Leej Txiv Zoo

Leej txiv zoo nws tsis tsa hwjchim,
Lub tswvyim nws muaj xauv npo,
Tej ris tsho nws hnav du lug,
Hlub txhua tug tsis hais leejtwg,
Zoo phoojywg nws muaj ntau leej,
Zoo txiv neej nws muaj fwjchim,
Lub lajlim nws tsis pluag li,
Ua leej txiv rau lub cuab yig,
Hlub kwvtij tus hlob rau tus yau,
Yeej tsis npau thaum mag luag cem,
Yeej tsis lem thaum mag luag ntxias,
Plawv tsis dhia thaum mag luag haub,
Nws yeej paub thaum raug luag ntxub,
Lub siab hlub nws muaj xauv npo,
Lub neej no nws yeej pom txhij,
Zoo kwvtij hlub nws kawg siab,
Lub ntuj tshiab mov noj tsis tag,
Lub ntuj nag muaj tsev zoo nyob,
Siab tsis txob vim nws txoj hmoo,
Ua neej zoo vim nws lub siab,
Zoo tiag tiag yog ib leej txiv,
Yuav tsis piv tsis khav rau luag pom,
Lub meejmom nws tuav ruaj ruaj,
Tsis lam quaj rau leej twg pom,
Lus cov nyom nws txheem tag nrho,
Lub neej no nws yeej tsis txhawj,
Vim li ntawd nws thiaj nto moo,
Ua lub neej zoo uas yog ib leej txiv,

Ntsuj Plig, koj mas tshajlij heev li os. Tig rau fab twg los koj yeej hais tau tag nrho li nas, leej nus.

Yog mas, ib leej txiv zoo ces yeej muaj txhua yam thiab ua tau txhua yam rau neeg nyiam thiab ntshaw li os.

Es zoo siab heev uas nws muaj ib leej txiv zoo zoo thiaj qhuab qhia tau nws tshajlij kawg nkaus li lawm thiab es nrog nws txiv zoosiab rau nws thiab mog.