj quaj, taub hau nyo nyes xwb. Txawm siv hais zoj ntawm Ntxawm nruab qaum
tuaj tias: "Ntxawm, vim li cas koj quaj os, Ntxawm !" Ntxawm thiaj lem hlo mus saib. Ua cas muaj ib tug hluas nkauj zoo zoo nkauj nyob ntawd thiab. Ntxawm thiaj teb tias: "Kuv txiv nws siab phem, nws muab kuv tus txiv Cib Pheej txiav
caj dab pov rau hauv dej no. Kuv tuaj npo tau ces kuv quaj xwb." Tus ntxhais ntawd hais tias: "Ntxawm, koj seev hais tias yog leej twg pab tsa tau koj tus txiv Cib Pheej no koj yuav nco nws tshav ntuj mus ib sim neej no, puas yog ?" Ntxawm teb tias: "Yog leej twg pab tau mas kuv yuav nco nws tshav ntuj mus ib sim neej tiag." Tus ntxhais ntawd hais tias: "Yog no kuv pab saib puas tau." Tus ntxhais ntawd thiaj muab lub taub hau los twb rau, muab kiag kuab moj tsuag coj los tsuag kiag rau thiab muab pleev kiag tas nrho. Ib pliag rov tsuag kiag rau thiab. Nws tsuag peb zaug, Cib Pheej thiaj li sawv tsees. Cib Pheej hais tias: "Aub! Ua cas kuv lam pw ntawm niag taw choj no ne!" Ntxawm thiaj hais tias: "Twb yog kuv txiv muab koj tua pov hauv niag dej no, kuv tuaj npo tau koj. Kuv quaj quaj, kuv seev tias yog leej twg tuaj pab tau koj sawv rov los, mas kuv yuav nco nws tshav ntuj mus tas ib sim neej. Tus niam hluas no thiaj tuaj tsa tau koj sawv los xwb los mas, Cib Pheej." Tus ntxhais ntawd yog ib tug ntxhais qaum ntuj, kav txheej huab saud. Nws hais rau Cib Pheej tias: "Cib Pheej, kuv pab tau koj lawm. Neb puas nco kuv tshav ntuj mus ib sim neej os!" Cib Pheej teb tias: "Aub ! Koj pab tau kuv lawm, kuv yuav nco koj tshav ntuj mus tas ib sim neej tiag." tus ntxhais qaum ntuj txawm taug kev dua tim hav zoov lawm. Cib Pheej thiab Ntxawm nkawd txawm rov los rau nram Cib Pheej lub nyuag tsev nplooj tsawb. Txiv Huab Tais cov niag tub mab tub qhe pom, lawv qw zom zaws tias: "Aub ! Txiv Huab Tais lauj! Cib Pheej rov qab los lawm." Txiv Huab Tais hais tias: "Cas yuav dag tag npaud ? Kuv twb muab nws tua lawm nev ! Kuv twb xuas ntaj txiav nws caj dab tu pov hauv dej lawm, nws yeej sawv tsis tau ib zaug li." Lawv qw tias: "Txiv Huab Tais, sawv lawm tiag hos, nkawd twb los rau nram tsev lawm." Txiv Huab Tais tsis ntseeg li ntag, nws thiaj hais kom nws tus tub hlob mus xyuas. Tub hlob tsis kam mus xyuas. Thiaj kom tub ntxawg mus xyuas. Tub ntxawg ya ntxiag tuaj txog, ua cas Cib Pheej los lawm tiag. Tub ntxawg thiaj khiav khiav rov los txog, nws hais tias: "Txiv, nws sawv rov los lawm tiag hos." Huab Tais hais tias: "Yog li mas tsis txaus siab li ntag. Tub hlob thiab tub nrab, neb cia li caij nees. Neb mus muab Cib Pheej tsaws rau saum nees. Neb coj Cib Pheej mus pov rau puag tom plawv zoov kom tsov muab tom." Tag kis noj tshais tas nrho, ob kwv tij tso nees kiag tom nkuaj, nkawd ya ntxiag mus txog tom Cib Pheej lub tsev. Nkawd hais tias: "Cib Pheej, koj los saum nees no, kuv txiv
Huab Tais hais tias kom koj nrog wb caij nees mus no." Cib Pheej thiaj xav tias yuav mus los mus. Ces Cib Pheej thiaj sam plaws rau tus tub hlob tus nees. Nkawd nplawm nees ntws lawm lauj ! Nees khiav khiav mus txog puag tom plawv zoov. Tsuas tias tsov mas khob kaus nrij nrawj qab ke qaum kev tuaj, nplawm tw pig poog, quaj mlig mlaug qhov txhia chaw tuaj. Nkawd lem hlo nees, nkawd cia li muab Cib Pheej thawb kiag rau hauv av. Nkawd cia li tuam phov ntws los lawm lauj! Cib Pheej ntshai ntshai, nws lam vuag ntuj vuag teb, qi muag nti vuag li. Nws vuag vuag ua cia txawm tooj zog tau ib txog hlua nees thiab. Nws thiaj saib zoj, ua ciav yog tib tug txiv nees nyob ntawd. Cib Pheej muab hlua nees faib hlo nws sam plhawv rau saum nruab qaum. Nplawm nees ntws lawv qab thiab lauj ! Ua cas Cib Pheej tus nees ceev zus ceev zus huas kiag nkawd ntej lawm thiab. Huab Tais tus tub hlob hu tias: "Cib Pheej, tos me ntsis, wb hais koj tso." Cib Pheej nres kiag nees tos. Cib Pheej nug tias: "Neb muaj lus dab tsi yuav hais rau kuv ?" Nkawd teb tias: "Wb tsis muaj lus dab tsi thiab. Tab sis koj caij wb ob tug tso, wb caij koj tus nawb." Cib Pheej teb tias: "Thaum tuaj neb twb caij neb ob tug. Tsam no nyias caij nyias tus os !" Cib Pheej nplawm nees ntws los lawm lauj ! Ua cas Cib Pheej tus nees ceev zus ceev zus, cia li ya plaws rau saum ib nta ntuj lawm. Tus nees ya mus txog ntua puag saum txheej huab. Cib Pheej txawm hnov hnyav zog nram caj tw tuaj.
Txawm hais rau Cib Pheej tias: "Cib Pheej, koj puas nco kuv tas ib sim neej, los tsis nco ?" Cib Pheej teb tias: "Aub ! Tsam no kuv ntxhov siab lawm, kuv tsis nco li lawm nawb. Ua li koj yog leej twg ?" Nws txawm teb tias: "Kuv yog tus thaum ub tsa koj sawv nev!" Cib Pheej teb tias: "Aub ! Yog li mas kuv yeej nco koj mus ib sim neej tiag." Nws txawm hais tias: "Yog li no, kuv yuav koj los pob !" Cib Pheej teb tias: "Yuav los tau kawg. Tab sis tshuav niam hlob nev!" Nws teb tias: "Niam hlob ces wb mus nyob muaj chaw qhov twg mam li los tos xwb." Cib Pheej nug tias: "Ua li koj yuav mus lawm qhov twg ?" Nws teb tias: "Tam sim no tsis paub li. Taub hau nees ncaj twg ces mus twg xwb." Ces tus nees txawm ya ya mus tsaws ntua rau Ceeb Tsheej teb lawm lauj ! Cib Pheej cia li mus ua Huab Tais Ceeb Tsheej lawm. Cib Pheej nyob nyob plaub hau twb pib dawb lauj ! Tshuav Ntxawm nyob tom qab mas Ntxawm txom txom nyem kawg li. Dab tsis los tsis muaj. Niaj hnub quaj txog Cib Pheej xwb. Mov los yeej tsis muaj noj, tsev los tsis muaj nyob. Luag noj mov tag, luag muab yawm mus pov tseg. Nws mus nrog qaib nrog npua sib txeeb, yam zoo ces nws khaws los noj xwb. Cib Pheej nkawd nyob nyob. Txawm muaj ib tug noog ya los tsaws ntawm qhov rais, txawm los nyob ntawd quaj. tus ntxhais qaum ntuj los hais rau Cib Pheej tias: "Cib Pheej, koj mloog saib tus noog ntawd quaj li cas ? Nws quaj muaj lus
tseem ceeb hos!" Cib Pheej mloog zoj, ua ciav quaj quaj tiag ! Cib Pheej hais
tias: "Niag noog ntawd nim yuav quaj muaj lus tseem ceeb naj!
nws ham tsis quaj nrij nroj loj, nrij nroj loj no xwb las as." tus ntxhais qaum ntuj hais tias: "Cib Pheej, koj sim mloog zoo zoo saib nws yuav mus quaj li ntawd nab I" Cib Pheej rov mloog zoj, Cib Pheej hais li qhov qub thiab xwb.
tus ntxhais qaum ntuj thiaj hais rau Cib Pheej tias: "Koj sim mloog zoo zoo saib maj ! Tus noog ntawd quaj hais tias: Cib Pheej, koj nco tom ntej, koj tsis nco tom qab no sad ! Koj sim ua zoo mloog saib, nws quaj li ntawd tiag." Cib Pheej thiaj mloog zoj, ua cas quaj li ntawd tiag lauj i Cib Pheej thiaj nco dheev txog tias tshuav Ntxawm nyob tom qab. Cib Pheej thiaj seev tias: "Ntuj aws ! Tshuav kuv niam hlob nyob tom qab, ntshai nws txom txom nyem lawm. Tus me noog ntawd thiaj tuaj quaj rau kuv li no ntag lauj!" Cib Pheej thiaj ntaus peb hnub, nws ntaus tau ib rab ntaj. Nws hov tau peb hnub thiab. Cib Pheej txawm xav tias: "Ab ! Yog kuv hov tau rab ntaj no mas kuv muab niag niam yau no tua kiag pov tseg. Kuv mam mus nrog kuv niam hlob nyob, ntshai yuav zoo tshaj. Cas kuv yuav tsis nco txog nws li lawm ?" tus ntxhais qaum ntuj twb paub lawm. Nws los txog ntawm
