Tus Ntuj Pub Nrog Tus Qub Hlub

Subject: Tus Ntuj Pub Nrog Tus Qub Hlub Tue Oct 14, 2014 1:55 pm

First topic message reminder :

Subject: Re: Tus Ntuj Pub Nrog Tus Qub Hlub Fri Oct 24, 2014 5:10 pm

Dab Pob Tawb wrote:: Nyob zoo os tus muam Nkauj Dala zoo nkauj...vam tias koj yuav ntsib kev noj qab nyob zoo thiab os.

Nyov zoo os kuv me nus Dabpobtwb tus me neeg zoo tawb...heheehe. Hnub no koj tuaj pom kuv zoo nkauj lawm lov? Very Happy

Kuv yeej noj qab nyob zoo kawg li tab sis nco koj xwb vim koj pheej mus ntev ntev tsis tuaj nrog peb tham lawm na.

Subject: Re: Tus Ntuj Pub Nrog Tus Qub Hlub Fri Oct 24, 2014 5:18 pm

Nyob zoo os Ywjsuab,

Hahaha...yog tias tus hlub tuav tes rawv ces yeej tuaj tsis txog no li tiag. Tab sis tus hlub twb tsis tuav tes ne es kuv thiaj tuaj txog no lawm tiag. Kuv xav tias tus hlub ces yuav yog Ywjsuab lawm xwb tiag...hehehehe. Yog tias Ywjsuab lam los hlub tau Nkauj Dala tiag ma ntse tiam neej no Nkauj Dala tuaj los ntse yuav luag ntxhi xwb laub...heehehehe. Puas og na Ywjsuab. Cia mam tuaj mloog koj zaj dab neeg txuas ntxiv seb yuav mus zaus li cas nawb...hehehe

Subject: Re: Tus Ntuj Pub Nrog Tus Qub Hlub Mon Oct 27, 2014 9:16 am

Nkauj_DaLa.....xyov YwjSuab puas yuav ntseeg nws hais ne yom ntshe nws kom tus hlub mus nrog cov phooj ywg saib football lawm xwb es nws thiaj li tau tes tuaj type ntawv xwb pob....hahaha...j/k. YwjSuab puas yuav phim Nkauj_DaLa ma los vim Nkauj_DaLa puam xeeb yog ib tug Nkauj_DaLa diam hos YwjSuab ces yog ib tug me nyuam neeg uas txhoj puab xwb ne. Nkauj_DaLa twb ntshai YwjSuab yuav luag cuag YwjSuab ntshai YwjSuab niam es Nkauj_DaLa thiaj li tuaj hauv Hmongheaven no tsis cuag ncua, yog YwjSuab tseem hlub kiag Nkauj_DaLa lawm thiab mas ntshe Nkauj_DaLa yuav khiav tsis nco saib qab li pob....hahaha

Subject: Re: Tus Ntuj Pub Nrog Tus Qub Hlub Mon Oct 27, 2014 9:41 am

Nyob rau hnub ntawv YwjSuab thiab 8tos8nco nkawv ob tug kwv npawg kuj tau ntog lawv sawv daws mus ua zog, txhua tus neeg kuj muaj kev lom zem xauv npo, tsuas yog tshuav YwjSuab thiab ib tus ntxhais nkawv ob leeg xwb zoqcvwe-V1rzIo li thiaj tsis muaj txoj kev lom zem nrog rau sawv daws es nyias nyob nyias tsis hais lus li xwb. Tus ntxhais ntawv ntoo ib lub kaus mom loj loj npog tag nws lub ntsej muag ces tsis pom nws lub ntsej muag hlo li xyov nws lub ntsej muag ho zoo li cas. Lawv sawv daws ua teb ib hnub nkaus txog ntua rau thaum uas lub ntuj yuav tsaus lawm tiag ces lawv sawv daws twb yuav tau rov qab los tsev lawm. Tus ntxhais ntawv mam li hle nws lub kaus mom tawm thiab nws thiaj li tau muaj dej coj los ntxuav nws lub ntsej muag. Thaum ntawv YwjSuab mas li tau pom tus ntxhai ntawv lub ntsej muag tseeb ua li cas tus ntxhais ntawv yuav zoo nkauj ua luaj li nws lub ntsej muag yuav zoo tau soob xais, caj ntswm siab zuag so ncia, luag ntxhi kaus hniav dawb paug, muaj kab lia tom txig nkawv cas yuav zoo nkauj tau ntxim YwjSuab siab heev. YwjSuab thiaj li tau ntsia tus ntxhai ntawv nruj nruj tsis ntsais muag, saib tsis dhua, pom tsis txaus ces YwjSuab thiaj li tau txav zog los ze rau ntawm tus ntxhais ntawv thiab hais rau tus ntxhais ntawv hais tias: Tus muam koj tuaj ua teb ib hnub no lawm ntshe tshav ntuj yuav kub kub koj heev li lawm pob thiab ntshe yuav sab sab koj heev kawg li lawm os tus muam! Tus muam.....thov txim uas kuv noog koj lub npe ho hu li cas thiab koj lub xeem ho yog xeem hmoob dab tsi nab yom? Tus ntxhais ntawv thiaj li tau teb rov rau YwjSuab hais tias: Kuv los kuj sab kawg li thiab tiag es koj ne puas sab thiab nab los tus nus? Ntawm kuv lub npe ces hu uas NkaujNagTshia no, ho ntawm lub xeem ces tsis tas qhia rau koj los nyaj koj yeej paub lawm os. Tus nus es koj lub npe ho hu li cas thiab? YwjSuab thiaj li teb rau NkaujNagTshia hais tias: tus muam hnub no kuv tsis sab kiag li hos vim hais tias hnub no kuv tau tuaj nrog nej sawv daws ua teb ua ke ne. Tab tsis tsuas yog kuv khuv xim me me xwb vim hais tias koj tus ua muam tsis hle koj lub kaus mom kom ntxov me ntsis xwb os. Ntawm kuv lub npe ces dab dab tuag xwb tiag tus muam es ntshe txaj muag qhia rau koj pob. Txawm li cas los xij peem mas yom tus muam vim hais tias kuv twb yog tus xub noog koj es koj twb tau qhia koj lub npe rau kuv lawm ces cia kuv mam li qhia kuv lub niag npe rau koj paub thiab los mas es koj tsis txhob ceeb thiab tsis txhob luag kuv laiv tus muam. Kuv lub npe hu ua YwjSuab no os, hos hais txog ntawm kuv luvb xeem ces nyaj yuav tsis yog koj lub xeem xwb os.

