Subject: Tsis tuag kev hlub yuav tuag kev nco Tue Mar 13, 2012 6:44 am
First topic message reminder :
Hnov mob kuv taub hau tuaj Zoo li muaj tus kab Mobhlub Yam dej kub nchuav hlab kuv Thiaj mam thuv seev lus cia Kuv txoj sia yuav tu twb tiag Koj lolus npliag uas kuv nqhis Ua kuv xis mus poob deb Cas tsis feb los cawm ntxiv Kuv ua phiv koj qhov twg Yam lub lwg hnub ziab ntau Yuav yaj tau ua huab cua Kuv thiaj tshua koj ua luaj Koj tsis tuaj ntshe yuav ntog Yuav yaj mog tus kuv hlub Tsis txhob ua lub siab me Los nyob ze kuv ib sab Muab txhais npab puag kuv kiag Mov dej txiag pab pub kuv Kom siab puv nrog koj nyob Vim kuv mob yuav tuag nco Kev hlub tso tsis tau koj Siab tsis loj nco koj xwb Thiaj mob hlwb yuav vwm tiag Thov puag kiag kom siab kaj me me ma me hlub e...
Last edited by nkaujxis on Mon Mar 19, 2012 2:04 am; edited 1 time in total
Ywjsuab cas koj yuav txawj kwv txhiaj ua luaj li nab? Ywjsuab koj tuaj qhia wb nrog koj sib lwv kom wb txawj li koj nawb hehehehe lawv tsis tau tuaj ces kuv sim kawm teb koj ua ntej os ib chim los lwm hnub seb nkaujhmoob puas tuaj pab kuv hehehe....
cia kuv teb nawb
Cas me nkaujhnubqub tuaj nyob rau rab teb rooj ntug no, twb tsis muaj lawm dab tsi nroo, tsua pom tau 8tos8nco ib leeg siab zoo. Xav zoj tias lub ncauj ncauj tsis hais los cas pom nws nim nyob kho siab dua ntais tiag, Thiaj li zeem ua ua ib leej nus thiab ib leej muam sau lus tuaj siab npliag. Cas me nkaujhnubqub tuaj nyob rau rab teb rooj ntug no, twb tsis muaj lawm dab tsi kov, tsua pom tau 8tos8nco ib leeg siab zoo nyob ntawm nov. Xav tias lub ncauj ncauj tsis hais los cas pom nws nim nyob kho siab dua ntais tseg, Thiaj tau sib zeem zoj ua nkauj muam nraug nus sib txhawb koj lub luag qoob luag loo thiaj xav leg.
Cas rooj teb no es nim tsis muaj Nraug Ywjsuab tuaj nrog lawm muam nkaujhnubqub thiab 8tos8nco nyob, thiaj kho kho 8tos8nco thiab muam nkaujhnubqub siab luaj no. Cas 8tos8nco e wb tsis muaj ib tus me zoo hlub tuaj nrog lawm wb nroo, los twb muaj tau nraug Ywjsuab ntauj taw tuaj txog los nws tseem tsis pub leej muam nkaujhnubqub nrog nws muaj txoj hmoo. Cas rooj teb no es nim tsis muaj Nraug Ywjsuab tuaj nrog lawm muam nkaujhnubqub thiab 8tos8nco nyob, thiaj kho kho 8tos8nco thiab muam nkaujhnubqub siab luaj no nev. Cas 8tos8nco e wb tsis muaj ib tus me zoo hlub tuaj nrog lawm wb nroo, los twb muaj tau nraug Ywjsuab ntauj taw tuaj txog los nws tseem tsis pub leej muam nkaujhnubqub nrog nws muaj txoj hmoo nrog taug lawm ib txoj me kev.
Cas nyob rooj teb no es kuv leej nus 8tos8nco yuav tsis muaj ib tus me nyab, los nws leej muam nkaujhnubqub yuav tsis muaj lawm ib tus me zoo yawm yij los pab. Cas nyob rooj teb no es kuv leej nus 8tos8nco yuav tsis muaj ib tus me nplooj siab, los nws leej muam nkaujhnubqub yuav tsis muaj lawm ib tus me zoo yawm yij los pab wb sau paj huam thiab.
Tiam neej no cas tu siab luaj no om.
Ntuj teb yuas nkaujhnubqub cas es koj niam koj txiv noj tus tsav yam dab tsi thiaj li yug tau koj tus me dawb mos nyuj nyoo khov kho, koj tuaj ncig txog hmoob ceeb tsheej rooj teb no tuaj zeem tau kev neej mus kev tsav tau lawm ib tug zoo nus li 8tos8nco. Ntuj teb yuas nkaujhnubqub cas es koj niam koj txiv noj tus tsav yam dab tsi thiaj li yug tau koj tus me dawb mos nyuj nyoo cev yiag txias li tus pas xyoob, koj tuaj ncig txog hmoob ceeb tsheej rooj teb no tuaj zeem tau kev neej mus kev tsav tau lawm ib tug zoo viv ncaus li nkaujhmoob.
Ntuj teb nis nkaujhnubqub cas es ywjsuab niam thiab txiv tsis txawj noj ces thiaj li yug tau lawm ywjsuab tus me tsis ntse tsis tshaj lij, ywjsuab ncig tuaj txog rau hmoob ceeb tseej rab teb rooj ntug no los twb tuaj zeem tsis tau lawm leej twg yog ywjsuab kwv ywjsuab tij. Ntuj teb nis nkaujhnubqub cas es ywjsuab niam thiab txiv tsis txawj noj ces thiaj li yug tau lawm ywjsuab tus me lus tab nrog hlwb ruam, ywjsuab ncig tuaj txog rau hmoob ceeb tseej rab teb rooj ntug no los twb tuaj zeem tsis tau leej twg yog lawm ywjsuab nkauj ywjsuab muam.
Ywjsuab es koj nim tsis suav kuv yog koj muam thiab kwv tij li ntag, hehehe, j/k.
nyob zoo minoog, ywjsuab ces lam dag xwb ma twb yog tshav ntuj tim toj, nws ntshai tsam kuv caum nws noj, los nag puag tim hav nws txhawj tsam koj caum txeeb nws khawb ncaws hnav xwb mas... Ywsuab me neeg ntxim hlub cas yuav ua cai tag npaum li nab, puas yog ntshai tsam tau nkaujhnubqub ua koj nyab ma? hehehehe