Cib Pheej, nws hais tias: "Cib Pheej, koj hov ntaj ua dab tsi ?" Cib Pheej teb tias: "Ab ! Kuv lam hov xwb as." tus ntxhais qaum ntuj hais tias: "Yog tsis muaj ib yam hauj Iwm tseem ceeb, koj yuav tsis hov rab ntaj no." Cib Pheej hais tias: "Kuv twb tsis hov ua dab tsi nev ! Kuv yeej tsis xav li cas, kuv lam hov kom ntse, wb tau siv xwb." tus ntxhais qaum ntuj thiaj li hais tias: "Cib Pheej, koj tsis txhob xav li ntawd maj. Qhov kuv nug koj, yog koj xav tias koj hov tau rab ntaj no, koj yuav muab kuv txiav pov tseg, koj mam rov mus yuav koj niam hlob no. Tab sis kuv hais rau koj tias yog koj tseem muab kuv tua lawm thiab, ces koj kawg tuag xwb. Thov koj txhob xav li ntawd. Yog koj yuav mus koj ua zoo hais. Kuv yuav pab koj, kom koj mus yooj yim tsis nyuaj." Cib Pheej thiaj teb tias: "Aub ! Kuv tau hais lawm tiag. Yog li no thov koj pab kuv lauj!" tus ntxhais qaum ntuj thiaj hais rau Cib Pheej tias: "Cib Pheej, kuv muab ob lub quav txhuas no rau koj. Yog koj mus
txog lawm, koj muab ob lub quav txhuas no sib txhuam hu kuv, kuv mam tuaj txo dej txo cawv rau neb nawb mog." Cib Pheej mam li mus txo plhuav nees tom nkuaj, sam plhawv rau saum nees, nees ya ya los txog ntua. Ntaus tsuag tsuag tau ib lub nkuaj zeb nkuaj tsua kaw kiag nws tus nees. Cib Pheej txawm los los txog ntawm ib lub tshav nplej, txawm muaj ib tug poj Hmoob nyob ntawd. Niag poj Hmoob ntawd quaj quaj, kua muag kua ntswg ntws lug, qhov muag o aws xwb lauj! Cib Pheej txawm nug tias: "Leej Muad ! Ua cas koj yuav quaj tas npaum kod ? Yog vim li cas ?" Tus poj Hmoob ntawd teb tias: "Ab ! Leej yawm dab, kuv lam quaj xwb os, cav tsis muaj dab tsi." Cib Pheej rov nug tias:
"Ab ! Leej Muam, ua cas koj quaj tiag ? Koj hais qhia rau kuv saib, tej zaum kuv yuav pab tau laiv !" Tus poj Hmoob ntawd txawm teb tias: "Ab ! Txawm tham qhia koj los ntshai koj yuav pab tsis tau, ces tsis tham." Cib Pheej tias: "Ab ! Lam
tham, tsam kuv ho pab tau laiv !" Niag poj Hmoob ntawd thiaj hais tias: "Ab ! Yog koj hais li no yuav tham los tham tiag. Tos kuv niaj hnub quaj li no los vim thaud, kuv txiv Huab Tais yug tau kuv tib tug xwb. Kuv hlob tiav niam, kuv txiv yuav
nrhiav vauv rau kuv. Nws txawm hu kaum ob lub teb chaws, kaum ob tug tub no tuaj. Nws yuav muab kuv rau tus los tsam tus tu siab. Nws thiaj kom lawv ib leeg ev ib lub kawm mus nyob nram tiaj, kuv nyob pern tsev no, pov lub moj pob,
yog nkag leej twg lub ces cia kuv yuav leej twg no. Tab sis, kuv txiv muaj ib tug tub qhe, nws lub npe hu ua Cib Pheej no, nws txawm ev ib lub kawm tawm tuaj mus hlais zaub nyuj. Ces kuv txawm pov lub pob rau saum ntuj. Cas tsis mus
nkag cov tub nom, txawm cia li mus nkag rau Cib Pheej lub niag kawm tom teb. Nws tsis paub dab tsi li, nws txawm los qhia rau kuv txiv. Kuv txiv tsis txaus siab, kuv txiv tseem mus hu cov tub nom tuaj tso yuav xaiv dua. Tab sis, kuv niam
cia li muab kuv txis rau Cib Pheej lawm. Muaj ib hnub, kuv txiv los ntsib Cib Pheej ntawm tus taw choj, kuv txiv muab Cib Pheej txiav caj dab pov hauv dej. Kuv thiaj quaj quaj, kuv thiaj mus npo tau. Kuv quaj quaj, kuv seev tias qab ntuj neeg no yog leej twg tsa tau kuv tus txiv sawv, kuv yuav nco nws tshav ntuj no. Txawm muaj ib tug ntxhais los tsa tau nws sawv. Cib Pheej wb rov los pw ib hmo. Tag kis, kuv txiv kom kuv tus nus hlob thiab tus nus yau tuaj coj Cib Pheej mus rau tsov tom. Thaum nkawd tuaj txog nkawd cia li muab Cib Pheej tsaws rau saum nees. Nkawd coj Cib Pheej lawm, ces txij hnub ntawd los tsis pom Cib Pheej los li lawm. Xyov puas yog tsov tom lawm los yog nws khiav dim lawm ? Tsis pom nws los txog tav li no. Kuv txiv lawv los tsis yuav kuv lawm thiab. Kuv txom txom nyem, kuv tsis muaj dab tsi noj tsis muaj dab tsi hnav. Kuv ces nrog dev npua sib huas noj xwb. Kuv thiaj tuaj khaws luag tej nplej uas luag yawm tsis tau no coj mus ua noj. Kuv tuaj txog ntawm no, kuv nco nco kuv tus txiv Cib Pheej es kuv thiaj quaj quaj li no. Koj puas paub tus ntawd naj, leej nus ? Kuv lam piav li no xwb, kuv piav tas los ntshe koj yuav pab tsis tau kuv ib zaug li." Cib Pheej txawm teb hais tias: "Aub ! Yog tus hu ua Cib Pheej no tej zaum kuv paub." Niag poj Hmoob ntawd txawm ntsia Cib Pheej thiab nws zeem tseeb tseeb. Ua ciav Cib Pheej twb los ob peb lub kua muag lawm ! Nws thiaj li sawv tsees los qawm lias Cib Pheej ces nkawd sib qawg quaj sib qawg quaj lauj ! Tsuas tias koj plhws kuv kuv plhws koj, quaj thiab zoo slab tas. Nkawd txawm rov los tsev lauj ! Los los txog lub nyuag tsev nplooj tsawb, uas thaum ub Cib Pheej ua, mas nroj tsuag twb tuaj vov tag, nplooj tsawb twb Iwj tag.
Cib Pheej thiaj li rho hlo ob lub nyuag quav txhuas coj los sib txhuam. Cib Pheej hu tias: "Aub ! Kuv niam yau qaum ntuj lauj! Kuv tuaj txog lawm, koj tuaj txo dej txo cawv rau kuv lauj!" Tus ntxhais qaum ntuj thiaj li ya plaws tuaj. Nws tuaj
txo dej txo cawv, ua nqaij ua hno, cuaj phaj yim ntim, tsuas tias nqaij hno mas nco lug xwb lauj! Tus ntxhais qaum ntuj muab tau peb lub quav txhuas ntxiv rau Cib Pheej thiab nws hais rau Cib Pheej tias: "Kuv muab ob lub quav txhuas no
ntxiv rau koj. Tsis muaj dab tsi los tseg. Thaum twg muaj dab tsi koj muab ob lub quav txhuas sib txhuam, ces luag ua tsis tau dab tsi rau koj." tus ntxhais qaum ntuj thiaj rov qab lawm lauj!
Cib Pheej thiaj tso pej xeem mus hu txiv Huab Tais tuaj noj mov. Lawv mus hu los txiv Huab Tais tsis tuaj li. Cib Pheej thiaj mus hu los tsis tuaj li thiab. Cib Pheej rov los txog, Cib Pheej tias: "Tam tseeb ! Tsis tuaj los puam chawj ! Tsam
no nqaij hno siav ncho lug li no lawm, tuaj tsawg leej los noj mus li, tsam nqaij hno tsis zoo noj lawm." Lawv noj tag, pw ib hmos tag kis kaj ntug txoog, Cib Pheej sawv los tu nra tas. Cib Pheej hais rau sawv daws tias: "Kuv txiv
Huab Tais siab phem rau kuv kawg. Tab sis tarn sim no kuv ua Huab Tais nyob saum Ceeb Tsheej lawm. Kuv yuav rov mus lawm saum kuv lub tsev." Cib Pheej thiab Ntxawm nkawd thiaj li ya ntxiag mus qhib kiag tus txiv nees tawm plaws los. Nkawd caij kiag, nkawd ya ntxiag rau puag qaum ntuj lawm. Cib Pheej mus kav yim feem teb nyob puag qaum ntuj, tsis muaj tag.

