Subject: Hlub Thaum Tshiab Sun Sep 15, 2013 2:24 pm
First topic message reminder :
Puas yog neeg txoj kev hlub yog hlub thaum tshiab xwb? Nej puas pom li ntawv thiab los tsuas yog tej khub niam txiv xwb? Kuv tsis paub thiab vim zaj nkauj no hais li no xwb.
Txoj niag kev hlub ces yog yus pib tau lawm yuav thim tsis tau rov qab lawm ces yog yus hlub tau tej tus me neeg txom nyem xwb los kev hlub lawm ces yuav hlub ib leeg kom txog rau thaum ob leeg nkag tsis zawj es nrig pas tauv lawm los tseem xav tias yog lam yog ob leeg txawj plig ntshe yuav plig rov mus pib dua seb puas yuav rov zoo li yav thaum ob leeg tseem hluas ib zaug ntxiv.
Kuv xav hais tias peb cov txiv neej Hmoob nim nov xyov puas muaj cov tseem xav rov mus ua nraug nrab tim nplog teb coob npaum li cas xwb lau vim kuv tsis hnov leej twg tham txog nco Nkauj Hmoob Los Tsuas li cas ne.
Kuv xav hais tias yog tus neeg yus hlub hlub nws seev npaum li zaj nkauj saum lawm ces tsis ntaus siab coob li lawm vim tias muaj tsawg yam qab los xav cia rau tus yus hlub ib leeg noj rau yus ntsia thaum nws noj ntawm lub me ntsis hniav es xav kom ob leeg muaj kev zoo siab nyob rau tiam nov tag li xwb tam kuv xav.
Kuv xav hais tias kev zoo siab ntawm ob leeg yog muaj nyiaj txiag siv seem so tsis nco txhawj, muaj vaj tsev tshiab nyob kaj siab lug tsis sov tsis no, muab zoo tsheb caij quaj nrov vwg zoo cuag caij lub nkoj txeeg koj lum nyob nruab deg, sib tawb nkuj nki thaum ob leeg nyob ua ke tag li, hais lus mos lus muag nqee nplooj siab nplooj ntsws luag txhi ua me cev muag nthas, muaj dab tsi ob leeg noj yaim nplaig liav xo nyuj nyoom zoo li qab qab, dej ntshiab los ob leeg haus ua me ncaj pas nrov qhoov, thiab ntshaw plias lub sij hawm sib ntsib tham tsis tag zaj vim tsis xav sib nrug ib chim los ib tsam li ces yeej tsis muaj teeb meem li.
Last edited by 8tos8nco on Tue Sep 17, 2013 1:09 pm; edited 3 times in total
Txoj kev hlub yog tau pib lawm yeej thim tsis tau rov qab ma. Tab sis ib txhia neeg cia li pauv siab thaum sib yuav tag. Cas tus lawv yuav lawv cia li tsis nyiam tsis xav hlub lawm. Tej tug thiaj tau los kua muag rau txoj kev hlub ua twb tau tsim muaj tab sis nyob tsis kawg txog hnub laus.
Tam li kuv mus noj mov cuav zos ma hnov peb txiv neej hmoob tham siab kub lug mus rau sab ntuj tim ub xwb ho. Vim tej tug twb laus laus li 50 lawm los tseem tau tej tus me nkauj mos ab 15 xwb. Cov txiv neej ma yeej nyob tsis tswm lub siab twb kub lug xav mus tim ub kawg li.
8tos8nco, xav kom txiv neej txhua tus paub xav li koj hais. Tsis txhob pub yus tus niam nkauj txhav qab seev thiaj quaj rau txoj kev hlub. Yog ib tug txiv neej/pojniam ua tau li ntawv lawm ces nkawv lub neej yeej yuav muaj txoj kev hlub luag ntxhi tas hlis tas xyoo txhog hnub nkawv laus laus plaub hau dawb paug. Ces nkawv yuav tsis paub ntshaw leej twg lub neej li lawm tiag.