Continue.....

Subject: Re: Tus Ntuj Pub Nrog Tus Qub Hlub Tue Oct 28, 2014 10:02 am

NkaujNagTshia thiaj li tau teb YwjSuab hais tias: Tus nus YwjSuab.....koj lub npe twb zoo kawg lawm ne es ua li cas koj ho tseem hais tias koj lub npe tsis zoo thiab no na los!
   YwjSuab thiaj li teb rau NkaujNagTshia hais tias: Tus muam NkaujNagTshia es koj saib kuv lub npe ho zoo lawm thiab los! Kuv ntshai nyob tsam koj ho tsis nyiam xwb es kuv thiaj li tau hais li ntawv rau koj lawm xwb os.
   NkaujNagTshia teb hais tias: Ua li cas kuv thiaj li tsis nrog nyiam koj lub npe na los.....YwjSuab! Koj niam thiab koj txiv nkawd twb txawj tis es thiaj li tis tau ib lub npe zoo ua luaj li ko rau koj lawm thiab tseem tis tau ib lub npe phim koj heev kawg nkaus li thiab tiag….tus nus YwjSuab.
   YwjSuab teb hais tias: Tus muam NkaujNagTshia.....ntshe koj tus ua muam tsuas lam hais kom kuv muaj siab ua neeg xwb lau yom! Yog hais tias koj tus ua muam ho hais tiag thiab no ces ntshe kuv yuav zoo siab heev li lawm os. Tus muam NkaujNagTshia.....koj npe los kuj tis tau zoo kawg li lawm thiab os yom, vim koj niam thiab koj txiv nkawd yeej txawj txawj tis koj lub npe kawg nkaus li lawm thiab na, nkawd los kuj tis tau lub npe zoo phim rau ib tus tib neeg uas hais lus luag nyawv nyam ntxim ntxim nyiam li koj thiab tiag, twb ua rau kuv xav hu koj lub npe tsis tseg tas mus li lawm xwb os….Tus muam NkaujNagTshia.
   YwjSuab thiab NkaujNagTshia nkawd sib tham twb tsis tau muaj pes tsawg lo lus thiab twb tsis tau txaus li nkawd ob lub siab xav los nyias twb yuav tau rov mus nyias tsev lawm. YwjSuab thiab Nkauj nkawd thiaj li tau sib ncaim mus tsev lawm yam li nkawd ob lub siab dua rhe zoo yam li uas nkawd twb tau ua nkauj nraug los lawm ntev.
   Txij li hnub ntawv los ces NkaujNagTshia thiab YwjSuab nkawd txoj kev hlub txawm hlob loj zuj zus tuaj lawm xwb. Txawm ntuj yuav tshav, yuav los nag, lub ntuj tshiab tawm rau lub ntuj tsaug los YwjSuab nyob rawv rau ntawm NkaujNagTshia ib sab. YwjSuab thiab NkaujNagTshia nkawd lub sib hawm kuj tau dhau mus lawm sai heev, YwjSuab thiab NkaujNagTshia nkawd txoj kev hlub twb los muaj tau los lawm ntau lub hli los kuj tsis nco ntev li rau nkawd.

Continue......

» Peb Hmoob-Meskas Noj Peb Caug Lub 9 Hli Ntuj Mus Ti Nkaus Lub 12 Hlis Ntuj
» chaw sau paj huam hlub "Txoj kev hlub yog wb"
» Yug nrog kev nco
» Ntuj Qub Qab
» yog lub ntuj tig tau rov qab