Subject: Re: XEEBTSHEEJ TIAM LI DAB NEEG Tue Mar 07, 2017 7:20 am

Keeb Kwm Huab Tais Tswb Tshoj

Ntuj ncha teb qeeg, ntiaj teb tsis muaj Faj Tim Huab Tais, tu ncua txog ntawm 30 xyoo. Ntiaj teb tsuas tshuav cov neeg siab ncaj thiaj nyob kaj, neeg siab zoo thiaj nyob txoos. Neeg siab dub siab phem mas raug lub ntuj rhuav tshem kom nws puam tsuaj mus.
Lub zwj ceeb no yog ib lub caij nyoog uas muaj kev puas ntsoog loj tshaj rau tib neeg nyob ntiaj teb. Mas kuj nrov mus txog Huab Tais qaum ntuj, vim tsis muaj tus tswv los tswj lub hwj chim. Leej tib neeg yuav tos kom dim yam ntawd hauv ntiaj teb los. Yog ncaj ncees thiab dawb huv mas thiaj nyob tau. Mas ntshai yuav tshuav li ib feem pua xwb.
Li no mas txog rau xyoo 98680, pa xyab pa ntawv ntawm cov neeg siab ncaj siab ncees ncho thoob ntiaj teb. Hmoob tus hwj chim Txoov Faj Tim thiaj feeb meej txhawb Hmoob lub neej kom rov qab zoo ib zaug.
Tus tswv tshoj hmoob lub hwj chim no mus ua tuam thawj chim Siv Kim Laj Tshaj Xyeem ntawm faj tim Cheej Laij. Sua Mim Kab Faj Txoov Yim Leej Dab thiaj feeb meej los mus txog rau lub 1 hlis hnub 15 xyoo 98680. Poj tshwb koob faj nyob rau hauv lub zos Phaj Kub Foog tseem theej xeev ntses as. Nws yog ib tug hluas nkauj xeeb txawm tsis zoo nkauj kiag, ua rau tsis raug ntsej muag kom luag tej nyiam li. Suav tau tias nws lub neej nyoog twb muaj hnub nyoog 32 xyoos mas nws tsis tau tham ib tug hluas nraug kiag li. Nws tu siab heev. Nws thiaj khiav mus ua twj cuab nyob rau hauv teb, tus tsiaj tu txhuv raws li nws lub neej. Txog qhov ntawd thiaj ua Paj Hwj Chim tias nws mus txog ib thaj liaj nplej tab torn siav siav ntsa iab. Luag tab torn hlais txog nrab. Nws mus pab lawv hlais tau peb teg nplej, nws muab tso tseg nws yuav rov qab hlais dua. Tab sis cov teg nplej uas lawv hlais ntawd, cia li sawv ntseg li qub. Nws peb teg nplej cia li sawv hauv nruab nrab los. Lwm teg nplej cia li ib rau nws peb teg tas, tau ib pawg txij nkaus ruv tsev, Thaum nws tig los ntsia saum pawg nplej, Nws cia li pom 12 lub hnub sib ib sib ib los mus txoos ua ib lub. Lub hnub qub ntawd cia li poob los mus tib teg nws sab xub pwg sab laug. Nws cia li tsim dheev los. Tab sis tsis muaj ib tug txiv neej li, tsis muaj tus yuav nrog nws hais lus li.
Nws thiaj nce mus saum ib lub pob zeb qwv tag peb zag nplooj. Thaum nws qwv nplooj yuav luag tas, mas nws muaj ib tug taw npua loj loj cia li nkag tsuag tsuag los nyob hauv qab pob zeb tos. Ces nws xav tias: "Ab! Cas yus tshuab tag peb zag nplooj no, cas tsis pom ib tug hluas nraug nyob qhov twg los rau yus pom li ? Tsuas los niag taw npua no xwb! Kheev lam niag taw npua no yog ib tug neeg, mas kuv yuav nrog niag taw npua no ua neej saib." Ces tus taw npua twb paub lawm. Tus taw npua cia li teb kiag ua lus neeg tias: "Leej muam! kuv ham tsis yog neeg thiab nab! Yog koj nrog kuv hais lus thiab koj ntseeg kuv, mas kuv yuav pab koj kom dim ntawm kev txom nyem." Ces poj Tswb Koob thiaj xam zoj ib ncig ze ntawd tsis muaj neeg. Nws thiaj li zaum nrog tus taw npua ntawd sib tham. Thaum nkawd sib tham ntawd, muaj ib nthwv cua ua rau nws fee hlo. Nws tig loo los ntsia tus taw npua, ua cas yog ib tug hluas nraug zoo zoo nraug kawg li! Nws thiaj txiav txim siab deev hluas nraug zaum ntawd.
Thaum nkawd pw ua ke tas, nws saib, ho yog tus taw npua qub xwb, ces nws txaj muag, thiab ntshais heev tias: "Ua cas yus yuav lam mus nrog tej niag tsiaj ua neej ?" Ces tus taw npua thiaj teb tias: "Koj txhob txaj muag thiab ntxhov siab. Kuv yog ib tug Tswv Tshoj tshoj teb tshoj chaw, tshoj hwj chim Txoos Faj Tim kom sawv rov qab. Mas kuv tshoj hwj chim tus Faj Tim los cob rau koj, vim koj muaj txoj hmoov zoo. Txuas ntxiv no mus mas koj yuav muaj ib plab me nyuam. Yog
me nyuam ntxhais no, mas Hmoob yuav txom nyem ntxiv txog 30 xyoo. Hos yog me nyuam tub no, mas nej yuav txom nyem 10 ntxiv xwb."

Poj Tshwj Koob Xeeb Tub

Lub zwj ceeb tus taw npua nrog Poj Tshwj Koob tham tas lawm, tus taw npua cia li nkag tsuag tsuag ntsaj ig wg lawm. Txij hnub ntawd los, Poj Tshwj Koob cia li xeeb tau ib plab me nyuam. Nws tab ua paj hwj chim pom tus hluas nraug ntawd los nrog nws nyob tas li. Tab sis nws tsis qhia leej twg li. Nws plab me nyuam muaj los txwm nkaus 9 hlis yuav yug, ces Poj Tshwj Koob xav tias: "Yuav txog caij daws cev. Yus twb tsis muaj txiv, tsuas muaj tus taw npua xwb. Tsam luag paub tias yus deev niag taw npua ntawd, yus thiaj muaj me nyuam no." Ces nws xuas ntaj tib ntag niag taw npua tuag kiag. Nws muab coj mus faus rau pern qab tsuas Laj Teem. Nws rov los tau peb hnub, ces nws yug tau ib tug me tub, Hnub nws yug, yog hnub xiab ib lub 9 hlis ntuj xyoo 98680. Nws yug tau los txog peb hnub, ces nws muab tis npe hu ua Tswb Los Tuam lub npe tswb tshoj. Mas yog tus tswv tshoj lub hwj chim txoos Faj Tim, hos Tswb Los Tuam, mas tshaj xyeem ntawm lub hwj chim Tswb Tshoj, mas nws yog tswb tshoj tus me nyuam. Tswb Los Tuam nrog nws niam nyob muaj hnub nyoog txog 8 xyoo, ces nws thiaj mus ua Suav qhev yug nyuj.

