Tus Ntuj Pub Nrog Tus Qub Hlub

Subject: Tus Ntuj Pub Nrog Tus Qub Hlub Tue Oct 14, 2014 1:55 pm

First topic message reminder :

Subject: Re: Tus Ntuj Pub Nrog Tus Qub Hlub Thu Nov 13, 2014 7:21 pm

YwjSuab wrote:: Nkauj_Dala yuas Nkauj_Dala.....YwjSuab hmoov txog Nkauj_Dala xwb YwjSuab tus neeg twb tsis txog Nkauj_Dala txawm txais los yeej txais ces kawg poob xwb tiag. YwjSuab ces hmoov yeej kawg plaj li tiag Nkauj_Dala vim muaj coob leeg ntau tus twb nyiam nyiam oj lawm ne yom. Nkauj_Dala lam hais li ntawv kom YwjSuab tuaj piav rau dab ntxaug hnov xwb Nkauj_Dala twb tsis tuaj nrog zov li sub es. Yog hais tias Nkauj_Dala muaj siab tuaj nrog zov lawm tiag no ces YwjSuab li nqa pam thiab tog hauv ncoo tuaj pw ntawm no sau dag neeg rau nws tuaj nyeem xwb os nawb. Haub yaum!!!!! Nkauj_Dala ne Nkauj_Dala....YwjSuab twb xav zoj lawm hais tias ntxias kom tau kiag YwjSuab no hos cas es tseem yuav ntxias YwjSuab niag ntsuj xwb na lawm hmoob tej ntxais niam aw......cas es yuav chim nyog YwjSuab 98 nplooj nyog siab ne yom.

Ywjsuab os Ywjsuab koj kuv hmoob wb txog kawg tab sis wb ob txhais tes tsis kam cug txoj hmoov ntawv ces kawg plam xwb tiag...hehehehee. Koj nim tuaj pw hauv no sau dab neeg tiag lov? Yog li kuv mam tuaj pw hauv no nyeem koj cov dab neeg ma seb puas muaj ib hnub koj sau kuv zaj dag neeg xwb tiag...heehehe....j/k koj 98 nplooj siab txhob maj maj chim ma....yuav tau rub lub siab ntev wb ob lub nplooj siab thiaj yuav sib cuag ho....heehehee.

Subject: Re: Tus Ntuj Pub Nrog Tus Qub Hlub Fri Nov 14, 2014 9:45 am

Nkaujnagtshia wrote:: Oib..."YwjSuab NagTshia tsis kam poob kua muag na Cas es koj hais zoo ua luaj li os YwjSuab tab sis Tsis xav mob siab the end nav"haha JK xwb nagtshia nyeem koj cov dab neeg tsis nkees"Thiab nyeem txhua hnub txhua post tshiab li os NraugHmoob tus txawj zab"Thiab qab zib"

NkaujNagTshia a.....yog koj tsis kam poob kua muag no ntshe kuv yuav tsis tuaj sau txuas mus ntxiv lawm lau....hahaha....yog NkaujNagTshia tsis xav tau txoj kev mob siab the end ces ntshe YwjSuab tsum li no lawm xwb os nawb. YwjSuab zoo siab hais tias tseem muaj tej tug neeg zoo NkaujNagTshia tseem xav tuaj nrog nyeem thiab mog, YwjSuab txhawj txhawj nyob tsam NkaujNagTshia tuaj nyeem es nws ho poob kua muag tau tus ntxim ntxim hlub es YwjSuab so tsis txog xwb os....hahaha....j/k.

Subject: Re: Tus Ntuj Pub Nrog Tus Qub Hlub Fri Nov 14, 2014 9:54 am

Nkauj_Dala wrote:

Quote :: Ywjsuab os Ywjsuab koj kuv hmoob wb txog kawg tab sis wb ob txhais tes tsis kam cug txoj hmoov ntawv ces kawg plam xwb tiag...hehehehee. Koj nim tuaj pw hauv no sau dab neeg tiag lov? Yog li kuv mam tuaj pw hauv no nyeem koj cov dab neeg ma seb puas muaj ib hnub koj sau kuv zaj dag neeg xwb tiag...heehehe....j/k koj 98 nplooj siab txhob maj maj chim ma....yuav tau rub lub siab ntev wb ob lub nplooj siab thiaj yuav sib cuag ho....heehehee.

