Subject: Re: Tus Ntuj Pub Nrog Tus Qub Hlub Fri Dec 05, 2014 10:52 am
YwjSuab hais tias: Npawg 8tos8nco…..qhov uas kuv xav kom koj pab kuv ntawd ces yog hais tias kuv tau mus txawv teb chaws lawm tiag no ces kuv xav kom koj pab mus xyuas kuv niam, kuv txiv thiab nrog rau cov yau lawv sawv daws. Kuv yog kuv niam thiab kuv txiv nkawd tus tub hlob nyob rau ntawm tsev neeg, qhov tiag kuv yuav tau nyob nrog nkawd, pab nkawd leg qav num thiab nrog nkawd saib xyuas tej yau. Tab sis, kuv los kuj tseem yuav tau ncaim nkawd mus nyob deb deb ntawm nkawd lawm thiab. Yog li ntawd tej hnub uas koj ho muaj caij nyoog no koj pab mus saib lawv thiab nawb, tsis tas li ntawv xwb los koj pab mus saib kuv tus hluas nkauj NkaujNagTshia seb nws ho nyob zoo li cas lawm thiab mog…..npawg 8tos8nco. 8tos8nco teb YwjSuab hais tias: Koj tau mus lawm no los koj tsis txhob txhawj tsis txhob poob siab txog lawv mog, koj mus lawm no ces ho ua koj lub siab kaj lug thiab ua lub siab puv npo es mus kawm ntaub kawm ntawv los thiaj li kawm tau, mus khwv nyiaj txiag los thiaj li yuav khwv tau nce tes es tsis txhob nyuaj saib dab tsi mog. Twb tseem tshuav kuv nyob ces kuv mam li pab saib xyuas lawv rau koj nawb. Ho hais txog ntawm koj tus hluas nkauj NkaujNagTshia, yog nws hlub koj tiag tiag no ces yeej yuav tsis muaj teeb meem dab tsi los cuam tshuam khuam tau rau ntawm koj thiab nws txoj kev sib hlub li os npawg YwjSuab. Kuv nyob kuv mam li mus saib nws ib yam nkaus li kuv mus saib koj niam thiab koj txiv lawm thiab los mas. Nyob rau hnub ntawd, YwjSuab thiab 8tos8nco nkawd ob tug kwv npawg kuj tau tham ntev loo tag ces YwjSuab mas li los tsev lawm.
Subject: Re: Tus Ntuj Pub Nrog Tus Qub Hlub Fri Dec 05, 2014 11:02 am
Hnub uas YwjSuab sawv kev tuaj mus nce tsheb nram tshav npas yuav tuaj mus txawv teb chaws rau HmongHeaven twb los txog lawm tiag. Tag kis ntawd lub ntuj kaj lug tshav ntuj nrig, kab tshav quaj si zim, lub ntuj muaj iab oo heev tsis pom lub ntuj ntsuab. YwjSuab thiab NkaujNagTshia nkawd ob lub siab zoo nkaus li ib phab toj sam sim sib tw tu, YwjSuab thiab NkaujNagTshia nkawd ob lub cev xav khiav mus ua ib tug. NkaujNagTshia ua kua muag ntws si laws hais rau YwjSuab hais tias: YwjSuab tus neeg uas kuv hlub…..koj ncaim kuv mus zaum no es koj thiab kuv wb puas yuav rov qab tau sib ntsib dua ntxiv lawm os YwjSuab. YwjSuab thiaj li teb rau NkaujnagTshia hais tias: NkaujNagTshia tus neeg uas kuv tshua…..twb txog txij no lawm ua li cas koj tseem yuav hais li ko rau kuv thiab na los. Koj yeej paub zoo lawm hais tias, kuv ncaim koj mus zaum no ces tsuas yog mus npaj koj thiab kuv wb lub neej rau yav pem suab xwb. Kuv ncaim koj mus tsis ntev xwb ces koj twb tau lawv kuv qab tuaj nrog kuv nyob lawm los mas NkaujNagTshia. Kuv thov kom koj ho ua lub siab loj thiab ua lub siab ntuj ntev nyob tos kuv nawb mog. NkaujNagTshia…..koj nco qab ntsoov wb tej lus uas wb tau hais cog tseg nawb, koj nyob rau tom qab los koj tsis txhob xav ntau ntau thiab koj tsis txhob poob siab mog, txawm kuv tau mus lawm los kuv yuav nco ntsoov wb cov lus uas wb tau hais cog cia. Kuv mus lawm los tsuas yog kuv lub cev ncaim koj mus lawm xwb, kuv lub siab thiab kuv lub neej nrog rau kuv tus ntsuj plig ces kuv yuav muab rau koj khaws cia tas nrho mog, koj nyob tom qab los koj tsis txhob ua lub siab coob, tsis txhob mus mloog luag lwm tus hais, tsuas yog koj tuav koj thiab kuv wb txoj kev hlub kom tuaj khov xwb ces wb yeej yuav tau los nyob ua ke xwb thiaj li tag los mas NkaujNagTshia.
Ua tsaug os YwjSuab Koj mas hais dab neeg ua rau nagtshia dai siab heev lawm nav"NagTshia tsis xav tsis xav tsis xav ?????Quaj yog tus tsis tau ywjsuab na :
Subject: Re: Tus Ntuj Pub Nrog Tus Qub Hlub Mon Dec 08, 2014 5:21 am
Nkauj_Dala wrote:
Nyob zoo Ywjsuab thiab sis NkaujNagtshia,
Nyob zoo Xyoo Tshiab rau neb thiab os. Zoo siab tau rov tuaj mloog neb zaj dab neeg dua. Vam tias xyoo tshiab tuaj lawm neb thiab cov phoojywg txhua tus yuav ntsib kev noj qab nyob zoo raws lub siab xav thiab.
Ntuj os Nkauj Dala aw.....YwjSuab xav hais tias nyob rau lub xyoo tshiab es Nkauj Dala twb muaj tus zoo tuav tes rwj rawv mus kav kiab lawm no hos.....hahaha.....zoo siab uas nws tseem siv nws cov me ntiv tes tuaj ntaus ntawv tso tseg rau sawb daws thiab mog. Thov kom yawm saub vaj tswv tsom kws koj kom nyob kaj rau lub zoo tshiab uas los los no thiab mawb mog.
Home 
Calendar