***********************************************************************************************

Txhiaj Tub Yiv Hais Txog Lub Khaub Zeeg Cua

Peb yawg Txhiaj Tub Yiv tau tuaj mus kav kiab rau nruab Xeev teb. Rov los txog rau ib ntus kev, luag ua teb do dus. Txawm muaj ib lub Khaub Zeeg Cua los txhos ntsos ntawm hauv ntej, nws xav zoj tias yuav hu li cas. Nws thiaj hu zoj hais tias:
"Tuam THeeb Foob, koj muaj chaw dhau kev no koj mus, nyuag yaus yuav los mus. Yog koj xav yuav lus ntawm nyuag yaus no mas koj txav zoj los kom ti ntawm nyuag yaus." Hais li tag nrho, ua ciav lub khaub zeeg cua txav zoj los ti nkaus ntawm nws.
Lub zim ceeb no, peb Hmoob tseem hnav ris tsho uas yog peb Hmoob tug tiag. Lub khaub zeeg cua tau los nplawm ua yawg Txhiaj Tub Yiv lub ceg ris nrov plig plawg. Txhiaj Tub Yiv thiaj hais zoj tias: "Tuam THeeb Foob, nyuag yaus tsis muaj lus dab tsi thiab. Tab sis hnov hais tias peb Hmoob tshwm sim ib tug Vaj nyob rau Thaib teb thiab Suav nrim teb no. Es luag yim meem teb no tuaj nrhiav txog ob tag kis lawm. Peb tus Vaj khiav nce ntawm tus ncej dua saud lawm ces tsis pom
lawm. Luag nrhiav tsis tau, luag thiaj thim rov qab los tag lawm. Tab sis luag tseem rov los sab laj. Luag yuav tuaj tag nrho yim meem teb no, luag yuav tuaj nrhiav ntes kom tau peb Hmoob tus Vaj rau peb tag kis tom ntej no. Peb Hmoob tsis muaj tus Vaj, peb Hmoob mob siab heev. Thov kom Tuam Theeb Foob coj lus mus rau Huab Tais Ntuj, kom nws leej maj tuaj cawm peb Hmoob tus Vaj uas tshwm sim rau Thaib nrim teb thiab Suav nrim teb, kom luag tsis txhob ntes tau nws.
Nyuag yaus nqi lus mas muaj li no xwb, koj Tuam Theeb Foob !" Ces lub khaub zeeg cua tib ntsawg yawg Txhiaj Tub Yiv vau hlo, ho tib ntsawg yawg nqa zoj sawv tsees los. Ces lub khaub zeeg cua no nqa hlo rau puag qaum ntuj ntsuab lawm. Lub khaub zeeg cua xaus rau ntawm no xwb. Tag qhov no los mus, peb yawg Txhiaj Tub Yiv los nyob tau xya lub hlis.
Ua cia hnov cov Saub sawv los ntxooj, ntxooj ntxooj tus yeeb yam. Ntxooj mas nws teeb peb thoob dej rau ntawm rooj tag, peb thoob dej rau pern hauv plag. Ib tag kis twg nws yuav tswm mus dhia peb Iwm nrad peb Iwm ped. Tus poj niam yuav tsum mus muab tus ntxuam coj los ntxuaj ib lub thoob dej peb ntxuag, mas mam los so ua num tau. Ces tus Saub no ntxooj ces nws thiaj hais tias: "Leej twg yog Txhiaj Tub Yiv no mas kom tuaj cuag kuv. Luag muaj lus rau kuv kom kuv hais
rau nws." Luag sib hais sib nug thiaj nrov mus txog rau nws. Nws hais tias: "Txhiaj Tub Yiv ces yog kuv xwb. Cia kuv mam mus ntsib luag."
Txhiaj Tub Yiv ntim su zias mus, thiab nqa ib tug lau qaib mus. Lub zij ceeb nws mus txog luag twb paub lawm. Nws mus kirn caug nram qhov rooj tag hawm loo luag. Luag twb hu zoj tias: "Koj tuaj los Txhiaj Tub Yiv ?"
Ces tus Saub ntawd thiaj dhia peb plhaw ped, peb plhaw nrad, thiaj los mus plhw Txhiaj Tub Yiv taub hau tag, thiaj hais rau yawg tias: "Sawv los zaum tau, Txhiaj Tub Yiv." Nws sawv los zaum. Luag poj niam mam los muab tus ntxuam los ntxuaj cov thoob dej ib lub peb Iwm tag thiaj mam los ua num, Li los muab Txhiaj Tub Yiv tus lau qaib tua, ua siav rau sawv daws noj.
Lub caij noj mov tag, tus Siv Yis ntawd mam hais rau Txhiaj Tub Yiv tias luag cov lus muaj li nram no: "Txhiaj Tub Yiv lus dab tsi mas tsis muaj nawb ! Tab sis thaum ub koj tau hais ib los lus rau Huab Tais Ntuj lawm. Nyem no luag kom kuv hais rau koj paub. Thaud koj tau thov kom luag los cawm peb Hmoob tus Vaj uas tshwm sim nyob rau Thaib nrim teb, thiab Suav nrim teb, mas luag los cawm tau lawm no, kom koj txhob txhawj, tsis txhob ntshai no.
Luag tias yuav kom koj muaj txoj sia loj s1a ntev, muaj hnob nyoog mus txog 120 xyoo. Luag yuav cia koj mus noj me ntsls liab, los luag mam cia no. hos yog luag ntsuas zoj yuav cia koj hloov ris hloov tsho, yuav tsis ncha teb ncha chaw no ces, luag yuav cia koj hloov ris hloov tsho xwb no. Tab sis txog hnub koj puv 120 xyoo ntawd, luag mam kho rau koj no od !
Mas Huab Tais Ntuj luag lus muaj li no xwb.

