YwjSuab thiab NagTshia

Subject: YwjSuab thiab NagTshia Thu Apr 25, 2013 9:02 am

First topic message reminder :

Lub Ntuj Rov Pub NagTshia Thiab YwjSuab Los Sib Ntsib

Hmoobheaven ntug dej hiav txwv, toj roob hauv pes laug tau zoo nakuj, paj hmab paj ntoos tawg tau tshiab khiv, me nroj tsuag hlav tau tuaj ntsuab xwb xiab rau txhua txhia ces kaum toj, cua tuaj txias zias nplooj xyoob nplooj ntoos laim pes txias rau txhua txhia ces kaum hav, me nplooj kuj yem nrog rau me nplooj hmab phaub npog lwj luas raws tus ntug dej hiav txwv Hmoobheaven, suab zeb saib mus ib ncua muag zoo nkaus li nyob rau teb chaws suab puam. Tag kis ntawv kaj ntug txoog NagTshia sawv ntxov mus ncig raws Hmoobheaven hiav txwv. NagTshia ncig mus kev ceev nrooj ib pliag xwb zoo li NagTshia sab heev lawm ces NagTshia thiaj li maj mam mus kev lawm xwb. NagTshia thiaj li tsa qhov muag saib taug raws tus ntug dej tsis pom muaj ib tug tib neeg li, saib mus rau puag tim qab ntug pom hnub tuaj ci ntsa iab, saib mus rau dej hiav txwv pom zoo nkaus li ib lub me nyuam ntuj ntsuab xwb xiab, thaum cua tuaj ib vuag nplaim dej nphau tsheej twv, cua tuaj ib vuag thiaj li pus tau NagTshia lub siab khiav lawm tiag. NagTshia ob lub qhov muag nyob nrog dej haiv txwv, ob txhais tawv mus kev tas zog, lub siab nrog huab nrog cua hais lus tsis nco saib kev li. Tos nco xwb NagTshia cia li tsoo kiag leej twg lawm ces NagTshia cia li yuav ntog, thaum ntawv tus neeg ntawv tuav nkaus NagTshia duav dub rhe NagTshia rov qab los. Thaum NagTshia sawv tau tus zog lawm, NagTshia xav zoj hais tias ntshe nyob tsam yog neeg phem. NagTshia txawm tib thawj tus neeg ntawv thiab NagTshia khiav ib sav rov tom qab, txawm hnov ib lub suab lus hais tias thov txim no rau NagTshia. NagTshia npau taws thiab ntshai heev ua rau NagTshia lub siab dhia peg poog lawm xwb ces NagTshia thiaj li cem hais tias:

continue.....

Subject: Re: YwjSuab thiab NagTshia Wed May 07, 2014 12:29 am

Tom qab YwjSuab thiab nagtshia noj mov tag ,NagTshia tias YwjSuab wb mus pov pob yom?YwjSuab tias nagtshia yog koj nkees ncig lawm ces mus wb mus pov pob los tau kawg.NagTshia thiab ywjsuab
nkawv sib tuav tes rawv mus txog hauv tshav pob hauv tshav ban,Hluas nkauj hluas nraug pov pob coov heev ua npaim npus xwb,Txawm muaj 2 tug hluas nkauj txawb 1 lub pob los rau ywjsuab tias pov pob os txiv leej tub,YwjSuab txais tau nkawv lub pob coj los saib 1 muag ywjsuab tias neb pov xwb tau lawm os,Ywjsuab rov muab nkawv lub pob cuam rov rau nkawv,YwjSuab tig los ntsia nagtshia ywjsuab tias nagtshia koj tsis kam wb pov pob es lawv thiaj kom kuv mus pov ntag,NagTshia teb tias ywjsuab cas koj ho tsis mus nrog nkawv pov ma?YwjSuab tias NagTshia twb muaj koj lawm es kuv yuav pov ua dab tsi na?NagTshia tias ywjsuab siab zoo npaum koj nav?nkawv kuj siab tawb sib zeg yam lom zem luag ntxhi,NagTshia tias yog li mus tuaj tov las wb pov nawb ,YwjSuab thiab nagtshia nkawv mus pov 1 me ntsis li 30 nas this xwb nagtshia tias ywjsuab cas zoo li tshav kub heev li es wb mus ncig xwb ma saib hmoob xwb yom,

