NkaujnagTshia Lub Chaw Seev Lus

Subject: NkaujnagTshia Lub Chaw Seev Lus Tue Oct 23, 2012 10:13 pm

First topic message reminder :

Vim kuv ntseeg kojdhau .kev mob siab thiaj caum tauVim kuv hlub koj heev zig nokuv thiaj khaws tau ke seev, Cas koj tsis hlub tsis qhia thaumntxov,Cia kuv ho tig kuv lub siab rov.Cas koj tsis hlub tsis hais qhiathaume.Cia kuv ho muab kuv nplooj plaw tig rov fee.zaum no kuv pib nco kojZiag no koj ho yuav ncaim mus plojZiag no kuv pib nco koj lawm Koj ho muab wb me kev hlub tshem tawmHauv koj lub siab puas muaj ntsav.Puas yoghauv koj nruab plaw tsis muajdej tsis muaj ntshav kav,Puas yog hauv kojlub siab tsis muaj ntshav tsis muaj rojPuas yog hauv koj lub siab tsis txawj ntilub plawv tsis txawj ntojSis zoo kuv tsis keej sau es xyaum saume me aiv xwb thiab kuv saib zoo li txawv txawv kuv tsis paub li na

Subject: Re: NkaujnagTshia Lub Chaw Seev Lus Wed Jan 29, 2014 3:12 am

Nyob zoo leej muam Nkaujnagtshia, zoo siab hnub no rov tau tuaj ntsib koj dua.

Me leej muam, kuv Nraug Ntses Toj Siab ces nyob niag pas dej me me es tis tw khaub khaub hlab, thiaj tsis muaj me niam leej ntxhais twg xav thab.
Kuv Nraug Ntses Toj Siab ces nyob niag pas dej ti ti es tis tw ntuag ntuag, thiaj tsis muaj me niam leej ntxhais twg xav puag.

Yog Nkaujnagtshia tsis xyeej, me Nraug Ntses mam tuaj nrog nws seev.
Yog Nkaujnagtshia tsis tib, me Nraug Ntses mam tuaj nrog nws pib.

Me Nraug Ntses ces niag nplai ntxhib ntxib, thiaj tsis muaj niam leej ntxhais twg xav txav ti.
Me Nraug Ntses ces niag nplai laus laus, thiaj tsis muaj niam leej ntxhais twg xav tau.

Me Nraug Ntses ces niag hem hem nyuj, yog Nkaujnagtshia pom dheev ces kawg dhia lawm 1 roog ntuj.
Me Nraug Ntses ces niag hem hem twm, yog Nkaujnagtshia pom dheev ces kawg dhia lawm twj ywm.

Me leej muam paub tias niag pob ntoos tsis phim pob zeb, ntshe me Nraug Ntses yuav tsis phim Nkaujnagtshia tus nyob kev deb.
Me leej muam paub tias niag pob zeb tsis phim pob cav, ntshe me Nraug Ntses yuav tsis phim Nkaujnagtshia tus nyob kev dav.

Mam sib ntsib dua os, ua tsaug. Byeeeeeeeee.

Subject: Re: NkaujnagTshia Lub Chaw Seev Lus Fri Jan 31, 2014 12:14 pm

NraugNtse ua tsaug nws los sau lus seev pub nagtshia nawb mog.Ntuj nis me nraugntses nws txawm tus dej me me.LOs nws lub siab tsis muaj ntau che.Nws txawm tus me dej tsis tob,Los nws lub me pas dej ntshiab ntshiab xis xis nagtshia nyob .NraugNtses txawm nws yuav txawm rau lub me pas dej ti ti los nws twb txawj txawj ntxhi,Nws hais seev yuj yees khuam khuam nagtshia siab,NagTshia Twb xav nrog nws tuav tes yuj yeev mus ywj kiab mas nraugntses.NraugNtses Tau hlub me nraugnses pem toj roob ces yog nagtshia muaj hmoo.Tau hlub me nraugntses pem hav de nro ces twb yog nagtshia txoj hmoo txog es zoo siab uas nws los nrog nagtshia seev nawb mog sib ntsib dua nagtshia...........