Yaj Zuag Cov Lus Los Hais Rau Txhiaj Tub Yiv

Lub zim ceeb tus Siv Yis hu Txhlaj Tub Yiv mus hais tag los, nws los nyob tau ib xyoo thiab cuaj lub nils. Ua ciav Mab Dawb ntes ntes cov neeg coj mus tua li tua nyuj tua twm xwb. Ua ciav Mab Dawb ntes peb cov Hmoob coj mus tua lawm coob coob kawg. Ces xyoo ntawd tus cheem rog thiaj tuaj cheem tag nrho yim meem teb no.
Luag tuaj cheem tau tag tib si lawm, luag thiaj los rau Xeev teb. Luag mam nug tias: Tus twg yog Txhiaj Tub Yiv no kom nws tuaj ntsib kuv." Hais li no tag, cov neeg thiaj sib hais mus txog Txhiaj Tub Yiv. Nws hnov cov lus tag ces nws thiaj tias: "Yog li cia kuv mam mus ntsib luag."
Yawg Txhiaj Tub Yiv thiaj tuaj mus ntsib Yaj Zuag, tswv cheem rog rau Xeev teb. Thaum Txhiaj Tub Yiv tuaj txog ntua xwb, Luag twb paub lawm. Luag twb hu tias: "Koj tuaj los Txhiaj Tub Yiv ?"
Nws kirn caug loo hawm luag tag, luag thiaj hais tias: "Sawv
zaum tau." Yaj Zuag tswv cheem rog thiaj hais tias: "Txhiaj Tub Yiv, kuv hu koj tuaj no mas tsis muaj lus dab tsi. Muaj lus dab tsi kuv mam yuav hais rau koj. Tab sis koj nroq kuv nyob 15 hnub tso
koj mam rov qab." Nws ua tsis tau li cas lawm lauj ! Nws tau nrog tswv cheem rog nyob mus ze rau hnub 15 ntawd, luag thlaj mam hats tlas: "Txhiaj Tub Yiv, hu koj tuaj no los tsis muaj lus dab tsi thiab. Tab sis thaum ub koj tau muaj ib lo lus rau lub khaub zeeg cua kom los mus hais rau Huab Tais qaum ntuj, kom los mus cawm Hmoob tus Vaj uas tshwm sim nyob rau Thaib nrim teb, thiab Suav nrim teb no, mas luag muab lus rau kuv kom kuv los hais rau koj, kom koj tsis txhob txhawj, tsis txhob ntshai. Luag cawm tau lawm no, luag kom koj cev nqaij daim tawv kom loj kom rog, kom koj muaj txoj sia nyob ntev mus puv 120 xyoo no. Luag tias hloov ris tsho yuav tsis ncha rau teb chaws no. No ces yuav muab koj hloov ris hloov tsho xwb. Yog luag ntsuas zoj yuav ncha teb chaws no ces luag mam cia koj mus noj mos liab no. Tab sis txog hnub koj puv 120 xyoo koj mam li paub no nawb!" Yawg xav zoj ua cas hais li tus Saub Siv Yis hais thiab. Nws xav hais tias ntshai muaj tiag tiag. Tswv cheem rog rov hais dua tias: "Txij no mus, hais rau koj ov ! Nyem no mas kom koj tsim txiaj txhob this luag hauv tauv, txhob mus nrog luag tua neeg nawb mog ! Yam tias ntev, koj cov tub kiv pom los yam koj pom ntag. Luag thiaj hais tias ntuj teb no muaj mus li no: Yav nram ntej mas luag tso dej los nyab ntiaj teb ib zaug lawm, luag laj tsim noob neej hwv lawm.
Luag tso hluav taws los hlawv ntiaj teb ib zaug los lawm, luag laj tsim noob neej thiab.
Zaum no luag yuav tso qaib sib ncaws thoob qab ntuj, luag yuav tso rog rau ntiaj teb. Hais li no rau koj: peb tuaj no, peb tuaj nruab nqhuab. Lwm zaus peb yuav tsis tuaj nruab nqhuab lawm, peb yuav tuaj nruab deg, nej tsis paub, dej tauv qhov twg nej yuav tias yog zaj tauv, tab sis tsis yog, yog peb tuaj xwb.
Mas hais rau koj paub. Cov tswv rog uas luag yuav tseb rau nej teb no, mas muaj li no: yuav muaj cov phom loj uas lub muas txwv luaj lub pob tsawb liab. Mas rab phom teeb rau lub roob sab tid, tua rau lub roob sab tid. Nej tuaj ib cag mloog npaum li lub roob tid ntsoog tag, mloog mus rau lub roob sab tid los kuj npaum li lub roob sab tid tawg tag. Tab sis nej mus xyuas kuj tsis pom muaj li cas thiab. Phaum rog no mas yuav txhawv qhov ntsev qhov txhuv yug nej. Toj roob hauv pes mas yuav txhawv qhov ntsev qhov txhuv los yug nej. Nej sawv daws yuav tau noj cov qhov ntsev qhov txhuv
ntawd, tab sis tsis txhawv ntev, tsuas txhawv txog peb txhiab xyoo xwb, ces rov kaw tag laud I Tsuas tshuav ob lub thiaj yug nej ntev xwb. Ob lub uas yug nej ntev no, yog nyob rau teb chaws Moos Phuam teb thiab Moos Cuab teb. Ob lub no thiaj yuav yug nej ntev.
Txij no mus, koj mloog ntsoov. Thaum twg cov nyiaj nplooj ntoo nchuav nthwv tuaj ntau ntau, thaum ntawd tsov rog yuav loj. Dav hlau tis luv los yuav tuaj tua ntiaj teb ntsoog tas. Tsov rog los yuav tua ua ntiaj teb ntsoog tas thiab. Luag hais mas luag tso qaib sib ncaws xwb no nawb ! Tab sis yog luag tseb rog rau ntiaj teb.
Mas nej mus nyob rau Moos Phuam teb, thiab Moos Phuam teb mas muaj ib xyoos ov ! Nej noj cov qhov ntsev qhov txhuv ntawd tag zuj zus. Xyoo ntawd nej tu tsiaj los yuav tso tseg, nej muaj qoob loo los yuav tau tso cia. Xyoo ntawd nej yuav tau tawg teb chaws, niam yuav mus niam, tub yuav mus tub, txiv yuav mus txiv, ib leeg yuav tsis coj ib leeg, ib leeg yuav tsis hais ib leeg li. Nej tawg kiag qhov no mus ua plaub pab xws li nram no:
Pab ib no, tawg kiag mus rau pern hauv roob, los tshaib plab, los ua tsov tshaib tsov tsau.
Muaj ob pab ces tawg los mus hla lub niag pas dej loj. Tsis tag li no xwb. Tseem mus hla plaws ib tug niam dej loj rau sab nraud, ces mus txog rau qhov luag muab vab tshaus tooj vab tshaus hlau los tshau. Thaum mus txog tid mas sawv daws yuav tshaib tshaib nqhis nqhis, mus thov luag ib nyuag qho kua txhuv los tsau haus, los luag twb tsis kam li. Cov kwv tij nej tsa yuav mus tuag ib txhia rau tid thiab laud ! Peb pab ntawd tawg kiag raws dej nqis hav, mus dua ntxeev ntuj nraum ub, mus ua liab ua cuam lawm. Muaj ib pab ho tseem hla raws dej nee toj. Mus ho faib ua plaub pab lawm thiab. Mus txog Suav nrim teb Thaib nrim teb. lawv mus txog ntawd, ua cia tsis muaj tus qhuab cim txiv txawj tsim, tsis muaj tus qhia ci, ci txawj ua. Thaum ntawd laud, txawj tsim ces yuav tslm tau me raj nas, raj kub ncas, me raj lim raj pos ntiv. Raj pos ntiv mas yog lub me luv luv, tso hauv hnab tsho tsis muaj neeg pom li. Nruas luaj nruas puab chw, tsis muaj tus qhia cim civ txawj ua. Ces tshuav pab nyuag ntawd, thiaj mam li maj mam tsim taug dej nce toj. Tseem nce toj, tub zov rooj vag thiaj hais mus rau tub zov rooj ntug hais tias: "Tub zov rooj ntug, koj hais mus rau Huab Tais qaum ntuj, kom Huab Tais qaum ntuj hais mus rau tus Vaj Hmoob, kom tus Vaj Hmoob kav tsij laj maj nqis los mus kav nws cov me nyuam Hmoob txom nyem heev lawm
no." Cov tub zov rooj ntug thiaj hais rau Huab Tais qaum ntuj hais tias: "Txiv Huab Tais qaum ntuj, koj hais rau Vaj Hmoob, kom nws kav tsij nqis los kav nws cov me nyuam Hmoob txom nyem heev lawm no." Ces txiv Huab Tais Ntuj thiaj hais rau tus Vaj Hmoob hais tias: "Me Vaj Hmoob, koj kav tsij mus kav koj cov me nyuam Hmoob txom nyem no. Me tub me nyuam Hmoob txom nyem heev
lawm." Ces tus Vaj Hmoob thiaj ras dheev txog nws thiaj hais tias: "Od ! Yog li yuav tau mus paub!"
Tus Vaj Hmoob thiaj li los lauj I
Hmoob qhov chaw muaj Vaj huam sawv sib luag, hwj chim sawv sib txig, ncej huab qag sawv sib ncag, nyob rau Thaib nrim teb Suav nrim teb. Thaj av peb ceg xab xeeb kaum qhov chaw tus Vaj Hmoob thaud. Tus Vaj Hmoob los, ces me nyuam Hmoob niag neeg mus tshuav
niag nqi lawm me neeg mus tshuav me nqi lawm, tus Vaj thiaj yuav los tau. Luag los txog ntawm av peb ceg xab xeeb kaum, qhov chaw ncej huab qag sawv sib ncag, hwj chim sawv sib txig.
Hnub ntawd, hnub nyoog txawm rau 3000 xyoo. Me nyuam Hmoob yuav tau zoo rau xyoo ntawd. Hmoob tus Vaj thiaj los nqua hu me nyuam Hmoob tias: "Me tub me nyuam Hmoob nyob rau yim meem teb no, dua qab roob qab ha lawm los. Txiv los txog lawm.
Txiv lawm tav no, kuv tub nej txom nyem heev hwv lawm. Kuv tub nej kav tsij rov qab los. Txiv los lawm." Ces quaj qog qees los yuav luag txog lau ! Luag mam rov hu dua zaum ob tias: "Me tub me nyuam Hmoob nyob rau yim meem teb no, dua qab roob qab ha lawm los sawv los. Txiv los lawm, txiv lawm ntev heev, kuv tub nej txom nyem heev hwv lawm los sawv los." Ces zaum no, thiaj quaj qog qees los ti nkaus. Luag thiaj plhw ib tug dhau ib tug. Tus khaub hlab los muaj, tus liab qab
los muaj, tus muaj poj niam tub se los muaj, tus tsis muaj poj tsis muaj sev los muaj, tus muaj tub muaj ki los muaj, tus tsis muaj tub muaj ki los muaj.
Luag los txog ces luag thiaj muab txis ua txij ua nkawm rau lauj, thiaj txis hais tias: "Koj txiv yog tus no, koj poj niam yog tus no. Koj ntxhais yog tus no, koj niam koj txiv yog tus no. Txij no mus txhob quaj txhob ntshai. Ib leeg txhob deev ib leeg poj, ib leeg txhob deev ib leeg sev. Sawv daws tsim tsim txiaj. Liaj ia teb chaws kuv los tsim rau nej, yeej yuav muaj liaj ia teb chaws. Kuv tsim rau nej sawv daws noj xwb, txhob quaj txhob ntshai mog!" Ces tus Vaj tsim tau liaj ia teb chaws rau sawv daws ua noj. Lub keeb kwm uas hais txog peb Hmoob dub khiav toj roob hauv pes los mus, mas muaj li no xwb.

Subject: Re: XEEBTSHEEJ TIAM LI DAB NEEG Tue Mar 07, 2017 7:25 am

KEEB PUAV VIM NTUJ TSIM TEB RAUG

Zaj dab neeg no muaj ib tug neeg nthua rau kuv sau khaws tseg nyob rau thaum lub 7/18/2002

Ntawm no kuv yuav piav txog lub hauv paus ntuj thaum ub uas Huab Tais Ntuj "Yawm Saub" nyuam qhuav los tsim tau qav kaws thiab vuj lis vag nkawv nyob rau hauv lub ntiaj teb nov, mas vuj lis vag los yog "Tooj Nchai Siv Yis" thiab qav kaws nkawv los ua neej rau ntiaj teb no mas Huab Tais Ntuj tau hais tias los tsim tau lub ntuj no nyuam qhuav yog 3 vaim xwb, tseem yog dej li dej xwb.

Yawm Saub tso nkawv los nyob saum nplaim dej, mas nkawv ua lub neej khuam siab heev. Ces Yawm Saub thiaj li tau qhia txuj ci rau vuj lis vag hais tias kom nws los mus xav seb yuav tsim lub ntiaj teb zoo li cas mus lawm yav tom ntej no ? Ces thiaj li tau kom qav kaws mus ris av puag qaum ntuj coj los hliv rau saum nplaim dej. Ces qav kaws thiaj li tau mus ris av puag qaum ntuj coj los mus tso rau hauv ntiaj teb no ua tej pawg tej pawg ces Yawm Saub thiaj li kom nkawv muab haiv, ces nkawv muab haiv tag ces dej txawm khov ua pob zeb ces pob zeb txawm hlob hlav tuaj mus rau ib nta ntuj, ces pob zeb txawm hlav mus chob ntuj lau. Ces nkawv thiaj mus hais Yawm Saub tuaj saib, ces Yawm Saub thiaj li hais tias yog li ntawd no ces kuv mus muab taus tooj taus hlau tuaj rau neb mus ntov zeb ntov tsua. Ces Yawm Saub nqa taus tuaj rau nkawv, ces nkawv thiaj li mus ntov zeb ntov tsua vau los rau hauv lub ntiaj teb no. Ces zeb tsua poob los mus puv ntiaj teb lau.

Ces thaum ntawd lub ntiaj teb no tseem tsis tau muaj hnub muaj hli lub ntiaj teb no tseem tsaus tsaus tsis tau pom kev, ces Yawm Saub thiaj li mus tsim tau 9 lub hnub 9 lub hli ntsa pom kev rau lub ntiaj teb no. Ces tshav ntuj tuaj ziab rau lub ntiaj teb no ces ua rau pob zeb kub kub ces pob zeb ntaiv ntaiv ua rau puas tsav yam tsiaj tuag tag. Ces Yawm Saub thiaj li tau hais rau qav kaws thiab vuj lis vag nkawv kom mus rau qaum ntuj es mus nqa tswm tooj tswm hlau tuaj tswm no. Ces thiaj li tswm pob zeb ploj tag ces av li tawm tuaj. Ces Yawm Saub mam li tsim tau ib puas tsav yam tsiaj rau lub ntiaj teb no, ces li mam los tsim tib neeg rau lub ntiaj teb no, ces thaum ntawd tsis muaj duab ntxoov ntxoo, tsis muaj xyoob muaj ntoo li. Av liab ploog tim qab ntuj li xwb ces thiaj li kom dev mus nqa noob xyoob noob ntoo qaum ntuj los cog no ces dev thiaj li mus plos plos ces noob xyoob noob ntoo thiaj li zeeg poob los mus lo dev cov plaub tag. Ces dev thiaj li nqa tau noob xyoob noob ntau coj los cog rau ntiaj teb no, ces noob xyoob noob ntoo mam li tuaj ces mam li muaj duab ntxoov ntxoo rau nkawv nyob.

