Keeb Txheej Ntuj Tsim

Keeb Txheej Ntuj tsim

KeebTxheej Ntuj tsim muaj 3 txheej:


1.  yog txheej tswvntuj kav uas yog tshoj ntuj "neej daug". Tshoj ntuj no tsav sim muaj siav nyob txog txhiab xyoo, thiab lawv yog txhua tsavsim ua ntegqe nkaus xwb thiaj hu ua neej daug.  Tshoj ntuj no tseem tshuav Vaubkib thiab nabqa zaj uas yog tshoj ntuj tus tswv pib tsim txhua tsav sim muaj sia nrog nws nyob thaum nws los tsim kho lub ntiajteb uas yog tom qab nws tsim ntuj tsamsivoos/lasqag ntuj sisvoos "Galaxy systems".  Tshoj ntuj 1 no mas txhua tsav sim loj heev thiab nyaum, tsiv nruj thiab tsis muaj kev txawj ntse tiv thaiv tus kheej.

Tswvntuj khwv heev rau txoj kev tsim kho kom huabsibsim "huab cua" sib haum thiab tsim kho kom cov lasqag ntuj sivoos no ciaj sia khiav raws kab kom txhob sib tsoo nrog rau cais kom cua kub cua txias no haum noob neej noob sim uas yog yuaj, txuab yam muaj txoj sia kom txhob tuag los ntawm huabcua huabsibsim.

Tswvntuj laj tusplaub heev thiaj txiav tximsiab hlawv ntiajteb kom tsavsim tuag mus kom tag, tab sis tshuav tsavsim nruab dej thiaj ciaj sia ua neej xwb. Vaub kib thiab Nabqa Zaj yog tsavsim nquab/dej ces lawv muaj kev dim txoj sia nyob txuas lod txog yeejceeb no.

2.  Yog txheej tshoj ntswvntuj tsim. Tshoj ntuj no tus tswv tua ua tib zoo tsim txhua tsav sim kom sib txawv ntau dua yshoj neej daug lawm. Tswvntuj tsim muaj tsavsim neej daug thiab xya los nyob ua ke, thiab tshoj ntuj no tswv ntuj tsim muaj neeg los yog tus muaj hwjchim txawjntse dua tsiaj. Thaum ntxov tib neeg loj siab heev uas yog hu ua mos hlub, thiab lawv noj txhua yam nyoos xwb

Hom neeg no muaj hwjchim thiab muaj tswvyim kav tag nro txhua tsav tsiaj nyob nruab qhuab, lawv txawj yees siv mus zoo li tej xyoob ntoo uas pom los yeej tsis paub.

Ntau tiam dhau mus Tswvntuj thiaj mam tsim zeej sim kom muaj kev zoo nkauj zoo nraug thiab tsim tej tsiaj zoo zoo nkauj nrog rau me kab txhua yam zoo nkauj xyaw rau yuajsim uas tawg paj ua kom lub ntiajteb zoo nkauj.

Tom qab tsim cov tsavsim zoo nkauj no yog cov nqaij tawv mos uas yuav tsum tau nyob ze Tswvntuj kev saib xyuas thiaj ciaj vim muaj cov tsavsim loj thiab tsiv nrhiav txov+noj cov mos no.  Tswvntuj yeej tsim txhua yuajsim,txuabsim thiab zeej kom sib noj thiab siv koov luajsim nrog rau tej dej av hua cua cawm siav yug lub ntiajteb.  Tswvntuj tsim kom txhua yam no muaj txiajntsig rau lub ntiajteb uas yog tojtaug zoo ua sab cawmsiav yug lub ntiajteb kom nyob mus li.

Ntau txheej tiam dhau mus noob neej tsavsim muaj kev vaub tsuab qias neeg ua rau lub ntiajteb tsuajliam tag ces Tswvntuj thiaj mam rov siv dej los nyab ntiajteb vim Tswvntuj tsis xav pub kom txhua tsavsim tu noob.

Txog rau ntu no Tswvntuj tso dej nyab ntiajteb tiamsis tswv ntuj cawm kom txhob tunoob thiaj mus txua rau tshoj ntuj 3

3.  Yog tshoj ntuj ntagyees Vajtswvntuj cawm uas tseg cov hauv roob siab tshaj plaws seem tsis pub dej nyab thiab qhia kom noob neej txawj txua nkoj li tej dabneeg piav dhau mus lawm tib neeg mam li rov pib huajvam raws cov chaw Tswvntuj cawm tseg ces ntev xyoo+ntau tiam neeg thiaj sib txawv thiab hais lus tsis sib thooj lawm.  Ntawm Hmoob yog cov noob neej cawm tseg nyob sab puab tuamtshoj ntawm tebchaws Turkey thiab Tibet.  Hmoob thaum ub hu ua haiv neeg xeeb xwb. Haiv neeg no mas nyob thoob sab hnub tuaj ti nkaus rau sab ze Tibet.  Hmoob kev cai ua vaj pib rau sab tebchaws ntawv tuaj lawm.