YwjSuab thiab nagtshia nkawv kuj ncig saib hmoob pov pob lub Sij hawm twb yuav tsaus ntuj lawm nagtshia tias YwjSuab wb Twb ncig 1 hnub tsam no lawm es wb mus tsev yom,Rau qhov Tsam no ntshe lawv tso dej lawm,NagTshia yuav mus ev dej os .YwjSuab nrog nagtshia rov los tim (04) dua,ywjsuab tias Nagtshia cia kuv nrog koj mus ev dej thiab?NagTshia tias tau kawg ma ywjsuab yog li kuv yuav tsum ua 1 lub pob dua rau koj es koj ev li tus pom niam ov?.YwjSuab luag luag ywjsuab Tias nagtshia ywjsuab kam kawg ,tsuav tau nrog nagtshia xwb Tiag"NaTshia tias ywjsuab "Kuv dag koj xwb mog koj mus tsev Tsam tsaus ntuj koj niam lawv ho need koj mus pab lawv tej Yam dab tsi os,NagTshia twb muab nws khi 1 hnub no lawm cia Nws mus tsev nawb mog.YwjSuab tias ua li ma yog nagtshia Tsis kam cia ywjsuab nrog nagtshia mus tsam ces nagtshia cov Hmoob ho pom"NagTshia thiabywjsuab ua ke yam tsis paub Txaus,Txawm nkawv yuav ncaim 1 chim xwb los lub siab dai Dhuam tsis xav nrug,NagTshia tias ywjsuab koj txhob nkag siab Txhaum nawb mog nagtshia yeej tsis muaj leej twg hlo Ti.nagtshia tias ywjsuab koj ntshai dab tsi tshaj plaws?YwjSuab Tias nagtshia tsis muaj 1 yam dab tsi ywjsuab ntshai hlo li.yam ywjsuab ntshai nsthai tsam nagtshia siab coob mus muaj lwm tus xwb.Thiab tsis hlub ywjsuab xwb "YwjSuab rov noog nagtshia tias nagtshia 'Es koj ne ntshai dab tsi no.NagTshia tias YwjSuab muiab kuv daim nkauj no tso koj mloog ua ntej koj mus tsev.Txhua yam lus uas nagtshia ntshai nyob rau zaj nkauj nov lawm mog nws mam qhia ywjsuab nawb ..Becontinue...........

Subject: Re: YwjSuab thiab NagTshia Tue May 13, 2014 10:15 am

Tom qab nagtshia thiab YwjSuab mloog nkauj tag YwjSuab tias nagtshia koj zaj nkauj hais tau zoo thiab tu siab heev mog ,Tab sis qhia nagtshia tias tiam no tsis muaj hnub yuav ncaim nagtshia li "Ua siab loj nawb yom,NagTshia teb ywjsuab tias thov lub ntuj pab pov puag wb txoj kev hlub kom nyob li no mus 1 txhis tsis ncaim nawb YwjSuab.YwjSuab thiab nagtshia nkawv kuj tau sib ncaim nyias mus nyias tsev lawm.Muab hais los ywjsuab thiab nagtshia nkawv sib phim heev li leej twg pom los yeej pab nyiam thiab hais tias nkawv sib phim heev,NagTshia tej me phooj ywg los yeej pab nagtshia nyiam ywjsuab tias ywjsuab zoo nraug thiab ntxim nyiam heev,Yog nagtshia muaj txoj hmoo nagtshia yuav tau ywjsuab,Ntshe nagtshia yuav tau 1 tug txiv zoo,vim tej txheeb ze coob tus nyiam ywjsuab tus cwj pwm zoo.YwjSuab thiab nagtshia nkawv kuj ua ke txhua hnub uas lub xyoo tshiab noj 30 dhau tag,ua rau nkawv haj yam sib nco thiab tsis xav ncaim thiab nrug,dhau lub caij noj peb caug tag nagtshia niam lawv kuj ua 1 co teb zaub nyob rau ntawm ntug pas dej plawv,NagTshia niaj tag kis mus ywg zaub ntxhov ntxov ua ntej nagtshia yuav los mus kawm ntawv,peb nyob hauv zos vinai 1 txhia kuj ntiav kawm xws li kawm ntawv English hos ntawv thai ces thiaj tau mus kawm nyob hauv school.Lub sij hawm uas nagtshia thiab ywjsuab muaj txoj kev hlub tshua,ua rau nagtshia nco ywjsuab txhua lub sij hawm,ywjsuab los nco nagtshia 1 yamnkaus,nkawv txoj kev hlub suav hnub suav hmo loj thiab sib nco tshaj qhov