Ces thaum ntawd Huab Tais Ntuj mam li muab hwj chim rau lawv txhua txhua leej, ces Huab Tais Ntuj mam li hais tias kuv muab txuj ci rau nej sawv daws tag lawm es nej mus sim seb yog leej twg txuj ci heev ces leej twg nyob lub ntiaj teb no, yog tias leej twg txuj ci tsis heev ces yuav tsum nyob rau ob sab, yog leej twg txuj ci heev ces cia nyob nruab nrab. Ces lawv sawv daws thiaj li pom zoo ua li ntawd, ces thiaj li hu yawm xob, yawm ntxooj nyoog, hu yawm zaj thiab txhua txhua yam ces thaum no thiaj li kom yawm zaj ua yawm zaj li txuj ci. Zaj thiaj li tib teg nruab tiv txwv ces ntuj tsaus ntais teb tsaus nti, ces 9 npluav xob 8 npluav cua ces ntaus ntaus ntiaj teb ua xyoob ntoo vau tag, toj pob mas tu liab vog thoob ntuj plaws. Ces yawm zaj laug thiaj li hais tias li no nej puas ntshai, ces Yawm Saub teb hais tias tsis tau ntshai. Yog li ntawd no tsov koj ne, tsov thiaj li dhia plhaw xyab hlo tsov nyooj 3 suab tag tsov tias nej puas ntshai, Yawm Saub teb hais tias tsis ntshai, ces thiaj li hais tias Dais koj ne. Ces Dais hais tias kuv li mas txuj ci loj heev, Dais peb npuag tes dawj kiag tag nrho ib sab ntoo. Lawv ua txuj ci tag ces Yawm Saub thiaj hais tias nej ua tag li no lawm xwb los poj! Lawv teb tias tag li no lawm. Yog nej ua tag li no lawm no ces kuv ho ua, kuv li mas nej yuav tau mus txiav ntoo los thiab mus hlais nqeeb los tso mas kuv mam li ua rau nej saib. Ces lawv thiaj li mus txiav tau xyoob txiav tau ntoo thiab hlais tau nqeeb coj los ua tau ib lub tsev. Ces Yawm Saub thiaj kom lawv nkag tib si mus nyob rau hauv ces Yawm Saub hais tias kuv ua mas nej ntshai heev, mas nej nyob hauv tsev saib yog pom kev qhov twg no ces nej hais es kuv muab txhaws rau. Thaum twg yog tsis pom kev hlo li lawm lau no ces kuv li mam ua nej saib nawb. Ces ua tiav thiab txhaws tiav tag ces Yawm Saub thiaj li muab Yawm Saub lub ntais coj los txhuam liab pliv liab pliv ces Yawm Saub hais tias nej puas ntshai no ces lawv hais tias, zoo nyuag li ko xwb es leej twg yuav cas ntshai. Ces Yawm Saub thiaj hais tias kuv txuj ci tseem tsis tau kawg ces Yawm Saub thiaj li hais rau lawv tias, yog li ntawd no ces zaum no nej saib kuv ua nawb. Ces Yawm Saub thiaj li muab ntais zes puag ncig lub tsev ces hu kiag cua nplawm ces nplaim taws qhwv nkaus lawv ces Zaj laug ua tsis tau tes ces Zaj laug li tib teg hauv nruab tiv txwv lawm. Hos xob ua tsis tau tes ces xob thiaj li tib teg saum ntuj lawm. Ces hluav taws kub kub tsov thiab dais nkawv ces kub kub ua rau tsov txaij tag hos dais ces kub kub ua rau dais dub tag. Es nim no dais thiaj li tus niag dub dub hos tsov thiaj li tus txaij txaij li ntawd.

Lub hauv paus ntuj los mus mas yog li ntawd ces thiaj li hais tias txuj ci loj tshaj ces yog Yawm Saub loj ( vuj lis vag ) ces lub ntiaj teb no ces cia Yawm Saub nyob, es cia xob mus nyob ib nta ntuj, tsov thiab tsiaj qus ces cia nyob tom hav zoov hav fab hos zaj ces cia nyob nruab tiv txwv xwb. Es saum ntiaj teb no yog hais tias tsis tsaus ntuj ces Yawm Saub yeej tseem nyob mus li xwb no. Es ib puas tsav yam tsiaj thiaj li khiav mus nyob rau tom hav zoov tsis kam tawm los mus nyob rau qhov do, mas vim yog lub ntuj tseem pom kev.

Yawm Saub ( vuj lis vag ) thiaj los tsim noob neej rau ntiaj teb no, ces thiaj li hais tias lub ntiaj teb no es yuav tsim mus zoo li cas ? Nplooj lwg qav kaws hais tias lub ntiaj teb no ces nqaim xws li nre tiab es qav kaws dhia peb plhaw xwb ces twb dhau qab ntug lawm, mas tsis tau txaus nyob ces Huab Tais thiaj li los puab tau Liaj Ntsuab. Ces thiaj tso liaj ntsuab mus yuj saib qab ntug saib nyob deb los nyob ze. Ces liaj ntsuab thiaj mus yuj tau peb hnub thiab peb hmos ces liaj ntsuab khaub hlab tag, liaj ntsuab thiaj los txog liaj ntsuab thiaj hais tias ntiaj teb dav tis ua dav es nyob tsis tag li lawm lau no ces Huab Tais Ntuj thiaj li khaws nkaus tau tus qws ces xuas tib qws rau qav kaws ces qav kaws thiaj li tuag ntsaub ntsis tseg. Ces nplooj lwg qav kaws thiaj li tau foom cov lus tseg hais tias Liaj Ntsuab siab tsis zoo mas muaj ib hnub twg mas kom Yawm Saub muab liaj ntsuab dag muab liaj ntsuab tus nplaig hlais kom liaj ntsuab txhob los mus hu tau tib neeg ntiaj teb.
Ces tom qab no ces Yawm Saub thiaj li tau muab liaj ntsuab tus nplaig txiav lawm, ces tam sim no thiaj li los hu tsis tau ntiaj teb tib neeg lawm.

Lub ntiaj teb no thaum ntawd los mus nws tsuas yog muaj hmoob li hmoob xwb tsis tau muaj ib tug mab sua hlo li. Ces thaum ntawd hmoob sib sib ntxub ces hmoob sib ua plaub ces hmoob sib txeeb nom, ces sib ua plaub ces thiaj li mus hu Huab Tais Ntuj tuaj txiav txim. Ces Huab Tais Ntuj tuaj txog ces Huab Tais Ntuj thiaj li hais tias nej yog ib haiv hmoob yog ib haiv tib neeg xwb ces cia muab rau ib tug ua xwb, es sawv daws koom tus ntawd xwb no. Ces hmoob txawm hais tias Huab Tais Ntuj pab tog tov lawm xwb no ces hmoob thiaj li tau rov taw tuam ntuj, ces Huab Tais Ntuj thiaj li tau tso dej nag los mus nyab tib neeg ntiaj teb tuag tag. Ces cov hmoob uas Yawm Saub tau los tsim tau ntawd ces tuag tag lawm.

Dej dag nyab tag ces li los poob rau ntawm uas ob muag nus nyob hauv lub nruas daj es yog Yawm Saub qhia kom txua. Dej nyab ces thiaj li ntab mus txog rau qaum ntuj ces thiaj li mus tsoo Huab Tais Ntxwj Nyoog lub rooj loog nrov peb teg qeeg nkaws ces Huab Tais Ntxwj Nyoog xav hais tias yog dab tsi no ces Yawm Ntxwj Nyoog li tawm tuaj xauj na has ua ciav dej dag twb nyab qab ntuj tag lawm. Ces thiaj li rho hmuv tooj hmuv hlau los nkaug, nkaug lwj nkaug liam ces ua rau ntiaj teb no thiaj li ua roob ua hav, ua qhov ntuj ces dej li nqis tag. Ces nkawv lub nruas li poob los rau ntiaj teb no, ces tsis muaj ib tug tib neeg li lawm. Ces nkawv li mam los tsim tib neeg, ntiaj teb tsis muaj tib neeg li lawm ces cia koj mus rau hauv ntuj es tso kuv mus rau qab ntug. Es mus nrhiav tib neeg es koj mus xya xyoo kuv mus xya xyoo, es yog tias nrhiav tsis muaj tib neeg li lawm no ces wb ob muag nus wb li rov qab los es wb li mam los sib yuav. Ua li los ua li no ces tus muam thiaj mus hauv ntuj hos tus nus mus qab ntug. Nkawv ib leeg thiaj mus tau xya xyoo ces thiaj rov qab los sib nrhiav tau ces thiaj li hais tias yuav ua li cas, tsis paub ua li cas li lawm, wb ob nus muag ces ntshe wb yuav pw tsis tau ua ke.
Tus nus thiaj li hais tias yog li ntawd no ces cia koj tuaj ib sab zeb kuv tuaj ib sab zeb, es wb ris ib leeg ib sab zeb es wb ib leeg tuaj ib sab roob es wb dov los es yog ob txhib zeb los sib khwb no ces nws sib yuav tau. Tus muam mus tuaj ib sab roob hos tus nus mus tuaj ib sab roob es wb dov txhib zeb ntawd los mus, ces tus muam li ces yog poj niam ces mus qeeb hos tus nus yog txiv neej ces mus nrawm zog ces tus nus dhia mus txog ces ob txhib zeb tsis khwb, ces tus nus txawm mus muab txhib txiv los khwb kiag rau txhib niam ces tus muam tuaj txog, ces tus nus thiaj hais tias sib khwb lawm ces sib yuav lau. Ces tus muam thiaj li chim chim ces tus nus thiaj li tias khwb tsis khwb los khwb lawm ces kawg yuav. Ntiaj teb tsis muaj tib neeg lawm ces kawg wb sib yuav no ces nkawv thiaj li sib yuav.

