Txhob rhuav koj lub neej

Yog yus siab tsis loj
Ces yus ua zoo coj
Yus siab tsis noj kheej
Thiaj mus taus tsheej
Txhob ntshaw dua
Lub neej tshua
Ua mob yus siab
Lub neej tshiab
Nrog tus neeg mos
Yuav tau rov tos
Rov pib lub neej
Tav twg mam li rov tsheej
Nkim lub sij hawm
Rov qab pib lub neej lawm
Rov qab pib khwv
Rov qab kho tsev tshiab
Tus me ab mos liab
Tsua zoo ib ntus
Ntev zog mus
Luag hu yus ua niag laus
Ntshe tu siab kawg nkaus
Lub neej xiam thaj
Ces yuav raug mob tau ntsaj
Rau koj yog kev hlub
Rau lawv tim ub
Ces yog kev tuam choj
Ua twb zoo coj
Ua tus neeg ncaj
Koj siab thiaj li kaj
Ua li tej laus hais
Yus lub tais
Muaj mov puv
Txhob ua paug suv
Txhob lob nrhab
Thiaj tsis thab
Nrhab lo plaub hau
Tsam daws tsis tau
Plaub hau dawb tuaj
Yus khaws tau kev quaj
Ntshe yuav tus siab
Yus niam nkauj iab
thiaj yog tus yus ib txwm hlub
Khuv xim yav ntuj thaum ub
Los luv paub li
Yus muab khi
Pov tom qab lawm
Ntshe yuav tsis cawm
Yus lub siab ib zaug
Ua lub siab dawb paug
Thiaj tsim nyog rau yus tus hlub
Vim nws xwb yog yus ts khub
Txhob siab coob
Thiaj tsis raug puas yus tsob noob
Thiab thiaj tsis tau lub npe phem
Txhob mloog luag hem
Thiaj tsis puas koob puas npe
Thiaj tsis muaj tus nyiag yus lub qe