PUAS NCO KUV LAWM

Subject: PUAS NCO KUV LAWM Tue Nov 13, 2012 6:42 pm

First topic message reminder :

Cov phooj ywg nej puas tseem nco
kuv tus no cas kuv nco nej tshaj
mas hais ncaj noj los tsis qab
xav tuaj thab ntshai nej muag tug
thiaj tau nug lub siab dawb paug
tsoom nkauj nraug nej tuaj dab tsi
tuaj ua si los yog xaiv vauv
tuaj sib ntsauv los tuaj xaiv nyab
cia kuv pab nej xaiv puas tau
muab ntsia dhau pom nkauj nag tshia
raws kuv ntsia hais lus qab zib
kuv ho pib tsa qhov muag saib
mas me naib leej muam hnub qub
nws ntxim hlub thiab ntxim nyiam tiag
pom nkauj nyiag lub siab qhuaj dhi
xav quaj ntxhi ntsia rau npauj npaim
tsis xav ncaim tseem tshuav coob tus
kuv leej nus caij nyoog tag lawm
lwm hnub tawm mam rov hais dua mog...!!![/color]

Subject: Re: PUAS NCO KUV LAWM Thu Nov 15, 2012 5:55 pm

NtsujPlig

Lo lus nco ntawm me NkaujHmoob
Ces yeej yog nco thaum wb xub sib paub
Nyob yav ntuj qub qab pem toj siab
Nco thaum pom nws thawj zaug
Xav thab los ntshai tsam nws tsis nyiam
Xav nrog tham los txaj txaj muag
Hmoov los kuj zoo Ntsujplig txav kiag los ze ze
Tham lus luag ntxhi tias nws tsis tom Nkaujhmoob
Kom Nkaujhmoob ntxhob ntshai
Txij li ntawv los ces Nkaujhmoob thiaj tsis ntshai
Wb txoj kev phoojywg thiaj loj hlob
wb txoj kev sib ntsib thiaj muaj ntau zuj zus
Mov tsis nco noj tsuas nrhiav rawv txoj kev tuaj sib ntsib sib cuag
Wb txoj kev nco thiaj muab tham ua kas tas
Wb txoj kev hlub thiaj nyob rawv nruab siab
Vim nws ncaim mus ntev
Nkaujhmoob thiaj mus ciaj luag sev
Nim no Nkauhmoob pom nws ces thiaj nkaum tom ntug kev nyiag ntsia
Lub kua muag teev yees tias cas tsis ua siab ntev tos
Zaum no ces tsuas muab nws zwm tseg cia rau nruab siab
Tias tau hlub ib tug neeg ntxim hlub ntxim niam li nws lawm xwb
Xav tsis tau ze nrog nws tham
Ces ntse yuav mob siab mus tag tiam
Nws txhob xav li cas vim tsis xav kom wb puas koob puas npe
Nco ntsoov khaws wb txoj kev hlub rau nruab siab
Seb lwm tiam wb puas tau rov los sib ntsib dua
Yog tau rov los sib ntsib dua thov ntxhob ncaim ntxiv
Wb txoj kev hlub thiaj yuav nyob tau luag ntxhi...os nawb...hahahaha

Subject: Re: PUAS NCO KUV LAWM Fri Nov 16, 2012 7:22 am

Me Nkauj Hmoob koj mus ua nyab
muaj luag ab muab hu Pheej Hmoo
ces ntau xyoo koj tsis nco kuv
kev sib thuv yuav ploj zuj zus
ncaim kuv mus ua neeg tsim txiaj
thaum muaj nyiaj yog xav txog kuv
mam ho thuv thiab nyiag me ntsis
pais xab nis ho pab koj xa
kuv mus nqa hnov koj tus ntxhiab
tsw mos liab kuv zoo siab lawm
txhob tham tawm tsam koj vauv ntxub
ho tsis hlub thiab tsis xav yuav
kev npau suav ho yuav ploj mus
kuv leej nus yuav hlub koj heev
yog koj seev yuav mob kuv siab
ntuj tsaus nciab cuag xob yuav tua
rau siab ua koj lub neej mus
kuv leej nus mam tos lwm tiam...os mog!!!

Subject: Re: PUAS NCO KUV LAWM Fri Nov 16, 2012 1:30 pm

Zoo siab tos txais koj los nrog kuv sau PAJ HUAM

Txhua yam paj huam sau nyob hauv no tsuas yog sau los
rau peb sawv daws nyeem thiab xyaum kom lom zem xwb
tsis txhob muab xav tias ntshe peb txhua tus sib paub zoo
npaum li tej lus tau sau tseg hauv no.

Subject: Re: PUAS NCO KUV LAWM Sat May 06, 2023 12:00 am

8tos8nco
koj qhov post nov koj posted yog hnub Wednesday 11/14/2012 thaum 4:30 am.

Dhau li lo nov ce tsi pom koj tuaj li lawm e koj mus qhov twg lawm, xav pom thiab xav paub hai tias koj yog leej twg thiab tus neeg zoo lli ca os brother. We missed you badly. Tsi paub koj dua qhov twg lawm e koj tau muab koj cov forum tso pov tseg tag li lawm e tam sim nov ce kuv tseem muaj sia nyob kuv tseem tsi tau tuag os. Kuv twb retired lo nyob noj kuv tej nyiaj lawm xwb. yog koj nyob rau qhov twg lawm no, thov koj lo reply kuv qhov messages no thiab nawb.

Subject: Re: PUAS NCO KUV LAWM Sat May 06, 2023 12:02 am

Deeg Koj mus qhov twg lawm os, yog nyob qhov twg no ce lo say hello rau peb sawv daws thiab nawb.

Kuv yog Davdub Yaj os.

» PUAS YOG KOJ NCO NCO KUV LAWM NAB
» PUAS YOG LOM ZEM DUA QUB LAWM
» PUAS YOG DAB LOS NYOB LUB ZOS NO LAWM NE??
» Wb Lub NTiaj Teb
» PUAS YOG POOB ZOO LAWM TIAG NE???