Nkawv sib yuav tau xya xyoo ces muaj ib tug me nyuam ces tus me nyuam ntawd zoo nkaus li lub taub twg xwb. Thaum tus me nyuam ntawd txog caij yug ces yug tau los ces tib tus kheej loos toos, tes los tsis muaj tes, taw los tsis muaj taw zoo nkaus li lub taub xwb. Ces nkawv thiaj li muab hlais lau, muab hlais ib daig pov ub ib daig pov no ces muab hlais tag ces muab pov khuam ntsis ntoo maj ces mus ua hmoob yaj, hlais ib cov mus khuam ntsis taub ces mus ua hmoob lauj, hlais ib cov mus khuam ntsis xyoob ces mus ua hmoob xyooj, ib cov mus khuam nra vaj ces mus ua hmoob vaj, nkawv muab hlais pov li ntawd tag ces nkawv pw ib hmos tag kis kaj ntug sawv los na has ib zog li lawm. Nkawv mus xauj qhov los ob niam txiv, tov los ob niam txiv. Ces nkawv mam los tsim noob neej noob tsav mas thaum ntawd txhua yam tseem tsis tau muaj mob tsis tau muaj nkees, tsis tau muaj tuag hlo li.

Ces Yawm Saub thiaj li qhia rau nkawv hais tias neb los tsim tau noob neej noob tsav los mus puv qab ntuj lawm ces kuv muab noob taub rau neb coj mus cog. Ces nkawv thiaj li mus cog taub, ces taub mam li loj taub mam li txi ces txi tau ib lub loj loj rau tom lub ntsis, ces nkawv mus muab lub taub ntawd de coj los khaws cia. Ces Yawm Saub hais tias neb lub taub no mas neb tsis txhob muab phua li nawb, thaum twg yog neb mus tsim tau ntiaj teb tib neeg es neb lub teb lub chaw vam meej lawm es neb tib neeg nyob puv qab ntuj tag, muaj nom muaj tswv, muaj teb muaj chaw lawm no ces neb li mam phua neb lub taub ov. Hos yog hais tias neb mus tsim tsis tau puv qab ntuj no ces neb txhob rawm phua neb lub taub nawb, tsam ces neb phua taub ces thaum ntawd ces luag los txeeb teb txeeb chaw nyob ces, thaum ntawd neb yuav tsis tau teb tsis tau chaw nyob ces thaum ntawd neb ho yuav txom nyem. Ab yog Yawm Saub hais li ntawd no ces cia muab ua xya xyoo lau, ces nkawv thiaj los tsim tau xya xyoo ces ntiaj teb nyuam qhuav tau li ib nyuag ces kaum xwb. Ab...Yawm Saub hais li ntawd no muab lub taub coj los phua saib yog dab tsi nyob rau hauv. Ces thiaj li muab lub taub coj los phua rhe ob sab ces muaj mab sua txhua txhua haiv neeg tawm coob coob los mus sib txeeb teb chaws nyob tiag lawm lau. Ces thaum ntawd Yawm Saub thiaj los qhia nkawv hais tias neb lub teb lub chaw neb twb tsis tau los tsim puv qab ntuj es neb muab lub taub phua lawm es ib tsam no yuav ua li cas. Luag los coob heev luag yuav los txeeb liaj ia teb chaws nyob laiv. Neb yuav ua li cas ? Neb tsis mloog kuv lus li, nkawv thiaj li hais tias Yawm Saub lau vim rau qhov hais tias wb xav hais tias yog dab tsi no na has nws yog li no ces xyov yuav ua cas li lawm lau. Yawm Saub thiaj li hais tias yog li nov no ces ib tsam no neb muab lub taub phua lawm ces cia neb rov qab es tseg neb tus tub nrab cia xwb. Ces nkawv thiaj li rov qab ces thiaj tseg tus tub nrab tseg cia nrog ntiaj teb tib neeg nyob.

Mas tam sim no thiaj li tsim tau mab sua los ces Yawm Saub thiaj li los ua tau 12 lub tsev ces Yawm Saub thiaj li muab tau 12 haiv neeg coj los mus tso rau 12 lub tsev, ces muab hmoob coj los tso rau lub 1 ces thaum no Yawm Saub thiaj li muab txuj ci los rau txhua txhua haiv neeg tag nrho, los rau hmoob tib si. Ces Yawm Saub hais tias kuv muab noob ntaub noob ntawv rau nej hmoob thib ib es nej nqa nawb, nej nqa rau ntawm nej daim xib tes es luag thiaj li los txeeb tsis tau. Es lub ntiaj teb yog nej xub los tsim ces cia nej nyob hauv daim av, hos luag li ces luag los tom qab ces cia luag ua tsev txij hauv caug rov rau saud luag nyob rau ib nta xwb. Hos nej thiaj nyob tau hauv av nawb, daim av yog nej tsim ces cia nej nyob hauv av, hos mab sua luag los tom qab ces cia luag nyob txij lub hauv caug rov saud. Yog hais tias mab sua tseem los nyob rau hauv av thiab mas puas tsav yam tsiaj yuav tsum los mus ua phem rau, ces Yawm Saub thiaj li foom ib lo lus li ntawd tseg.

Thaum ntawd mas 12 haiv neeg ntawd mas tsis tau paub hais lus li zoo li tus ruam xwb. Ces Yawm Saub thiaj li los qhia lus, qhia txhua yam lus rau noob neej ntiaj teb txhua haiv tag ces pub thawj yog tus tom qab kawg ces tsis muaj lus qhia lawm ces Yawm Saub thiaj kom pub thawj mus luaj ib thaj hav xyoob tso es kuv tso 9 lub hnub los mus ziab 3 hnub rau kom qhuav qhuav es nej muab hlawv es nej mus nyob tom ntug teb qog xyaum nawb. Xyoob tawg li cas ces nej kawm li ntawd no ces pub thawj thiaj li mus ua li ntawd ces xyoob tawg li cas ces pub thawj hais li ntawd es pub thawj thiaj li hais lus ua nplib, ua nplob ntawd mas yog pub thawj mus kawm ntawm cov xyoob tawg ntawd los xwb. Mas thaum zoo li ntawd lawm ces Yawm Saub thiaj li hais tias txuj ci ces muab tag rau nej lawm thiab Yawm Saub tu liaj ia teb chaws rau lawv ib leeg ib qho tag. Ces Yawm Saub thiaj li hais rau hmoob hais tias kuv pom xeeb los tu liaj ia teb chaws rau nej nyob tag lawm mas kuv yuav rov qab mas nej mus nrhiav 12 yam tsiaj los ua 12 yam qav rau kuv noj tso es kuv yuav muab txuj ci rau nej no ces hmoob mus nrhiav nrhiav tsis tau 12 yam tsiaj li ces ees dias thiaj li mus muab ib tug tsiaj coj los ua tau 12 yam qav rau Yawm Saub no ces Yawm Saub thiaj li tso txhua yam kev cai dab qhuas ncaj ncees, kev cai hauj sam rau ees dias lawm. Ces tam sim no tshuav 3 lo lus ces tseg cia rau hmoob, mas tam sim no thiaj li hais tias tsim tau ntau haiv neeg mas nyuaj dhau hwv lawm ces cia lawv kav kom tas lawv zim txwv tso es txog nej zim txwv no ces nej mam li rov qab los. Ces nkawv thiaj li rov qab lawm ces thiaj tso peb hmoob rau lub ntiaj teb no tseg ces tam sim no mab sua thiaj li los mus nyob puv ntuj puv teb, ces luag thiaj li muab peb hmoob tsuj. Thaum nkawv yuav rov qab ces nkawv hais tias nej nyob nawb mas wb tseg koj txiv rab qeej rau tim tus nqe lauj nawb hos lub nruas daj dai ntawm tus ncaj tas ov, nej nyob nej muaj kam dab tsi los nej tsis txhob muab koj txiv lub nruas los siv thiab txhob muab rab qeej los tshuab li. Nkawv mus lawm ces thaum ntawd ntiaj teb tsis paub, thaum Huab Tais nyob mas Huab Tais ntaus lub nruas ces hu tib neeg sawv daws tuaj sib tham xwb. Huab Tais mus lawm ces tsis muaj leej twg lawm ces yog tias tsis ntaus lub nruas ces ntshe tib neeg yuav tsis tuaj li lau, muab lub nruas ntaus tag ces nrov qeeg daws mus txog Huab Tais ces Huab Tais tias Aub...cov nyuag dev ntawd tsis tsim txiaj ces lub ntiaj teb tib neeg ces yuav tuag li lau, ces cia xij peem tso es kav liam lau. Yog ntaus lub nruas lawm ces yuav muaj kev mob kev nkees kev ploj kev tuag.