qub,Muaj 1 hnub ywjsuab txawm hais rau nagtshia tias ?NagTshia tiam no kuv txoj kev hlub sau tseg rau koj 1 leeg tag nrho lawm es koj ne?NagTshia tias 1 yam ma ywjsuab,Es tav no koj tsis ntseeg thiab paub tsis txog tias nagtshia nco thiab hlub koj npaum li cas li los ?YwjSuab tias nagtshia kuv paub ma tab sis tshuav 1 yam kuv tsis tau piav qhia koj,nagtshia ua lub siab poob nrov toog tias ywjsuab hais los ma,Muaj dab tsi uas koj tseem zais tsis tau qhia nagtshia,wb txoj kev hlub twb los tau ze 2 lub xyoo nov lawm es muaj dab tsi nyob hauv ywjsuab siab nab?Uas tseem tsis ntseeg nagtshia?thiaj tsis kam qhia nab los ywjsuab?YwjSuab tias nagtshia,Qhov tseeb kuv tuaj nrog kuv niam hlob txiv hlob nyob xwb ,Kuv niam kuv txiv nyob rau 1 qho.Yog kuv yuav koj no koj puas kam nrog kuv mus nyob deb ntawm koj tsev neeg ma?NagTshia lub ncauj tsis hais lub siab ntxhov tsis qhia ywjsuab.Vim nagtshia paub tias txoj kev hlub zoo li no leeg nyob 1 qho ntshe yuav laj sib tau,NagTshia lam teb ywjsuab tias ?YwjSuab kam kawg los ma tab sis kuv hnub nyoog tseem me tsam kuv ua tsis tau BV xwb ,Es ntshe yuav nrog koj mus tsis tau,Vim tias yuav tsum yog 18 xyoo nawb lawv thiaj kam yus ncaim niam thiab txiv mus,Lub sij hawm ntawv nagtshia lub kua muag teev yees,Hais tsis tau lo twg los mus ruaj khov rau ywjsuab"nagtshia tias ywjsuab cas koj tsis qhia kom tseeb rau nagtshia,Yog nagtshia paub tias zoo li no cia nagtshia txhob tham txhob hlub ywjsuab los khuam siab."YwjSuab tias nagtshia txhob maj poob siab ma kuv tus neeg zoo,Kuv yeej tsis ncaim koj mus yooj yim mog.NagTshia lub kua muag poob ntws nto rau ywjsuab pom,NagTshia tsis hais lus ntxiv lawm .YwjSuab txawm ntxias thiab hais zoo npaum cas los nagtshia lub caj pas ti ti li lawm,NagTshia lub siab ua 1 thooj qhia tsis tau rau ywjsuab tias mob nagtshia lub siab npaum li cas?Vim tias nagtshia twb pom thiab paub txog txoj hau kev uas nkawv yuav taug mus li cas lawm"NagTshia tsuas hais 1 lo lus tias YwjSuab koj mus tsev.NagTshia tsis tshua xis neej es wb mam sib ntsib dua mog.
Becontinue...........

Subject: Re: YwjSuab thiab NagTshia Tue May 13, 2014 2:04 pm

Ntuj yuas NkaujNagTshia.....cas es koj tseem piav tau lub caij uas koj ua lub kua muag poob ntawv yuav rov ua rau YwjSuab lub siab nyob tsis kaj li thaum ntawv tiag. NkaujNagTshia paub nab, thaum ntawv lub ncaij tsis hais lo lub siab mas mob cuag li riam hlais ho, xuas tes so los yuav raug NkaujNagTshia xo. YwjSuab los tau lawm tus me ntsoo ntsoo li tus qaib mob aws thiab xav hais tias thawj zaug uas NkaujNagTshia tau hais koj YwjSuab mus tsev tiag......

Subject: Re: YwjSuab thiab NagTshia Sun May 25, 2014 12:27 pm

YwjSuab es koj tsis pom nagtshia poob kua muag lub sij hawm ntawv los ?Cas koj ho tsis muab nagtshia puag lias so nagtshia lub kua muag ,YwjSuab koj na tso nkauj ua nagtshia luag mob plab tab sis nagtshia cheem tsis tau lub kua muag poob thiab lub siab uas rov nco ywjsuab dua 1 zaug ntxiv...

