thaj chaw mloog nkauj

Yog lawm mas zoo li nws yog ib tug neeg siab zoo thiab siab ntev heev li thiab tiag nws yeej pab txhua tus nyob rau hauv no.

lov? Nws zoo npaum li ntawv tiag ntag?
tej zaum yog tiag mas vim nws twb pab kuv qhib kuv lub topic sau paj huam ne yom

Nyob zoo Ywjsuab thiab Nkauj Hnubqub,

Ywjsuab, ntawm lo lus, "Hlub ຮັກ" lus Hmoob thiab Nplog ntawm tsis yog dab tsi os. Nws tsuas yog kuv mus nrhiav lo lus ntawm seb nplog cov web site thiab peb Hmoob cov web site muaj pes tsawg lo lus, "Hlub" tshwm hauv cab sab xwb vim nplog mas yuav tau mus sau kiag nplog cov alphabet nrhiav ne hos Hmoob ces cia li sau lo lus hlub xwb yeej pom tag Hmoob cov lus lawm. Qhov sib txawv ces yeej zoo ib yam li koj hais xwb.......hahahahahahaha.

Hais txog Dr. Shoua Yang mas nws yeej pib los muab speech tau ntau daim videos raws li sawv daws pom hauv cab sab lawm es nws yeej hais tau lus zoo kawg li lawm. Tab sis, qhov yuav kom peb Hmoob tsis txhob muaj mistake tias ib tsam ib tug hais tias lwm tus ua tsis tau li siab yuav kom ib tug txawj ntse los ua thiab qhia peb Hmoob thiaj li yuav mus tau ib kauj ruam deb tuaj. Qhov tseem ceeb ces peb yuav tau yoog raws lub teb chaws peb nyob thiab muab luag lwm tsav neeg tej zoo koom haum los xav seb yog vim li cas luag thiaj li muaj kev sib raug zoo tsis hais cov muaj kev ntseeg ntuj los yog kev cai dab qhuas li poj koob yawm txwv ib txhis coj. Lub sij hawm yeej hloov mus raws caij nyoob vim peb cov neeg tshiab nim nov lawv tsis xav li peb Hmoob xav lawm zuj zus ces qhov peb yuav sib sau tau ua koom haum kom muaj paus muaj ntsis thiab muaj tau keeb kwm nyob rau teb chaws no ces peb yuav tau pib li Dr. Shoua Yang hais lawm. Tab sis, cov tub txhawj thiab ntxhais ntse lub neej nim nov mas lawv yog cov kawm mus deb thiab paub deb heev lawm mas tsuas yog lawv tseem tsis tau yog cov los nres hauj lwm pub rau Hmoob ces qhov ntawm tseem xam tsis pom tau tias ua li lawv puas yuav muaj lub zeem muag los kho Hmoob kom Hmoob tig rov sib hlub es peb txhob tos kev neej kev tsav los sib hlub xwb vim peb Haiv Hmoob tuaj nyob rau lub teb chaws vam meej tau 37 xyoo lawm peb tsis muaj ib tug thawj coj tshiab los qhia rau me nyuam Hmoob tias tus neeg ntawm ua tau dab tsi rau Hmoob hlo li vim peb tseem siv yawg Hlob Vaj Pov uas yog peb Hmoob tus qub nom tswv nyob Los Tsuas rau yav neej thaum ub lub npe los kav Hmoob xwb ces qhov ntawm luag tej laus twb 70 mus rau 80 xyoo lawm los peb tseem pheej hais tias luag yog peb tus nom tam sim nov xwb mas qhov ntawm peb Hmoob qhia tsis tau tias peb lub vab tshaus puas tshau tau Hmoob tus nom thiab los tsis tau........hahahahahahahahaha.