Nyob nyob tuag ib tug tib neeg ces txawm muab lub nruas ntaus hu sawv daws tuaj zov thiab cia li muab rab qeej uas thaum Huab Tais nyob es xa xa nyab ntawd coj los mus tshuab rau tus tuag thiab ces tam sim no thiaj li muaj kev mob kev nkees kev ploj kev tuag rau noob neej ntiaj teb lawm. Mas thaum ntawd mas txiv neej tseem yug me nyuam, txiv neej yug me nyuam tau 9800 xyoo ces tib neeg tsis puv qab ntuj li. Ces Yawm Saub thiaj li hais tias yog li ntawd yuav cia poj niam yug los yuav cia txiv neej yug, ces cov poj niam thiaj li hais tias Yawm Saub lau, txiv neej yug me nyuam mas yug nyuab hwv da cuaj hnub cuaj hmo es yug tau tus luaj kooj tshuab xwb, es txiv neej yuav noj twm xwb no ces ntshe peb yuav nrhiav tsis tau li lau. Laj nrhiav nyuj nrhiav twm rau noj, yuav ceeb laj nrhiav tau puv hli li. Ces cia koj muab rau peb yug es cia peb tsa ces cos yug es peb noj qaib xwb lau, Yawm Saub lau no ces thiaj li hais tias ua li ntawd los ua li ntawd los mas ces thiaj li tso rau poj niam yug. Thaum txiv neej yug mas luaj tus kooj tshuab xwb 30 xyoo nyuam qhuav txawj ua nyuj sib nraus xwb mas thaum ntawd txiv neej yug me nyuam mas tsis muaj mob tsis muaj nkees tsis muaj tuag. Ces thaum Yawm Saub muab rau poj niam yug ntawd lawm ces Yawm Saub thiaj hais tias yog muab rau poj niam yug mas poj niam yug tsa ceg cos ces ntshe ntiaj teb yuav ntim tsis tag, mas xyov yuav ua li cas li lau. Ces poj niam yug tau 9 tiam xwb ces tib neeg puv ntiaj teb nov tag, ces tsis txaus nyob lawm lau. Ces thiaj li mus nug Yawm Saub hais tias tib neeg coob tag npaum li nov es yuav ua li cas. Ces Yawm Saub thiaj tias ua li cas los tsis tau ces cia kuv txiav peb tus xyoob rau nej es nej mus muab ib tus dev tua es muab tis npe hu ua Nplias es nej muab pav rau saum peb tus xyoob es muab kwv ncig ntuj ncig teb rov qab los mas thiaj li yuav tau. Yawm Saub hais li ntawd ces ces thiaj li muab dev tua kwv ncig ntuj ncig teb tag ces tam sim no noob neej ntiaj teb thiaj li tau kev mob kev nkees kev ploj kev tuag rau ntiaj teb no ces thiaj li tuag tuag puv rau qab ntuj no, ces nim no noob neej noob tsav thiaj li tsawg zuj zus lawm.

Thaum ntawd ces Yawm Ntxwj Nyoog mus deev tau Huab Tais Ntuj tus ntxhais muaj ib plab me nyuam yuav yug lau. Ces Yawm Saub thiaj li hais rau ci tuj thiab tuj nplug nkawv tias ib tsam no ntxwj nyoog plab me nyuam yuav yug. Ces kuv tso plaub tug me nyuam rau nej yug es nej xub xub yug nej plaub tug ua ntej nawb. Ces ci tuj thiab tuj nplug nkawv thiaj li yug tau xwm kab, los yej, ncej dab thiab txhiaj meej. Nkawv yug tau plaub tug tub ces nkawv thiaj li mus sab laj rau Yawm Saub tias wb yug tau plaub tug me nyuam lawm es yuav muab tis npe hu li cas. Ces Yawm Saub hais tias yug tau lawm no ces cia kuv li tuaj tis npe, ces Yawm Saub thiaj li tuaj muab tis npe ib tug hu ua xwm kab, ib tug hu ua los yej, ib tug hu ua ncej dab hos ib tug hu ua txhiaj meej no. Ces thaum Yawm Ntxwj Nyoog yug tau yawm ntxwj 3 tug dab noj nyoos haus txias ntawd lawm ces Yawm Saub thiaj li hais tias yog li ntawd no ces nej tso nej plaub tus tub nqis ua ntej mus rau ntiaj teb. Ces yawm ntxwj nyoog yug kiag tau peb tug tub noj nyoos haus txias ces tso plhuav rau ntiaj teb nqis los mus noj nyoos haus txias. Ces xwm kab, los yej, ncej dab thiab txhiaj meej lawv 4 tug thiaj li muab dab caum tua, ces caum caum dab khiav mus rau tim npoo ntuj tag. Ces Yawm Saub thiaj hu lawv rov qab los, ces lawv rov qab los txog tsev tag. Ces thaum no Yawm Saub thiaj li hais tias nej caum dab mus rau qhov twg lawm. Peb caum mus ti nkaus tim rooj ntug es luag chaw noj qe tooj qe hlau, Yawm Saub thiaj li hais tias yog li ntawd no ces cia los yej zov tsev hos xwm kab yog tus nrawm ces cia xwm kab nyob pem ua tus saib, ncej dab cia nyob nruab nrab hos txhiaj meej ces cia ua tus thaiv. Lawv thiaj li los zov lub tsev ces tam sim no peb ntiaj teb tib neeg peb thiaj teev daim xwm kab rau ped es tso tus ncej dab nyob nruab nrab hos tso txhiaj meej nyob nram qhov rooj hos los yej ces cia los yej zov tsev. Ces tam sim no yog tias dab tuaj txog nram qab tsib taug dab pom xwm kab ces dab tiaj ntees rau nruab zoov nruab tsuag ces dab tsis kam los li lawm. Mas tam sim no peb thiaj pheej teev daim xwm kab rau ped, thaum ub mas yog tus tseem nyob ped tab sis ua ua ntev heev los ces muab pauv pauv los mus ces tam sim no peb siv dai daim ntawv lawm xwb. Thaum ub mas yog ib tsob Faj Khaum nyob rau hauv ntiaj teb no, es leej twg mus kov los ntshai. Ces Yawm Saub thiaj li tso los yuj nkawv mus muab ces nkawv thiaj li mus muab tsob ntoo ntawd dawj cag ces muab cov nplooj coj los rhais rau pem hauv tag hos muab cov ceg coj los mus rhais puag ncig tsev ces dab tuaj kov raug ces dab tuag tag. Ces nim no tsob ntoo ntawd ntab ya rau saum lub hli lawm. Ces tam sim no tsob ntoo faj khaum ntawd mus nyob rau saum lub hli lawm ces ntiaj teb muab tsis cuag lawm es nim no thiaj pheej tseem muab daim nplooj coj los rhais rau ped, mas tam sim no daim xwm kab mas yog daim nplooj ntoos uas nyob rau saum lub hli es tsob faj khaum ntawd cov nplooj nawb.

Mas tam sim no lub hauv paus neej mas yog los mus li nov, ces tam sim no yog hais tias av qeeg thiab huab cua nplawm thoob ntuj lawm, hos dej nyab tib neeg tuag thoob ntuj lawm ces yog tib neeg sib tua hauv ntuj tuaj no ces lub ntiaj teb no kawg kub hnyiab nawb. Hos yog tias xub tua qab ntug tuaj no ces lub ntiaj teb no kub tsis taus hnyiab ov es hais li no rau nej.

Mas yog tias hnub twg lub ntuj kub hnyiab los no ces kom peb tsis txhob mus rau sab ntuj dub no mas luag hais li ntawd mas tsis paub hais tias yog sab twg mas kuv qhia li no rau nej. Ces lub hauv paus ntuj ces los kawg rau ntawm tus zauv 2000. Txuas ntawd mus rau tov mas yuav txog ntawm "Yob Nraug Ntsuag" mas luag hais tias yog li ntawd thaum uas ntiaj teb no sib txeeb nom sib txeeb tswv ua, sib txeeb nom tag ces tej nom yuav khiav mus dai tuag ces ntiaj teb yuav ua rog ces tej nom tej tswv yuav sib hais tsis haum siab ces tej nom yuav khiav mus dai tuag, ces tej nom tej tswv yuav tuag tag nawb. Ces thaum ntawd tus pej xeem txom txom nyem khaub khaub hlab li mam sawv los mus ua nom ces yuav los kav 99,000 xyoo.

Mas yav nov mus rau tom ub ces luag hais tias hauj sam daj yuav sib tua hauj sam, tej nom tej tswv yuav sib tua, pej xeem yuav sib tua pej xeem, mas thaum ntawd dab yuav sawv los ua rog rau ntiaj teb. Mas tom ntej no yog sib tua thoob ntuj ces dab yuav sawv los ua rog nawb, ces yuav ua rog neej rog dab nawb. Mas zoo li ntawd ces thaum ntawd Xeem Xais yuav nqis rov qab los, luag hais li ntawd.

Subject: Re: XEEBTSHEEJ TIAM LI DAB NEEG Wed Mar 08, 2017 4:59 pm

Hey...Tubhmoobyajsab, cas koj ho tsis txhais koj zaj lus hais tias cov hauv tawm cov nrauv xav nkag los seb nws yog dab tsi naj?

Tus hauv nov puas yog koj na me tubhmoobyajsab cas yuav zoo nraug ua luaj ne los.

» hlub lwm tiam
» Mam hlub koj rau lwm tiam
» TIAM TWG LOS YUAV TOS KOJ
» Nco txhua tiam hlub mus li
» Nco nco txhua tiam dhau los