DavDub Mus Blog Tebchaws Part One

Davdub,

Hahahahahahaha.......yeej yog li koj hais.  Tab sis, yav ntuj thaum ub txawv lub neej nim nov lawm ntau vim tias lub caij thaum ub lub ntiaj teb ua tsov ua rog hos lub caij nim nov mas lub ntiaj teb thaj yeeb ces cov tib neeg yug los tshiab yeej muaj kev sib hlub zoo tshaj lub neej thaum ub lawm ntau puas npaug ces yog koj muab piv rau li cov laus thaum ub ces Hmoob nyob muaj Hmoob zos hos Nplog yeej nyob muaj Nplog zos tsuas yog sawv daws ua phooj ywg xwb hos tam sim nov mas Hmoob thiab Nplog nqes los nyob ua ke lawm ces txawm sawv daws yuav nyob sib xyaws tus siab tus qis li cas los lawv yeej ib tug tsis lam ua phem rau ib tug li cas, thiab lam yog yav neej pem suab es Nplog pub Hmoob mus nyob lub province twg nrog Nplog los tau tag nrho thiab mas thaum ntawm Hmoob tshiab Nplog yuav sib hlub heev tshaj qub li os.

Hais txog ntawm qhov koj hais tias cov neeg tim ub nyob dub txig ntxim ntxhai mas vim yog nyias nyob muaj nyias ib lub teb chaws ces nyias muaj nyias cov neeg cob qhia nyias tus cuj pwm zoo sib txawv ces tej thaum koj mus ntsib ib pab neeg los zoo li luag pheej ua rau koj muaj ntsis tau ntshai hos peb cov neeg mus nyob Meskas mas lawv yug loj hlob los ua ib tug ncej neeg ces lawv yuav tsum paub txog txoj cai yuav rais ua ib tug zoo neeg thiab muaj vaj huam sib luag ces yog ib tug tsis muaj Race/Color Discrimination tawm tsam ib tug kom neeg tsis sib ntseeg siab ces txawm nyias mus kev duj duam rau txhia txoj kev los yog sawv daws hais ib yam lus lawm xwb ces ib leeg yeej tsis lam ceeb thiab ntxhai ib leeg li cas vim luag cov tub ceev xwm los luag yeej ua ncaj ncees rau luag cov pej xeem vim luag tsis muaj qhov yuav ua zoo rau ib tug tseg ib tug li cas.

Nyob zoo hnub tshiab rau nej sawv daws os 8tos8nco, Davdub, thiab Dabpobtwb.

Nej mas txawj tham kawg li os, nej tham tau lom zem kawg rau lub zos Looj Ceeb hos kuv li ces tsis paub txog lub zos Loojceeb thiab yav ntuj qub qab zoo vim kuv tseem me me lub sij hawm ntawm.

Nkauj_Dala, hais txog Looj Ceeb ces nws tsuas yog ib lub tshav rog base thaum ub CIA tuaj pab Hmoob thiab Hmoob pab CIA xwb es thiaj li muaj cov nom tswv Hmoob thiab poj niam nom Hmoob nyob xwb hos dua li ces pej xeem Hmoob feem coob tsis yog nyob Looj ceeb li os.  Tab sis, txhua tus Hmoob tawg teb chaws ces yeej ya los tsaws rau Looj Ceeb tag mas mam li mus nyob rau lwm qhov chaw lawm xwb ces Hmoob feeb coob txawm nyob lub teb chaws Nplog los lawv tsuas pom lub nroog Looj Ceeb qho pliag li npau suav xwb thiab yus los paub tsis tseeb thiab tsuas yog paub mus search txog CIA tej xwm txheej ces thiaj li mus nrhiav tau xwb os.

Nyob zoo rau neb os Davdub thiab 8tos8nco,

Zoo siab uas neb tseem nqa lub zos Looj Ceeb li duab tuaj tso nov qhia kom peb paub tias lub zos zoo li cas thiab.  

Davdub, lub teb chaw nplog ces ntse koj loj zog lawm es koj tseem nco tau qho me ntsis os hos kuv ces twb nco tsis tau ib qho li lawm ces tsuas pom lawv tej duab lawv thaij los ces twb nco tsis tau ib qho me me li.  Txawm li cas los xij mas vim lub sij hawm ntawv yus tseem me heev ces cia txhob nco tau es thiaj tsis nco nco thiab thiaj li tsis xav rov qab mus saib Nplog teb dua zaum ob.   Tos cov laus lawv xav xav mus tim Nplog teb los vim lawv nyob tiv loj thiab laus tim tuaj es lawv tseem nco nco lawv tej kev taug, kev plees nkauj nraum, thiab kev ua noj ua haus.

Piv txwv li kuv tau los nyob California tau 1 xyoos mas kuv cia li mus yuav txiv lawm es mus nyob rau MN lawm xwb ces thaum twg kuv mus saib kuv niam thiab kuv txiv lawm mas kuv yeej tseem nco lub zos kuv tau los nyob nrav kawg li vim mus txog thaum twg los kuv lub kua muag tseem teev yees vim yus tau tso yus niam thiab txiv thiab tej nus thiab viv ncaus lawv rau nram tag lawm thiab kuv xav tias cov laus lawv xav li ntawv rau Nplog teb xwb  no.....os.