Qhov peb Hmoob muaj ib tug neeg los ua thawj coj ces peb tsuas tos tus neeg ntawm lub tswv yim xwb mas nws tsis ua hauj lwm rau pej xeem Hmoob ces thaum kawg sawv daws yuav rov muaj teeb meem ntau yam dua. Qhov yuav kom peb Haiv Hmoob muaj tau ib tug zoo thawj coj mas yuav tsum yog peb muaj lub xaj pha council los nrhiav peb cov lus nom lus tswv kom paub tau meej meej tias thaum twg ib tug nom Hmoob raug xaiv tsa los ua tus thawj coj lawm, tus nom ntawm yuav tsum yog tus los nyeem thiab pom peb cov lus nom tswv hais txog lub koom haum los yog tsav neeg ntawm cov lus tseem ceeb hauv nws qhov administration mas nws yuav txum muab cov lus ntawm los nej hnub xyaum hais cuag hais kwv txhiaj kom nws muab tau zoo speech thiab ib tug pej xeem Hmoob twg noog txog koom haum fab twg los nws paub teb rau pej xeem thiab nws tsuas yog tus los kos tus signature rau Hmoob khiav hauj lwm xwb ma thiaj li yuav muaj paus muaj ntsis thiab peb Haiv Hmoob thiaj li yuav muaj tau qhov chaw cia siab vim niaj hnub nov mas peb cov neeg txawj ntse kiag los lawv yeej tsis paub pib qhov twg tuaj li vim qhov twg los nyiaj txiag nkaus xwb ces kev thov khawv ntawm pej xeem tsuas yog los ntawm peb Hmong cov festival thiab lag luam pab nkaus xwb hos yuav kom pej xeem Hmoob kam muab lawv cov nyiaj hauv lawv lub hnab tshos los pab peb Hmoob ib tug nom twg mas tsis tau muaj coob leej li. Txawm yog muaj lawm los tsuas yog hauv cov muaj kev ntseeg ntuj thiaj li muaj kev sib pab ntau xwb.

Txhais tau tias peb Hmoob cov nom tswv yeej muaj chaw khwv nyiaj nyob rau lawv tej zej zos uas muaj peb Hmoob nyob nto txhiab yim rov saum yog tias lawv muaj lub zeem muag xam pom lawv tej hauj lwm thiab kev saib pej xeem nyob rau lawv lub zos. Yog peb Hmoob tsis muaj cov nom tswv los saib pej xeem ces txhua lub festival cov nyiaj txiag yuav poob mus rau cov neeg luag muaj phooj ywg coob ces thaum kawg cov nyiaj ntawm tsis yog peb Hmoob nom tswv tug ces cov nyiaj ntawm yuav yog mus rau qeej leej Hmoob tug lawm xwb ces peb Hmoob kev cia siab yuav tu ncua zuj zus mus ces thaum kawg peb tsav neeg Hmoob yuav cia li nyob li tej mab tej sua lawm xwb raws li kuv tham pem xwb vim kuv tsis tau xyeej sij hawm mus ntsib peb Hmoob cov neeg tseem ceeb thiab nrog lawv tham ces qhov kuv khwv yees xav txog Dr. Shoua Yang cov lus ces muaj li no xwb.

Hais txog VP nws yog peb Hmoob li keeb kwm nyob rau tsam tsov rog Nyab Laj nyob rau sab Indochina vim muaj nws peb yuav nco ntsoov nws tej txiaj ntsim kev cawm Haiv Hmoob ua ntuv zus puab pem ciam teb Nyab Laj nyob rau sab Sam Neau los txog rau Looj Ceeb uas yog peb Hmoob qhov caw tiag taw los xaus rau hnub May 14, xyoo 1975 thiaj li yog hnub peb cov nom tswv Hmoob tseem ceeb ntau leej tau yam tawm Looj Ceeb mus rau sab Thaib teb yog ib zaj dab neeg cawm Hmoob tsoj sia tuaj rais ua ib co neeg muaj koob nto npe thiab txim txiaj txhua tus rau nyiaj tej me nyuam mus rau yav neej pem suab mus tsis tag tsis kawg. Qhov kuv txiv qhia kuv thiab nco tau ces yog muaj li ntawm.

---

Nkaujhnubqub, Ywjsuab wb tham mloog nkauj mas tsuas yog wb tham tshaj mus rau lwm sab me ntsis lawm xwb os.

8tos8nco,

Koj cov lus saum toj sauv yog ib cov lus tsim nuj heev li nawb. Peb hmoob ces luag tej laus twb ib txwm tau hais paj lug tias yug tub los tuav ncej dab yug ntxhais los tsa ncej qhua thaum yus laus lawm no. VP ces zoo li lawv cov lus tau piv txwv li ntawv lawm lub sib haum no yog cov tub txawj ntshais ntse lub caij nyoog lawm. Yuav tsum muaj tus pib thiaj li yuav muaj tus xaus, yuav tsum muaj tus thawj thiaj li muaj cov sawv raws qab. Lub vij ceeb no pom tau tias cov neeg paub tab twb pib feeb tsim los rhwv kab nrhiav kev rau peb hmoob lawm zuj zus. Xav hais tias tsis ntev lawm xwb peb yeej yuav muaj ib lub zoo koos haus los coj peb hmoob lawm.

Ywjsuab,

Hehehehehe......zoo siab peb tseem tuaj muab koj lub chaw mloog nkauj nov tham lus txhua yam nrog lub suab nkauj thiab os.