Subject: Re: Lub Neej Ib Vuag Dua Sun Dec 08, 2019 8:19 pm
Ntus no ce yog koj thiab kuv tuaj lawm xwb e tsi paub txog other phooj ywg lawv nyob li ca lawm, Tam sim nov sawv daws nyia lau nyia zuj zus lawm ce tsi paub sawv daws pua tseem noj qab nyob zoo.
Kuv lo kuj ntshai rwg hai tias 3 cov phooj ywg nyob rau hauv forum ua sawv daws tuaj sau post ua ke tsi pom tag lawm e pua yog nyia nrhiav nyia kev rov qab mus rau Suav Teb, Blog teb tag lawm lo ua li ca.. Tham txog ma kuj nco sawv daws kawg.
Subject: Re: Lub Neej Ib Vuag Dua Tue Dec 10, 2019 6:49 am
Nyob zoo os davdub thiab ntsujplig zoo siab kawg tau los nyeem neb tej lus post hauv lub neej 1 vuag nawbmuab xav los ces kuj yog li koj hais thiab davdub vim zoo li peb phaum no ces zoo li lub hnub qaij dua toj lawm tsis paub lub sij hawm poob qho xwb os mog li cas los thov vaj tswv tsom kwm cia peb nyob hauv vaj tswv lub ntiaj teb zoo nkauj ci ntsa iab no mus kom ntev li ntev tau os nawb txhua tus me zoo phooj ywg
Vam thiab cia siab 1 hnub twg sawv daws yuav rov tuaj koom nyob sov zos dua os cov me phooj ywg thiaj paub thiab hnov moo tias sawv daws yeej nyob zoo nyob kaj no nawb mog kuv los yeej yuav rov tuaj ntshawv ntshis thaum khoom thiab nawb mog 8tos8nco mus lawm tsis muaj leej twg tuaj qhia peb ua table thiab dhos nkauj zoo mloog lawm es tsis lom zem li lawm os davdub thiab ntsujplig es mam sib ntsib dua nawb mog sawv daws mam rov tuaj du thaum khoom nawb mog......
Subject: Re: Lub Neej Ib Vuag Dua Tue Dec 10, 2019 5:16 pm
Nkaujnatshia thiab Tsuj-Plig
Nkaujnagtshia, zoo siab rau koj rov tuaj lawm e kuv lub siab kaj lawm ntau heev. Xav hai tias peb sawv daws txhua leej txhua tus yuav nyob luab ntxwb ntxhi no.. Kuv ce nyob lonely nkau xwb after 3 pm lawm ce I stay in my bedroom by my self.. yog koj muaj kuv numbers, koj call kuv tau ma.
Subject: Re: Lub Neej Ib Vuag Dua Wed Dec 11, 2019 10:20 am
Nyob zoo davdub thiab Nagtshia
Zoo siab uas tau ntsib hnub no os, cia siab tias neb yuav noj qab nyob zoo. Peb txoj kev phooj ywg zoo tam li lub caij nyoog ib sij hloov mus rau ib lub caij ntag, vim li no ib hnub thiaj ploj ib tug mus lawm tsis tuaj. Txawm tshuav peb tsawg leej los cia peb tuaj pab zov 8tos8nco lub tsev no seb thaum kawg puas pom nws tawm qhov twg los.
Ib yam ntxiv txaus tu siab kawg, ib hnub dhau alwm zuj zus zoo tam li lub ntuj yuav pib tsaus lawm tiag. Txij no mus ntshe kuv yuav tau muab tag nrho kuv zaj dab neeg tuaj sau cia ua ntuv zus rau thaj chaw ntawm no los nej tsoom phooj ywg txhob xav li cas nawb. Kuv ntseeg tias tsuas yog daim duab thiaj tej ntaub ntawv uas sau tseg xwb thiaj yuav khaws tau yus txoj kev ua neej cia.
Kawg no, thov kom neb taus txais kev noj qab nyob zoo rau lub caij Christmas os. Mam sib ntsib dua.