Kev hais lus mas nyob ntawm koj mus ntsib tus neeg yog neeg li cas xwb.
Piv xam li tias koj mus ntsib koj tus qub phooj ywg ces koj yuav paub nws siab zoo thiab nws los yuav paub koj siab zoo ces neb yuav tham ib nrab paj lug nrog lus tiag los tau.
Piv xam li tias koj mus ntsib ib co neeg koj tsis tau paub lawv dua thiab lawv los tsis tau paub koj dua qhov ntawm mas koj yuav tau mus nrog lawv sib fim neeg tus cuj pwm thiab txoj pa seb sawv daws puas yog ib hom neeg yus los rau ib lub zim txwv thiab paub tham ib yam lus tso koj mam li tham ntau yam lus nrog lawv los tau.
Piv xam li tias koj mus ntsib ib co neeg nom tswv kav lawm koj yuav tau hais lus saib tau lawv thiab fwm lawv kom nrog lub suab zoo siab hlo es txhob tham lus dog dig tawm hauv nruab siab rau lawv paub koj tias koj yog ib tug neeg zoo li cas xwb.
Piv xam li tias koj mus ntsib dab laug thiab niam tais yawm txiv ces koj yuav tau hais lus yoog lawv es txhob hais lus khav theeb vim luag twb kam luag tus ntxhais rau koj coj mus puag lawm ces yuav tau ua neeg fwm luag thiab mloog lus ntau xwb.......hahahahahahaha.
Subject: Re: Kev Txij Nkawm Tue Aug 14, 2012 1:35 am
Nkaujhnubqub,
XH Foom Lis yeej cuab suab thiab nthuav nws tej lus kub tawm tau zoo kawg li mas. Hais txog ib tug XH ces lawv muaj lub sij hawm xav txog txhua yam lus lawv xav coj mus nthuav hauv church los yog xov tooj cua rau tib neeg mloog ces lawv ua tau mas.
Hais txog cov me nyuam tseem nyob rau yav ntuj qub qab mas lawv yog neeg nyob pem roob xwb ces lawv tseem hais lawv yam lus li qub es yog ib tug me khaub ntxhais xav ua pa xws niam pas ces tus me ntxhais ntawm yuav tau nej hnub nrog nws niam tham thiab ua ke tag li xwb mas thaum nws laus taw yog loj tuaj lawm nws thiaj li yoog tau nws niam lub suab thiab tus cuj pwm.
Nyob teb chaws vam meej ces me nyuam los tsev yog los pw xwb hos nruab hnub ces lawv mus nrog cov neeg nyob hauv tsev kawm ntawv tag li xwb thiab yog thaum lawv los tsev es lawv ho nyiam mus nrog lawv tej phooj ywg leej twg ua si heev ces lawv yuav yoog raws tej tus neeg li ntawm ntau dua lawv yoog lawv niam lawv txiv tus cuj pwm lawm ces thaum me nyuam loj tuaj hais lub Hmoob tsis meej lawm los muaj. Hos tej cov me nyuam ces lawv los txog tsev yog lawv nyiam pab niam thiab txiv ua noj ua haus, tu tog vaj tog tsev, thiab tham pem heev ces cov me nyuam zoo li ntawm tseem yoog tau niam thiab txiv qho me ntsis ua ntej lawv yuav laus taws yog nto hluas.
Yog li ntawm, txhua yam lus XH hais rau tib neeg mloog lawv yeej yuav tsum los nrhiav tej lus lawv xav nthuav tawm rau tib neeg ntawm kom txaus nkaus ces thaum lawv muab tau cov ntsiab lus tag lawm ces lawv thiab li tham tau zoo npaum hais kwv txhiaj mas.
Meskas cov XH mas thaum lawv mus teev ntuj lawv thiaj li qhia Vaj Lug Kub thiab nthuav lawv tej lus tawm rau cov pawg ntseeg tau mloog xwb. Hos thaum lawv ua lawv tej dej num hauv church tag lawm es los nyob hauv tsev xwb ces lawv yeej tham ib yam li tej neeg xwb mas vim hauv vaj hauv tsev mas tsis yog hauv church. Hos peb Hmoob mas yog koj yog ib tug neeg ntseeg ntuj lawm mas koj txawm nyob hauv tsev thiab mus church los koj yuav tau siv ib tug cuj pwm nrog neeg ua neej xwb ces nws txawv zog luag lwm haiv neeg tej cuj pwm tam kuv xav.
Kuv nyiam saib thiab mloog Ywjsuab neb cov video kawg li os.