Tus Ntuj Pub Nrog Tus Qub Hlub

NkaujNagTshia a.....yog hais tias NkaujNagTshia ho lam poob kua muag tiag tiag no ntshe NkaujNagTshia yog ib tug neeg kiam txab xwb pob yom.....hahaha....j/k. Yeej ua tsis tau rau ib tug neeg zoo li NkaujNagTshia poob tau lub kua muag kiag hlo li os. Thaum kawg tsis yog NkaujNagTshia poob kua muag os, yog YwjSuab xwb pob.....koj na hais ntau ib me ntsis zaj dag neeg twb tsis tau tiav los YwjSuab twb xub poob lawm nawb nkauj hmoob tus me neeg zoo dai plawv..........

   YwjSuab hais tias: NkaujNagTshia…..koj sim saib seb wb tuaj txiav taws li no xwb los hauv lub vaj loog no twb tsis muaj taws hlo li lawm. Yog xav tau taws tiag taig no ces yuav tsum nyiag kev mus lawm tig taw rooj vib nais xwb thiaj li yuav txiav tau taws es ua lub neej nyob khuam ntab khuam ntus zoo yam li cov neeg tub sab uas raug txim nyob rau hauv tsev loj cuj xwb. Yog hais tias, peb nyob noj zoo li no xwb ces kuv yeej tsis pom lub neej rau yav tom ntej yuav mus zoo li cas li tiag…..NkaujNagTshia. Kuv tseem tau hnov txog lawv hais tias, muaj qee leej txiv tsev tau nyiag kev tawm mus nrhiav noj tawm 0 rau sab nrauv es lawv tseem raug thaib muab tua pov tseg thiab kuj tseem muaj tej tug los kuj raug thaib ntaus sab kawg nkaus li thiab no os…..NkaujNkaujTshia. Kuv hlub koj heev li es wb lub neej yuav mus rau yav pem suab, kuv xav kom wb tej me tub me ntxhais  muaj txoj kev ywj pheej thiab kev nrhiav noj nrhiav haus kom yooj yim es tsis txhob nyob tau nyuaj siab ntsuav txog rau txoj kev yuav mus nrhiav noj nrhiav haus zoo li peb lub neej nyob rau tam sim no mus ntxiv lawm mog. Yog hais tias peb pheej tsis kam tawm ntawm lub yeej thoj nam zos Vib Nais no mus ces ntshe yuav nyuaj heev rau peb tej me tub me nyuam rau yav pem suab. NkaujNagTshia a…..Kuv xav hais tias, yog koj ho tsis xav li cas thiab no, yog koj ho kam thiab no ces cia tawm mus txawv teb chaws. Kuv mam rau siab ntso mus khwv thiab rau siab ntso mus kawm ntaub kawm ntawv kom kuv paub lus es kuv mam li mus ua ntaub ua ntawv rov los tos koj tuaj nrog kuv nyob xwb es koj thiaj li tsis tau taug txoj kev txom nyem ntsuav li niaj hnub nim no uas wb tau pom cov neeg zej zog nyob qhov no mog. NkaujNagTshia…..ua li es koj puas hlub kuv tiag thiab koj puas yuav ua tau lub siab loj ntuj ntev nyob tos kom tau kuv os?

Continue......

