Cas hnub no.....

cas hnub no..........kuv tuaj ho coob
Nkaujhnuqub thiab NkaujHmoob..........tham txog kev khwv
lus sib lwv..........zaj twg los nco
tsis txhob tso..........peb kev lom zem
tuaj peb lem..........seb leej twg keej
yog paub meej..........xav tham tag li
luag txhwb txhi..........ces twb yog neb
hais lus teb..........ua lub chaw lwv
txoj kev khwv..........thiaj nrog luag muaj
tham hij huaj..........cuag noog noj kab
kev sib pab..........zej zos tshiab khiv
luag huj hiv..........yog lus qab zib
tuaj sib ntsib..........lub siab tseem nco
nyob tag hmo..........los yeej kam mas

NkaujHmoob wrote:

Nyob zoo os me niamhluas NKaujhnubqub,

Koj tuaj tsis ntsib peb lawm vim peb lub caij nyoog txawv
Koj tuaj thaum twg tsis pom peb vim txoj niag kev khwv
Koj tuaj txhua zaus tsis tau nrog tham vim tsis khoom tuaj tsham
Koj ua lub siab ntev peb tseem nco koj tsis tau tso tseg
Vim khuam haujlwm thiaj tsis xyeej tuaj thiaj tsis tau tham
Peb txoj kev phoojywg vivncaus tseem nyob li qub
Txhob ntau khwv siab dub peb txoj kev phoojywg thiaj yuav nyob li qub

Nco koj os

Yog lawm os ............Nkaujhmoo tus neeg zoo
Kuv tuaj nroo...........niaj hnub nyob tos
Kom koj los.............nrog kuv nroo dua
Vim kuv tshua...........nco koj kawg li
Hnub tsis ci..............rau kuv li lawm
Koj tsis tawm............ntshe kuv yuav ploj
Thiaj hu koj..............qw nrov npaum no
Xav tias tso.............thaj chaw no tseg
Cia kuv veg.............los siab tsis kheev
Tseem ts heev.........koj rov tuaj mog
Thov nco txog ........wb kev sib ntoj
Kuv thiab koj...........ua si lom zem
Wb raug cem...........los wb sib pab
Koj muaj qab ..........los koj kam faib
Kuv thiaj laib ..........tau txais kev zoo
Kuv thiaj nroo..........tuaj cawm koj thiab
Koj nyuaj siab .........kuv thiaj los ntxias
Txhob cia txias ........ wb kev hlub nawb
Neeg siab dawb.........Kuv viv ncaus zoo tshaj

8tos8nco wrote:

cas hnub no..........kuv tuaj ho coob
Nkaujhnuqub thiab NkaujHmoob..........tham txog kev khwv
lus sib lwv..........zaj twg los nco
tsis txhob tso..........peb kev lom zem
tuaj peb lem..........seb leej twg keej
yog paub meej..........xav tham tag li
luag txhwb txhi..........ces twb yog neb
hais lus teb..........ua lub chaw lwv
txoj kev khwv..........thiaj nrog luag muaj
tham hij huaj..........cuag noog noj kab
kev sib pab..........zej zos tshiab khiv
luag huj hiv..........yog lus qab zib
tuaj sib ntsib..........lub siab tseem nco
nyob tag hmo..........los yeej kam mas

hehehehe, kuv txawj txog li no xwb tam sim no na neb teb tuaj nawb

muaj koj tuaj..........ua kuv siab kaj
hais lus paj..........xav nyeem tag li
luag txhwb txhi..........tsis xav ncaim mus
neeg zoo lus..........txawj nqee nruab plaw
tham txaus ntshaw..........muj kev sov siab
yog hnub tshiab..........zoo siab rau koj