Vim dab tsi os Hmoob???

Ib lub teb chaws twg nyias yeej muaj nyias txoj kev cai lij choj rau nyias haiv neeg nyob hauv txhua tsav neeg taug thiab ua neej raws li nyias txoj kev ntshaw kom nyias lub teb chaws txhua hom neeg muaj taus kev vaj meej sib xws ces lub teb chaws ntawm thiaj li tsis muaj qhov sib ntshai, sib cais, sib tsim, sib chua, sib tsuj, sib ntaus, sib rub, thiab sib chim siab li cas tau.

Yog li ntawm, txawm peb yuav saib luag tej yeeb yaj kiab uas tej yam luag ua tsis zoo saib los yog luag tsim keeb kwm rau luag lub teb chaws xwb ces tej ntawm yog luag teeb meem xwb es tsis yog peb Hmoob txawv teb chaws teeb meem.

Vim Hmoob tsis muaj teb chaws nyob rau luag teb luag chaw xwb.   Yuav tau ua li luag txoj cai luag thiaj li tsis tsim txom xwb mas.

NkaujHmoob, zoo siab rau koj cov lus tuaj saib Ntsuj_Nplig daim clip saum thiab os.

Koj tham txog peb Hmoob tsis muaj teb chaws yeej yog kawg.  Tab sis, peb Hmoob yog ib co neeg tsawg heev nyob ntiaj teb thiab peb tsuas nyiam ua lub neej nyob toj siab xwb ces peb Hmoob thiaj li ib txwm tsis muaj teb chaws hu ua Hmoob npe los yog Hmoob tug vim lub ntuj twb tsim tau lub ntiaj teb los rau txhua tsav neeg nyob ces tsav neeg twg txawj sib hlub thiab luag cov neeg coob vam ntws cuag xub mu ces luag muaj kev vam meej mus deb ntau tsav ntau yam ces luag tsav neeg thiaj li tau ua tswv teb chaws.

Peb Hmoob qhov pom kev deb tshaj plaws yog nyob toj siab es pom cov huab pw hav thiab ua lub neej cua tuaj plaws ntws txias zias mus thoob ib ce vim peb cov neeg Hmoob hais tias lawv nyiam huv heev li ces yuav tau mua ua tsev nyob toj siab xwb thiaj li huv siab hos luag lwm haiv neeg mas luag nyiam nyob chaw qis vim luab paub zoo lawm hais tias qhov twg tiaj nrag thiab muaj dej loj ces luag yuav kwv tau noj tau haus thiab luag yuav rau rau siab sib hlub kom luag cov neeg vam ntws cuag xub mu ces luag yuav tsim vaj tsa tsev nyob kom ncee iab ces luag thiaj li ib puas xyoo luag neeg coob zuj zus ntau lab tuaj ces luag thiaj li muaj cov neeg los txhim teb kho chaws kom luag muaj tau ciam dej ciam av ces luag thiaj li muaj teb chaws.

Lub neej nim nov ces peb Hmoob yuav tau xyaum nrog luag ua neeg zoo es txawm peb ib nrab Hmoob yug los ua Hmoob nyob rau nyias lub teb chaws los nyias yuav tsum hlub lub ntuj daim av nyias nyob thiab yoog kom tau nyias lub teb chaws txoj cai lij choj thiab tus cuj pwm nrog luag sib haum xeeb ces luag thiaj li hlub Hmoob.