  NkaujNagTshia thiaj li tau teb hais tias: YwjSuab a…..yog hais txog rau ntawm lub neej uas nyob rau hauv lub yeej thoj nam tawg rog zos Vib Nais no xwb ces yeej zoo nkaus li qhov uas koj tau hais los lawm kawg los mas. Peb yeej ua lub neej nyob tau tsaus ntuj nti xwb thiab ua lub neej nyob rau hauv lub yeej thoj nam tawg rog zos Vib Nais no ces yeej tsis pom txoj hauv kev yuav zoo li cas mus rau yav tom ntej li tiag. YwjSuab…..ho hais txog ntawm kuv txoj kev hlub uas tau hlub koj ntawv ces kuv yeej hlub koj tiag tiag li os nawb, ho hais txog ntawm txoj ncauj kev uas koj xav yuav mus txawv teb chaws no es seb kuv puas yuav kam koj mus no thiab seb kuv puas yuav nyob tos tau koj no? YwjSuab a…..nyob rau ntawm koj yeej paub zoo lawm hais tias kuv yeej hlub koj heev li no, yog hais tias koj tsis dag kuv tiag no ces kuv yeej yuav tsum nyob tos kom tau koj xwb xwb los mas…..YwjSuab. Kuv yeej yuav tos kom txog rau thaum hnub uas koj thiab kuv wb tau rov qab los sib cuag dua xwb mog. Tab tsi, tsuas yog kuv ntshai ntshai nyob tsam thaum koj tau mus lawm ces koj ho mus pom dua luag lwm tus ho zoo dua tshaj kuv lawm es koj ho hloov dua siab muab kuv tso pov tseg lawm xwb mog…..YwjSuab. Thaum uas ho zoo li ntawv lawm tiag ces kawg kuv yuav ua lub neej nyob tsaus ntuj nti xwb ces ntshe kuv yuav tsis pom qab yuav muab kuv txoj siav thiab txoj pa coj mus tso rau qhov twg hlo li. Ib qho ntxiv thiab yog nyob rau hauv lub neej no ho tsis muaj koj nrog kuv nyob lawm tiag no ces ntshe kuv nplooj siab yuav qhuav qhawv zoo yam li cov xuab zeb nyob rau tom tiaj suab puam es txawm hais tias lub ntuj yuav tso nag npaum twg los ywg los ntshe kuv nplooj siab yeej tseem qhuav qhawv yuav tuaj tsis tau ib tug me nroj tsuag li xwb os…..YwjSuab.

Continue.....

  YwjSuab thiaj li teb hais tias: NkaujNagTshia…..koj tsis txhob poob siab os nawb thiab tsis txhob ntshai os mog, txoj kev uas kuv yuav tau ncaim koj mus zaum no twb yog vim kuv mus npaj koj thiab kuv wb lub neej rau wb ob leeg xwb mog. Yog hais tias kuv tsis muaj koj tiag no, kuv yuav tsis kam mus txawv teb chaws kiag li os nawb yeej vim kuv yuav tau tseg kuv tsev neeg xws li kuv niam thiab kuv txiv nrog rau cov muam, cov kwv yau thiab cov phooj ywg sawv daws nyoj tuaj rau rov tom qab na los. Kuv yuav tos kom txog rau thaum twg uas luag muaj kev tuaj txais cov tsev neeg uas muaj me nyuam coob es peb mam li sawv daws mus ua ke. Tab sis, yog vim kuv muaj koj ua kuv lub chaws sov siab lawm es kuv thiaj li xav mus pib kuv lub neej kom sai li sai tau xwb. Yog li ntawd, kuv thiaj li yuav tau mus khwv npaj rau koj thiab kuv wb lub neej xwb mog. Koj tsis txhob ua lub siab yau os nawb…..NkaujNagTshia, hais txog ntawm qhov uas hais tias nyob tsam muaj ib hnub twg es kuv yuav pauv siab tso koj pov tseg na. Nyob rau hauv kuv lub neej nag hmo, hnub no, tag kis los yuav yog ntau xyoo los sis yog ib txhis mus rau yav pem suab es nyob rau hauv kuv nruab siab los yeej yuav tsum yog kuv me NkaujNagTshia ib leeg nkaus xwb mog. Yeeb yog vim hais tias, NkaujNagTshia twb yog tus uas txeeb tau YwjSuab nplooj siab hlub los lawm ntev os. Ntawm kuv tus kheej los kuv yeej ntshai ntshai kawg li thiab tiag….NkaujNagTshia, nyob tsam kuv ho tau ncaim koj mus lawm ces koj nyob rov rau tom qab koj ho pom luag lwm tus tub zoo tshaj kuv lawm thiab ces koj ho tsis kam lawv kuv qab tuaj mus nrog kuv nyob lawm thiab xwb os. Nyob rau hauv kuv lub neej, yog tseem tsis muaj koj los nrog kuv nyob thiab no ntshe kuv yuav zoo yam nkaus li ib tug me ntses uas tsis tau dej los yug txoj siav es nws dhia dhia ua luj luam nyob rau saum nroob nqhuab es yuav tuag los kuj ho tuag tsis taus thiab yuav tsis pom qab muab siav rau pa coj kuv khuam rau qhov twg li thiab tiag….NkaujNagTshia.

Continue....

Oib..."YwjSuab NagTshia tsis kam poob kua muag na Cas es koj hais zoo ua luaj li os YwjSuab tab sis Tsis xav mob siab the end nav"haha JK xwb nagtshia nyeem koj cov dab neeg tsis nkees"Thiab nyeem txhua hnub txhua post tshiab li os NraugHmoob tus txawj zab"Thiab qab zib"