Tsis tuag kev hlub yuav tuag kev nco

Subject: Tsis tuag kev hlub yuav tuag kev nco Tue Mar 13, 2012 6:44 am

First topic message reminder :

Hnov mob kuv taub hau tuaj
Zoo li muaj tus kab Mobhlub
Yam dej kub nchuav hlab kuv
Thiaj mam thuv seev lus cia
Kuv txoj sia yuav tu twb tiag
Koj lolus npliag uas kuv nqhis
Ua kuv xis mus poob deb
Cas tsis feb los cawm ntxiv
Kuv ua phiv koj qhov twg
Yam lub lwg hnub ziab ntau
Yuav yaj tau ua huab cua
Kuv thiaj tshua koj ua luaj
Koj tsis tuaj ntshe yuav ntog
Yuav yaj mog tus kuv hlub
Tsis txhob ua lub siab me
Los nyob ze kuv ib sab
Muab txhais npab puag kuv kiag
Mov dej txiag pab pub kuv
Kom siab puv nrog koj nyob
Vim kuv mob yuav tuag nco
Kev hlub tso tsis tau koj
Siab tsis loj nco koj xwb
Thiaj mob hlwb yuav vwm tiag
Thov puag kiag kom siab kaj me me ma me hlub e...

Subject: Re: Tsis tuag kev hlub yuav tuag kev nco Thu May 24, 2012 7:08 am

nkaujxis wrote:: Tus neeg kuv hlub tshaj
Lub ntuj kaj kuv tos ntsoov
Tim txoj hmoov thiaj tsis tau koj
Thiaj zoo tam zoj menoog poob zoo
Thiaj tsis muaj hmoo los muaj txoj kev hlub
Raug av txhub kuv nplooj siab lwj
Mam cia cwj kom tiam tshiab dua
Tus kuv hlub tshua cas nco koj tag npaum
Hlub ces yog txhaum thiaj tsis hais tau
Lub siab npau los hloov tsis laib li
Kuv thiaj nyob tsaus nti tsis muaj suab luag
Thiaj tsis cuag koj raws siab xav mog...

tus me neeg kuv hlub thiab tshua
lub ntuj kaj nplooj siab lwj dhi
lo lus ntxhi tsis tim txoj hmoo
wb tau nroo vim kuv thiab koj
kev hlub ploj yog wb nplooj plawv
nws tsis sawv tuaj mus sib xws
txoj kev plhws thiaj li tau poob
me nkauj hmoob kuv nco koj thiab
kuv nplooj siab lwj dhi yuav vwm
nyob twj ywm tsis xav hais lus
nco koj mus txog thaum twg os
kuv nyob tos koj thaum hnub tuaj
lub suab quaj tsis muaj neeg hnov
nplooj siab ntxhov tsis muaj neeg paub
yam tsob zaub tos lub dej nag
me kab nag sawv quaj zom zaws
tus mob aws thiaj li caum cuag
lub kua muag thiaj li tau ntawm
hmoob nkauj ntxawm txhob quaj lawm mog
rov xav txog yav ntuj thaum qub
wb kev hlub tseem nyob ruaj khov
nplooj siab sov vim koj suab luag
caum tsis cuag kom koj nco ntsoov
muaj tus yoov ya los tsawm koj
thov pub noj vim nws yog kuv

Subject: Re: Tsis tuag kev hlub yuav tuag kev nco Thu May 24, 2012 4:03 pm

Ntuj yuas kuv me neeg hlub tshua
Kuv xav nrog huab cua ya kom cuag
Xav qi muag kom kov tau koj kiag
Nco koj xubntiag tsis paub nyob
Ua rau kuv mob siab lwj dhi
Tsis xav luag li vim koj tsis hlub
Yav ntuj qub koj thiaj tsis tuav
Koj ntshai yuav kuv nrog koj
Thiaj tseg zoj wb kev sib thuv
Xav tias uv kom kawg mus
Siab tsis tus thiaj tau nroo
Kuv tsis muaj hmoo thiaj tsis tau
Thiaj li npau siab quaj ntsuag
Nrog kua muag poob nrog tuj tawv
Kuv me plawv mob ncus nco
Yog tseem hlub no tig los hais
Tsis txhob cais kuv ntxiv lawm
Vim sij hawm luv heev rau wb
Thov hlub kuv xwb yog koj nco
Tuav kuv tes hlo rub kuv rau koj
Kuv zoo tam tsob nroj yuav tuag tshav kub
Yog koj tsis hlub tsis ywg dej rau
Yuav qhuav nkig ntau yuav poob yaj ua hluav mog...

Subject: Re: Tsis tuag kev hlub yuav tuag kev nco Thu May 24, 2012 11:56 pm

8tos8nco wrote:: Nkaujxis,

Hehehehehe.....kuv xav nyeem koj cov lus paj huam mas dai siab tshaj plaws li os.

Koj nyiam nyeem kuv cov paj huam tiag li ntag?
wwwmmmm... Zoo siab os.
Muaj sij hawm no mam tuaj seev dua os, twb yog laj laj nyob lam nrhiav tswv yim los xav xwb na he!he!he!

Subject: Re: Tsis tuag kev hlub yuav tuag kev nco Mon May 28, 2012 6:41 am

Nkaujxis,

Kuv nyiam mas vim koj txawj txawj sau lus sib dhos thiab Kuv xav kom koj sau npaum li cov hauv nov rau peb tuaj laj siab vim kuv mus pom leej twg cov paj huam nov mas zoo heev li os.

http://www.shrdo.com/index.php/forum/poems/16915-lub-hnub-koj-ci-tuaj-rau-kuv

Subject: Re: Tsis tuag kev hlub yuav tuag kev nco Mon May 28, 2012 8:59 am

Oh! Cas sau tau zoo kawg mas yom
yog hlubkojlawm thiab beethere nkawv sau puas yog
zoo thiab mas
nyob zoo rau koj hnub no os 8tos8nco thiab nkaujxis

» Xav Hlub Tsis Xav Yuav
» Tsis ntev pej xeem yuav tsis muaj av ua noj
» Hlub Txog Hnub Tuag
» kuv tsis paub sov yuav xav li cas
» Koj Tsis Tuaj Ces Lub Chaw Yuav Nphob Mus