LUB NEEJ ZOO IB YAM LI DEJ NTWS

Subject: LUB NEEJ ZOO IB YAM LI DEJ NTWS Sat Nov 17, 2012 4:55 pm

First topic message reminder :

LUB NEEJ TXOJ SIA ZOO IB YAM LI DEJ NTWS

Ib Vuag Hauv Lub Neej

Ua ntej koj yuav to taub txog "TXOJ KEV SIB HLUB" koj yuav tsum to taub txog "LUB NEEJ" yog li ntawd cia wb sib cog mus saib txoj kev ua NEEJ ib vuag ua ke. Nyob rau India teb chaws haiv neeg India ntseeg tias tus NIAM DEJ QHOOS QHAS yog koob hmoov rau haiv neeg India LUB NEEJ txoj sia.

Niam DEJ Qhoos Qhas tshwm sim NTWS tawm saum ib LUB roob uas siab tshaj plaws nyob hauv teb chaws India los. LUB sij hawm tus niam DEJ no txhawv tawm los nws ntshiab heev thiab haus tau qab laj siab heev li, vim li ntawd txawm yog yuav deb npaum cas los haiv neeg India thiaj yuav tsum nce mus kom txog saum LUB roob uas yog qhov chaw txhawv ntawm tus niam DEJ Qhoos Qhas thiab ce kom tau coj los haus ua koob hmoov yug LUB NEEJ txoj sia.

Sij hawm dhau mus ntau hnub tau ua rau niam DEJ Qhoos Qhas tau NTWS los poob rau nram tiaj nrag, LUB sij hawm ntawd thiaj ua rau tus niam DEJ no loj tshaj qub thiab tau nro daj rhuv tsis muaj hnub ntshiab vim muaj tej DEJ nag DEJ sab siv tau NTWS los tshuam thiab muaj tog khaub tog tsuag tshoob los sib xyaws ntxaws.

Txawm yog tias niam DEJ Qhoos Qhas yuav tseem ceeb rau haiv neeg India npaum cas los tej toj roob hauv pes uas siab heev nyob rau India teb yeej tsis muaj peev xwm yuav thaiv tau niam DEJ Qhoos Qhas kom txhob NTWS tau tawm mus rau hiav txwv li. Tsis muaj pes tsawg hnub tus niam DEJ Qhoos Qhas twb NTWS mus yuav tshuam DEJ hiav txwv lawm tiag. Yog thaum niam DEJ Qhoos Qhas mus tshuam rau DEJ hiav txwv lawm , txawm haiv neeg India xav mus ce kom tau ib khob los haus ua koob hmoov yug LUB NEEJ txoj sia los yeej yuav nrhiav tsis tau lawm vim tias niam DEJ Qhoos Qhas yuav NTWS ua ploj ua plag mus xyaws DEJ hiav txwg tag.

Yog thaum koj to taub txog niam dej Qhoos Qhas lawm koj thiaj yuav to taub txog LUB NEEJ TXOJ SIA. Peb txhua tus yug los thaum me yeej tsis muaj ib tug twg yuav raug thuam tab sis txhua leej txhua tus yeej raug qhuas tias tus me ab no mas ntxim hlub kawg li. Zoo ib yam li tus niam dej Qhoos Qhas thaum nws txhawv los yeej ntshiab si thiab haus qab laj siab heev li.

Tsis ntev pes tsawg peb loj hlob tiav nkauj tiav nraug koj los nco kuv tsis paub tag kuv los hlub koj tsis paub txaus thiaj tau sib sau los ua LUB neej, tab sis thaum tau los nyob ua ke lawm yuav muaj tub muaj ki muaj kwv tij-neej tsa thiaj ua rau muaj kev nyuaj siab ntxhov plawv. LUB caij no Zoo tsis txawv tus niam dej Qhoos Qhas thaum ntws poob rau tiaj nrag yuav daj thiab ntshiab tsis taus. Tab sis txawm yog tus niam dej Qhoos Qhas yuav muaj ntau yam ntws los sib xyaws thiab muaj toj roob hauv pes thaiv siab npaum cas los nws tseem yuav tsum nrhiav kom tau kev tawm mus kom txog hiav txwv, yog li nyob hauv ib LUB NEEJ txawm yuav muaj kev nyuaj siab ntxhov plawv npaum twg los yuav tau ua LUB siab ntev thiab nrhiav txoj hau kev ua LUB NEEJ mus kom kawg.

Nco ntsoov tias tsis ntev pes tsawg niam dej Qhoos Qhas twb ntws mus yuav tshuam hiav txwv lawm tiag, peb txoj kev ua NEEJ los kuj tsis txawv li niam dej Qhoos Qhas thiab. Ib pliag ntshis koj twb laus tag kuv twb laus dua, kuv plaub haus twb pib dawb koj LUB me plhus uas kuv ib txwm hnia twb pib nrwg.

