Foom Koob Hmoov Xyoo Tshiab 2013

Subject: Foom Koob Hmoov Xyoo Tshiab 2013 Thu Dec 27, 2012 8:48 am

First topic message reminder :

Koob Hmoov Xyoob Tshiab

Txij no mus tsis muaj suab quaj
ua neej ruaj thiab nyob kaj siab
niam tsis ntiab txiv los txhob yws
hlub sib plhws ntiab tej kev phem
muab nws tshem nrog lub xyoo laus
mus kom xaus xyoo tshiab no tuaj
nyiaj kom muaj me nyuam tau ev
mus los tsev txhob noj cuav zos
txiv nyob tos niam maj rov qab
christmas yuav qhib khoom plig
txiv mus ncig los txawj los tsev
yog mus ntev hu foos los qhia
tsis txhob cia niam pw txias to
ntuj tag hmo niam ua poj ntxoog
ua yog toog tias puag naib txiv
tham ntxhi chiv rau nws pob ntseg
niam tsa ceg mus khaum nws duav
cev tes tuav leej txiv xub ntiag
thaum hnov kiag ntuj teb txias to
niam yaw hlo pam vov pov tseg
sawv tsis ntseg twb khaws foo hu
txiv tseem xyu ib suab nrov nrov
ho...yo....thov tseem nyob tim mall

Continue....Part 2.

Subject: Re: Foom Koob Hmoov Xyoo Tshiab 2013 Thu Dec 27, 2012 12:27 pm

hahaaa....Lam sau rau peb nyeem ua si xwb txhob xav li cas nawb...

Subject: Re: Foom Koob Hmoov Xyoo Tshiab 2013 Thu Dec 27, 2012 2:15 pm

txawj sau kawg li mas tijlaug a. Kav tsij tuaj sau ntxiv mog

Subject: Re: Foom Koob Hmoov Xyoo Tshiab 2013 Thu Dec 27, 2012 8:07 pm

nkaujhnubqub wrote:: txawj sau kawg li mas tijlaug a. Kav tsij tuaj sau ntxiv mog

NkaujHnub Qub

Kuv ntshai tsam kuv cov paj huam puv Hmongheaven lub ntuj peb tsis tau kev
nyob lawm na.....

Subject: Re: Foom Koob Hmoov Xyoo Tshiab 2013 Thu Dec 27, 2012 8:26 pm

Tawm xyoo tshiab thaum ib tag hmo
nrog kuv nco mus haus dej tshiab
noj nqaij txhiab los xa xyoo laus
nyob kom txaus ib tag hmo dua
sawv cuab npua cuab nyuj cuab nees
sawv ntxov tsees tsis txhob sib tsa
cev sib kha nyias sawv nyias los
pib sam cos sawv los ua noj
los sib coj pib dua neej tshiab
tej mos liab ntes qaib hu plig
rauv taws cig niam los tua qaib
txiv los saib thiab puag me tub
kev sib hlub ces li no tiag
kaj ntug kiag txiv sawv ntxuav muag
ntuj kaj zuag niam sawv ua tshais
tej me ntxhais sawv los pab niam
txiv nqa riam mus txhoov nqaij hau
tej tub yau sawv los ntxuav muag
tau ib pluag los sawv daws noj
txiv txawj coj niam txo hwj chim
tsis sib chim lub neej pauv hlo
thiaj tsis nco lub neej dhau los
kev cuav zos xaus tseg txij no
ntuj tag hmo yus ob niam txiv
tham ntxhi chiv txoj kev ua neej
peem kom tsheej mus ib ruam ntxiv
sib pab chiv lub cuab yim neej
nyob kom tsheej mus tag ib sim...mog!!!!

Subject: Re: Foom Koob Hmoov Xyoo Tshiab 2013 Fri Dec 28, 2012 7:28 am

Ntsuj_Plig wrote:: Tawm xyoo tshiab thaum ib tag hmo
nrog kuv nco mus haus dej tshiab
noj nqaij txhiab los xa xyoo laus
nyob kom txaus ib tag hmo dua
sawv cuab npua cuab nyuj cuab nees
sawv ntxov tsees tsis txhob sib tsa
cev sib kha nyias sawv nyias los
pib sam cos sawv los ua noj
los sib coj pib dua neej tshiab
tej mos liab ntes qaib hu plig
rauv taws cig niam los tua qaib
txiv los saib thiab puag me tub
kev sib hlub ces li no tiag
kaj ntug kiag txiv sawv ntxuav muag
ntuj kaj zuag niam sawv ua tshais
tej me ntxhais sawv los pab niam
txiv nqa riam mus txhoov nqaij hau
tej tub yau sawv los ntxuav muag
tau ib pluag los sawv daws noj
txiv txawj coj niam txo hwj chim
tsis sib chim lub neej pauv hlo
thiaj tsis nco lub neej dhau los
kev cuav zos xaus tseg txij no
ntuj tag hmo yus ob niam txiv
tham ntxhi chiv txoj kev ua neej
peem kom tsheej mus ib ruam ntxiv
sib pab chiv lub cuab yim neej
nyob kom tsheej mus tag ib sim...mog!!!!

kuv nyiam koj zaj paj huam no kawg thiab os
koj tuaj no sau ntxiv thiab os.
kuv yuav nqa koj ib txhia paj huam mus zais cia kawm nawb tijlaug a Smile

» Koob Hmoov Xyoo Tshiab
» Peb Hmoob Ob Lub Xyoo Tshiab Nyob Lub Nroog Fresno, CA Xyoo 2017-18
» Hmoob-Meskas Thov Koob Hmoov Rau Lub St. Paul-Changsha China Vaj Phooj Ywg Nyob MN
» *-Xyoo Tshiab-*
» nyob zoo xyoo tshiab 2015