~TUS HLUB HAUV TUS NPAUSUAV~

Npauj Npaim.....

Ntsuj Plig los tsuas lam seev txog nws txoj kev ntshaw yeej paub tias txawm yuav seev lub kua muag poob los yeej mus tsis txog chaw
Ntsuj Plig ces lam tuaj seev nws txoj kev hlub yeej paub tias txawm yuav seev lub kua muag ntws los yeej mus tsis txog ntxeev ntuj nraum ub os...

Ntsuj Plig, tos tias wb leeg mus txog kev lawm los vim koj yog Ntsuj Plig,
Hos kuv ces kuv yog Npauj Npaim lawm es thiaj mus tsis sib txig os mog,

Es txawm tias txoj kev koj mus ntawd tsis muaj kuv nyob rau hauv los,
Kuv yeej paub tias koj lub siab, nws yuav nco thiab mob npaum licas no mog,

Tus hlub hauv tus npausuav ces txawm yuav hlub thiab nco npaum licas los,
Tsuas yog hlub thiab nco tau hauv tus npausuav xwb es tsim los ces ploj lawm os.

Vim li ntawd thiaj caum tsis paub cuag tus hlub hauv tus npausuav,
Npausuav pom pestsaug zaus los yeej muab tsis tau los tuav li os lawv aw,

Npauj Npaim.....

Txawm koj yuav yog npauj npaim kuv yuav yog ntsuj plig los wb yeej ya sib txig
Txawm kuv yuav yog ntsuj plig koj yuav yog npauj npaim los wb yeej nyob ua ke nraim

Txoj kev hlub hauv npau suav ces txawm yuav nco npaum twg los muab tsis tau los tuav
Txoj kev nco hauv npau ntub ces txawm yuav nco npaum twg los yeej muab tsis tau rov los hlub os.

Ntsuj_Plig wrote:

Npauj Npaim.....

Txawm koj yuav yog npauj npaim kuv yuav yog ntsuj plig los wb yeej ya sib txig
Txawm kuv yuav yog ntsuj plig koj yuav yog npauj npaim los wb yeej nyob ua ke nraim

Txoj kev hlub hauv npau suav ces txawm yuav nco npaum twg los muab tsis tau los tuav
Txoj kev nco hauv npau ntub ces txawm yuav nco npaum twg los yeej muab tsis tau rov los hlub os.

Hmmm..., cas yuav seev tau raug siab ua luaj,
Koj tsis ntshai tsam koj tej lus zoo ho ua rau kuv quaj,
Cas koj yuav txawj seev kev hlub raug raug kuv lub siab xav,
Koj tsis ntshai tsam koj tej lus zoo ho ua rau kuv vwm nad,

Vim kuv muaj ib tug hlub nyob hauv kuv tus npausuav,
Kuv txawm hlub nws npaum licas los muab tsis tau los yuav,
Vim kuv muaj ib tug hlub nyob hauv kuv tus npauntub,
Kuv thiab nws, wb sib nco npaum licas los muab tsis tau los ua tus hlub,

Npauj Npaim.............

Muaj tseeb tiag txoj kev hlub hauv npau suav yuav ua rau lub kua muag sib twb nchuav, txoj kev nco hauv npau ntub yuav ua rau lub kua muag ntog ua lub.

Kuv los nco kuv me Nkauj Dab Ntub mas nco tshaj txiv nraug hli tos niam nkauj hnub. Kuv me Nkauj Dab Ntub nco nws txiv Nraug Npau Suav los nco tshaj niam nkauj hnub tos tsis tau txiv nraug hli txhais tes tuav thiab tiag....