Lub tsam thawj no neeg pib sib txeeb hwjchim ces Hmoob tus Vaj thiaj muab nws cov me nyuam cais ua 12 xeem vaj uas yog nkauj muam nraug nus sib yuav nyob hauv vajloog haiv "palace". Cov no hu ua keeb neeg cag haiv neeg xeeb mam li mus ntxiv rau cov pej xeem haiv neeg xeeb sab nrauv.  Tom qab dhau Vaj 12 xeem keebneeg lawm, Haiv neeg xeeb no kuj tau txia mus ua ntau xeem thiab ntau hom neeg.

Dhau ntawv tsev neeg vaj no thiaj hla ntawm hiav txwv liab mus rau tuamtshoj uas yog nws tej qub tebchaws, lawv khiav vim sab tebchaws ntawv tsis muaj av txaus thiab ciaj tiaj suab puam tag tom qab dej qhuav mus lawm ntau pua xyoo. lawv hla dej yog siv xyoob  quav peb ceg tus neeg khaum qhov tso nruab nrab uas yog Vajtai ua tus coj.  Thaum lawv mus dhau tag thiaj mus muab tsiaj tua ua Tswvntuj tsaug thiab txhawb Vaj txiv yawg Tai rov ua Vaj.  Lub koobtsheej txhawb Vaj txiv yawg Tai thiaj dhau mus ua Hmoob kev dabqhuas.

Haiv neeg xeeb los nyob Tuamtshoj ces mam rov pib muaj teebmeem sib txheeb hwjchim thiab liaj ia tebchaws thiaj sib tua tau 9 tiam neeg ua rau noob neej haiv neeg xeeb tshuav tsawg lawm. Muaj 3 tug thawj coj peeb zeej thiaj coj cov neeg xeeb no khiav nce mus rau sab Mongolia. thaum lawv mus txog rau Mongolia 3 tug thawj ntawv rov sib ntsib sib sau zog dua lawv thiaj mam tshwm lub npe tshiab tias "Peb Hmoov=3 Hmoob" tiam sis tsov rog tseem tsis tau tus thiab neeg yuav tunoob tiag. Tuamchiblooj Yajlimxwm thiaj tau nrog tag nro cov thawj coj txhua pab neeg sib tua ntawv sib tham sib cog lus tias kom nres rog vim neeg tuag yuav tag thiab tsiaj qus tsov Hma coob dhau lawm yuav muab neeg noj tag.

Lawv txhua haiv neeg no thiaj los kujtim pom zoo tias cia txhos ib tug ncej ntoo uas muab ntaj cuab rau hauv paus ncej thiab muab pleev roj kom nplua. Thaum pab neeg twg tus thawj nce nto ces cia pab ntawv ua tus tswj. Thaum tham tiav Tuamchiblooj Yajlimxwm thiaj mus kom pojniam tuav ncua nplaum nws tej khiab tsos thiab ncej qab taub qab txhua txhia chaw.

Txog hnub tuaj nce ces nws cia cov heev neeg nce ua ntej ces cov thawj ntawv tus twg nce tsis nto ces yeej poob raug chob tuag los sis rau mob lawm coob TCLYLX mam li nce no cas cov ncuav nplej xem rau roj ces nws thiaj nce nto mus muab kaj ntaub maj khuam kiag rau saum ntsis ncej tias yeej lawm.  "neeg ntiajteb kev tsa chij yeej rog yog xyaum pib txij ntawv los lawm".

Tomqab nce nto ces txhua tsav neeg thiaj hwm yawg thiab ua lub koobtsheej muaj yeej "Hmoob lub tsiab pebcaug uas tam sim no nej tseem pom Hmoob Tuamtshoj nej tsiab tsa hauv toj" thiab thiaj mam tsa Tuamchiblooj Yajlimxwm ua Vaj kav txhua pab neeg nyob Mongolia txog ntua rau ntau pua xyoo uas poj niam sawv ua Vaj "Muam Nkauj Liag" sawv ciaj vaj thiaj mam li nthuav kev vaj mus rau sab Europe lawm. 

Hmoob ua vaj nrog kev ncaj ncees thiaj hwjchim sib hloov nrog lwm nywj keeb haiv uas yog tebchaws 9lig ntuj Hmoob los txog ntua rau tiam tshoj Vaj txiv yawm thiab tebchaws 3 hmoob uas yog Hmoob nco ntsoov tias tug Hmoob nquas tug suav.

Hmoob ciaj mus ua ntau ceg xeem tom qab Suav tsis pub Hmoob nrog Suav ua Vaj lawm thiaj muab Hmoob faib ua ntau pab pawm, ntau hom Hmoob, ntau xeem Hmoob thiab txua+txia lus rau Hmoob kom txhob sib thoob lus lawm ces Hmoob thiaj tsis sib haum xeeb txij thaum Suav kav kheej los txog niaj hnub no.

Qhov Hmoob ua dab qhuas sib txawv los yog Suav rau tswv yim thiab tim thaum muab Hmoob faib ua ntau pab lawm ces qhia kev cai dabqhuas kom sib txawv tias yog koom ua ke ces txhaum dab-hem kom Hmoob ntshai thiab kam sib cais raws nyias cuab xeem+hom Hmoob.  Qhov tseeb peb Hmoob yeej siv tib txoj kev cai dabqhuas uas yog keebkwm ntawm tsav neeg Hmoob, "Xeeb" xwb.