Txoj kev hlub qee leej ma thaum muaj nyiaj lawm hajyam puas sij rais mus ua rau kev hlub plam ho tej txia kev hlub plam kuj vim yog tsis muaj nyiaj ces muaj stress ntau yam ua rau nkawv tag kev cia siab tsis xav ua neej ua ke......kuv lam tham li kuv xav xwb.....hahahha
Txoj kev hlub yog ntuj pub thaum ob leeg sib nyiam lawm niam thiab txiv thiaj li muab rau luag los rau yus ces thaum ob leeg sib hlub lawm yuav nco ntsoov thaum chob nplhaib ces ob leeg mus tsim neej es txawm muaj thiab pluag los yuav tau sib hlub mus kom kawg keeb thiaj li yog txij nkawm ntawv tiam los sib hlub.
Hahahahaha....tos koj mus noj mov cuav zos es koj hnov cov txiv neej tham siab kub lug mus rau sab ntuj tim ub los vim cov ntshais sab ntuj tim ub nco nco nraug Hmoob-Meskas ces txawm laus los xij lawv thiaj li xav txuas lus nrog nraug Hmoob-Meskas ces kawg yuav tau pub nyiaj rau hluas nkauj ces yog mus ntau lwm ces kawg yuav tau rau siab khwv thiaj rov mus taus sab ntuj tim ub. Tab sis, kuv xav hais tias cov nkauj Hmoob-Meskas tim no tseem ntxiv hlub tshaj pob vim lawv nyob teb chaws no lawv noj qab pw sov thiab lawv ntxim hlub tshaj cov nkauj Hmoob-Nplog. Tab sis, tsuas yog lawv tsis paub lus Hmoob zoo lawm xwb.
Cas kuv xav kom Maiv Ntxhee Vwj seev zaj nkauj nov yog seev rau kuv xwb ...
nias lub button nov tag ces koj tshoom mus lawm saum thiaj saib tau.
Last edited by 8tos8nco on Wed Sep 18, 2013 1:28 pm; edited 1 time in total
Txoj kev hlub yeej yog ntuj pub ob leej thiaj li los sib ntsib sib pom. Nkawv thiaj sib nyiam los sib sau ua neej ua ke. Thaum tsis tau sib tau ces cuag li nws ib leeg thiab yus ib leej thiaj yog tus zoo tshaj. Tsis tau ces mov los twb sis xav noj dej los twb tsis xav haus......tab sis thaum los nyob ua ke ntev cas ib tug cia lam dhuav dhuav ib tug. Los yog ib tug tsis txawj ua rau ib tug nyiam lawm es txoj kev hlub thiaj tsuag ploj zuj zus mus lawm.
Cov niag thaub laus mus mus tim Nplob teb ces tau me me nyiaj xwb yeej nyob tsis tswm lub siab ma kub lug yuav mus tim Nplog xwb. Txawm luag tsis nyiam nws los nws tsis kkk tsuav tau puag me nkauj mos mos ab ib zaug xwb. Nyiaj yuav poob ntau npaum cas los lawv tsis kk li os....hahahaha
Yeej yog li koj hais mas vim tias kev hlub yog ob leeg sib hlub tiag ntuj yeej txawj ua kom ob leeg txo hwj chim es sau siab ua ua ke taug ib txoj kev.
Kuv xav hais tias yog tib neeg paub txog txoj kev txij nkawm ces lawv txawm ua lub neej qub ntev npaum li cas los lawv nplooj siab yeej tsis hloov vim raws li tej laus sib hlub mas lawv muaj qhov hais tias laus lawm los lawv tseem nco ntsoov lawv txoj me khev ua neej yav thaum hluas thaum ob leeg tseem zoo nkauj zoo nraug ces txawm ua neej nyob laus nkoos lawm los lawv yeej tsis muaj qhov hloov siab li vim lawv ntshaw lub npe xav mus kom txog theem pog yawg mam li zoo siab qi muag ne.
Hehehehehehehe.....koj hais peb cov thaub laus siab kub lug xav mus nplog teb xwb. Yog li koj hais ces peb cov ntxhais mos mos sab ntuj tim ub kuj muaj chaw cia siab vim tseem muaj peb cov thaub laus yuav mus saib lawv ces yeej yog hmoov zoo kawg li tam kuv xav. Hais txog siv nyiaj ces yog yus tawm rooj plaws mus txawv zos lawm ces yeej siv nyiaj tag li xwb ces tej zaum yuav tsis luaj twg.
Hais txog Maiv Ntxhee Vwj cov music nws tus yeeb yam thaum nws walk kuv nyiam kawg li mas.
nias lub button nov tag ces koj tshoom mus lawm saum thiaj saib tau.