Ib sij huam tsis nco saib niam dej Qhoos Qhas twb ntws mus tshuam rau dej hiav txwv lawm tiag hnub ntawd yuav ua cas haiv neeg India thiaj yuav mus nrhiav tau ib khob los haus ua koob hmoov. LUB NEEJ txoj sia los Zoo ib yam nkaus, yog thaum koj LUB qhov muag qi kuv LUB cev nraug xwb ploj mus lawm. Koj txawm yuav mus nrhiav thoob ntiaj teb los yuav tsis ntsib kuv, kuv txawm yuav mus nrhiav thoob qaum ntuj los yuav tsis pom koj, thaum muab xav li no kuv thiaj tis npe tias “LUB NEEJ TXOJ SIA Zoo IB YAM LI dej ntws – TXOJ KEV PHOOJ YWG TSUAS LOS IB VUAG DUA”. Yog thaum koj paub li no lawm koj thiaj xav ua LUB NEEJ kom muaj txoj kev sib hlub thiab nyob kaj siab lug mus ib txhis.

Tus sau,

Pheej Hmoo - Hlub Koj

The End

[/size]

Subject: Re: LUB NEEJ ZOO IB YAM LI DEJ NTWS Tue Nov 27, 2012 9:47 pm

Hummm ((bb)) yog leej twg ne? cas tseem tsis yog kuv thiab laub....lam yog kuv ma kuv mam li tuaj zaum ntua ntawm koj ib sab kiag tiag...hahahaha

Kavliam ma kuv mam li mus zaum kuv ib leeg saib movie xwb ma...hahahahahaha

ntws - LUB NEEJ ZOO IB YAM LI DEJ NTWS - Page 4 Movie-10

Ntsuj_Plig wrote:: (((bb))) Ua cas koj tsis tuaj nrog kuv saib movie li
kuv twb saib tag lawm na...

Subject: Re: LUB NEEJ ZOO IB YAM LI DEJ NTWS Wed Nov 28, 2012 3:57 am

Txoj kev hlub zoo li tus dej ntws
Ntws mus lawm phwj ywb yws
Zoo li tus dej ntws tsis rov qab
Thiaj ua ib siab tso koj sab npab

Ntshe tiam no mam cia siab puag
Tos lwm tiam seb wb puas sib cuag
Cia tos seb dej ntws puas sib tshuam
Seb ib hnub ntuj puas cia wb sib txhuam

Mam ua lub neej nrog kev kaj siab
Wb mam ua lub neej tsis muaj txiab
Kuv mam puag koj rau kuv nruab plaw
Koj mam hlub kuv puag kuv koj ruaj chaw

Subject: Re: LUB NEEJ ZOO IB YAM LI DEJ NTWS Wed Nov 28, 2012 12:32 pm

NkaujHmoob wrote:: Hummm ((bb)) yog leej twg ne? cas tseem tsis yog kuv thiab laub....lam yog kuv ma kuv mam li tuaj zaum ntua ntawm koj ib sab kiag tiag...hahahaha

Kavliam ma kuv mam li mus zaum kuv ib leeg saib movie xwb ma...hahahahahaha

Hahaha....Nkauj Hmoob

(((bb))) Ces yog everyone los mas, yog koj twb tuaj txog lawm no kav tsij los nrog
kuv saib zaj movie no zoo phim koj thiab kuv kawg tiag....hahaha

Subject: Re: LUB NEEJ ZOO IB YAM LI DEJ NTWS Wed Nov 28, 2012 12:40 pm

nkaujhnubqub wrote:: Txoj kev hlub zoo li tus dej ntws
Ntws mus lawm phwj ywb yws
Zoo li tus dej ntws tsis rov qab
Thiaj ua ib siab tso koj sab npab

Ntshe tiam no mam cia siab puag
Tos lwm tiam seb wb puas sib cuag
Cia tos seb dej ntws puas sib tshuam
Seb ib hnub ntuj puas cia wb sib txhuam

Mam ua lub neej nrog kev kaj siab
Wb mam ua lub neej tsis muaj txiab
Kuv mam puag koj rau kuv nruab plaw
Koj mam hlub kuv puag kuv koj ruaj chaw

Txoj kev hlub ces zoo tam li tus dej ntws
ib hnub twg nws yuav mus tshuam hiav txwv
ntshe wb txoj kev khwv nws yuav ploj zuj zus
kuv leej nus yuav nco koj mus tag ib tiam xwb tiag....

Yog muab xav kiag thaum koj ua nkauj kuv tseem ua nraug
wb sib raug tau los ua ib nkawm nkauj nraug sib hlub
cas lub ntuj ho tsis pub ntiaj teb ho tsis kam
thiaj tso wb rau lub ntuj fav teb lam
ua rau kuv yuav tau plam koj mus ib sim
ntshe yuav tsis zoo kuv lub siab chim lis os....hwvhwvvvvv

» neej neeg
» Lub Neej Ib Vuag Dua
» Hmoob Lub Neej
» LUB NEEJ SIB HLUB
» Neeg Lub Neej