Hnub no lub ntuj huv si nrog rau tus me duab tshav ntuj ci, Kuv tuaj ncig ntawm wb tej qub chaw ua si los tsis pom koj nyob qhov twg li, Hnub no lub ntuj ntsuab xiab nrog rau tus me duab tshav ntuj ci ntsa tshiab, Kuv tuaj ncig ib hnub tsis ntsib koj cas yuav kho kho kuv lub siab
Kuv tus me neeg zoo, koj dua twg lawm cia li tawm los rau kuv pom Kuv lub siab quaj dhi rau txoj kev hlub twb yog vim koj ib leeg xwb os, Ua li koj puas tseem nyob rau ntawm thaj chaw no? Thov tawm los rau kuv pom ib zaug ntxiv tsis txhob cia kuv nco nco koj li no os mog,
Last edited by Npauj Npaim on Mon Oct 10, 2011 9:55 am; edited 9 times in total
Author
Message
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Yeej muaj tseeb li koj hais los lawm os mog, Yog tias ob leeg muaj lub siab ntshaw ib yam thiaj sib nco, Tej kev ntshaw koj seev tag los yeej muaj tseeb txhua nqe, Yog tias ob leeg neeg muaj lub siab hlub lawm yeej xav nyob uake,
Leej twg los yeej ntshaw kom tau tus hais lus haum yus lub siab, Thaum nrhiav tau nws yeej tsis xav kom nws ncaim mus kiag, Leej twg los yeej ntshaw txojkev hlub hais lus sib haum, Thaum sib sau los ua txwjnkawm, thiaj xav ua lub neej mus txog hnub laus,
Kev hlub ces thaum tsis tau yeej txawj seev heev, Tabsis thaum tau lawm ib tug pheej tsis ncoqab ceev, Kev hlub ces thaum tsis tau yeej txawj seev tshaj plaws, Tabsis thaum tau lawm ib tug pheej tsis xav kom ntxaws,
Peb ua neeg nyob leej twg los yeej ntshaw lub neej zoo, Yog tau tus coj haum yus lub siab ces yus yeej tsis nroo, Peb ua neeg nyob ces txhua tus yeej xav tau txojkev hlub, Yog thaum tau nws lawm yuav tau siab ntev txhob siv lub siab kub,
Kuv hais rau ob leeg yuav tsis yog cem nws xwb, Vim tias txojkev hlub yuav zoo yog ob leeg txawj tswj, Kuv hais rau peb txhua tug tsis hais pojniam los txivneej, Vim tias txojkev hlub yuav zoo yog ob leeg muaj lub siab sib ntseeg,
Npauj Npaim Professional Level V
Posts : 1997 Points : 2054 Reputation : 3 Join date : 2010-01-28 Age : 48 Location : CA
Kuv yeej hais li kuv lub siab nyiam thiab lub siab ntshaw, Yog hais tawm plaws puag hauv kuv tus hlwb plawv, Kuv yeej tsis lam yuav dag kuv tus me neeg tshajlij, Kuv hais raws li qhov kuv lub siab ntshaw thiaj hais txhij,
Txhua tus yeej txawj xav li tej lus sib tham no rau nws lub hlwb, Tabsis thaum sib sau los ua lub neej lawm ces tsis nco qab lawm xwb, Txhua tus yeej xav li koj tej lus koj teev los saud thiaj sibyuav losmas, Tabsis thaum sib sau los ua lub neej lawm ces tsis nco qab lawm na,
Thaum nco ces twb yog thaum uas lub neej mus tsis nto ntsis, Koj los chim, kuv los chim, tsis ncoqab yuav txo lub hwjchim, Koj los ntshaw, kuv los ntshaw, tabsis tsis ncoqab txojkev zoo, Koj los chim, kuv los chim, pheej xav muab lub neej tsoo,
Thaum ib tug muab ib tug tso tag mam paub thiab pom nws txojkev hlub, Thaum no ces nyob los mob tso los nco tsis xav pub nws ncaim mus, Tabsis tu siab ntau vim tus tsis txawj xav ces twb ua ntau dhau, Hos tus txawj xav ces twb ua rau nws mob taub hau txaus nkaus,
Txojkev hlub tsis yog lam seev vim ncauj qabzib, nplaig qab ntsev, Yeej ntshaw txojkev hlub tiag thiaj tsa ncauj qabzib hais zoo lus tseg, Txojkev hlub tsis yog lam tau lam seev es yeej tsis ntshaw, Leejtwg los yeej ntshaw thiaj seev muaj seev ntxaws kom zoo lub plawv,
Tabsis thaum tau lawm nws tsis ceevfaj tias nws tus hlub muaj siab muaj ntsws, Nws thiaj lam tau lam hais tej lus phem chob lub siab ntiab kom khiav tso nws, Tabsis thaum tau lawm nws tsis ncoqab tias tus hlub muaj siab muaj plawv no, Nws thiaj lam tau lam cem thiab hais lus chob kom mob tshaj riam hno,
Thaum ntshaw ces tsis hais pojniam los txivneej yeej ntshaw ibyam li, Tabsis thaum phem lawm ces tsis hais pojniam txivneej yeej tsis kam txo hwjchim, Thaum ntshaw kev hlub ces leej twg twb txawj hais lus zoo, lus mos kom txhua, Tabsis thaum phem lawm ces tsis xav hloov tus xeebceem phem vim tsis xav poob tsejmuag,
Thaum nws phem lawm ces nws yeej tsis paub tias tej lus phem yuav mob nws tus hlub, Nws tsuas yim tau ua kom haum nws lub siab tsis paub tias hauv luag lub siab mob cuag dej kub, Thaum nws phem lawm ces nws yeej tsis paub tias tej lus phem yuav mob nws tus hlub li na, Nws tsuas pom nws zoo xwb nws tsis lees paub tias luag lub siab mob cua dej kub hlab,
Thaum lub neej mus zoo li no lawm ces tus cem tsuas tab cem tsis tso tseg li, Tus mob ces mob tshaj xuas ib rab riam majmam ua tib zoo muab lij, Nws yeej tsis paub tias mob luag nws tsuas tag zog cem tias thaumtwg mam li tuag, Tabsis tus uas mob lawm lub siab tseem mob tshaj raug phom tua,
Lub mos txwv uas luag muab phom tua rau yus lub nrog cev, Mus ntsib doctor luag tseem pab muab phua tawm tau los lawm ned, Hos lolus uas hais mob rau yus lub plawv thiab lub siab, Nws yuav mob yus mus tag nrho ib txhis thiab ib txhiab....,