Ntuj os ntuj aw....Nkauj_Dala yuav Nkauj_Dala, YwjSuab ob sab tes mam yeej cug 24/7 tas mus li ho tos txais tsis tau los ntse yog YwjSuab ob sab tes xwb es tsis muaj Nkauj_Dala ob sab nrog txais es thiaj li plam tas li xwb. YwjSuab yeej tuaj pw hauv no tas mus li ho pw pw tsau tsua zog tsis hnov thiaj li sau tsis tau zaj dag neeg no li tiag. Nkauj_Dala a....YwjSuab ntshai tsam sau ces nws tus plig cia li tsis puab nws cev lawm ne YwjSuab yuav ua li cas thiab no ma los. Haub Yau!!!!! tseem has le hov hab teg haj yam chim YwjSuab lub nam sab tuaj lawm xwb tes.....hahaha

Subject: Re: Tus Ntuj Pub Nrog Tus Qub Hlub Fri Nov 14, 2014 9:58 am

YwjSuab rov hais ntxiv hais tias: NkaujNagTshia a…..kuv thov cog lus rau koj hais tias, nyob rau tiam no nyob rau hauv kuv txoj siav, kuv yuav hlub koj nkaus nkaus xwb thiab kuv lub neej txoj sia kuv yuav muab rau koj ib leeg kom tag rau kuv sim neej no mog. Koj thiab kuv wb txoj kev hlub kuv yuav muab cia tseg rau hauv koj lub xib teg nawb mog, koj yuav tau tuav kom khov khov thiab tuav kom ruaj ruaj xwb ces koj thiab kuv wb yeej yuav tsum tau rov los nyob ua ke xwb xwb thiaj li tag os nawb. NkaujNagTshia…..kuv mus zaum no ces yog mus npaj koj thiab kuv wb lub neej rau yav tom ntev xwb, kom koj thiab kuv wb tsis txhob tau taug txoj kev txom nyem mus rau yav pem suab. Nyob rau hauv kuv nruab siab mas kuv yeej tsis xav ncaim thiab tsis xav nrug ntawm koj mus ib pliag li es xav nyob nrog nraim ntawm koj txhua txhua lub sib hawm xwb tiag…..NkaujNagTshia thiab tsis tas li ntawd los twb mloog tsis dhua koj lub suab hnov tsis txaus koj tus me ntxhiab tsw li mog. Tab sis, vim kuv yog ib tug txiv neej lawm ces yuav tsum tau mus nrhiav noj nrhiav haus los rau yus lub cuab lub yig kom tau noj tau hau xws li lub teb lub chaw kom yus cov me niam tub txhob txom txom nyem xwb es kuv thiaj li yuav tau ncaim koj mus nyob lawm txoj kev deb xwb los mas…..NkaujNagTshia. NkaujNagTshia…..es koj puas yuav kam ua kuv lub me chaw sov siab thiab kuv lub me chaw txhawb dag zog kom kuv ho qab siab thiab rau siab ntso mus khwv los npaj rau koj thiab kuv wb lub neej lawm yav tom ntej nab yom…..nkauj hmoob ntxim hlub.
NkaujNagTshia thiaj li teb hais tias: YwjSuab ni YwjSuab…..yog li ntawd no ces koj yuav mus los tau kawg los mas. Tab sis, cia kom noj peb caug tas xyoo no tso es koj mam li mus tso npe saib koj puas yuav tau mus los ma yom…..YwjSuab. Yog hais tias koj ho tau mus lawm tiag no los koj tsis txhob poob siab nawb mog, txawm kuv yuav nyob rau tom qab los ntawm koj thiab kuv wb txoj kev nkauj kev nraug kuv yuav muab khawv kom zoo zoo cia nyob rau nruab siab, txawm hais tias kev nkauj kev nraug yuav muaj ntau npaum nplooj xyoob nplooj ntoo los kuv yeej yuav tsis nrog luag ua li mog. YwjSuab…..kuv thov cog lus rau koj hais tias, kuv yuav hlub koj thiab yuav nyob tos koj kom txog ntua rau hnub uas koj thiab kuv wb tau rov qab los nyob ua ke dua, txawm hais tias lub sib hawm tau dhau mus ntev npaum twg los koj yeej meem tso siab rau kuv es ua koj lub siab kaj lug mus khwv nawb mog. Koj yuav ua dab tsi los thiaj li yuav nce tes es koj tsis txhob ntxhov siab txog rau kuv nyob rau tom qab mog. Kuv nyob tom qab los kuv mam li tuav koj thiab kuv wb txoj kev hlub kom ruaj ruaj thiab khov khov cia tseg tos koj ua ntaub ntawv rov los tos kuv mus nrog koj nyob thiab koj tau mus lawm no los koj tsis txhob ntaus lub siab yau nawb mog….YwjSuab tus me neeg uas kuv hlub.