Subject: Re: NkaujnagTshia Lub Chaw Seev Lus Wed Mar 05, 2014 6:24 am

Tshav ntuj nrig snow pib yaj
nco koj tshaj tiag NakuJNagTshia
thaum kuv ntsia rov rau tom qab
hnov suab sab koj tej lus zoo
lub siab nroo rov nco txog koj
cas ho ploj mus dua twg lawm
tsis pom tawm rov los puag kuv
tseem yuav thuv mus txog thaum twg
kev phooj ywg thiaj zoo li qub
wb kev hlub thiaj yuav rov muaj
koj mam tuaj nrog kuv nyob dua os???

Ntuj os NtsujPlig"
wb hmoov tsis sib txig"
Thiaj koom tsis tau cuab "
Nyob tsis tau 1 yig"

NagTshia tsis yog neeg muaj txuj"
Thiaj nyob ntsia ntuj"
Thiab saib luag zoo"
Yeej ntau xyoo uas wb sib paub"

Kuv yeej saub thiab kuv yeej seev"
Nplooj siab ntxeev txoj pa yuav tu"
Kuv sab plu yeej ntub kua muag"
Koj nyob luag nrog kev kaj siab"

NkaujNagTshia "
Thiaj nyob ntsiag to"
Tus koj nco nrog nraim koj nyob"
Thooj 1 tsob pw ua 1 la"

Me nkaujnag'
lub siab ciaj ntoo"
Lub plawv nrau cag tas lawm es"
Thiaj li tsis pom qab nti lawm os"

Ua tsaug NtsujPlig zaj zoo paj huam
NagTshia tsis txawj ces tseem"
Xyaum hais xwb es zam txim nawb"
Sib ntsib dua os NtsujPlig tus zoo"

Subject: Re: NkaujnagTshia Lub Chaw Seev Lus Fri Nov 14, 2014 2:13 am

Ncaim Tau Ntev.

Ncaim lawm ntev----------mam tau rov tuaj

Ntshe koj muaj----------tus hlub 1 sab

Tuav koj npab----------neb mus ua ke

Zaum sib ze----------sib tawb sib zeg

Koj twb tseg----------tsis nco Nraug Ntses

Ncaim ntev ces----------Nraug Ntses tus ntxhiab

Hauv koj siab----------thiaj li ploj lawm

Muam nkauj ntxawm----------tus neeg ntxim hlub

Ncaim ntau hnub----------ntau hmo ntau hli

Tej lus ntxhi----------ntawm wb yav dhau

Thiaj li tau---------ploj lawm ntsiag to

Ncaim tav no----------ntshe koj tsis hlub

Tej lus qub----------ntshe koj tsis nco

Ncaim ntau hmo----------tsis tau sib cuag

Tsis tau puag----------hnia koj tus ntxhiab

Hauv koj siab----------ntshe twb hloov mus

Muaj dua tus----------los hloov kuv chaw

Koj nplooj plaw----------puas tseem muaj kuv?

Puas tseem xuv----------li tus nkauj xwb?

Koj kuv wb----------txoj me kev hlub

Yav thaum ub----------puag nram ntej i

Ntau lub hli----------yav tag dhau los

Puas tseem tos----------hlub kuv Nraug Ntses?

Hos kuv ces----------tseem xws li qub

Haj tseem hlub----------cuag ntuj thaum i

Tseem luag ntxhi----------tos koj 1 leeg

Vim kuv ntseeg----------hlub koj tshaj plaws

Thiaj tseem khaws----------tuav wb kev hlub

Tsis tau pub----------plam ncaim kuv mus

Hmoob leej nus----------zoo li kuv no

Thiaj li nco----------tsis muaj hnub ploj

Ua li koj----------ho xav li cas?

Koj puas ras----------xam muaj nraug hmoob?
Nyob pem roob----------zoo li kuv no

Koj puas nco----------wb tej lus hais?