Subject: Re: YwjSuab thiab NagTshia Sun May 25, 2014 1:37 pm

YwjSuab tig los ntsia nagtshia lub me ntsej muag ntshaus ntsho"YwjSuab tias nagtshia koj lam hais xwb los koj tsis xis neej tiag tiag os ?NagTshia tias ywjsuab tiag ma,Wb mam sib ntsib dua nawb mog,YwjSuab tias NagTshia Yog li kuv xa koj kom txog tsev es kuv mam rov los mus tsev yom,NagTshia tias ywjsuab kav liam os kuv mam mus kuv ntev nyob ntawm lawm xwb es mus zookoj nawb ,YwjSuab rov teb tias nagtshia ua li ma yog koj tsis kam ywjsuab nrog koj mus ces ,1 tsam txhob maj pw tos ywjsuab nawb mog,YwjSuab mam ntsib koj 1 ntsis tsaus ntuj,NagTshia teb tias ua li os YwjSuab mus koj nawb .nagtshia los mus tsev ywjsuab kuj mus tsev lawm.Thaum rov tsaus ntuj zim zuag xwb twb rov pom ywjsuab tuaj lawm thiab ,NagTshia los kuj noj hmo tag tsuas yog nrog me nyuam yaus sib thab ua si sab xalas nraum zoov xwb ,NagTshia saib ywjsuab twb sawv tom tog ntaiv kawg ntsia nagtshia ,NagTshia thiaj los ze ntawm ywjsuab nagtshia tias koj twb rov tuaj lawm los ywjsuab"YwjSuab tias nagtshia,Koj paub nav koj ua rau kuv lub siab mob thiab laj tos tsaus ntuj es maj rov tuaj pom koj,NagTshia tias es ua cas mab?YwjSuab tias nagtshia koj taub hau puas zoo me ntsis os?NagTshia tias ywjsuab zoo me me lawm ma,tab sis ywjsuab tsis paub qhov tseeb tias nagtshia txhawj thiab ntshai heev txog nkawv txoj kev hlub,NagTshia lub ntsej muag luag nyav tab sis hauv nagtshia siab twb los ntshav,Hmo no yog 1 hmo qaim hli ci ntsa iab nagtshia mus nqa 2 lub tog tuaj rau YwjSuab thiab nagtshia zaum ntshia hli ,

Hmo nov ywjsuab hais lus los nagtshia teb tsuag tsuag nagtshia tsis muaj lub suab luag thiab xyiv fab lawm,YwjSuab noog tias nagtshia koj tsis tau khees li sav,Cas koj mluas ua luaj tsis tham li txhua hmo rau ywjsuab lawm os nagtshia? NagTshia tias ywjsuab mob nagtshia lub siab xwb "YwjSuab rov noog tias nagtshia ua cas ma?NagTshia tias ywjsuab Cas koj siab dub ua luaj wb sib paub los txog hnub no koj mam qhia tias koj niam koj txiv nyob 1 qho yog koj tuaj nrog niam hlob txiv hlob nyob kawm ntawv xwb.YwjSuab zaum no nagtshia yuav plam koj mus ,Yuav ua mob nagtshia siab npaum li cas?NagTshia yeej paub wb txoj hau kev zoo lawm txij koj qhia qhov tseeb,YwjSuab paub li wb txhob sib ntsib"Ntshe nagtshia lub siab yuav nyob tiaj tus.Zaum no yuav ua li cas nco koj mus txog hnub nagtshia txoj sia tu mus?NagTshia hais lub kua muag ntws sis ywjsuab kuj puag lias nagtshia muab ywjsuab lub tes tsho thiab nws cov ntiv tes mos nyoos los so nagtshia lub kua muag"YwjSuab hais tias nagtshia qhov koj mob taub hau es khiav kuv hnub no yog qhov no los me neeg zoo?NagTshia teb tias yog ma ywjsuab.Vim nagtshia paub lawm tias zaum no wb yuav sib ncaim tsis sib tau lawm tiag, YwjSuab teb tias kuv me nkaujnagtshia txhob maj tag kev cia siab li koj,Txawm li cas los wb yuav tsum sib tau,Tsis muaj yam dab tsi yuav los tshem tau wb txoj kev hlub os mog.Ntshe yog ywjsuab txoj sia tu lawm ma thiaj ncaim nagtshia xwb na ,Becontinue...........

» Lus Nco Thiab Lus Dai Siab
» NkaujnagTshia Lub Chaw Mloog Nkauj
» Nyiam Nagtshia Heev
» thaj chaw mloog nkauj
» Nco Nco Koj