Continue.....

Subject: Re: Tus Ntuj Pub Nrog Tus Qub Hlub Mon Nov 17, 2014 10:04 am

YwjSuab thiaj li hais tias: NkaujNagTshia…..yog li ntawd ces koj thiab kuv wb yuav tau tuav wb txoj kev hlub kom ruaj khov thiab nco ntsoov txog wb cov lus uas hnub no wb tau hais tseg thiab cog cia nawb mog…..NkaujNagTshia. Txawm hais tias wb ob lub siab yuav tau raug txoj kev txom nyem tam sim no los tsuav kom wb lub neej nyob rau yav tom ntej no thiaj li yuav muaj txoj kev kaj siab os nawb. Kuv thov kom koj ua lub siab ntuj ntev tos kuv nawb mog…..NkaujNagTshia kuv tus me neeg zoo. Kuv mus yog yam ntev kawg ces tsuas li rau lub hli xwb, hos yog hais tias tsis ntev ces tej zaum peb npaub lub hli xwb kuv yeej ua tau ntaub ntawv los tos tau koj tuaj nrog kuv nyob lawm los mas. Kuv mus txog ntua xwb ces kuv yeej mus lis ntaub ntawv los lawm, koj xav hais tias nws ntev ces ntev xwb, hos yog koj ho xav hais tias nws luv ces luv xwb tiag….NkaujNagTshia es wb twb yuav tau los nyob ua ke mus tag ib ntxhis lawm los mas hmoob tej ntxhais tus neeg uas kuv nco. Yog thaum kuv tos tau koj tuaj nrog kuv nyob lawm ces kuv yuav tsis pub koj thiab kuv wb sib nrug mus ib qho qhov twg ntxiv kiag li lawm mog. NkaujNagTshia a…..kuv yuav cia koj nyob hauv wb lub tsev xwb thaum uas kuv mus qhov twg rov los txog tsev los kuv ho pom koj lub ntsej muag luag ntxhi hais lus luag nyav rau kuv txhua lub sib hawm xwb mog. Kuv xav mas ntshe tiam neej no kuv yuav zoo siab heev uas tsis txawj laus kiag li tiag….NkaujNagTshia.
NkaujNagTshia teb hais tias: Ua li los mas YwjSuab! Kuv cog lus rau koj hais tias, kuv yuav nco ntsoov koj thiab kuv wb cov lus hnub no uas wb tau cog tseg hais tias wb yuav tuav wb txoj kev hlub kom ruaj khov rau wb lub neej yav lawm tom ntej no. YwjSuab…..tus neeg ntxim hlub, wb twb tuaj tau lawm ntev ntev ces nyob tsam kuv niam thiab kuv txiv lawv ho txhawj txhawj kuv lawm ces cia wb rov qab mus tsev es lwm hnub wb mam ho rov tham dua os yom hmoob tej tub tus neeg ntxim hlub.

Continue.....

» Peb Hmoob-Meskas Noj Peb Caug Lub 9 Hli Ntuj Mus Ti Nkaus Lub 12 Hlis Ntuj
» chaw sau paj huam hlub "Txoj kev hlub yog wb"
» Yug nrog kev nco
» Ntuj Qub Qab
» yog lub ntuj tig tau rov qab