Niam leej nxthais----------tus me kheev luag

Nco koj cuag---------siav twb yuav rho

Sim neej no----------nco koj tshaj plaws

Neej laus taws----------tav ntuj li no

Tsis tau nco----------leej twg npaum koj

Sawv zaum zoj----------los tsis kaj siab

Lub tseem ntsiab-----------vim muab nco dhau

Thiaj ua rau----------nplooj siab qaug lias

Tab txawm tias----------ncaim ntev tav no

Los tseem nco----------nkauj hmoob li koj

Tsis tau ploj----------hauv kuv nruab siab

Tag 1 txhiab----------1 txhis los nco

Yog koj ho----------tseem nco kuv thiab

Me nplooj siab----------tuaj piav qhia mog

Koj tuaj txog----------ces tab meeg tham

Txhob ntshai tsam----------lwm tus ho paub

Yeej meem saub----------seev koj kev nco

Seb puas ho----------nplij tau kuv siab
Kom nyob ntsiab---------tam tus dej ntws

Nplooj siab ntsws----------ho puas yuav nqig

Kom kuv tig----------rov los feeb meej

Kom rov tsheej zoo li qub tiag.

Lam sau ua si xwb thov nej txhua tus txhob xav li cas, thiab ho zam txim pub.

Ua tsaug.

Subject: Re: NkaujnagTshia Lub Chaw Seev Lus Mon Nov 17, 2014 12:38 am

Vim hnub txooj nreg nram ntej ub koj tsa suab dib, kuv me nplooj siab thiaj yuj lais nrog cua hliv. Hnub no koj fee duj das zoo tsis txawv nas mus ntsib miv los kuv thiaj li tsis tso vim siab tsis yib. Me lus zoo koj hais muaj, lus mos koj hais ntau kuv me siab ntsws sib yaum qaug pua lua sawv tsis taus. Koj txawm yuav ua ib siab mus ploj ntais los ntshai kuv yuav tuaj zov seev nco koj quaj nce toj nqis taug txog hnub laus nrig cwj dawb hau paug.

Vim hnub txheej rov thaum ntxov koj nim tsa suab seev hu, kuv me plawv ntoj tsis muaj txug thiaj li tuaj khiav koj ua chaw ntoj chaw thuv. Hnub no koj fee duj das zoo tsis txawv ntses nuj ntses nia dhai poob ntav nruab nqhuab rau tus tshav ntuj kub, koj nim ua cuav tsab zias tsis xav lees hlub los kuv siab ntsws qaug lais ua nruj nriaj sawv tsis tus. Zaum no koj lawm ploj qab ntais tiag los kuv yuav niaj hnub tuaj quaj ncig toj ncig pes zov koj tej me qub lw kom txog hnub nrig cwj dawb hau paug txoj siav ua ib siab tu.

Sim neej no kho koj siab ces koj tawm rooj plaws ncig yeev ntivtes yoj yiag nrhia lus seev. Kho kuv siab ces kuv nim ncig tuj tws tsis muaj chaw mus thiaj tsuas mus nrhiav taug saib puas pom tej neeg khuam siab li koj ib tug neev, mam muab koj tej me neev coj mus nco ua zaj los ua ntxeev saib puas deeg txog koj lub siab xeev.

Tiam neej no kho koj siab ces koj tawm rooj plaws rag tsheb ntws mus saib phooj ywg nkawm swm hmoob. Kho kuv siab ces kuv ncig tuj tws li me tsov me plis taug tw roob, kuv nim mus muab koj txhua lo lus los xyaum qog los xyaum qhoob coj rov los dag ntxias saib kuv lub plawv puas txawj tus nplooj siab puas txawj rov zoo saib nthwv me cua moj lwg puas xa koj ib tsab moo.

Kuv seev tsis phim koj los cia sam tseg ua kev phooj ywg, yog txoj hmoo muaj wb ntag yees tau sib ntsib mam fim koj ib khob zoo cawv ntxwg.

» NkaujnagTshia Lub Chaw Mloog Nkauj
» Haus Coffee Thaum Sawv Ntxov Tsees
» Seev Kwv Txhiaj
» Sib Tw Seev Cev
» Seev Qhia Koj Paub