Yog vim dab tsi tiag neeg ntiaj teb thiaj yuav muaj kev hlub loj ua luaj? Kuv tau pom ib tug mi nkauj hmoob sau tias " KUV XAV MUAB KOJ NYIAV IB ZAUG SEB PUAS ZOO KUV LUB SIAB UA NTEJ YUAV NCAIM KOJ MUS". Thaum kuv pom li no kuv tau muab coj mus xav tau 2-3 hnub tias yog vim dab tsi tiag?
Thaum kawg kuv thiaj pom tias txoj kev ua neej nyob hauv lub ntiaj teb no tsuas muaj ib yam nkaus xwb uas ua rau neeg ciaj thiab neeg tuag tau. Yam ntawd tsuas yog " TXOJ KEV HLUB" nkaus xwb. Ib tsoom mi phooj ywg, nco ntsoov tias yog koj tsis hlub ib tug neeg tsis txhob dag nws. Yog thaum koj dag nws zoo tam nkaus li pov tus npev 3 ceg mus khuam rau ntses lub caj pas lawm yuav ua rau nws yuav nqos mus los nqos tsis tau, yuav nti rov qab los nti tsis tawm.
Thaum zoo li no lawm TXOJ KEV HLUB UAS KHUAM SIAB TSHAJ NPEV 3 CEG thiaj yuav ua rau txoj kev ua neej nyob lub ntiaj teb no tag kev cia siab zuj zus. Suav hnub suav ua rau tus neeg ntawd yuav muab koj nco tsis ploj ua npau suav toog mus nrhiav koj rau hauv dab ntub npau suav. Zoo tam zoj tus neeg mob uas raug dab poj ntxoog ib hnub qaug zog zuj zus thiab thaum kawg ntshe yuav qaug txaj mus. Ib tsoom mi phooj ywg, yog koj ua zoo saib thiab muab ntsia kom tseeb tias yog TXOJ KEV HLUB MUAJ NQIS NPAUM NO TIAG koj yuav hais lus rau ib tug neeg twg los yuav tsum tau txiav txim siab kom zoo, txhob lam dag ua kom nws muaj siab rau koj thaum kawg koj ho muab nws tso. Yog koj ua li no muaj ib hnub twg yog nws uv tsis taus txoj kev hlub thiab nco koj nws txawm tau ncaim lub ntiaj teb mus ua rau ces nqaij daim tawv txawm yuav lwj mus xyaw av lawm los tus ntsuj plig yuav nco ntsoov rov los nrhiav tos koj. Thaum ntawd ntshe txhua hmo nws yuav ntsib koj nyob rau dab ntub npau suav tas li. Tej hnub sij hawm zoo koj yuav pom nws luag ntxhi ua rau koj rov nco txog nws ib zaug. Yog tej hnub huav cua pauv mus ua caij nyoog phem ntshe nws yuav los muab koj hem kom quaj poob plig tsim dheev nruab dab ntub.
Txoj kev hlub ntawm tus mi nkauj hmoob no yeej zoo tsis txawv li Nkauj Ntxoo txoj kev hlub uas tau hais tseg tias " NYIAJ KUB YOG LUB NEEJ KUA MUAG" Ua ntej thaum Nkauj Ntxoo yuav ncaim mus nws tau hais tseg rau nws niam tias txawm sau tas nrho kuv txiv neb nej nyiaj tej kub los yeej pauv tsis tau tus neeg kuv hlub, txawm yuav muaj saw kub luaj caj npab los yeej tsis pab. Thaum kuv tau nyeem lo lus tias " XAV MUAB KOJ NYIAV IB ZAUG SEB KUV LUB SIAB PUAS ZOO" cas rov xav txog ib tug neeg uas tsis loj tsis siab ntsej muag dawb paug thiab hais lus luag ntxhi uas cia li ploj ntshis lawm tau 25 xyoos tsis pom nyob qhov twg lawm os.
