Kev Phooj Ywg Txawm Yuav Yog Leej Twg

Subject: Kev Phooj Ywg Txawm Yuav Yog Leej Twg Thu Jan 05, 2012 7:09 am

First topic message reminder :

Txoj kev phooj ywg
Nws txawm yuav yog leej twg
Los tsuav nws pab kuv
Thaum nws thuv
Pab so kuamuag
yog nws cev tes cuag
Kuv yeej tsis tos
Kom nws muaj nyiaj
thiaj yog phooj ywg tsim txiaj
txawm hais tias kuv tsis caum koj
lub sij hawm thaum peb nyob hauv nkoj
peb yeej yog phooj ywg txhua tus
yog nej muaj lub siab hlub thov txhob ncaim kuv mus

kev phooj ywg

Phooj ywg ib pliag
los yeej hlub tiag
phoojywg tsawg hnub
los yeej muaj kev qhub
phooj ywg ibtiam
los yeej yog kev nyiam
kev phoojywg yog da tsi
nws yog kev sib hlub luag ntxhi
yog kev sib hwm sib pab
nws yog mus rau txhua fab
kev phoojywg yog kev sib txhawb
kuj muaj kev sib tawb
muaj kev sib cav sib ceg thiab
tiam sis yuav tsis sib tso tseg hauv nplooj siab
yog tis koj yog kuv tus phooj ywg
txawm koj yuav nyob qhov twg
los kuv lub siab yeej muaj qhov nco ntsoov koj
txawm lub cev ncaim los lub siab yeej tsis ploj
thaum koj nco txog kuv
koj hu ces kuv yuav thuv
thaum kuv nco txog koj lawm
kuv hu los yeej xav pom koj tawm
thaum koj ntxov siab
kuv yuav tsum pab nqee koj thiab
thaum koj mob siab ntxhov plawv
kuv yeej yuav nres nroos nrog koj rawv
thaum kuv ua mob qa zias tiag
koj yeej tso pluav koj tej num kiag
nqa koj lub zog lub dag
tuaj zov saib kuv tiag ntag
thaum koj lub siab nyob tsis ruaj
kuv yeej yuav hnov yeej yuav tawm tuaj
thaum kuv lub muaj kev tu siab kuv quaj quaj
koj yog tus yuav tuaj ua kuv lub me tshuaj
nws yog txoj kev hlub
nws yog kev sib qhub
nws yog kev sib puag pwg
txoj no thiaj yog kev phooj ywg

Subject: Re: Kev Phooj Ywg Txawm Yuav Yog Leej Twg Thu Feb 16, 2012 11:11 am

kuvncokoj wrote:: Me nus, tus phooj ywg muaj zaj,
Cas koj nim zoo xws lub hnub kaj,
Ci txog hmong heaven lub me vaj,
Ua rau tej me nroj tawm zom zaws ua paj,
Koj lub siab nim zoo xws dej ntshiab,
Ntws lib laub nyob rau peb hmongheaven lub siab,
Tus txawj zaj ntshe yuav yog koj tiag,
Saib los twg ntxim txawj npliag,
Peb me paj lam tawg tau liab,
Tsis muaj dej ywg thiab tawg tsis tshiab,
Yog koj tuaj ua dej dag ntub,
Ntshe yuav rov tawg tau txhua lub...

leej muam hmoob tus me neeg zoo lus
zoo siab uas koj tsis xyeej koj me nus
ua loj leej tuaj txog hmong heaven tsev
me muam yuav ua lub teeb rau kuv pom kev
koj me nus ces twb tsis paub qhub
ntshai tsam ces tuaj ua hmong heaven dub
zoo tam li lub me paj tawg tau tshiab
hmoob pej taug hnov tag lawm koj txhiab
nim cog koj nyob rau thaj chaw muaj zoo chiv
dej nag ces koj yeej tsis need siv
tsob paj yuav tawg zoo mus tam hnub
yuav tawg tau lub me paj zoo ntxim hlub

