Xaus Li No

Subject: Xaus Li No Sat Oct 01, 2022 8:43 pm

First topic message reminder :

Nyob zoo cov me zoo phooj ywg.

Kuv zoo siab uas tau rov tuaj zaum no tab sis zoo li tsis ntsib nej leej twg li lawm thiab zoo li tsis muaj neeg tuaj lawm. Kuv ntseeg tias peb txoj kev phooj ywg uas tau los nyob ua ke tau ntev tshaj 10 xyoo rau chav no ntshe yuav muab xaus li no lawm xwb mog. Yog tias nej leej twg ho tau tuaj pom kuv tsab xov nug moo no los ho sib nco thiab mog.

Ib sij huam koj laus tas tshuav nrig cwj kuv laus dua tshuav nrig pas lawm xwb tiag, thov kom nej txhua tus mus ua lub neej nrog nyias tsev neeg nyob kom lom zem xauv npos mog. Kuv los yuav muab lub sij hawm no mus nrog tus neeg kuv hlub los zaum tham wb zaj me dab neeg ib vuag ua ntej thaum lub hnub yuav poob mus lawm os.

Cia kuv muab kuv zaj me dab neeg piav ib qho me me tso nram qab no rau nej tau nyeem seb nej zaj ho puas zoo li kuv zaj os, li cas los ho muab koj zaj tuaj piav pub rau peb tau kawm thiab mog.

Kuv tau hais rau tus neeg kuv hlub tias " TXOJ KEV UA NEEJ ZOO TAM LI NTHWV CUA IB VUAG DUA" Muaj ib hnub thaum koj hnov cua tuaj txias zias thawm nruab siab koj tig mus saib ces tsuas pom nplooj laim txias ib vuag dhau plaws. Wb txoj kev ua neej cas ib pliag ntshis tsis nco qab hlias tig rov mus saib tom qab wb twb taug los lawm ib ncua kev deb kawg nkaus, ho ntsia mus rau tom hauv nej pom lub hnub twb yuav poob qho txoj kev ploj ntais rau tim npoo ntuj lawm. Yog thaum lub hnub poob qho lawm cia koj pw rau ntawm kuv xub ntiag kuv mam puag koj cia ib pliag ntshi lub hnub tawm tuaj tshav ntuj ci ntsa iab ces nws twb yog dua wb lub neej tshiab lawm tiag, tus me neeg kuv ib txwm hlub.

Kawg no, thov kom nej txhua tus tau txais kev noj qab nyob zoo thiab muab kuv zaj kwv huam ntawm no coj mus xav cia seb peb puas tau sib ntsib lawm mog.

Thov kom txhua tus tau txais koob hmoov zoo - Good Luck.

Subject: Re: Xaus Li No Thu Jan 19, 2023 11:24 pm

zoo siab nawb ntsuj-plig.

xyoo 2023 nov tuaj thov kom peb sawv daws tsi txhob txawj lau nawb. Kom txhua leej txhua tus noj qab nyob zoo.

Subject: Re: Xaus Li No Tue Jan 31, 2023 12:55 pm

Nyob zoo Davdub

Zoo siab rov ntsib koj dua ib zaug ntawm no os. Ua cas tej me qub phooj qub ywg cia li ploj tas lawm tiag, ntshe tshuav koj thiab kuv lawm xwb ho.

Subject: Re: Xaus Li No Tue Feb 21, 2023 9:01 pm

Nyob zoo rau koj thiab os Ntsuj-plig

wb cov phooj ywg ce ntshe lawv khwv dhau lawm lo ua li ca tiag, yeej ploj tag lawm. Tam sim nov ce kuv twb lo so retired lawm e kuv tsi ua hauj lwm lawm, kuv yeej lo retired early lawm os. vim tsi paub tag kis ce tau li ca yuav li ca xwb.

Koj pua nyob zoo thiab na Ntsuj-plig. kuv ce kuj tseem ok, tab si tsi zoo li yav dhau lo lawm, yav dhau lo ce U tseem nyiam hlua nkauj lo yog tej me poj niam zoo2 nkauj lo U tseem nyiam rau hauv nruab siab, tam sim nov ce tsi nyiam li lawm os. zoo nkauj lo lub siab tsi saib tsi xav tau lawm.

Subject: Re: Xaus Li No Sun Feb 26, 2023 7:26 am

Nyob zoo Davdub

Tej zaum yav laus no lawv paub ntshaw nyiaj lawv tsis ntshaw kev ua si ces lawv mus khwv nyiaj tag lawm os. Hos zoo li koj thiab kuv ces wb ho ntshaw lub sij hawm los nrog yus tsev neeg nyob lawm xwb ces wb ho muaj sij hawm ua si ntau lawm na...haha!. Zoo siab qhov koj twb retired lawm ces tsis muaj kev ntxhov siab lawm os, hos kuv ces twb tsis ua hauj lwm lawm thiab yog muab hais ces kuj tsis tau retired tab sis kuj so hauj lwm lawm thiab os. Cia siab tias wb tseem yuav sib ntsib hnub tom ntej nawb.

Subject: Re: Xaus Li No Sun Feb 26, 2023 8:40 am

Yuav yog li koj hai lawm os. thaum lawv lau nov ce lawv mus khwv nyiaj lawm. Kuv ce kuv twb tsi paub siv nyiaj ce kuv tsi khwv li os, kuv ce kuv tau nyiaj retirement thiab nyiaj Social security lawm ce yooj yim raukuv lawm

» Txoj Kev Hlub Tsis Muaj Chaw Xaus Nco Wb Tus Duab Hli