Leej Txiv Zoo

First topic message reminder :

Leej txiv zoo nws tsis tsa hwjchim,
Lub tswvyim nws muaj xauv npo,
Tej ris tsho nws hnav du lug,
Hlub txhua tug tsis hais leejtwg,
Zoo phoojywg nws muaj ntau leej,
Zoo txiv neej nws muaj fwjchim,
Lub lajlim nws tsis pluag li,
Ua leej txiv rau lub cuab yig,
Hlub kwvtij tus hlob rau tus yau,
Yeej tsis npau thaum mag luag cem,
Yeej tsis lem thaum mag luag ntxias,
Plawv tsis dhia thaum mag luag haub,
Nws yeej paub thaum raug luag ntxub,
Lub siab hlub nws muaj xauv npo,
Lub neej no nws yeej pom txhij,
Zoo kwvtij hlub nws kawg siab,
Lub ntuj tshiab mov noj tsis tag,
Lub ntuj nag muaj tsev zoo nyob,
Siab tsis txob vim nws txoj hmoo,
Ua neej zoo vim nws lub siab,
Zoo tiag tiag yog ib leej txiv,
Yuav tsis piv tsis khav rau luag pom,
Lub meejmom nws tuav ruaj ruaj,
Tsis lam quaj rau leej twg pom,
Lus cov nyom nws txheem tag nrho,
Lub neej no nws yeej tsis txhawj,
Vim li ntawd nws thiaj nto moo,
Ua lub neej zoo uas yog ib leej txiv,

Leej txiv zoo mas nws yeej khwv heev li os, tabsis qhov nws khwv ntawd los twb yog vim nws lub siab zoo zoo es nws thiaj li khwv los rau nws lub cuab yig xwb. Kuv xav tias yog leej twg tau ib leej txiv zoo ntshe lub neej yuav nyob tau kaj siab lug li xwb os.

Ab..., cas yuav nco kuv txiv ua luaj li ned, thaum tham txog ib leej txiv zoo lawm nas, vim tias kuv txiv ib txwm hlub hlub peb cov nus muag kawg li os.