Subject: Re: Kev Phooj Ywg Txawm Yuav Yog Leej Twg Thu Feb 16, 2012 11:38 am

Nev koj saib ma, leej nus zoo,
Koj tuaj dib nkaujhnubqub tawm tuaj nroo,
Nkaujhnubqub nim nyob tsaus nti,
Twb tsis muaj daim me nplooj poob li,
Leej nus tawm tuaj txog,
Me paj hmab paj ntoos thiaj nthuav daj vog,
Smile

me nus tswv yim zoo kav tsij tuaj,
Yog peb coob ces kev lom zem thiaj yuav rov muaj...
Me phooj ywg txawj nqee,
Nws lub suab txawj see,
Nws thiaj lam hais,
Me niam leej ntxhais,
Twb tsis zoo ntxim siab,
Kov raug leej twg los tsam raug kub nyhiab,
Hmoob me tub ntxawg zoo lus,
Hais lo twg los yeej ua me niam leej ntxhais tej siab tus...
Hmoob me leej ntxhais tsis paub,
Sau lus sib ntsib ces lam kawm saub,
Yeej tsis zoo luaj twg,
Tseem thiaj tos ntsoov koj xwb phooj ywg....

Subject: Re: Kev Phooj Ywg Txawm Yuav Yog Leej Twg Thu Feb 16, 2012 5:49 pm

Ywjsuab

Xyoo no yog zaj xyoo
Yog hmoov zoo thiaj tau ntsib ib tug neeg zoo
Txoj kev phoojywg yuav pib nrog koj mus kom txhob nkoj
NkaujHmoob lub siab tsis soob
Lam hais lus li niag neeg tim toob
Los koj tsis cais NkaujHmoob yuav tsis khiav pais
NkaujHmoob cov lus yeej muaj tiag
Thiaj li rov tuaj fim thiab fim kiag
Peb txoj kev phoojywg txhob tso
Seb puas muaj hnub peb tau sib ntsib mog

/a>

YwjSuab wrote:

Happy late Valentine rau koj thiab mog Nkaujhmoob
hmoov dab tsi thiaj tau hnov koj lub me suab soob
ua tsaug uas tau hnov koj lo me lus zoo mog
koj cov lus koj uas koj tau hais yeej yog
txawm yuav zoo li cas los xij
zaum no rov paub ib tug phooj ywg tshaj lij
muaj zoo lawm lub me tiaj lim
thiaj li yuav tau mus sib fim

More Friendship Comments
[/quote]

Subject: Re: Kev Phooj Ywg Txawm Yuav Yog Leej Twg Thu Feb 16, 2012 5:58 pm

Nkaujhnubqub

Zaj no yuav hais rau Nkaujhnubqub
Tus me neeg ntxim hlub thiab me neeg ntxim nyiam
Koj yog kuv ib leeg zoo phoojywg
Yuav muab koj nco mus kom tag tiam
Vim koj txawj tiam txawj tab
Wb txoj hmoov sib ncav wb thiaj tau tuaj sib ntsib tham lus dua kab
Wb yog ntuj pub wb thiaj tau los sib tham li phoojywg hlub
Koj txoj kev zoo kuv yuav nco ntsoov mus tsis muab tsoo
Khwv npaum li cas yuav maj nroo tuaj ntsib
Wb mam tham lus qab zib kom txhawb tau wb lub zog sib

Subject: Re: Kev Phooj Ywg Txawm Yuav Yog Leej Twg Fri Feb 17, 2012 10:38 am

Nyob zoo Ywjsuab, 8tos8nco thiab nkaujhmoob zoo lus,
Ncaim koj mus tau ntev loo,
Tsis hnov koj nroo ib me suab,
Kuv thiaj npuab lub taw rooj tos,
Tsis pom koj los ces kawg quaj hu,
Ua siab tu quaj ncia ncia,
Tos koj qhia seb koj puas nco,
Tav li no mam rov pom koj,
Kuv pom zoj zoo siab tshaj,
Lub ntuj kaj kuv siab ntshiab,
Kuv nco koj thiab kuv viv ncaus...
Txawm yuav laus los kuv nco ntsoov,
Wb kev phooj ywg tsis hloov li nawb mog

» Poj Niam & Txiv Neej Leej Twg Nco Leej Twg Tshaj?
» cia ua phooj ywg
» Nrhiav Qub Phoojywg
» Xa Xov Rau Qub Phooj Ywg
» Nyob Zoo Cov Phooj Ywg