Tom qab kuv tau nyeem sob lus no tas thiab muab xav tau ntau hnub thiaj tau thov kev tso cai ntawm tus tswv coj los sau ua ib zaj dab neeg rau peb ib tsoom phooj ywg tau nyeem thiab coj mus xav. Kawg no, vam thiab cia siab tias thaum koj tau nyeem kuv zaj dab neeg no tas koj yuav thim xav thiab hlub tus twg thov kom hlub mus ib txhis nawb mog. Ua tsaug (C) SKM 2018
Last edited by Ntsuj_Plig on Tue Jan 03, 2023 9:33 am; edited 3 times in total
Zoo siab tuaj pom nej sawv daws tuaj nyov txhij nyob txhua ua rau kuv nkaujnagtshia zoo siab heev vim ntev ntev lawm tiag li uas peb tsis tau tuaj sib fim li no ua rau nkaujnagtshia kho siab thiab nco sawv daws kawg li mog cas hnub no pom nej txhua tus tuaj rauv taws ua me tsev sov so thiab ua rau nkaujnagtshia rov los kua muag ib zaug thiab vim zoo siab heev lawm na cov phooj ywg zoo sawv daws nco nco nej os mog Nkauj_Dal, Ntsuj_Plig, thiab Nraug Ntses thov kom nej rov tuaj li no es thiaj ua rau nkaujnagtshia lub me siab xyiv fab luag ntxhi rov tuaj nawb mog.
Ntsuj_Plig, kuv nyiam koj zaj lus tham no kawg li cia khoom mam nqa mus seev rau peb mloog nawb cas yuav tham tau lom zem thiab kho siab kawg li tsis yog tias ntu no ntshe NtsujPlig txawj vwm lawm thiab los hahaha.
Ntsuj-Plig, koj yuav muab leej twg nyiav ciaj na qhia seb yog maiv kaus lawv ntag ua rau kuv tus ntsujplig cia li nrab neej nrab dab li no lawm na haha.
Ntsuj_Plig, nkaujnagtshia tso dag xwb os mog kav tsij nqa koj tej me kev kho siab tuaj seev rau peb mloog nawb mog ua tsaug ntau ntau ntsujplig lub me sij hawm tuaj sau lus kho kho siab pub sawv daws nyeem os mo.
Sib ntsib dua nawb Ntsujplig thiab cov me zoo phooj ywg ...
Nyob zoo koj thiab os Nkaujnagtshia,
Zoo siab ntau tau ntsib koj ntawm no thiab os nawb, kuv ces niaj hnub mus khaws khib nyiab xwb ces thiaj tsis tshua khoom tuaj lawm xwb os, tab sis yeej tseem nco ntsoov nej txhua tus ces yeej yuav rov qab tuaj xa xov nej paub xwb mas mog.
Muaj kawg nws twb tsis qhia koj es koj nim yuav paub li na...hahhaahaha. Koj ma tsis yog zoo zoo nraug tab sis koj yog cov zoo nraug tob tob thiab ho...yim ntsia ntev yim zoo nraug thiab ov....hahahaha
Tsis muaj li os, vim kuv niag zoo nraug tob tob li Liab tus brother xwb thab laj muaj neeg xav nyiav li os haha. Anyways, ua tsaug tseem pab qhuas tus neeg zoo nraug tob tob li Monkey tus brother kom thiaj tsis chim chim thiaj xav ua neeg nyob nrog nej mus ntxiv.
Kuv los cas xav muab tus mi neeg uas pom ib vuag nco mus ib sim ntawd nyiav ib zaug seb siab puas nqig li tus mi nkauj hmoob ntawd hais thiab na...hahaha.
Subject: Re: KUV XAV MUAB KOJ NYIAV IB ZAUG Fri Nov 08, 2019 1:34 am
Ab.............Phooj ywg 8tos8nco, cas koj dua twg alwm tiag tsis pom tuaj kho duab rau kuv lawm ces kuv tsis xav tuaj sau dab neeg lawm na. Ntshe tau koj tej duab no saib lawm xwb lau.
Kuv yeej tsi nkag siab hai tias, 8tos8nco yeej tsi ua li nov ib zaug li ma.. tab si lub ntuj dub ntuj txig ce yog tsi paub nws xov ce yuav tsi paub txog nws kam noj kev nyob li os. To ib xyoo lawm ma... nws tuaj thaum 2018 xwb ce 19 nov yeej tsi pom nws tuaj li lawm e xyov yog tim dab tsi lawm. Peb ua neeg nyob ce nws muaj 4 yam rau yus txhawj xwb. Ib.. mus kev deb, 2 yog mob khee, 3 yog mua raug nkuaj, 4 ce yog ncaim hauv ntiaj teb nov lawm.. ce tag li nov lawm xwb tiag.