Ntuj nis kuv me Pajlwg
Ib hnub twg yog muaj txoj hmoo
lub ntuj zoo ho tsis muaj huab
kuv yuav muab wb txoj kev hlub
coj los qhub kom puv ntiaj teb
rau koj peb ho tau khaws cia
kuv muaj sia twb vim muaj koj
kuv xav zoj txog yav tag los
kuv tseem nco txhua lub sij hawm
ua wb tawm tuaj mus sib ntsib
lub neej pib txawm pib tau lig
los ntuj tig wb los sib paub
thiaj tau saub txoj kev nco koj
nyob tsis ploj rau kuv nruab siab
xyov tiam tshiab puas yuav muaj tseeb
cia muab feeb kom lub siab nqig
cia nraug hli tos nkauj hnub kev
ua siab ntev yog thaum hmoov txog
kuv tsuas yog koj ib leeg li
kev ua si tso daj tso luag
los ib vuag twb yuav dhau mus
kuv leej nus hlub koj ib leeg
koj puas ntseeg tias kuv hlub koj
muab xav zoj leeg nyob sab ntuj
siab ya yuj nrhiav koj tas li
zoo tam li kev hlub online
koj sawv nraim rau kuv nruab siab
koj tus ntxhiab tsis muaj hnub ploj
ua siab loj txhob muab xav ntau
txhob xav dhau rau tej pam rwb
kuv lub hlwb tsis yog qhov ntawd
kuv tseem sawv nraim wb tus hneev taw...xwb mog