Nyob zoo ib tsoom phooj ywg sawv daws, zoo siab kuv tau tuaj txog nej lub zos no. Pom nej txhua tus nyob tau yam kaj siab lug thiab lom zem heev li os.
Last edited by Ntau Hnub 8 Hlub. on Thu Sep 26, 2013 8:53 pm; edited 1 time in total
Author
Message
Guest Guest
Subject: Re: Kuv Tuaj Tshiab Wed Nov 13, 2013 5:13 am
Nyob zoo me leej muam Nkaujnagtshia, zoo siab hnub no rov ntsib nws dua cia siab tias nws yuav ntsib kev noj qab haus huv. Tsis ua cas leej muam, 1 leeg nyob 1 sab ntuj, nyias muaj nyias hauj lwm ces tsawg zaus thiaj li tuaj sib ntsib, txawm tuaj qeeb tuaj lig los leej nus tsis xav li cas, tsuav kuv muam tus zoo lus noj qab nyob zoo txhua sij hawm xwb ces leej nus yeej zoo siab lawm os.
Ab, me leej muam leej nus nyob rooj teb no tawm rooj sib plaws nim tsuas pom tag me toj roob hauv pes sawv ua ntswg niab, me leej nus thiaj li seev kev kho siab, me leej nus tawm rooj sib plaws nim tsuas pom me toj roob hauv pes sawv ua sib sawv, me leej nus li seev kev kho plawv, yeeb vim tsis muaj kuv me leej muam tus zoo lus, me leej nus siab thiaj puas tsus, vim tsis muaj leej muam nyob ntawm 1 sab, me leej nus nplooj siab thiaj li fab, thaum twg nco me leej muam tus me luag mtxhi, me leej nus tsis pom qab ua zaj twg ces kawg tsa muag ntsia saum lub hli, thaum twg me leej nus nco leej muam tus ntxim hlub, me leej nus tsis paub ua zaj twg ces kawg ntsia saum lub hnub xwb tiag me leej muam e.
Nyob zoo os Leej nus nraug ntses.Zoo siab uas nws rov tuaj os.Txhua leej txhua tus tos tos ,Xav hnov nws xov sab ntuj nrauj e....Seb nyob tsaus los nyob kaj hli,Rooj ntug koj nyob puas muaj tshav ntuj puas muaj cua hlob.Es puas kho siab los ntxim nyob.Cas nagtshia nim xav tuaj tis ya mus ncig lawm 1 ntsis.Ntshe yuav kaj nagtshia siab xoob lawm nagtshia plawv.Seb puas dim nagtshiaj pa mob lub siab lub qawv,NraugNTsesTojSiab,Sab ntuj koj nyob me iab oo sawv zig niab Me paj hmab paj ntoos tawg dauv niab ,Ntshe txhua hnub koj yuav mus taug tej me roob siab mus mloog me liab cuam quaj xi nqiab na nrog me duab tshav ntuj ntsa li iab na yuam..
Guest Guest
Subject: Re: Kuv Tuaj Tshiab Fri Nov 15, 2013 5:05 am
Nyob zoo leej muam Nkaujnagtshia, zoo siab rov tau ntsib koj hnub no dua os leej muam, cia siab tias hnub no nws yuav ntsib kev noj qab nyob zoo.
Ab, me leej muam rooj teb no me Nraug Ntses tawm rooj plaws nim tsis pom tag tsav sim seej tus qas tsi nim tsuas pom tag me huab dawb sawv ua sib ntswg niab, kho kho me Nraug Ntses siab vim tsis muaj tag me leej muam tus ntxim siab, me leej nus tawm rooj plaws nim tsuas pom tag tus me noog liaj nrog noog luv, kho kho me Nraug Ntses plawv vim tsis muaj tag me leej muam tus ntxim hlub mas me leej muam e!.
Subject: Re: Kuv Tuaj Tshiab Mon Nov 18, 2013 11:13 am
Nyob zoo os NraugNtsesTojsiab.Zoo siab uas hnub no tau rov tuaj nrog koj tham dua os .Puas nyob zoo thiab .Nyob rooj teb ko nim muaj me paj hmab paj ntoos tawg kho siab khuav puag tim tej laj tsua.Ntshe tej me kab me noog twb seev suab txhua.Ntshe yuav tsis kho nej siab.Rooj teb no ces tsuas pom me toj roob iab oo sawv zig neb.Kho kho lub siab los tsis paub yuav qhia leej twg.1 tug phooj ywg los tsis nrog luag muaj.Hnub twg kho nagtshia siab chim nagtshia plawv ces mus zaum 1 pob quaj.NraugNtsesTojSiab ua tsaug txhua yam uas koj ho los nrog peb nyob sov zos heaven nov ua rau lub hnub muaj tus duab ci lub hli muaj tus duab ntsa.Yog khoom los ho qee koj lub sij hawm tuaj tauv pem thiab tso duab kho siab pub peb saib thiab os .Vimm tias nagtshia nco teb chaw koj nyob lim loog zoo tam li ua npau suav es tsim los xwb ,twb tsis paub tej nroj tsuag ,liaj teb thiab muaj dab tsi zoo nkauj nyob rau tim ko.NagTshia Xav xav pom tej me toj roob hauv pes thiab nroj tsuag nyob sab kom nyob nawb los. mam sib ntsib dua os nraugntestojsiab tus nyob deb